المساعد الشخصي الرقمي

مشاهدة النسخة كاملة : مرتع الريم


نووْور~
01-01-2017, 05:06 PM
ياصاح جنَب لا تجي مرتع الريـم
حاذور من سهم ٍ مع الجو طايـش

سهم ٍ من أقواس الحدق فيه تسميم
جرحه عميق و يودع الفكر دايـش

يرميه خشف ٍ ما يهـاب المواثيـم
توه صغير السن بالزيـن شايـش

و إلا عنـودٍ تدهـل القلـب و تقيـم
ترعى الحشا بين الضلوع المشايش

نجل العيون اللي هدبها صواريـم
من لاعته ناشه من الموت نايـش

كم فارس ٍ قبلك تجزع من الضيـم
مطروح لا يقوى و لا هو بـ هايـش

تعرضن لـــه ضامــرات المحـازيـم
أهل القـدود المترفـات النشايـش

و تبششن لـه بالثمـان المناظيـم
و أثر البلا من عقب هاك البشايـش

كم ضحكة ٍ سرت قلوب الشغاميـم
و عقب الهنا و الضحك جرت بلايش

هذا الهوى مبداه قطر ٍ مـن الغيـم
و أتلاه أنقع من سمـوم الهوايـش

و العشق وأهل العشق سقم ومساقيم
و كم واحد ٍ ميت و لو كان عايـش

انشد عِلِيم وخـل عنـك التواهيـم
و احذر و لو حاشك من النفس حايش

للأمير : خالد بن سعود الكبير ..

نووْور~
01-01-2017, 05:07 PM
وهذا رابط للقصيده بصوت المنشد : صالح اليامي ..

https://youtu.be/VdknT1q6aE4

أبوشهد
01-01-2017, 08:38 PM
دمتي لهذا الاختيار والنقل الرائع

كلماته جزله وقافيته صعبه

ماشاءالله عليه

نووْور~
05-01-2017, 11:24 AM
فعلا الابيات جزله وقافيتها صعبه وجميله

اسعدني مرورك ، وتواجدك العطر ..

طـــــير السعد
05-01-2017, 02:40 PM
صح لسانه وسلمت يمناك

طـــــير السعد
05-01-2017, 02:40 PM
نجل العيون اللي هدبها صواريـم
من لاعته ناشه من الموت نايـش

كم فارس ٍ قبلك تجزع من الضيـم
مطروح لا يقوى و لا هو بـ هايـش

3bth
06-01-2017, 02:25 AM
قصيده رائعه
شكرا لجمال ذائقتك

نووْور~
07-01-2017, 09:32 PM
طير السعد ، الله يسعدك دوم
شرفتني بطلتك ، شكرا :heartpump:

نووْور~
07-01-2017, 09:34 PM
عبث انتي الاروع بتشريفك الميمون

سعيده بك ، دمتِ

نورالدين
01-10-2017, 05:35 PM
صح لسااانك وتسلم على الابداع