المساعد الشخصي الرقمي

مشاهدة النسخة كاملة : الهـــوى والنور


3ąŧЋβ
06-08-2014, 02:06 PM
الهـــوى والنور
==============

جميل الصـدفة اللي جابتك حيي الهوى والنور
عليك اجمل مسا مسيت عطني منه قنطاره


أحي فيك ذكرك قبل شوفك والنبا مغمـــــــور
وأحيي فيك عطرك واسمك اللي مالي داره


أنا من مات حي لاطعن حربه ولا منحـــــــور
صويب العين مايبرا غدا قلبي لك الشاره


بغيت امشي واحس انه غدا مني القدم مبتور
بغيت آقف واشوف عظام كل الجسم منهارة


أنا من خانته عبرة فرح والا ضحك مسرور
يضيق إبه النفس وده يقول من الحكي خياره


أشيل غناي لك عرضه وأبدل به على المجرور
وأمول من طواريقي على عشاق سماره


أبكتب من القصيد الوزن وغيره من شعرمنثور
أنا لك شاعر يكتب وشعره نقوة أفكاره


ألا ياغايب عني معي حاضر كما الدستور
خيالك ما يفارقني بفكري دق مسماره


إلا من ضقت أسولف بك على نفسي وانا مقهور
وأقول الوقت على ماريد وأختاره


عليك أقبل ومنك أقفي ولا بينت لك محضور
أخاف عيون بعض الخلق ترقبنا وسباره


وجدك الله ياحسن كما التحفة وأنا جمهـــور
أنا المبهور في حسنك وانا من خطفت أبصاره


ومنك العين تامرني وأنا لك طايع مـــــأمور
على وصلك غدا حظي هوين وقصرت أشباره


أشوف إن الحسن عقبك ولويذكر غدا مكبور
يقال إنه حسن وألا أنت كل الزين وإبهاره


ألا يابوعيون حق وبعض الوصف خرس حور
عليك الصوت ماهوصوت كما ترنيم قيثاره


بقا قصرك على فالك عساه بطلتك معمور
تمشي بردهته حافي وتحيا عقبك أزهـــــاره


بريح المسك والعنبر يخالطهم زراق بخور
إلى أقبلت جا قبلك والى أقفيته غدا إستاره


على هالبوح والتلميح راس المال صدق شعور
وصدقني تري فكري عقب طيفك ماحد زاره


أنا باسألك تعذرني عساي بطلبتي معذور
أشوف الوقت مايعطي ولا فالناس عذاره


أبرسل لك مع النسمه سلام الخافق المكسور
عسى يجبرعزاه إنك تجيه وتنطفي ناره


ذكرت اليوم والساعه ورحله عمر يامستور
ذكرت الله في خلقك خلق هالزين وأسراره


أعرف أني مناب أول ولا آخر واحد ماسور
وأجمل ماملكته منه طيف دام تذكاره


ألا ياليت لي قلب يطيع الراي وأهل الشور
ضحيه موقف عابر ورحله سفر طياره


مقاعدنا بآخرصف ومقعد سيدي مشغور
على يسراي كان هناك اشوف أطباع جباره

وكان الوقت عصرية تعدينا حدود السور
ويم القاهرة طرنا بجو(ن) حافل(ن)أخطاره

أشوفه كل هالفتنه ثقل عقل وسلوك إطهور
حصين محصن شامخ يبين كبرمقداره


وأشوفه ديمه تحمي نبات الأرض بالممطور
بغيث يوم أشاهدها جرفني فيه تياره


ذهلني مبرم العاتق وشلال الشعر موفور
وذاك المبسم الوردي بلون الزهرقطاره


وقدأطرق هايف رشيق وخاصر مضمور
قوام اعتدل طوله يثير إقلوب جباره


أغني وأغتني بذكره ولاأطمع كود بالميسور
وعودي كم شكي مني بعزفي تبكي أوتاره


أعرف النفس تواقه وأعرف اني منا مسحور
ولكن سحر زينه صار ياخلق الله إشعاره


أنا والليل والهاجس قطعنا بالخيال بحور
أبي منهو يوصلني ومن يعطيني أخبـــــــــــــاره

ساند
06-08-2014, 02:23 PM
ابيات في غاية الروع هو الجمال
يعطيك العافيه عذب ع هذا الاختيار الراقي دمت بحفظ الله

ReEem
06-08-2014, 07:56 PM
روعة عذب
ابيات جميلة وانتقاءاتك دوم جميلة
تسلم يدينك ع النقل

3bth
07-08-2014, 12:01 AM
الله الله الله
تفوق الوصف يا عذب
راقت لي بقوة

غروب الشمس
07-08-2014, 12:13 AM
صح لسان شاعرها
سلمت انامل ناقلها

عنيزاوي
07-08-2014, 11:51 AM
أبرسل لك مع النسمه سلام الخافق المكسور
عسى يجبرعزاه إنك تجيه وتنطفي ناره


ذكرت اليوم والساعه ورحله عمر يامستور
ذكرت الله في خلقك خلق هالزين وأسراره


أعرف أني مناب أول ولا آخر واحد ماسور
وأجمل ماملكته منه طيف دام تذكاره






ماهي ع راعي الذوق غريبه

3ąŧЋβ
13-08-2014, 03:29 PM
ساند
ريم
عبث
غرووب
عنيزاوي

الف شكر على مروركم الاكثر من رااائع

يعطيكم العااااااااااااافية :)

أسـFـ ي ـرر
16-08-2014, 11:35 AM
إلا من ضقت أسولف بك على نفسي وانا مقهور
وأقول الوقت على ماريد وأختاره


عليك أقبل ومنك أقفي ولا بينت لك محضور
أخاف عيون بعض الخلق ترقبنا وسباره



الله على أختيارك ياذوق والله .. حروف رنانه حتى يطلع منها صوت موسيقى من روعتها هههـ

يسلم ذوقك ياعذب .. ولاتحرمنا الجديد مثل هذي الحروف والنسق الجميل ,,

طبعي كذا
16-08-2014, 03:24 PM
جداً راقية وجمييلة ..
سلمت يديك يااا عذااب ،،

طيف الامل
16-08-2014, 08:29 PM
جميلة يالعذب صح نقلك وسلمت الايادي :fg68:

3ąŧЋβ
17-08-2014, 02:23 PM
طبعي كذا & طيف الامل

نورتو الموضوع بحضوركم الراااقي :)

يسلموووووووووووووو

ΛĿĤΛИ♡♡F
26-08-2014, 07:11 AM
ياااااااااه

ه الأبيات من يومها جميله

تسلم اناملك

:icon33:

3ąŧЋβ
05-09-2014, 12:47 AM
ياااااااااه

ه الأبيات من يومها جميله

تسلم اناملك

:icon33:

الله يسلمك يالهنووف

منوووورة :)

جمييلهـ ▲
11-09-2014, 11:22 PM
طرح جميل
يعطيك العافيه

3ąŧЋβ
12-09-2014, 12:03 AM
الله على أختيارك ياذوق والله .. حروف رنانه حتى يطلع منها صوت موسيقى من روعتها هههـ

يسلم ذوقك ياعذب .. ولاتحرمنا الجديد مثل هذي الحروف والنسق الجميل ,,

اسير الاجمل هو حضورك الرااااقي

وربي يسلمك ع المرور الرائع

يعطيك العافية

3ąŧЋβ
12-09-2014, 12:04 AM
طرح جميل
يعطيك العافيه


ربي يعافيك

والف شكر ع مرورك الجميل يا جميلة