المساعد الشخصي الرقمي

مشاهدة النسخة كاملة : كتابي


ضيدان
17-09-2014, 02:34 AM
يسعد مساك ويسعد إحساسك الزين
اللي يجي .. بعد إنقطاع وغيابي
لولا المواقف ما عرفنا وش الشين
ولولا الغلا ما قلت هاين عذابي
ودي معك أمشي بكل الميادين
دامك معي ما شلت هم إغترابي
كم يحتمل صدري سهوم وسكاكين
وكم ليلة ٍ غبتي وعشت إرتيابي
وإن جيتِ إنزاحت ولو هي ملايين
متكوّم ٍ حزن ٍ .. يجيب التهابي
فإن شفتني في صورةٍ كالمجانين
فلا تشرهي حتى تشوفي كتابي
وأقري من الصفحه الأوّله لين
أخره .. ثم تعرف فقيدة صوابي
لا الحب هو ينباع وسط الدكاكين
ولا هو الوفا يشرح سوات العتابي
به ناس تفهمها وبه ناس يا زين
ما فرّقت بين السما .. والترابي

غروب الشمس
17-09-2014, 06:24 AM
صح لسااانك ضيداان
قصيده جميييييله

أسـFـ ي ـرر
27-09-2014, 11:47 AM
حروفك ياضيدان تكتبها من ذهب .. لها بريق مجنون .. يسحر القارئين

يعطيك الله الصحه والعافيه .. ولايحرمنا جديدك

الراسيه
29-09-2014, 03:47 AM
صح لسانك ضيدان القصيدة جازت لي ..

حنين الشوق
30-09-2014, 07:07 PM
صح لسانك ضيدان

عنابي
09-11-2014, 06:51 PM
صح لسانك
و نتشرف بك بالمنتدى ي شعرنا