المساعد الشخصي الرقمي

مشاهدة النسخة كاملة : موعد أخير !


ReEem
01-08-2014, 10:36 AM
[ مدخل :

سولف أكثر ضقت من قلّ الكلام
كلّ مالمحت لك صوتك يغيب !

أسألك : بالله ياخي مو حرام
تجلس بجنبي هنا واحد غريب ؟!





فضا هالشارع وكانت خطاوي العابرين ظلال
تصوّرلي مسافات الغياب أرواح مخفيّة !

حرثت الأرض بـ أقدامي أروح وتنبت الأطلال
أعود وتذبل وجيهٍ .. خذت من هالأمل ضيّه !

شروق الشمس مايعني رجوع الحب والآمال :
يجوز إنه وداع الليل لأحلامي بـ مرثيّة !

وأظن حتى غروب الشمس مايعني ظلام الحال :
أنا اشعر فيه يكسيني حكاوي ناس منسيّة !

مشيت الشارع أتأمل مقاهي فارغة / تمثال :
بيوتٍ في ملامحها حزن واوراق مرميّة !

أدوزن عبرتي واضحك اشتت دمعتي والبال :
عجزت أخطف من أفكاره ولو لحظات عفويّة !

معي لك صورة ألوّح بها للي عبر رحّال :
معي أيام من خوفي معاي سنين مطفيّة !

معي لك عطر فـ كفوفي اشمّه لي معك سلسال :
معي لك صوت في سمعي يغنّي لي ( وداعيّة ) !

واذا فاض انتظاري جبت من ذكراك لي موّال :
انا .. أنهكني غْيابك تعيده كلّ .... صيفيّة !

تهادى في وصالك لي طفل خطّى على اليامال :
هدا وَاشرّع ابوابي .. هدا وتضمّك .. ايديّه !

ونكبر من جديد وكل مانكبر نعود أطفال :
نشكّل طين غُربتنا لقا وتْزيد .. حنّيّة !

تعال وطشّ في صدري عناك وزيدني غربال :
أنا حتى قساك أحس به لين وحسن نيّة !

تعال العاشق اللي مدّ خطواته مسا واغلال :
تعال وزاحم أكتاف الحنين وردّني .. حيّة !

أنا من غرّبت شمسك سكنت بوحشة الإهمال :
وحيدة مامعي إلا قصايد فيك .. محكيّة !

تعبت أساير همومٍ على كف الرجا تختال :
تعبت أرسم على صدر الطريق أحلام .. ورديّة !

تعال احتاج لي موعد أخير وسالفة : فنجال
أبشرب صوتك واحفظ ملامحْك .. الطفوليّة !




مخرج ]

غايبي : عدّى على فراقك فصول
آخر اللي اذكره فصْل الشّتا !

ضيقتي والصّبْح والورد الخجول :
كلّها تسأل " متى يرجع متى " ؟!

صآحب ألسعآدهـ
01-08-2014, 10:58 AM
اختيار رائع كلمات يلفها لهفة مفارق

دام اختيارك يلامس ذوق العموم ريم

3bth
01-08-2014, 12:33 PM
ذوق ..ذوق يا ريييم

غروب الشمس
01-08-2014, 12:42 PM
رووووعة يا ريم

مميزة بالانتقاء
راااقت لي

ReEem
02-08-2014, 10:24 AM
صاحب السعادة * عبث * غروب

الاوروع والذوق مرروركم فديتكم

نورتو الموضوع لا خلا ولا عدم

عنيزاوي
02-08-2014, 01:56 PM
تعبت أساير همومٍ على كف الرجا تختال :
تعبت أرسم على صدر الطريق أحلام .. ورديّة !

تعال احتاج لي موعد أخير وسالفة : فنجال
أبشرب صوتك واحفظ ملامحْك .. الطفوليّة !





الله الله سلم ذوقك الرفيع

طيف الامل
02-08-2014, 04:31 PM
يسلم ذووقك ريووم

عجبتني الابيات ورااقت لي :)

ReEem
03-08-2014, 09:09 PM
عنيزاوي وطيوف

نورتو موضوعي يسلمووو