المساعد الشخصي الرقمي

مشاهدة النسخة كاملة : يامدعي بالضيق والضيق مكتظ


عنيزاوي
23-07-2015, 10:00 AM
يا مدّعي بالضيق .. والضيق مكتظ
مِد النظر .. بفجوج نجد العريضه

واذا أذّن المذّن .. وجاك الأمر وَض
استقبل القبله .. وصل الفريضه

وان كنت ما تؤمن .. بأن القدر حظ
ما شفت بين الناس .. ناسٍ حظيظه

أحدٍ ليا اقبل صوب رزقه .. عَنِه فض
وأحدٍ تجيه أرزاق .. من كل ريضه

وحنّا ورى الدنيا .. لو تعضّنا عض
ننسى وش اللي عقبها من وعيظه

نبني من الحسْنات .. ونقضّها قض
كلّه بما تجني .. ألسنتنا البغيظه

قلوبنا يا قوم .. محتاجةٍ خض
لو إن بعض الناس .. ما فيه عيضه

ودّك تغض الطرف عن بعضهم غض
وودّك تغيض .. أهل الكبود المريضه

يامدّعي بالضيق لاضقت .. قم وض
وصل السنن من غير وقت الفريضه

Dark angel
23-07-2015, 03:09 PM
معنى وحرف ..!
آنتقآء رآئع ي عنيزآوي
آسعدك آلرب ~

عقاري
24-07-2015, 09:17 PM
شعرجزل من شاعرآ جزل

دام حضورك

عنيزاوي
25-07-2015, 11:44 AM
لاهنتو ع الاطلاله والمرور الاروع تعليقكم وتواجدكم

حكآوي
26-07-2015, 12:38 PM
تسسسلم يدياتكك وذويقتكك ..
قصيدة قميله اوي ..

عنيزاوي
27-07-2015, 08:52 AM
الله يسلمك


من ذوقك واطلالتك الرائه

لاهنتي