المساعد الشخصي الرقمي

مشاهدة النسخة كاملة : لملمت روحي - بعد انقطاع


3ąŧЋβ
01-09-2014, 05:45 PM
لمّلمت يدي فوق صدري بضمّك
لانك سكنت الروح .. ضمّيت روحي

واخذت ادورني على اطراف كمّك
واستنشق غْيابك من انفاس بوحي

مع شهقة احساسي بنشوه أشمّك
يثمل شعوري من مواويل نوحي

وليا نثرتك شوق ودي ألمك
تعال واسكن ما بقى من صروحي

تعبت أنشد عنك خالك وعمك
لين نتحب صوتي بغصة شروحي

أقرى الجواب اللي فضح عين أمّك
تعرف سؤالاتي بدمعة وضوحي

شفني رشفتك حلم من طهر يمّك
وتورق على صدري نواوير دوحي

وافرك عيوني ترحل اسراب غمّك
واحضنك في جفني تسيل بجموحي

ياما سقيتك وصل روّيت دمك
واسكبك من موقي ترمم جروحي

واشرب سهاد الليل من بير همك
أروي ظما عينك ببسمة مزوحي

واغسل بزوغ الفجر من نور جمك
وانت اتثاوب يركض الصبح يوحي

همسة: "صباح الحب" تشرق بفمك
ترسم على وجنات عمري طموحي

طيّبت بك روح المشاعر بشمّك
لانك سكنت الروح شميت روحي

وسلامتكم

3bth
01-09-2014, 08:32 PM
همسة: "صباح الحب" تشرق بفمك
ترسم على وجنات عمري طموحي

طيّبت بك روح المشاعر بشمّك
لانك سكنت الروح شميت روحي

......

يسلمگ من گل شر يارب
طول عمرگ ذوق يا عذب

صآحب ألسعآدهـ
01-09-2014, 09:28 PM
صحت يمناك عذب

دائما حضورك، حروفك، وايضا تواجدك

يظهر فيه شيء من الكاريزما المصنوعه من طراز عذب

3ąŧЋβ
01-09-2014, 11:55 PM
همسة: "صباح الحب" تشرق بفمك
ترسم على وجنات عمري طموحي

طيّبت بك روح المشاعر بشمّك
لانك سكنت الروح شميت روحي

......

يسلمگ من گل شر يارب
طول عمرگ ذوق يا عذب

الذووق منك وفيك عبث :)

الف شكر ع المروووور الاروع

3ąŧЋβ
01-09-2014, 11:57 PM
صحت يمناك عذب

دائما حضورك، حروفك، وايضا تواجدك

يظهر فيه شيء من الكاريزما المصنوعه من طراز عذب

تسلم اخي الغااالي

وشرفتني بحضورك وردك الراااقي والله

لك اجمل تحية