المساعد الشخصي الرقمي

مشاهدة النسخة كاملة : وانتم شرآيكم بالموضوع ..؟


ســــعود
06-06-2014, 01:08 AM
أحم .! السلآم عليكم ورحمة الله وبركآته
اليّله .. جآي بموضوع شوي غريب .!
وطبعاً فيه أعضاء بأيدوني وفيه من لآ يأيدني :^htrt^:..
وصراحةً الموضوع هذا مو بجديد .. ولكن فآرٍ مخي ولما اناقش فيه أحد أممممم مدري كأنه يسكت أو مايلقي له بآل ’ وانآ شايف الموضوع هذا كبير شوي وقوي :s167:..
وّوّأمنيتي .. بأن الي عنده وجهة نظر يقولها لنآ هنا ’’ وبطريقه أو بلهجه عاميه - عادي -
( أخلص :fail:) أوك .
بقولكم طرف قصه .. خلتني اكتب هـ الموضوع ..
أنآ وأمي
كنآ معزومين على تمآئم .. حضرنا وأستقبآل يشرف وونآسه وتكريم وقآل تفضلو على العشى قمنآ - طبعاً أمي مع الحريم :a_laugh: أأكيد -المهم العشآء في صحون كبيره على الأرض ولكن يآ كثرهآ - الله يكرمهم -
وفيه صحون جح وشمام وحاجات زي كذا وكمآ فيه طآولة حلى عليها عدّة اصناف متنوعه ولذيذه وتجنن :045: .
المهم خلصنا واتصلت أمي ومشينآ :SnipeR (68):
قالت سعّود وديني أأقرب مطعم ..! ما تعشيت والله ياسعود مو تكبر ولا ولا يا روح أمك :fg60: ولكن وقت ما قمنا للعشاء بعدكم حصلنا كل شيء بآرد لا طعم ولا نكهه ’ الطعآم مهروس وفيه لمسآت شرآهه للحم ولرز الحلى محيوس ووووو المهم تقول قعدت عشان أأمهم وسحبت يدي وطلعت لصآله .. - انتهت القصه - والحمد الله على السلآمه يا اعضآء -:Animation 3:

..

طيّب أنتم أشرآيكم ؟!
أولاً .. المرأة إنسآنه لهآ نفس طريّه لآ تتحمل مثل الرجل .. أكرمها مثل إكرامك لأبنهآ .
ثآنياً .. خلونآ من العادات والتقاليد ’’ لأن الاشيآء التي مافيها حرآم ولآ عيب .. الأن تغيرت للأحسن ..
ثآنياً .. نحن الأن والله الحمد والمنه بنعمه والكل مقتدر ..
رابعاً .. فيه !! ياخي فيه !! فيه حلول للموضوع وسهله وبدون تبذير للإطعمه . - احس اني عصيت :angry:.
.. أوك .. فيه شيء اسمه بوفييييييه ومفتوح ومتعدد الأصناف وكمآن اعتقد بيكون أقل تكلفه ماليه .. والمطعم ياخي يتولى بكل شيء سواء ف تقديم الأكل وترتيبه و تجديده وتنسيقه ووووو .
.. طيّب .. أنت يتسويه مثلاً بالطريقه التقليديه وصحون وع الأرض وكذا ’ مو مشكله ’ عادي بس ياخي أكرمهم كلهم .!؟ الله يعينك عآد :a_laugh: وسوي قسمه لصحون ذي ’ شيء لرجآل وشيء لنسآء حتى لو مو بنفس الوقت ’ مابقول ادبل عدد الصحون ذي .. وخّلي أمهآتنآ واخواتنا يحصلو وجبآت طريّه يمزّمزّون عليهم ههههههههههه:z19: ..

مدّري انا شايف الموضوع ذا مهم وكبيّر أو انآ موسوّس :a_walk: .. وانتم شرآيكم ..؟ شكراً .

..

جرح الضمير
06-06-2014, 01:49 AM
اخي سعود ..
بس ممكن توضح المشكله بالضبط ..
هل تقصد سوء التنظيم .. ؟
او هناك مقصد ثاني . ؟؟

ســــعود
06-06-2014, 02:05 AM
(ليّه الحريّم يأكلون بعد الرجآل ’ وبنفس الصحن حقونهم ؟ )

وودي بالمشآركه الكّل على الأقل تكتب ( أتفق ) أو (لآ أتفق )

جرح الضمير
06-06-2014, 02:15 AM
- اكيد لا اتفق .
لايكلف الله نفساً الا وسعها !
اذا ماكانت عندهم الاماكنيه الماديه الي تسمح لهم
يوفرون العشا للرجال والنساء . والا فماله داعي
يكتفو كما ذكرت عالاقل .. ب مرطبات للنسوان
والرجال عليهم ب ستييين عافيه .. !!
<< تنرفزت ><

عشقته
06-06-2014, 02:22 AM
( طبعا ماأتفق ) سواءحريم او رجال ...
اكيد محد يحب ياكل من فضلة احد والموضوع له حجمه حتى لو حصل معي اكيد بتضايق ويمكن اكثر بعد :bruce_h4h:...
من حقهااا امك ماتاكل لأنو بصراحه لو اهم مكانهاا مارضوا ياكلون من ورا احد ><
والله يدوم النعمه اللي قدرهم يجيبون ويدفعون حق لرجال هم يقدرون يدفعون ثمن عشان الحريم ...

وأنا أأيد الموضوع مع انه ماصارت معي ابد بس فعلاً حسيت انه الموضوع يستاهل يقرااه الكل عشان اللي يفكر يسوي عزيمه يحشم الناس..

تقبل مروري :)

اشراقة حب
06-06-2014, 05:46 AM
:umm2: اشلون كذه ..

اكيد الوحده تقرف وربي تخيلت الوضع وقرفت الله يعز النعمه الله يديمها بس


اصلا عيب هو اصلا الحريم عادتنا ماياكلون عن نفسي ماقد رحت مناسبه واكلت

بس قرف ياخي لو حطو صحون صغيره تكفي هل الرجال بس مو نفس صحن الرجال يودونه للحريم

طنط من حقها تقرف وتقولك للمطعم الله يعز النعمه
ياخي بديت اوسوس هو فعلا الرجال ياكلون اول بعدين الحريم .. بس ماتوقع لهذا السبب اتوقع لان الحريم تتاخر بالجيهه

سعووووووود قرفتني اتخيلت الشكل :/


بس اخر مناسبه رحتها عجبتني مررررررررررررررره الفكره

سوا علب فيها الاكل والحلا كل شخص ياخذ البكس حقه يبي ياكله بالقاعه او يوديه البيت براحته

شكرا على طرحك للموضوع وسلم على طنط

غزلان
06-06-2014, 07:05 AM
ههههههههههههه
اكيد انتم رايحين عزيمة بدووو ياحليلهم الرجال عندهم اولا خخخخ
انا لا اتفق ع هالحركه واحسه وساخه بصراحه
يسووون بوفيه وبس

سعوووود يسلموووو ع الموضوع

المزيونه
06-06-2014, 12:33 PM
وانا ايضا لا اتفق
ومعاكم حق
طبع الناس هالايام موشي ابد
لا على اكل ولا على اسلوب
الحممدالله رب العالمين

3bth
06-06-2014, 12:55 PM
المشكلة بهالوقت من يقدر يحط شي أكثر وفشخرة على غير معنى
يعني يطلعون بوجهه حلو جدام الرجال والحريم بلعنتهم !!! .. انا اول مرة اسمع بهالتقاليد بس والله شي يلوع الجبد .. الله يزيد النعمهه .. شلون آكل من مكان أحد ؟! حتى لو صاحي وما فيهه شي :b035w:
طيب افرض يكون مريض والا شي !!!! :^018^:
اقول الموضوع كلهه مالهه داعي .. حسسوني ان الحريم مالهم رب :angry:
انا ضد هالظاهرة ان كانت موجودة :vb (108):

3ąŧЋβ
06-06-2014, 02:01 PM
احيان تحصل لان الاكل ما يكفي فينحرج صاحب الضيافة

بس في اغلب لاحيان الرجال يجيهم عشاهم على طوول فيكون له نكهه

والحريم بعد يجيهم بنفس الوقت لكن ما يحبون ياكلون على طوول يشوفون الوقت بدري

فيظطرون ياكلون متاخرين .. وبوقتها يكون الاكل بارد وماله نكهه وكأأن احد سبقهم عليه واكل منه

وهذه تحصل اغلب الاوقات خاصة ايام الاعراس .. الحريم ياكلون عشاهم بوقت متاخر ويكون كما ذكرت

احسن شي وديت امك تاكل من برا .. الله يحفظها لك :)

الأميرة التائها
06-06-2014, 04:12 PM
اؤمن دئماً ان الجود من الموجود واحترم جداً العادات والتقاليد لكل الناس
انا ضد ان الأكل يكون فضله طبعاً ماراح اكل وبتصرف نفس تصرف الوالدة
مع احترامي لأهل المناسبه وعاداتهم

حنين الشوق
06-06-2014, 08:26 PM
صح فيه عادات وتقاليد يتعشون الحريم بعد الرجال

بس هذا كان زمان .. الان اختلف الوضع حتى احيانا تكون عزيمة الحريم

مستقلة عن الرجال

ســــعود
07-06-2014, 03:07 AM
- اكيد لا اتفق .
لايكلف الله نفساً الا وسعها !
اذا ماكانت عندهم الاماكنيه الماديه الي تسمح لهم
يوفرون العشا للرجال والنساء . والا فماله داعي
يكتفو كما ذكرت عالاقل .. ب مرطبات للنسوان
والرجال عليهم ب ستييين عافيه .. !!
<< تنرفزت ><


هههههههه أوك تسلمين على الحضوّر والإطرآء ..

ســــعود
07-06-2014, 03:20 AM
( طبعا ماأتفق ) سواءحريم او رجال ...
اكيد محد يحب ياكل من فضلة احد والموضوع له حجمه حتى لو حصل معي اكيد بتضايق ويمكن اكثر بعد :bruce_h4h:...
من حقهااا امك ماتاكل لأنو بصراحه لو اهم مكانهاا مارضوا ياكلون من ورا احد ><
والله يدوم النعمه اللي قدرهم يجيبون ويدفعون حق لرجال هم يقدرون يدفعون ثمن عشان الحريم ...

وأنا أأيد الموضوع مع انه ماصارت معي ابد بس فعلاً حسيت انه الموضوع يستاهل يقرااه الكل عشان اللي يفكر يسوي عزيمه يحشم الناس..

تقبل مروري :)

قآبل وشآكر مروورك
الله يحفظك فعلاً كلآمك جيد .. وهذه رسآله ..
يعني أنتو لو صار هـ الشيء مع أأقآربك حاولو توقفوأأ وقفه صادقه ووضع حلول ..

ســــعود
07-06-2014, 03:26 AM
:umm2: اشلون كذه ..

اكيد الوحده تقرف وربي تخيلت الوضع وقرفت الله يعز النعمه الله يديمها بس


اصلا عيب هو اصلا الحريم عادتنا ماياكلون عن نفسي ماقد رحت مناسبه واكلت

بس قرف ياخي لو حطو صحون صغيره تكفي هل الرجال بس مو نفس صحن الرجال يودونه للحريم

طنط من حقها تقرف وتقولك للمطعم الله يعز النعمه
ياخي بديت اوسوس هو فعلا الرجال ياكلون اول بعدين الحريم .. بس ماتوقع لهذا السبب اتوقع لان الحريم تتاخر بالجيهه

سعووووووود قرفتني اتخيلت الشكل :/


بس اخر مناسبه رحتها عجبتني مررررررررررررررره الفكره

سوا علب فيها الاكل والحلا كل شخص ياخذ البكس حقه يبي ياكله بالقاعه او يوديه البيت براحته

شكرا على طرحك للموضوع وسلم على طنط


ههههههه طنط ذي شنهي ؟!
أوك .. لآ لآ مو عشان يتأخرون الحريم ..! همآ كذا .. يعني عادي ..
بعدين سالفة العلب ذي ياهي سالفه هههههههه وآآآآآو وجبآآت سفريه بس فكره جميله ..
ميرسي على حضورك وإطرآئك الجميييييل

ســــعود
07-06-2014, 03:40 AM
ههههههههههههه
اكيد انتم رايحين عزيمة بدووو ياحليلهم الرجال عندهم اولا خخخخ
انا لا اتفق ع هالحركه واحسه وساخه بصراحه
يسووون بوفيه وبس

سعوووود يسلموووو ع الموضوع

برآفوآ ..
تعالي شفيهم البدو ..!؟ هههههه
انآ بدوّي وأأهلي بدوآ وحنا عمى عين العدو ههههههه وبلعكس لما يكون هنآك أصآله وتراث وهنالك أيضاً تزآمن ووعي وإدراك وحدآثه وأنآقه ورقي ( يكون شخص آخر ..
فتصرف لايقبله العقل .. عليك أن تتوقف ..
ميرسي على الحضور والإطرآء ..

.

ســــعود
07-06-2014, 03:42 AM
وانا ايضا لا اتفق
ومعاكم حق
طبع الناس هالايام موشي ابد
لا على اكل ولا على اسلوب
الحممدالله رب العالمين

الله يوفقك ويسعدك ع الحضوّر ..

ســــعود
07-06-2014, 04:00 AM
المشكلة بهالوقت من يقدر يحط شي أكثر وفشخرة على غير معنى
يعني يطلعون بوجهه حلو جدام الرجال والحريم بلعنتهم !!! .. انا اول مرة اسمع بهالتقاليد بس والله شي يلوع الجبد .. الله يزيد النعمهه .. شلون آكل من مكان أحد ؟! حتى لو صاحي وما فيهه شي :b035w:
طيب افرض يكون مريض والا شي !!!! :^018^:
اقول الموضوع كلهه مالهه داعي .. حسسوني ان الحريم مالهم رب :angry:
انا ضد هالظاهرة ان كانت موجودة :vb (108):

الله ..! موجوده ونص :motz:وقسم بالله الوالده تقول مو اول مره ياما وياما ..! وتقول لما اتكلم بالموضوع يقولواا يووووه عادي ولاتشوفين نفسك علينا .. هذا همآ الحريم الي يقولو - بس عاد تمون عليهم ..
لا لا عبث .. والمشكله شايفينا عادي مافيها شيء .! انآ هذا الي قاهرني !
وازيدك من الشعر بيت ( نأكل باليادي كمان فذيك المناسبه مايوجد ملاعق ولا سكاكين ) ذكرتيني بسالفة لاسامح الله لو فيه مرض أو شيء . معليش موضوع اجتماعي لازم نتكلم بكل صراحه .
عموماً حضورك مميّز الله يوفقك ي رب ..

الراسيه
07-06-2014, 03:16 PM
مااندثرت هذه العاده !!
هذا موروث وعادة مو طيبه عند بعض القبايل وفيها انقاص وهضم للمرأه والمشكله ان الحريم نفسهم هم اللي ينقصون قدرهن ولا بامكانهم يسون عزيمه خاصه عن الرجال ..
عموماً هذه ثقافة مجتمع وعقلية تتفاوت من عايله الى أخرى..
شكراً سعود ..

3bth
07-06-2014, 03:58 PM
الله ..! موجوده ونص :motz:وقسم بالله الوالده تقول مو اول مره ياما وياما ..! وتقول لما اتكلم بالموضوع يقولواا يووووه عادي ولاتشوفين نفسك علينا .. هذا همآ الحريم الي يقولو - بس عاد تمون عليهم ..
لا لا عبث .. والمشكله شايفينا عادي مافيها شيء .! انآ هذا الي قاهرني !
وازيدك من الشعر بيت ( نأكل باليادي كمان فذيك المناسبه مايوجد ملاعق ولا سكاكين ) ذكرتيني بسالفة لاسامح الله لو فيه مرض أو شيء . معليش موضوع اجتماعي لازم نتكلم بكل صراحه .
عموماً حضورك مميّز الله يوفقك ي رب ..


مصدقتكك انها موجودة.. بس مستغربتها فعلا :034:
انا اقول اذا بتعزمون أحد حددوا العزيمةة للرجال أو الحريم ؟!:girl4:
يعني مو معقولةة ينعزمون الحريم ومالهم الا فضلةة الرجال !!!!:z178:
أقولكك شي ؟! اكشت فيهم احسن اذا عزموكك مرة ثانيةة :SnipeR (88):
افكاركك تعجبني سعود
لا تحرمنا .. تحياتي لحضوركك الجميل :girl4:

سمو الاحساس
07-06-2014, 10:38 PM
سعود فديت خشمك انت تتكلم عن شي من الماضي القديم ولا اعتقد ان هذه العادات باقيه لحد الان
بعدين مع احترامي للاخت اللي تقول اكيد انتم رايحين لعزومة بدوو
احب اوضح لك شي اختي البدوو هم اهل الكرم ولا هم عاجزين عن تكريم النساء مثل كرامة الرجال واذا السالفه عن النظافه لا تعليق

ســــعود
08-06-2014, 12:05 PM
احيان تحصل لان الاكل ما يكفي فينحرج صاحب الضيافة

بس في اغلب لاحيان الرجال يجيهم عشاهم على طوول فيكون له نكهه

والحريم بعد يجيهم بنفس الوقت لكن ما يحبون ياكلون على طوول يشوفون الوقت بدري

فيظطرون ياكلون متاخرين .. وبوقتها يكون الاكل بارد وماله نكهه وكأأن احد سبقهم عليه واكل منه

وهذه تحصل اغلب الاوقات خاصة ايام الاعراس .. الحريم ياكلون عشاهم بوقت متاخر ويكون كما ذكرت

احسن شي وديت امك تاكل من برا .. الله يحفظها لك :)

آمين ... ويآك .
ياقلبي انت ..
المهم مآيأكلون بعد الرجآل من نفس الأكل ..
تسّلم يآغآلي ..

ســــعود
08-06-2014, 12:13 PM
اؤمن دئماً ان الجود من الموجود واحترم جداً العادات والتقاليد لكل الناس
انا ضد ان الأكل يكون فضله طبعاً ماراح اكل وبتصرف نفس تصرف الوالدة
مع احترامي لأهل المناسبه وعاداتهم

برآفوآآ .. الجود من الموجوّد ..
لكن انآ أركز على البوفيييه .. لأنِ متأكد من تكلفة ذيك العشاء الي حضرته بأنه أكثر بكثييييييير من تكلفة البوفيييييه . هذه من نآحية التكلفه .!

حضوّرك مميّز الله يوفقك .. ميرسي ..

ســــعود
08-06-2014, 12:19 PM
صح فيه عادات وتقاليد يتعشون الحريم بعد الرجال

بس هذا كان زمان .. الان اختلف الوضع حتى احيانا تكون عزيمة الحريم

مستقلة عن الرجال

والمستغرب بأنه إلى الآن موجوده ..
انآ أعرف بأنه’ زمان كآنو يأكلون الشعير وكآنو عايشين على الله ثم على منتوجات الأعنآم والأبل فقط خاصةً ف نجد ..
ولكن الآن " الحمد الله على نعمه التي انعم بها علينآ ..
على رأسي على حضورك .

ســــعود
08-06-2014, 12:33 PM
مااندثرت هذه العاده !!
هذا موروث وعادة مو طيبه عند بعض القبايل وفيها انقاص وهضم للمرأه والمشكله ان الحريم نفسهم هم اللي ينقصون قدرهن ولا بامكانهم يسون عزيمه خاصه عن الرجال ..
عموماً هذه ثقافة مجتمع وعقلية تتفاوت من عايله الى أخرى..
شكراً سعود ..

الله ... يا سلآم عليّك .:grindance:
كمآن انآ اشوف بأنه الحريم نفسهم همآ من يحدد استمراريه هذه العاده أم لآ ..
مثلاً : عندكم مناسبه .
يآيبه أو يا اخوي أو يازوجي .. بليز لو سمحت تعآل كيف بتكون وجبة النساء أحم أحم السيدآت .؟:SnipeR (37): أو بشكل عآم كيف بيكون الأكل .؟
إذا مابيكون بالشكل الجيّد . ’’ سوري انآ مابعزم الحريم .. وسوي لكم حل .

الراسيه : العفوآ ولك كل الشكر والتقدير أيضاً على حضورك .

ســــعود
08-06-2014, 12:44 PM
مصدقتكك انها موجودة.. بس مستغربتها فعلا :034:
انا اقول اذا بتعزمون أحد حددوا العزيمةة للرجال أو الحريم ؟!:girl4:
يعني مو معقولةة ينعزمون الحريم ومالهم الا فضلةة الرجال !!!!:z178:
أقولكك شي ؟! اكشت فيهم احسن اذا عزموكك مرة ثانيةة :SnipeR (88):
افكاركك تعجبني سعود
لا تحرمنا .. تحياتي لحضوركك الجميل :girl4:

مدري .! لكن عادي حتى لو العزيمه للكل ’’ اتذكر فيه صالات مقسومه للحريم وللرجال تقدرو تأكلو بوقت وآحد ..
هههههههههآى لا لا أعفيني الله يخليّك ..
ميرسي ’’ والله أتشرّف .. وشكراً على تكرار ’مشاركتك للموضوعِ وتوضيّحك ..

ســــعود
08-06-2014, 12:56 PM
سعود فديت خشمك انت تتكلم عن شي من الماضي القديم ولا اعتقد ان هذه العادات باقيه لحد الان
بعدين مع احترامي للاخت اللي تقول اكيد انتم رايحين لعزومة بدوو
احب اوضح لك شي اختي البدوو هم اهل الكرم ولا هم عاجزين عن تكريم النساء مثل كرامة الرجال واذا السالفه عن النظافه لا تعليق

تسلم تسلم والله ههه
أهآه أجل أنت بّدوي .! يآ بدوي ههههههههههه :clap3: لا لا أهي ما تطرقت لكرمهم أو شيء من هذا القبيل ’’
أهي تقول بأن هذه الطريقه عند بعض البدو .. وأهي فعلاً صادقه كنآ معزومين عند ناس من ربعنا بدوّ:045:
عموماً تسلم يا قلبي على الحضورك المميّز والإطرآء

نوف
08-06-2014, 02:32 PM
ي حلووووووك ي سسعود بصراحه تجنن وانت معصب ~~~> برااا

بصرااحه اناا ضد هذي فكره ان الحريم يااكلوووو فضلة الرجاال

مدامهاا مااشااء الله عزيمه كبيره المفروووض عشااء للحريم وعششااء للرجال

طيب نقوول ماايقدر

العيب رااح يكون ع المعزبه المفرووووض رتبت السفره وشاالت البوااقي

ع الاقل يكوون ارتب ششوي والواحد يقدر يااكل

او ع قوولتك بوفيه ( ميييز ) بس يمكن بعض النااس مااتقدر

في الاول والاخييير يرجع اللوم ع صااحبة العزيمه ( المفرووض رتبت السفره )

وبس :crucified:

أبوشهد
08-06-2014, 02:59 PM
الحركة هذي موجوده

ولازالت حتى الان

في الغالب

تكون

بالمدن الصغيرة

وانا ضدها وبقوة

ولا ارضى فيها الا اذا حاجه مرتبه

ك جعل العزيمة على شكل بوفيه بيكون ارتب

بعدين الافضل فصل عزيمة الرجال عن النساء

:icon33:

ســــعود
09-06-2014, 09:56 AM
ي حلووووووك ي سسعود بصراحه تجنن وانت معصب ~~~> برااا

بصرااحه اناا ضد هذي فكره ان الحريم يااكلوووو فضلة الرجاال

مدامهاا مااشااء الله عزيمه كبيره المفروووض عشااء للحريم وعششااء للرجال

طيب نقوول ماايقدر

العيب رااح يكون ع المعزبه المفرووووض رتبت السفره وشاالت البوااقي

ع الاقل يكوون ارتب ششوي والواحد يقدر يااكل

او ع قوولتك بوفيه ( ميييز ) بس يمكن بعض النااس مااتقدر

في الاول والاخييير يرجع اللوم ع صااحبة العزيمه ( المفرووض رتبت السفره )

وبس :crucified:


ههههههههآي يّعني ..! طيّب أوك ..
..
نوف أي ترتيب ؟! بيطلع الصبح ما خلصت :graaam (169): بعدين مستحيل مارآح يكون بالشكل المطلوّب لا لا لا لا ..
لكن على قولك يا عشاء مستقل يا بلآشي ’ أو بوفيه أأهم شي مو فضّلة الرجآل على قولتك ..
الله يوفقك ويخليك ,, مشاركتك رآئعه ’ ميرسي .

ســــعود
09-06-2014, 10:03 AM
الحركة هذي موجوده

ولازالت حتى الان

في الغالب

تكون

بالمدن الصغيرة

وانا ضدها وبقوة

ولا ارضى فيها الا اذا حاجه مرتبه

ك جعل العزيمة على شكل بوفيه بيكون ارتب

بعدين الافضل فصل عزيمة الرجال عن النساء

:icon33:

يآ الله .! أأبو شهد ’ فديتك يا شيّخ على هذه المشآركه ..
كلآمك ف الصميّم
.
ولكن يبقى القرآر لتخلّص من هذا التصرف لنسآء أهل هذه العآده ..
كل الشكر والتقدير لحضورك وإطرآئك ..

طبعي كذا
10-06-2014, 11:47 PM
انا اللي فهمته انا النساء دخلوا على سفرة الرجال :ask:

الرجل اللي عمل العزومة كيف يفكر .. لانه أما يعمل عزومة للرجال فقط أو يجهز أكل للنساء و أكل الرجال
..
لو اعرف شخص يسوي هذا الحركة كان اقطع علاقتي فيه مباشرة :angry:

دخيل الحب
11-06-2014, 11:23 PM
والله يا سعود عندنا
اكل حق الرجال خاص فيهم
واكل حق النساء خاص فيهم

ســــعود
13-06-2014, 01:15 AM
انا اللي فهمته انا النساء دخلوا على سفرة الرجال :ask:

الرجل اللي عمل العزومة كيف يفكر .. لانه أما يعمل عزومة للرجال فقط أو يجهز أكل للنساء و أكل الرجال
..
لو اعرف شخص يسوي هذا الحركة كان اقطع علاقتي فيه مباشرة :angry:
هههههههه أوك .! كل الشكر والتقدير لحضورك وإطرآئك ..

ســــعود
13-06-2014, 01:18 AM
والله يا سعود عندنا
اكل حق الرجال خاص فيهم
واكل حق النساء خاص فيهم

االله يخليّك حق وآلديّنك ي رب ..
برآفو ’ عزيّمة إكرآم .. الغالي فديتك والله ع حضورك ..

صمت انثى
13-06-2014, 02:16 AM
الموضوع عادات وتقاليد ...
حنا عندنا مثلكم الرجال بعد الحريم بس فيه صحون كبيره وفيه بوفيه
وكل شخص ياكل على راحته ...

وهذا المفروض يعملونه

ســــعود
13-06-2014, 02:36 AM
الموضوع عادات وتقاليد ...
حنا عندنا مثلكم الرجال بعد الحريم بس فيه صحون كبيره وفيه بوفيه
وكل شخص ياكل على راحته ...

وهذا المفروض يعملونه

يآسلآآم ’هذا الكلآآم
.. طيب
أنتو مثلاً لو تتكلمو مع الي يصلحون هذه الطريقه فـعزايمهم (بإيضآح وتفهم وتقولو ياناس الأكل ذا بينطش تراا -حرام- لأنه ما راح يأكل ,, أو تمتنعو عن الحضور لمثل هذه المناسبات ..
صمت كل الشكر والتقدير على حضورك وإطرآئك الله يوفقك ..