المساعد الشخصي الرقمي

مشاهدة النسخة كاملة : مواني السلام


ضيدان
11-03-2015, 10:18 PM
السلام اللي يجي قبل الكلام
ابتدي به للذي هم حاضرين
بعدها ما اقول شي ٍ به ملام
حتى لو طوّل غيابي بالسنين
والعتب في سلمنا ماهو بحرام
فعاتبيني .. بس لا لا تزعلين
والحقايق .. لو تكشّف للأنام
يمكن القاسي بعدها هو يلين
والليالي .. كم تمر ولا ننام
تسهر عيوني طيوف الاولين
وعيشة ٍ ما بين تفريق وصدام
انتهت بي في ابر للانسلين
البحر غامض وامواجه غرام
وقايد المركب مقـيّـد بالحنين
اتعبه بحثه .. مواني للسلام
ومركبه لا هو قوي ولا متين
الامل بالرغم من كثر السهام
عايش بجوفه وشريان الوتين

ساند
11-03-2015, 11:43 PM
مبدع كـ عادتك
صح لسانك و اعتلى شانك يا ضيدان
استمر ع هذا الابداع بارك الله فيك

ضيدان
12-03-2015, 01:07 AM
الرائع هو تواجدك مرورك

اتمنى انني وفقت في ملامست سماء ذائقتك

3bth
12-03-2015, 03:10 PM
رايق يا ضيدان
لا هنت

غروب الشمس
12-03-2015, 07:20 PM
صح لسانك
ابياتك عميقة تحمل بين طياتها رسالة
لله درك كم انت مبدع والله يكفيك شر الهم