المساعد الشخصي الرقمي

مشاهدة النسخة كاملة : عالج عيوني لو بعد طبك عميت


ساند
05-08-2014, 01:03 PM
مساءكم جميل كـ حضوركم الأجمل
قصيده راقت لي كلماتها للشاعر المبدع محمد بن فطيس
اتمنى ان تنال ع الإعجاب وٓ دمتم بخير 🌹

https://www.youtube.com/watch?v=PvU2icUw4Cg


(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت

صآحب ألسعآدهـ
05-08-2014, 02:27 PM
جزا الله مومن الريفي الف خير
... طبب عيون المري و كان لعيوني طبها

بدعي له الله ليل و ظهر وعصير
... الله ينور طريقك والمعالي تسلك دربها

صح لسان ابن فطيس ولا هنتي يا ساند

يستاهل الريفي

ساند
05-08-2014, 06:45 PM
لا هنت ع المرور و الرد الجميل يا صاحب السعاده
دمت بحفظ الله

غروب الشمس
05-08-2014, 07:11 PM
انتقاااااااء مميز


لاهنتي ساند

دهن عود
05-08-2014, 08:16 PM
روعه ياساند ... يسلم نقلج وذوقج

ساند
06-08-2014, 02:09 AM
غروب / دهن عود
مروركم زاد صفحتي جمالاً دمتم بحفظ الباري 🌸

عنيزاوي
06-08-2014, 11:47 AM
الله الله المحميط الهادي تتلذذ ببياته.



ومارروع من القصيده الا صاحبة الذوق. لاًهنتي سااند

أسـFـ ي ـرر
06-08-2014, 12:35 PM
همسآت جميله من الشاعر .. وأختيار موفق منك ياساند

لآهنتي ع الطرح .. بانتظار جديدك

دمتي بخير

3ąŧЋβ
06-08-2014, 01:47 PM
الله ع الاختيار الراقي

يسلمووووووووووو ساند :)

ساند
06-08-2014, 01:53 PM
عنيزاوي حضورك وٓ ردك زاد متصفحي روعه وٓ جمال دمت بحفظ الباري
أسير الأجمل حضورك لاهنت بارك الله فيك
العذب الأروع تواجدك هنا أسعدني مرورك وٓ دمت بحفظ الله

دخيل الحب
11-08-2014, 09:55 AM
اختبار رائع
لا هنتي
يعطيك العافيه