المساعد الشخصي الرقمي

مشاهدة النسخة كاملة : يامطورين الذات بحثا عن الذات انا بعد طورت ذاتي بذاتي


عنيزاوي
31-08-2015, 08:15 AM
السلام عليكم ورحمة الله وبركاته

قصيده لواحد من الزملاء وقليل فيه التعبير عن الحكم والدرر والنصيحه والجزاله ولاهي غريبه ع ابو ثامر





يامطورين الذات بحثاً عن الذات
انا بعد طورت ذاتي بذاتي

لأنني غيرت روتين الاوقات
ولها السبب قدرت اغير حياتي

ماعاد افكر بالسنين القديمات
ولاشيل هم سنيني المقبلاتي

اللي مضا ماهوب راجع بعد فات
والجاي يمكن قبله الموت ياتي

يعني اعيش اليوم عن كل الاوقات
واللي يبي الراحه يسوي سواتي

العمر رحله والليالي محطات
والموت رمحه مثل رمح الزناتي

اثري منول عايش في متاهات
ومقزر عمري على ذكرياتي

لكن بلا تعقيد واحزان واهات
قررت الملم مابقا من شتاتي

وعملت في نفسي شوية اصلاحات
واصلاحي لنفسي على نحو اتي:

بنيت في صدري مساجد وروضات
وقمت اتهجد يوم غيري يباتي

وحفظت من فضل الولي عدة ايات
وجلت غبار الحزن والاغنياتي

وسويت فلتر للهواجيس بالذات
والحزن داخل سلة المهملاتي

ورتبت بالترتيب بعض الملفات
وحطيت بالرف القريب امنياني

وركزت في وقتي على الأولويات
والأول الأهم عندي صلاتي

واثنين بالاثنين بر ومرضات
بابوي وامي سلوتي مع غناتي

والثالث الاحسان مع المساوات
لعيالي الغالين ويا بناتي

والرابع امشي ماحسبت المسافات
لان السفر ألقابه اجمل صفاتي

وخمسه حرمت الذات بعض الملذات
والاتزان اصبح سمه من سماتي

والحمدلله عايش في سهالات
متريح بالي ولاعاد احاتي

يعني كذا ماني بحاجه لدورات
في عقلي الباطن أو ايحاء ذاتي

انا فقط محتاج رب السموات
يغفر لي ذنوبي بساعة وفاتي

الشاعر/ محمد الجذع

ساند
31-08-2015, 09:08 AM
اكثر من رائعه
اختيار من ذهب بارك الله فيك

عنيزاوي
31-08-2015, 09:28 AM
الاروع تواجد ياعازفه


انرتي ولاهني وماقصرتي

الخـود
01-09-2015, 05:57 PM
روووعه ابدع الشاعر ماشاء الله ♡

تسلم يمينك و يعطيك العافيه عنيزاوي ..*

عنيزاوي
02-09-2015, 09:51 PM
الاروع تواحدك يابوح ولله يسلمك ويعافيك لاهنتي لاخلى ولاعدم

حكآوي
04-09-2015, 07:09 PM
ابيات جميله صح لسان شاعرها وسلمت يمينكك..
ذووويق كـ عادتكك :AR15firing:

عنيزاوي
04-09-2015, 08:41 PM
الاجمل تواجدك وتعليقك يالحكاوي وصح بدنس بنيابه وسلمتي ولاهنتي