المساعد الشخصي الرقمي

مشاهدة النسخة كاملة : مادامها بالدور شلون تبكون


عنيزاوي
08-05-2014, 09:07 AM
^

لا ياهلي لا جاني الموت تكفون
لحدن يصيح وخاطره فيه حاجه

قولو مسامح كلها أيام وتجون
لابد عقب الموت يوم نتواجه

مادامها بالدور وشلون تبكون
كلن يجهز للسفر واحتياجه

الرحله الي حجزها صار مضمون
ماينفعك لو شفت عنق الزجاجه

واللي يروح وتاركن خلفه ديون
غصبن يسدد ماترك في مزاجه

واللي يجي والحمل طيب ومصيون
ربك كريمنٍ مايخيب ملاجه

الزرع لو طوّل على الحول مدفون
وعقب المطر هبّت عليه العجاجه

من خُلقت الدنيا وهي عج ومزون
يومن معك وأيام تقرن حجاجه

واليا اقلعت رحلة حياتك عن الكون
كلن على زاده يبيّن خراجه

ماغير ثوبن ماله جيوب وردون
إما بضيق القبر والا انفراجه

دامك عرفت الدرب من وين وشلون
ترى الصلاة اللي تعرفه علاجه

لايضيع عمرك مثل ماضاع فرعون
ولاتعيش في دنياك مثل الخواجه

لك يوم تمشي والبشر معك يمشون
وكلن على دربه ينور سراجه ..

3bth
08-05-2014, 10:48 AM
يالله ارحمنا برحمتكك الواسعهه
عسانا واياكك لحسن الخاتمهه يارب
صح لسانكك ولا هنت :icon33:

عنيزاوي
18-05-2014, 10:32 AM
اللهم امينً يارب.

لاًهنتي المرور

وصح مرورك وتعلقيك لاخلي ولاعدم

غروب الشمس
18-05-2014, 03:48 PM
لايضيع عمرك مثل ماضاع فرعون
ولاتعيش في دنياك مثل الخواجه

لك يوم تمشي والبشر معك يمشون
وكلن على دربه ينور سراجه ..


صح لسانك عنيزاوي

يمكـ دروبي
19-05-2014, 12:08 AM
يعطيك الف عافيه عنيزاوي
دمت بخير

عنيزاوي
25-05-2014, 10:16 AM
غرووب الشمس



ويمك دروبي



لاخلي ولاعدم ع الاطلاله ماننحرمش

عنابي
29-05-2014, 01:37 AM
ابدعت بالانتقاء ي عنيزاوي

الراسيه
29-05-2014, 01:53 AM
صح لسانك انا اشهد انها قصيدة بالصميم الله يرحمنا برحمته
شكرا عنيزاوي..

ســــعود
29-05-2014, 03:54 AM
الله ..! قصيده عآقله .
الله يوفقك ويخليّك ع الإختيآر الرآئع ..

..