المساعد الشخصي الرقمي

مشاهدة النسخة كاملة : ابني والسكر


اهات
04-09-2014, 01:31 AM
الحمدالله ع كل حال من 4 شهور تعب طفلي فجاه وديته المستشفي قالو عادي عنده لوز وعطوه مضاد واستمريت ع المضاد والولد حالته جالسه تسوء وبس يشرب مويه كثيرررررر وبس منسدح اذ وقف طاح ماعجبني تشخيص المستشفئ له وديته مستشفئ ثاني وقبل ماوديه جتني امي وقالت لي اطلبي له تحليل سكر استغربت من كلام امي ورحت ونفس الشي الدكتور فحصه قال عنده لوز بس المضاد الاول خفيف بعطيك واحد اقوئ وانا طالعه تذكرت كلمة امي اطلبي له تحليل سكر قلت لدكتور ابي اسوي له تحليل سكر قال طيب روحي الغرفه الثانيه وعطيهم الورقه ذي ورحت وسوت له الممرضه فحص لسكر فجاه تناظر فيني تقول ابنك فيه سكر قلت لا قالت استني بعيد وسوت الفحص مره ثانيه واخذت من يديها الجهاز شفت قدامي 670 انا هنا مني مستوعبه شي قلت لها خلاص بطلع قالت وين تتطلعين ابنك فيه سكر والسكر جدن مرتفع عنده وتنادي الدكتور ويجتمعون ع ابني والدكتور يسوي له فحص لحموضة الدم وكانت مره مرتفعه قال لي ابنك لازم يدخل العنايه سكره مرتفع مره وعنده حموضة بدم دخلونا العنايه وبدا الدكتور يعطي ابني انسولين بالوريد طلعنا من العنايه رحنا التنويم تنومت اسبوع حتئ ماستقرت حالته وانا علموني كيف اضربه الابره وكم اعطيه جرع ومن يومها وانا اعطيه انسولين ابني حالته حاليا مو مستقره رافض الاكل سكره دايم هابط اخر هبوط له كان عشرين مو متقبل الابر بس يبكي من يقوم حتئ ينام انا اقول يمكن ذي بداية المرض يكون سكره مو مستقر اللي عنده طفل فيه سكر ياليت يعلمني كيف تعامل مع المشكله واللي يعرف شخص جاه سكر وتعالج ياليت يفيدني ابني حاليا عمره سنه و8 شهور يوم جاه السكر كان سنه و4 شهور

yasser4101
04-09-2014, 01:43 AM
أسأل الله ان يلطف به ويسبغ عليه لباس الصحه وتاج العافيه

ما ذكرتي هل السكري عند الولد وراثي لأن عمره صغير ربي يحرسه ويحمية وجيه سكر فجئة ..

من المفترض تسوي له تحليل دقيقه لمعرفة افراز البنكرياس للانسولين

اسأل الله ان يشفيه ويعافيه ..

لو كنت اعلم بشيء لن ابخل به من ناحيه التعامل معه وخاصه صغار السن

لكن انصحك تبعدي عنه الاجهزه الاكترونيه بقدر الامكان للمحافظه على نظره

اهات
04-09-2014, 01:50 AM
لا مو وراثي انا وابوه مافينا ولا من جهة اهلي او اهل ابوه والدكاتره قالو لي السكر اللي فيه درجة اولئ يعني البنكرياس متعطله نهائي

اشراقة حب
04-09-2014, 03:56 AM
ياااحيااااتي عليه

عسى ربي يشفيه ويعافيه

الحمد الله على اي حال

شوفي طفلك يحتاج رعايه خاصه جداً سنه ونص جداً صغير
أنا اعرف طفله عمرها 5سنوات يعني اكبر من طفلك اول أمجادها ما تقبل الوضع تنام كثير تبكي ومو مشتهيه تأكل شي من كثر الخمول وكسرها بين مرتفع ومنخفض مره
ممنوع منها كل الحلويات تمشي يوميا ساعه الى نص ساعه طبعا سكرها دائماً مرتفع لانها تأكل حلويات

عسى الله يأجره وياجرك ي آهات

والله ضاق صدري ولدك مره نتفه :(

الراسيه
04-09-2014, 04:34 AM
الحمد لله على كل حال .. كما بدأتِ
اسأل الله ان ييسر امورك ويصبرك اعرف زميلة لي ابنها عمره ثلاث سنوات ومصاب بالسكر عانت كثير بالبدايه لكن بعدين امنت بالله ،، لان السكري في معظم وجوهه للصغار وللكبار حالة قدرية لا نملك دفعها عن أنفسنا أو عمن حولنا هو أحد الامراض التي قد تشكل للمصاب ولمن حوله ما يشبه الأزمة خاصه اذا طفل وتجعلهم في حالة استنفار دائم ماعليك اختي ادعي الله ان يشفيه وشربيه ماء زمزم كثير بنية الشفاء وخليك متابعه له ولسكره متابعه دورية واتبعي نظام غذائي صارم لاتيأسي وثقي بالله .. كان الله في عونك يالغاليه ..

غيمة غلا
04-09-2014, 11:57 AM
يارب يخليه لك ويشفيه مرة زعلت وانا اقرأ الخبر هذا اهااات حاولي تقرأين عليه يمكن عين

وانتبهي عليه من الحلويات وكذا :graaam (220):

ســــعود
04-09-2014, 03:40 PM
اسأل الله العلي القدير رب العرش العظيم أن يشفي إبنك إنه على ذلك لقدير
أختِ قد أطيل عليك الحديث هنا ولكن أتمنى أن تطلعين عليه .
أولاً . الحمد الله على ماقدره الله , فيجب علينا أن نؤمن بقضآء الله وقدره ....
فمرض السكري مرض عصري وأنتشر بشكل رهيب على والصغير والكبير .
فكآن في السابق القريب مرض مفّجع نظراً لقلة الإمكآنيآت الطبيّه وأجهزتهآ , وأمآ الآن أصبح مرّض معروّف , والحمد الله على كل حال
والآن كل جهه صحيه تجد فيها عيادة سكري , والكل يعرفه ويشخصه .
طيب أوربي : وصف هذا المرض .. بأنه كآ المرافق الغدار في غابه .
فهو مرافق وغدار قد يأذيك في اي لحظه تغفل عنه , فكلما أخذت حذرك منه ستقطع هذه المسيره بأمآن إن شاء الله .
والأمرآض المزمنه منها السكري يجب على المريض أو وليه أن يكون هو طبيب نفسه . ويعرف جميع حالات هذا المرض وأعراضه .
وما الطبيب الحقيقي إلا متابع للحاله وتتلقى توجيهانه .
وضروري بأن يكون له طبيب مختص ف السكري وملف ثابت فيه جميع فحوصاته ووصفاته وتكون مراجعته مستمّره ودوريه .
أختِ آآهآت : ابنك الله يحفظه ليس الوحيد من حالته , فقط يحتاجك الآن لأنه لايدرك ما ينفعه ويضرّه .
أختِ آآهآت : السكري . هي غدة البنكرياس تتوقف عن إفرازالانسلين ف الدم - الي اعرفه انه حتى يتوصل الطب لزراعة هذه الغده فقط –
فمن خلال مشاركة : كأنه تبين لي بأنك مندعه وتتلقين اي وصفه لإبنه الغالي , فلآ تخضعي للمحآولات والأطبآب الشعبيه لأبنك الصغير فأضرارها خطيره . فكّل مذآق فيه مرآره تخفض نسبة السكر ف الدم .. وهناك الكثير من يستغل حالات المرضى بإعطائهم ادويه شعبيه خطيره ومنهم من يسحق وصفات طبيه مع عدة مكونات تجعل المريض بأمن بنفعهآ ..
انآ وآلدتي فيها نسبة غير متزنه وانآ طبيبهآ وكمآن أحد الأمرآء لديه طفل مصاب بالسكري من بعد ولآدته بأشهر .
أختِ آآهآت : من الضروري أن يكون له برنامج غذائي صحي ولا ينبغي أن تتعاطفين معه على بعض المأكولآت والمشروبات الغير صحيه لحالته و أيظاً يكون له برنامج رياضي يتناسب معه . طبعاً بمجهود منك الله يوفقك ويساعدك ويجعله في موازين حسناته .
فيه الكثير ممن يستقدم ممرضه متخصصه لمثل هذه الحالات وخاصةً لحالات الأطفال , وليست بأقل أهمية من الخآدمه أو المربيّه .
أختِ آآهآت : هنآك مضخه إنسلين يستخدمونها للأطفآل حسب فهمي وتكون شبه مثبته في جسم الطفل رآح تساعدك كثيرا ولكن بعد أخبار طبيبه ..
الله يوفقكم ويحفظكم أخوك سعود .

ساند
04-09-2014, 08:36 PM
فديته ربي يخليه لك
اهات اهم شي وقبل اي شي حاولي انك ماتتوترين كثير
وٓ خوذي الامور بتأني صدقيني اذا خليتي تقبلك للأمر باعث للطاقه الايجابيه
راح يهون عندك كل شي ويتقلص الخوف وتزول السلبيات ، توكلي ع الله
ومافي شي صعب عليه سبحانه وتعالى لا تعتمدين على تجارب الغير اللي تتناقل ع الألسن
ثقي بالشافي و استمري على الاهتمام به واعطاءه الدواء بانتظام ..
دعواتنا له بالشفاء وان يفرح قلبك به وهو بصحه وعافيه
خلي قلبك قوي يا آهات ❤️🌹