المساعد الشخصي الرقمي

مشاهدة النسخة كاملة : ما أقوى


ضيدان
23-06-2014, 09:22 AM
حلمي ياللي تجيني وش هو المغزى


كل ما نامت عيوني .. تهيى لي


كثر ما أنا أشتكي لك تعبت الشكوى


وبالخفا يا كثر قلبي ما شكى لي


صار ليلي سهر والكوع بالمركى


ومن نظر في عيوني قام ينعى لي


من سبايب لطيف الروح والمبدى


وااا فراق الذي غير بي أحوالي


اتلمس لطيفه وجرحي ما يبرى


كيف تبغاني انسى وكيف ما ابالي


واا عظيم إشتياقي كل ما يبدى


شب فيني بناره وأحرق التالي


ومن سئلني انا اقوى قلت ما اقوى


مير حظي مقوّي عزم الأمالي

غروب الشمس
23-06-2014, 11:33 AM
صح لسانك ضيدان
من اروع ماقرأت لك
واصل يامبدع

الأميرة التائها
23-06-2014, 01:29 PM
أهلا بعودتك ضيدان حضور يستحق الإحتفاء
صح احساسك ونبضك رقه وشفافيه تشفع تواريك
بضل الغياب
لحرفك وقلبك من الياسمين جنائن

يمكـ دروبي
23-06-2014, 02:23 PM
صح لسانك
مبدع كعادتك رائع
دمت بخير

ضيدان
24-06-2014, 05:26 AM
غروب الشمس

هلا بك وغلا وسعيد لملامستي سماء ذائقتك

دمتي بخير وسعاده

ضيدان
24-06-2014, 05:28 AM
الاميره

هلا وغلا فيك

وغياب الحرف لا يعني غيابكم عن الفكر

سعيد بحروف نالت رضى ذائقتك

دمتي سعيده

ضيدان
24-06-2014, 05:29 AM
يمك

هلا وغلا فيك

وسعيد بتواجدك وتواجد حروفك بمتصفحي

دمتي بخير ودمتي بود

أسـFـ ي ـرر
24-06-2014, 12:08 PM
تسلم يمين من نثر الحروف لأجل نستمتع
بجمل جسدت معاني الشوق وونة الفرقى


لآهنت عـزيزي

دهن عود
24-06-2014, 01:06 PM
صح اللسانك ضيدان
يعطيك العافيه !