المساعد الشخصي الرقمي

مشاهدة النسخة كاملة : حتى العجايز يلبسن الفساتين


عنيزاوي
11-10-2015, 11:02 AM
حتى العجايز يلبسن الفساتين
الله وأكبر يازمان العجايب

وتشقر الحاجب وتظلل العين
ولاعاد يملى عينها اليوم شايب

وجوالها ايفون وجلكسي اثنين
ومسويه قروب وفلة حبايب

وتجاكر الموضه وشغل المزايين
وعلى الدلع والزين تدفع ضرايب

وتاخذ ضمان وحافز وحالها زين
وتفك زنقات العرب والقرايب

وتقول عمري ماتعدي ثلاثين
وودي وودي لاكن الحظ خايب

نست زمان الغربله والبعارين
وحوش الغنم وملوفحات الهبايب

واليوم تمرح في الفلل والبساتين
هذا زمنها يازمان الغرايب

عزي لعودً راح فيه البليتين
ماعاد يقبل دوس والسلك عايب

مقابل المسجد وباب الدكاكين
والمحكمه وقت النشب والطلايب

روح زمانه والزمن لاقلب شين
مرحوم ياعود السعد والحرايب

ماشافته عيني كتبته في بيتين
واظن علمي ياهل الجود صايب





^_^

ساند
11-10-2015, 11:04 AM
وزد من الشعر بيت بعد 😌

مسجله في منتدى الخبر واسمها ساند 🙈

عنيزاوي
11-10-2015, 11:10 AM
عجوووز اقريح ^_^

ساند
11-10-2015, 11:11 AM
:favorites14::favorites14:

صح لسانك يالشايب

عنيزاوي
11-10-2015, 11:12 AM
صح مرورك يالعجوز اوم القراعييط ^_^

أبوشهد
11-10-2015, 12:01 PM
عزتي للعود راح فيها

:grinning-smiley-021

غروب الشمس
11-10-2015, 03:23 PM
وش عليك منهن
خلهن يتشبشبن العجايز
صح لسانك

عنيزاوي
12-10-2015, 09:05 AM
عزتي للعود راح فيها

:grinning-smiley-021

^_^

يبي يتشبب وزاد شيبه

عنيزاوي
12-10-2015, 09:05 AM
وش عليك منهن
خلهن يتشبشبن العجايز
صح لسانك



راحت عليهن وش يبن بالتشبب عقب التقرعط

الخـود
12-10-2015, 12:51 PM
هههههههههههههههههههه قلتها لامي قالت هوو صادز حريممن فاقطات .. :grindance:

الترجمة ل غير العرب .. فاقطات يعني فيهن وششه :poster_kewlpics:

صح لسانك ئنيزاوي :icon30:

عنيزاوي
18-10-2015, 07:41 AM
^_^ هي صادزه اومس




صح مرورك لاخلي ولاعدم