المساعد الشخصي الرقمي

مشاهدة النسخة كاملة : أجرح خفوقي .:.:.:.:.


ســــعود
10-08-2014, 03:18 AM
كثرت فغيابك لكن .. هني وصحوح
ياللي مغرقني ولا فيك .. مينآآآ

الد بعيوني على السيف .. وآنوح
وموج الجفا يحرق ولا عاد رينا

صح انك اللي تارس ٍ قلبي جروح
وصح انك .. اللي في هوآه ابتلينا

لكني ( احبك ) محبه من الروح
حب العرب في مصر لتراب سينا

قلبي من همومه وطاريك .. مذبوح
وانا وعيني من فراقك بكينا

لا صار حبك جرهدي قيض وسيوح
مابه روآه .. فذمتي لا ضمينآآ

آصد بدموعي من الناس لا آبوح
بس الدموع تبوح .. لو ما حكينآآ

يا قلبك البارد .. ترى قلبي يفوح
ولو ان قلبك فاح .. ما ارخصت فينا

وش حدك ل هجرٍ على غير مصلوح
ما ذا بجزانا عقب ما احنا وفينآ

عج الغياب .. بوجه الامال مكثوح
والبعد يذبح شوقنآآ .. ما درينا

ترى الهوى اخذ وعطا يا منى الروح
يا زبني الله وش خذيت وخذينا

لا اخطيت ثم جيت اعتذر قول مسموح
حنا بشر لولا العذر .. ما خطينا

مهوب تزعل كل ما ضقت وتروح
وتهدم بلحظات الغضب ما بنينا

كانه دلع .. يا عزتي لي من الصوح
وكانه غلا .. فديتنا كلبينا

نذر علي ما عاد في خاطري بوح
الا عسى ربي عليك .. يهدينآ

باب العواذل لا تخليه مفتوح
ودرب المفارق لا تحده علينآآ

اجرح خفوقي لين ما تشبع جروح
وانا وقلبي في عذابك .. رضينا

3bth
10-08-2014, 11:31 AM
الله يصلح الحال يا سعود
اختيار ذوووووق وربي
لا هنت

ســــعود
10-08-2014, 01:09 PM
مّن ذوّقك .. تسلمين ي الغآليه .

غروب الشمس
10-08-2014, 01:17 PM
مميز ياسعود
باختياراتك

ساند
10-08-2014, 01:17 PM
الله يبعدنا عن الجروح و يملي حياتنا فرح و سرور
ذوقك في اختياراتك يا سعود ربي يحفظك و يسعدك 🌹

ســــعود
10-08-2014, 01:49 PM
مميز ياسعود
باختياراتك

التميّز بحضورك .. لآعدمنآك .

ســــعود
10-08-2014, 01:52 PM
الله يبعدنا عن الجروح و يملي حياتنا فرح و سرور
ذوقك في اختياراتك يا سعود ربي يحفظك و يسعدك 🌹

آمين

من ذوقك ’ تقبلي تقديري وجّل إحترآمي .

دخيل الحب
11-08-2014, 09:53 AM
لا اخطيت ثم جيت اعتذر قول مسموح
حنا بشر لولا العذر .. ما خطينا

مهوب تزعل كل ما ضقت وتروح
وتهدم بلحظات الغضب ما بنينا

صح لسانك يا سعود
قيصدة جزله
لاهنت

ســــعود
11-08-2014, 10:31 AM
صح بدنك دخيّل .. تسلم ي غالي ..