المساعد الشخصي الرقمي

مشاهدة النسخة كاملة : .. البنـــدري ..


جرح الضمير
23-06-2015, 03:37 AM
.
.
.

قاعده بريحاتي أتأمل جدار الغرفه :ask:
وارجع بذاكرتي ل كم سنه ورا > متعوب ع التعبير :z69: ,
جى ف بالي المرحله الإبتدائيه .. يعني تذكرت طفولتي
وعلى طول جت ف بالي وحده درست معي إسمها البندري . الله يذكرها بالخير :throb::icon33:
البندري كانت بنت شقيه بشكل مزعج .. وكل المعلمات يشتكون من شطانتها
على سبيل المثال .. كانت تلزق علك على كرسي المعلمه قبل لاتجي
وتقعد وينشب ب تنورتها .. أو تاخذ قلم وتطلع الحبر الي فيه وتحط ورقه صغيره
وتنفخها على المعلمه مع انها اكثر طالبه انجلدت بالمسطره الخشب .
بس م كانت تعقل ابد :nosweat:
واذكر كانت تجلس وراي وانا من النوع الي ادوخ لما احد يلعب ف شعري
وهي استلمتني من نقطة ضعفي ذي .. وارجع البيت وامي بتفك لي الشباصات
واندبغ دبغه بنت ستين ف سبعين . لانها لعبت ف شعري بالمقص :10 (8):
وكان الكل من غيرر مبالغه يردد نفس الجمله اذا جالسها
" الله يعين أمها عليها " ..
أمها .. متوفيه :) .. بس هي ماتعرف امها اصلاً
لانها مأخوذه من ملجأ وهي ف الاشهر من عمرها
والي اخذتها .. انساانه بكل معاني الكلمه .. بالرغم من ظروفها القاسيه
الي هي ان زوجها .. المزواج مسكنها ف شقه . اقرب تعبير يوصفها انها خرابه
وغير انها ماتنجب اطفال .. وهذا الي دفعها انها تتبنى البندري
وعطتها كل مشاعر الحب والحنيه لدرجة كانت تنسا نفسها او تبديها على نفسها
طبعا زوجها مايدري عنهم .. وحتى ما االف او اتبلى على الرجال .. يمكن بس كان يعطيهم الفلوس اخر الشهر
او يمكن هي الي كانت تشتغل . عشان تصرف على البندري .
كانت على شقاوتها ماتصرخ عليها ابد .. تخاف عليها من نسمة الهوى
حتى لما مايكون فيه مجلس امهات تنتظر بنتها تحت ف ساحة المدرسه الخارجيه
وتروح وتجي مشي على طول عشانها ودايم تسأل المعلمات عنها وعن مستواها
ومع انها اميه بس تعلمت عشان تقدر تعلمها .
اذكر .. كنا نروح مشي للمدرسه امي وام البندري " الي تبنتها " والبندري ..
بيتنا ابعد عنهم ف ينتظرونا لان ام البندري تحب امي .. ف كانوا يتماشون للمدرسه مع بعض
ف كنا احيانا ندخل بيتهم اذكر دخلنا مره .. وكانت قاعده تمشط شعر البندري " وللمعلوميه
كانت تهتم بأدق أدق تفاصيلها اظافرها على طول مقصقصه وشعرها مرتب وما اذكر حتى شفت ف راسها قمل :nosweat:
وريحتها خنه " كانت موفره لها حتى الكماليات مع ان المكان مايهيئ . كان عندها اتاري .. و حتى ل كشختها كيس ع القد فيه
انواع الشباصات ودولاب ورتني وياه البندري فيه انواع الحلاو والشيبسات والشوكولاتات ..
يعني ماقصرت عنها ب شي ابد ..
خلصنا ابتدائي .. وما عدت شفت البندري ابد ..
وبعدها ب كم سنه .. سمعت ان ام البندري جاها الخبيث .. وانتشر ف كل جسمها
وتوفت .. والبندري رجعوها الدار !!

فكرت احط هالموضوع ل سببين .
اولاً .. يمكن شخص فيكم أقرب الى الله مني يدعوا للبندري والي تبنتها .
الي محد عرفها الا بأم البندري . حتى اسمها م نعرفه !
وثانياًً .. عشان نتأمل وأنا قبلكم ف الي سوته ..
بدأً من إنها اخذت اجر هاليتيمه .. وبدتها على نفسها
وخافت الله فيها وكانت لها الام والصدر الحنون .
لدررجة والله كانت احيانا لما تضطر تعصب عليها ف المدرسه
قدامنا عيونها تلمع يعني ينكسر خاطرها . مايهون عليها
وبالرغم من قسوة الحياه عليها ماعمري شفت لها اهل اصلاً
او سمعتها تتكلم عن ام واخت واخ .. وزوجها متزوج ثلاث
ولا يعدل .. وانتهاءاً ب ابتلاءها بالمرض الخبيث .
طبعاً العلم عند الله ..
بس انسانه نذرت حياتها ل طفله لم تحملها في احشائها
ما جزائها غير الجنه ؟!
دعواتكم لها : ) .
:heartpump:

حنين الشوق
24-06-2015, 12:50 AM
الله يرحمها ويكون في عون البندري

عودا حميدا جرح الضمير

صآحب ألسعآدهـ
24-06-2015, 03:46 AM
الله يرحم ام البندري و مثل ما ذكرتي هي عملت و ربت و تعبت لوجه الله و ابتلائها بالمرض الخبيث راح تؤجر عليه باذن واحد احد

ولا هالقصة اللي ذكرتيها لام البندري الا مثال للشخص اللي افنى حياته من اجل اخرته و لا نقول الا الله يسكنها الفردوس الاعلى

اشوف في كلامك حزن حتى على البندري و رجعتها للدار هو قدرها الين ما يكتب لها ربي مكان جديد تعيش فيه

وانتي يا جرح الضمير عليك واجب تجاه البندري انك تواصلينها و تواسينها في ضل ظروفها الصعبة خصوصا ان البيئة اللي تعيش فيها

ما تنعم بالراحه ولا ابسط مقومات او حقوق الانسان حسب ما وصلني والله اعلم. الله يجمعكم على طاعته و يكتب اجرنا واجرك

أبوشهد
24-06-2015, 09:10 AM
ام البندري

نرجي لها الخير

فقد عملت لآخرتها وجزاؤها

عند رب العالمين ربت وصبرت وأبتليت

الله ما أكبر أجرها

رحمها الله رحمةً واسعة

اما البندري فهي حكاية ألم لم تنتهي

بل بدأت بوفاة مربيتها وأمها بالتبني وعودتها للدار

كان الله في عونها وصبغ على قلبها الايمان والصبر والاحتساب