المساعد الشخصي الرقمي

مشاهدة النسخة كاملة : طفت الكهرباء ..!!


أبوشهد
19-02-2017, 02:48 AM
طفت الكهرباء

تكرم علي بعض الاصدقاء بالزيارة

وكان غير مرتب لها

هم اتفقوا وطبوا علي فجأة

وكان الوقت مساء

وكانت جيتهم لي بذاك اليوم شي

يسر الخاطر ومفاجأة حلوة

بعض البشر مايحب الزيارات من غير

تنسيق مسبق ومواعيد

لكن

انا فرحت وربي فرحت بجيتهم

واحمد ربي اني كنت موجود بالبيت

ولا عندي ارتباط وفاضي لهم

مالكم بالطويله

رحبت فيهم ودخلوا مجلسي

وسولفنا وضحكنا

واستأذنت منهم بروح اجيب القهوة

لان الاهل من داخل جهزوا لنا القهوة

والحلا والشاهي وبعض الفطائر

وحركات الحريم عاد 😜

المهم

دخلت داخل البيت ولما رجعت

للمجلس

وقفت مذهول

مو مصدق اللي صاير

المجلس مظلم طافي نوره

وش صاير وش الوضع وينهم

الف فكره وفكره دارت براسي وتعبت

تعبت افكر عورني راسي من جد

ضيوفي اصدقائي

وينهم

ليه كذا

معقوله

يجي منهم

طلعوا لحظة

دخولي اجيب

لهم القهوة والشاي

من زين شكلي عاد شايل

الصينيه وفيها قهوتي وتمرتي

لا وكنت بحطها لهم وبرجع باقي

صينيتين مليانه حلى وفطائر

الحين وش اسوي ياربي

ادخل المجلس

او

ارجع لام محمد

واقولها ضيوفي

نحاشوا

ياشينها والله

في ذي اللحظة

شفت نور ولع اددق

هذا نور جوال بالمجلس

من غير شعور اتجهت للنور

وولعته عشان اشوف جوال مين ذا

اللي نساه عندي بالمجلس

ولما اضأت النور وانا شايل قهوتي

بالصينيه من زين كلش عاد 🙈

الا الشباب كلهم بالمجلس

جالسين واثاري احدهم

جاته رساله وفتح جواله وكان

ذا نور جواله

اللي خلاني ما ارجع لام محمد

وخلاني افتح النور

شفتهم واندهشت وهم اندهشوا بعد

شسالفه

قلت لهم

كذا من غير

شعور ليه مطفين النور

تستهبلون حسبتكم طلعتوا

قالو لي

انت وانت رايح تجيب القهوة

طفيت النور بطريقك

ومن دهشتنا

صمتنا

حتى ماقدرنا نفكر ولا نتكلم

ما ندري هل هي طرده

او انك بتسوي مقلب فينا

اقل من دقيقة ورجعت واحنا

بحالة صمت ونسمع خطواتك

وفجأة

اضأت النور من جديد

جلست انا

واضحك واضحك واضحك

واطلب السموحة منهم

عادتي

اذا طلعت من المجلس

اطفي النور وراي

واثاري وانا طالع اجيب القهوة

طفيت النور عليهم

ياهي ليله ما تتنسى

ليلة طفيت النور على ضيوفي

ليتها الكهرباء طفت ولا طفيت انا النور

هههههههههههههههههههه

أبوشهد
19-02-2017, 02:54 AM
صرفت الموضوع عاد

وقلت هذي رؤية 2030

تقشف

حتى بالكهرباء

:chuckle:

3ąŧЋβ
19-02-2017, 09:20 PM
هههههههههههههههههههههههه

الله يرج ابليسك يابو شهد

في البداية توقعت الحركة منهم ويبون يسوون لك مفاجاه :)

اثاريك شكلك صرت متقاعد يابو شهد وهذه حركات المتقاعدين ^_^ ههههههههههههه دايم يطفوا اللمبات :SnipeR (86):

الله يسعدك انت وربعك دوم .. واهم شي انهم ما زعلوا منك

أبوشهد
19-02-2017, 10:50 PM
ههههههههههههههه

لسا ماتقاعدت بس تبي الجد

افكر بالتقاعد المبكر

وهذي بروفات

هههههههه

اما لو تشوف وجيههم

لما ولعت النور كاشته فيني

وطاقين العالي ومافيه غير حرق

وانا فطست ضحك

:icon33:

3bth
20-02-2017, 07:01 PM
هههههههههههههههههههههه
اي والله ع بالي مفاجئينك بيسوولك حفله :017:
اثاري هذي تاليتها؟ :blink:هههههههههههههههه
راجع نفسك بوشهد هالعلامات ما تبشر بخير :045:هههههههه
وربي ضحكت من قلبي ربي يسعدك بوشهد ويعطيك طولة العمر يارب

أبوشهد
21-02-2017, 09:16 PM
ذبحتنا رؤية 2030

:grindance: