المساعد الشخصي الرقمي

مشاهدة النسخة كاملة : عادات وثقافات بعض الدول .


جرح الضمير
26-05-2015, 11:41 AM
السلام : )) .

..

أبد .. مالغريب الا الشيطان .
بس من زمااان مانزلت موضوع ف هالقسم :smoking:.
مالكم بالطويله . الموضوع مبين من عنوانه .
واعذروني على ركاكة الشرح . بس م حبيت انسخ واللصق
عشان تثبت المعلومه ف بالي :keke:.
نبدأ .. رحلتنا ل دوله أحبها . ولو تمغطت من هنا لعندهم ماشميت ريحتها :a_laugh::throb:

.. تُركيا ..




.
.
.


طبعاً . بإعتبار ان الزواجات تعكس جانب كبير من ثقافات الشعوب
ف رح اتكلم عن هالنقطه ^
بدايتاً .. تركيا تتسم ب كبر مساحتها . فمن الطبيعي عادات اهل شمالها تختلف عن الجنوب وهكذا .
ف الي رح ينكتب مو السائد ..
هذا غير ان الطبيعه الجغرافيه تلعب دور ف اختلاف العادات لأنه جزء منها يقع في اسيا والاخر في اوروبا .
ماعلينا من هالكلام .. هذا بس عشان تعرفون اني حافظه :p ..

ندخل في الموضوع ..

وقت ما يطلبون يد البنت للشاب .. " نتكلم عن عادات المتفتحين منهم فيه منهم يشبهوننا ف اللتتزامنا نوعاً ما .. يعني ما اقصد اهل القرى منهم "
طبعاً يكونون اصلا عارفين بعضهم والبنت قد كلمت أهلها عنه . ويتكلم أبو الشاب ل أبو البنت . انه نبي بنتكم فلانه حق ولدنا فلان .. على سنة الله ورسوله .
ويوافقون على طول . واما اذا ماصاروا يعرفون بعضهم . ياخذون مده للتفكير . طبعاً هنا نلاحظ شبه بيننا وبينهم .

لكن م عندهم . شي اسمه مقدم ومؤخر . كل الي يجيبه الشاب للبنت خاتم وطقم ذهب يلبسه وياها ف يوم زواجهم . :throb:

نجي لمستلزمات العرس .. وبنتكلم عن السكن على وجه التحديد .

يكون فيه مشاركه ..الاثنين يساهمون بالتجهيز .. الرجل يشتري الشقه والبنت تجهزها .
يعني اثاث .. و كماليات واجهزه وغيره وغيره .
> مدري ليه حسيت البنت تنضغط أكثر عندهم


.

نجي لوقت الخطبه ..

اهل العريس يجون لبيت اهل البنت . عندهم بوكيه ورد وعلبة شوكلاته . وتدخل البنت لهم ب القهوه
قهوه عاديه . بإستنثاء قهوة العريس يحطون فيها ملح . ولازم يشربها من غير مايتغير وجهه ولا يتذمر ولا اي شي > مفتريين :p
يقرون الفاتحه وبعدها .
ويتفقون على مكان وموعد الخطبه . يايتم في بيت اهل احد الزوجين أو في صالة افراح . > تهقون عندهم طقاقات مثلنا ؟
نكمل ..
يجي احد من اقارب العريس وغالبا مايكون العم ويلقي كلمه . نصاً " الضيوف الكرام، لقد اجتمعنا في هذا اليوم الخاص لنبارك لهؤلاء الشباب يومهم البهيج، وها أنتم تشهدون أول يوم يخطونه سويًا، وأتمنى لهم حياة سعيدة طوال العمر، وألف مبروك "
ويلبسونهم خواتهم . الي تكون مربوطه ببعضها ب شريطه حمرا . ويقصونها ب مقص > اتوقع كلكم شهدتوا هاللحظه ف المسلسلات التركيه .
وبعدها ابو المعرس يلبس البنت الشبكه .

.

عندهم ليله قبل يوم الزواج . يسمونها ليلة الحنا .
تكون بس خاصه للنساء . تلبس العروس اللبس الخاص لهاليوم وله اسم بالتركي بس اعرفكم ماتفهمونه ف مارح اكتبه :p .
المهم .. وتغطي وجهها ب شيله لونها احمر . ويدورون حولها النساء الحاضرات . ويغنون الاغنيه المخصصه لليله الحنه > زي امينه في امانيها حقتنا
ولما يجي وقت الحنه . تجي ام العروس تفتح يد العروس وتحط قطعة ذهب . وتفتح يدها ويحنونها على شكل دائري . وخلصت السهره

.

ويوم الزواج .

تروح العروس والمعرس . وامهاتهم يشترون اللبس الي بيلبسونه يعني يكون هذا العبء الاثنين مشتركين فيه .
العريس يشتري الي العروس بتلبسه وهي كذلك . وحفل الزفاف يكون اما ف صالات افراح وهالشي شائع عند اهل المدن
او ف البيوت وهالشي عند اهل القرى .

.

ومن العادات يقولكم عندهم . يرمون ملبس او قطعة من النقود او المكسرات لجلب البركه .
خلكم من هالخرافات . شوفوا الثانيه . العروس تكتب اسامي صديقاتها . على جزمتها - والجميع بكرامه - .
والي اسمها ينمسح اخر اليوم تتزوج .. والله خوش .. لاعادت من زيجه هالي من ورى جزمه :/
لو اسبانيه . سوتها كان خاصموها صديقاتها وطلعوها من الشله :p :box2::keke: .
المهم المأذون يجي بعد اخر اليوم . معهم ويكتب كتابهم ف ليلة الزواج .

وبس .

شرايكم عشان نتبادل ثقاافات الشعوب الاخر يكون الموضوع مشترك
كل شخص يسدح عادات وثقافات ل اي دوله او شعب . :throb:

ReEem
26-05-2015, 01:31 PM
مشكورة جروحة ع الموضوع

زمان عن مواضيعك :s30:

يعطيك العافية

صآحب ألسعآدهـ
26-05-2015, 01:56 PM
اعجبتني بساطتهم و اريحيتهم واكثر شي مشاركة الطرفين في موضوع التجهيز ..

مدري شسالفة الملح في القهوة بس مو مشكله على قلبي مثل العسل دامها من حبيبة القلب و ام :49::49: ههههه

موضوع جميل جرح الضمير و اتمنى اتلحلح شوي واكتب لكم عن عادات او ثقافات احد الشعوب

شكراً

3bth
26-05-2015, 09:38 PM
موضوع خفيف ومهضوم
عوافي جرح

حكآوي
26-05-2015, 11:29 PM
عافاكك ربي ي بعدي ..
احس تجهيز البيت بروحوة يقطع القلب ـ ي زين مقدمنا ومؤخرنا ههههههههه
تسلمين ي الغاليه..

عنيزاوي
27-05-2015, 08:42 AM
دايم طولي لاتنزلين موضوع






ع شان نشوفً مثل هالابداع ^_^




مشكلتي خطي مو زين ولا كان اكتبلكم عن بعض الشعوب ^_^

تصميم مشب
27-05-2015, 12:38 PM
l,qqqqq,u pg,,,,,,,,,,,,,,l;avgmb
,aebtag

تصميم مشب
27-05-2015, 12:38 PM
موضوع قمة في الروعة

تصميم مشب
27-05-2015, 12:40 PM
ححححححححلللووووووووووووووو كتييييييييييييييييييييررررررررررررررررر

نبع الوفا
27-05-2015, 02:45 PM
مشكورة جرح على الموضوع :icon31:

3ąŧЋβ
28-05-2015, 03:08 PM
واخيرا صااار لك موضوع جديد بعد سنوات :a_laugh2::a_laugh2:

ع العموووم الف شكر ^_^