المساعد الشخصي الرقمي

مشاهدة النسخة كاملة : قلب بدوي


حكآوي
27-05-2015, 12:41 AM
ماعلي خلاف اقول اللي ابيه
من فضل ربي علي اني قوي

الا حبك شي ما اقدر عليه
كن حبك ضيف والقلب بدوي

انت بس اللي ابيه ولا اجيه
عنك حظي لاوي ذراعي لوي

صرت لي مشوار لاجيت ابتديه
ان لقيت الدرب ضيعت الخوي

رد يامنهو حياتي في يديه
لا تخليني وانا لك مهتوي

ان خسرتك وين ابلقا لك شبيه
وانت من كل شي نادر تحتوي .؟

وين رايح جعل هالزول افتديه
وانت خابرني من البعد انكوي

انت حتى الجرح منك اشتهيه
من غلاك اضمى عذابك وارتوي

انت لا سولفت ماكني هنيه
التزمت الصمت كني منطوي

ليه اسولف لك وهي من غير ليه
تعرف انك تطوي احزاني طوي

انت حبك شي ما اقدر عليه
كن حبك ضيف والقلب بدوي



ـ ثامر بن شبيب ـ

عنيزاوي
27-05-2015, 08:50 AM
كن حبك ضيف والقلب بدوي



الله الله



صح نقلك وطرحك لاعدمناك

3bth
27-05-2015, 10:32 PM
والله روعه
جميل اختيارك يالغلا

حكآوي
28-05-2015, 05:43 PM
اسعدني مرورككم المتواضع ..

م ننحرمشش..