المساعد الشخصي الرقمي

مشاهدة النسخة كاملة : ان تعليت نار وان توطيت مله


عنابي
01-12-2014, 01:29 AM
ان تعليت نار ..وان توطيت مله
بين هذي ..وهذي مالقيت البديل

حظي اللي رماني فـ العيون المظله
لاني اللي شفيت..ولاني اللي عليل

الخيال بعيونه..والفلك والأهله
والغلس..والليالي السود..والمستحيل

في عيونه غرام..وفي عيوني مذله
في عيونه هجير..وفي عيونه نخيل

في عيونه سيوف..اخيلها والف سله
ترتمي وتتوارى ..بعدها اسمع صهيل

فوق خدٍ..ينشفها الحياء.. اللي يبله
وان تبسم ..عرفت ان العذر مايعيل

دلني له..وانا بالحلم..ما كنت ادله
خافقي والخفوق..اول وآخر دليل

في عيونه حسامٍ..كل ما جا يسله
بين ربعي ..واذا شفته.. كأني دخيل

في عيونه تحدي..مالقى معاندٍ له
من يعاند يعاود..في عناده هزيل

الخيال بعيونه..والفلك والأهله
والغلس..والليالي السود..والمستحيل

مم راق لي
والشاعر نظر لظروف م اقدر اذكر اسمه

3ąŧЋβ
01-12-2014, 02:04 PM
الله عليك عنااابي

قصيدة ولا اجمل ... يعطيك العافيه ع لاختيار الراقي

3bth
01-12-2014, 03:50 PM
الله الله
ولا اروع من هيگ :icon31:
لاهنت عنابي

عنابي
11-12-2014, 02:53 PM
لا هنت ي عذب ع المشاركة