المساعد الشخصي الرقمي

مشاهدة النسخة كاملة : درب الهوى


ضيدان
15-02-2014, 11:02 PM
دامك بخير
فأعتبرني على خير
أصبح وامسي
بالمنى والرجاوي
والسالفة
بالمختصر بالتعابير
أنتي مناة الروح
وانا الهواوي
اللي لجل عينك
قطعنا المشاوير
واللي لجل نزعلك
ما كنت ناوي
وأنتي زرعتي بالحشا
من النواوير
حديقة ٍ تشبع مناة الخلاوي
اللي عن العالم
مجلّي المداوير
ما غير طيفك
في إنعزاله مخاوي
وإن كان لك قدره
فقل للمسايير
اللي بهالذكرى
تعيد الغناوي
بشويش لا تزرع
بجوفي مسامير
فلا عاد بي طاقه
ولا عاد قاوي
درب الهوى والحب
ما دربه يسير
وإن زاد فيك الجرح
وين المداوي
واليوم لا رابح
ولا به مخاسير
دام العطا مثل الأخذ
بالتساوي
أعطتيني حبك
وأنا سالم الزير
اللي يحرب الناس
لعيون راوي

غروب الشمس
15-02-2014, 11:07 PM
الله الله عليك. ياسلااام
مبدع كعادتك دوما
واصل ابدا عك ضيدان

ساند
15-02-2014, 11:09 PM
نوّر الله دربك بالخير يا ضيدان
جعلك سالم وَ قلمك عامر بالإبداع اللي كل يوم
يشرق علينا بالجديد وَ المميز ..

بارك الله فيك وَ دمت بحفظ الباري

ضيدان
15-02-2014, 11:14 PM
غروب

هلا بك وسعيد بتواجدك

والابداع استمده من تواجدي بينكم

دمتي بخير وسعاده

ضيدان
15-02-2014, 11:15 PM
ساند

هلا بك وغلا وجزاك الله كل خير

سعيد لملامستي ذائقتك
وسعيد لحضورك
دمتي ودام تواجدك

دهن عود
15-02-2014, 11:44 PM
روووووعه ..
الكلمات العذبه والاحاسيس المرهفه انت عنوانها .
وااااصل وبانتظار يديدك بكل شوق ..

ضيدان
16-02-2014, 01:25 AM
دهن العود

مرورك هو الرائع

اتمنى اني وفقت في رسم ما تراه جميل
دمتي بود