المساعد الشخصي الرقمي

مشاهدة النسخة كاملة : حوار شطّار : لا للتعصب الرياضي!


ساند
21-02-2014, 11:16 AM
السلام عليكم ورحمة الله وبركاته
كيف حالكم يا احلى أعضاء ؟ وكيف حال قلوب الهلاليه وَ النصراويه ؟
هذا حوار صار بين صديقين سعوديين , واحد نصراوي وَ واحد هلالي ,
شوفوا ايش صار؟​


راضي : ورانا ماشفناك يا حمد ؟ ياقاسي القلب تلعب بقلوبنا لعْبْ وحنّا ما نصبر
عنك !؟​


حمد: اخجلتني بزين لطف اخلاقك وَ من هو مثلك بالسعوديه نسيم عليل على
قلوب امثالي , الصراحه يالغالي اني مانوم الليل افكّر بمصير الهلال !!​


راضي : لا تخلّي نتايج فريق تحرق قلبك وَ ترا الهلال مثل النصر
ما تدوم إلاّ للعزيز ملك الملوك وَ بس .



حمد: ما توقعت هزيمتين بموسم واحد وَ ضياع كأس ولي العهد حرق قلبي .​


راضي : انت تعرف اني نصراوي وَ كم تجرعت من الهزايم سنينن مضن وشفني
ازورك وَ لا قطعت فيك ويعلم ربي حالي وانا ازورك , تعليقاتك تشعل بالقلب نيران لكن
محبتي لك تطفيها قوام وَ شفني عايش مثل الصقر فوق القمة الشمّاؤؤ هههههههههههههه

حمد: صحيح . صحيح ان الزمن كبّاس واللي ما ينداس ينداس , من يصدّق ان
الزعيم ينهان وتوقّع على راسه الغربان ؟ هل تظنها نفس مظلوم وَلا عين حسود ؟

راضي : اظنها الثنتين , ترا الاعلام الهلالي منحاز وَ متعصّب وَ ما يرضى احد ينتقد
الهلال وهذا ضَرْ الهلال ما نفعه فمن لا يرضى بالنقد كيف يعرف عيوبه وَ كيف يعرف
الحق من الباطل؟

تصدّق ان فريق الهلال هو الفريق الوحيد اللي غالبية فرق المملكه تدعي عليه ويوم
المباراة يدعون عليه ينهزم , وَ أسأل المظلوم ينفجر دمعه عليك .
انا شفت بعيني وَ ما اقولك قالوا لي : كانت فيه مباراة نهائيه بين الهلال والشباب وحطيت
النقل على القناة السعوديه الثانيه وَ انصدمت يوم شفت كل المذيعين الخارجيين اللي ينقلون
المقابلات ( كلهم ) لابسين ازرق وابيض هلاليين لو كان بعضهم لابس ابيض كان
قلت هذا جزء من شعار الشباب ولكنهم كانوا لابسين ازرق وابيض وبس .
تصوّر شعور الاداره الشبابيه واللاعبين والمشجعين وادرارات ولاعبي الفرق الثانيه
ايش راح يقولون ؟

فريق الهلال مشتري القناة الثانيه قبل مباراة الكآس , وبعدين كيف قناة سعوديه رسميه
مش شركه تجاريه مفروض تكون محايده تساند فريق على الثاني وكلهم فرق محليه
وسعوديه !!؟ ​

حمد: التعصّب يخلق مشاكل نفسيه واحيان يقود للاجرام والقتل , اتذكّر - مرّه -
اني قريت بجريده رسميه ان اخو شال على اخوه سكّين المطبخ وطعنه حتى الموت وهذا
اخوه ولد امّه وابوه عشان اختلاف في تشجيع فريقين بالمملكه واحد فريقه فاز وانحرق
اخوه من كثر سخرية اخوه الفايز وطعنه ومات !!
احنا يالعرب عاطفيين وتتحول عاطفتنا بوقت الغضب الى كره وحقد
ونتصرّف بطيش وبغباء

راضي : المهم لو فزنا عليكم بكره خلينا نشوف بعض ونصير زي المقص يقص كل من
خل بين الاثنين . نسهر ونمزح مع بعض وما ننسى ان كل فرق العالم في يوم انهزمت وفي
يوم انتصرت وَ ان النصر والهزيمه وارده في عالمنا في كل مكان وفي كل زمان وفي كل شي وبكل
عمل , الوحيد اللي ما ينهزم ابد هو ( الله ) ويجي بعده إللي
ما يتنافس مع احد ابد كيف ينهزم ؟

:alhlal (263): http://www.alkhubr.net/images/smilies/graaam%20%28293%29.gif (http://www.alkhubr.net/images/smilies/graaam%20%28293%29.gif)

عاشت روحكم الرياضيه بدون تعصب :run1:

غزلان
21-02-2014, 12:15 PM
مفروض مايكون فية تعصب بس هذا تناافس حلو خلهم ينشغلون ازين من الارهااب والتعصب الديني الكوورة تهوون:SnipeR (93):

ساند
21-02-2014, 08:05 PM
كلام جميل وَ مختصر
غزول تجين تلعبين معاي كورة :ongue: