المساعد الشخصي الرقمي

مشاهدة النسخة كاملة : يا غاية القلب ..


نووْور~
06-05-2017, 11:26 PM
يذبحني الشوق دام الشوق مجنونك
حتى وانا جنبك الاشواق تشعاني

يا غاية القلب كيف الحال وشلونك
من غبت عني وانا للحين مرضاني

تغيب وامرض لاشفت الناس يطرونك
دقات قلبي عليك تتل شرياني

والناس بعيوني الثنتين يقرونك
ما غمضن والمنام أصبح وخلاني

اتنفسك مع طيوف الليل من دونك
واستبعدك عن جميع الناس بحزاني

اصير محسن واصير احيان لعبونك
لاجبت طاري الغزل والشعر بلساني

هوارت القلب دام القلب دلعونك
ضيعه لها بالضلوع العوج بستاني

عنترتك الثايره بقلوبنا هونك
ارحم ترفق على اللي بالغلا عاني

ياليلتي قيسك المشتاق مسجونك
اهيم بكل والهوى للعشق وداني

تصبح على خير دام الخير بعيونك
والليل اصبح وليف لي وخاواني

•• عادل المغيران ••

3ąŧЋβ
07-05-2017, 07:37 PM
قصيدة رائعة :)

اتنفسك مع طيوف الليل من دونك
واستبعدك عن جميع الناس بحزاني

نووْور~
07-05-2017, 09:44 PM
انت الرائع والـ عذب ، دمت بخير

3bth
08-05-2017, 06:43 PM
ذوووق يا نور :;love;:

عنيزاوي
08-05-2017, 08:11 PM
من كثر ماسمعت لحنها اقرها ونا الحن ^_^




صح نقلك وذوقك لاخلي ولاعدم يانور ع الدرب

نووْور~
13-05-2017, 02:53 PM
ذوووق يا نور :;love;:

اهلاً يا عبث سعيده بطلتك ❤

نووْور~
13-05-2017, 02:55 PM
من كثر ماسمعت لحنها اقرها ونا الحن ^_^




صح نقلك وذوقك لاخلي ولاعدم يانور ع الدرب

لا لازم تسجل لنا ڤويس :ongue:

شكرا ياعنيزاوي سعيده بتواجدك والله ❤

نورالدين
01-10-2017, 05:56 PM
صح لسااانك وتسلم على الابداع