المساعد الشخصي الرقمي

مشاهدة النسخة كاملة : ضحكة الورع


ضامي
20-04-2016, 03:57 PM
ضحكة الورع




يا ضحكة الورع مدري وين شايفها
ان كان ماني متوهم ضحكت فلانه







قمازته وشفته تشبه شفايفها
وعيونه عيونها يضحك ونعسانه

والله يا ضحكته عجز اطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهيب غلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح في شانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه

3bth
21-04-2016, 02:41 PM
يتعبني احساس حمد السعيد:a_lover:
الله يسعدك ع النقل المتميز :SnipeR (48):

عنيزاوي
26-04-2016, 08:15 PM
الله الله ارحب يالضامي ذائقه رفيعه لاعدمناك