المساعد الشخصي الرقمي

مشاهدة النسخة كاملة : قيود الصمت


ضيدان
17-08-2016, 12:40 AM
يا صمت بكسر حاجزك وأتحداك
وأطلق سراح البوح .. للي يبونه
أنا أحسبك بتلين ما لنت مقساك
وأثرك حجر مالك صفات الليونه
جيتك وأنا المجروح وأدور دواك
وأثرك فقير من الدواى والمعونه
كنت أعتقد لا جيت ثم فزت برضاك
بتقضي عن القلب المولع .. ديونه
أشكي من الفرقى ولا كان فرقاك
يطري على اللي يحسب إنك تصونه
عذبتني .. واليوم بحاول أنساك
وأطلق سراح البوح .. للي يبونه

دهن عود
12-12-2016, 07:55 AM
صح اللسانك ياضيدان .. تسلم ويسلم بوحك
ناطره يديدك بكل شوق .

نووْور~
17-12-2016, 10:44 AM
اطلق سراح البوح للي يبونه ..

ابيات جزله ، راقت لي

سلمت