المساعد الشخصي الرقمي

مشاهدة النسخة كاملة : ممكن مساعدتكم .. غنج نجد ..


غنج نجد
21-04-2013, 02:05 AM
سلام .. يابعدي ..

يسعد لي مساتكم وصبحاتكم .. بكل الرضا ..

ماراح أطول عليكم ..

ولكن با أذن الله راح أكون بعد أسبوعين ..

ضيفه لا أحد المدارس الاهليه ..

في حفل تخرج ..

وراح أكون من المعدين ..

منحاسه هالفتره عندي كم شغله وظرف وسفر ومعفوسه ..

ودي با أفكار جميييله ..

أبي أهداء ..

لطالبات ثانويه خريجات .. وطبعا ملاحظه .. حفطكة كتاب الله ..

وبحكم أني سوف أكون أحد الرعاه والضيوف ..

ودي تعطوني فكره بسيطه وجمييله .. وتناسبني ..

ما أبي دروع وتسذا ..

ابي شي راقي ومميز .. محتاره جدا ..

وخصوصا أنو وراي الف شغله لها اليوم ..

أبي أفكاركم الخاصه ما أبي نت وكذا ..

شفت كثير ومعتاد ..

يعني اذا ممكن لاهنتو ..

ابيها ع السريع عشان يمديني احضر قبل الاسبوع الجاي ..

بكون مضغوطه جدا ..

ممنونتكم ..

والله حبايبي ..

ملاحظة لصبايا / أبي محل مميز .. ممكن يعطيني قطع مميزه وفريده .. عادي ..

ذهب أبيض أو احجار كريمه ..
أهم شي يكون عندي فريد من نوعه .. يعني قطعتي وبس ..

غير السويكت بليز ..مريت كم محل مدحوه لي .. بس الوقت مايسعف ..

والراشد فيه محل عاجبني .. ولكن للاسف الاسعار خياليه .. جدا .. خصوصا أني ماراح اخذ قطعه وحده ..

لاهنتوووو جميعا ..

ΛĿĤΛИ♡♡F
21-04-2013, 02:23 AM
اممممممممممممممم

ولله احترت جالسهـ افكر بشي حلووو من افكاري

هي المشكله اكثر شي درروع متعودين ,, بس حلو تغيرين

خليني بس اعصر مخي شوي واشووف لتس

خصوص ان عندي افكار كثيرة بحكم تخصصي اللي كل اسبوع ناطين بمكان ومسوين حفل

بس ابي اشوف الانسب

ابشري غنوجه لي رجعه ان شاء لله

غنج نجد
21-04-2013, 02:27 AM
لبى أنتي .. اي وربك أعصري لي المخيخ محتاجه .. فكره جديده وجمييله ..

طبعا بعيدا عن الورد وكذا .

لان فكرتي الاساسيه ..

ورده وبعلق فيها .. قصيدة مسيرتهم لانها من تاليفي .. وبهايتها كل وحده واسمها أبي معها شي مساعد ..

يكون مميز ..

خبرك التمييز يترك لك رسوخ بالذهن ..

وانا حابه شي يبقى لهم ..

با أنتظارك ياجمييله ..

ســــعود
21-04-2013, 02:36 AM
أمممممم والله مّدري ..!
يعني اذا وّدك بكميّه فعلاً لازم ما تكون غاليه ..
أممممم والله مدري عنكم يالبنآت
لكن شرااايك بقمصان جيّده وعليها اسماء او شعارات مثلاً هذه في مجمع العيسى أو الرحمانيّه أو مثلاً عن شادي بشارع الملك خالد مقآت وعليها أسماء وشعارات ..
وفيّه كمآن متآجر اذكرها ببدايت شارع الملك خالد مع الظهران تهتم بالقطّع التراثيه العالميه قد يكون اقل تكلفه من الرآشد ..

❝Abdulrahman❝
21-04-2013, 02:52 AM
أختي غنج ،، حاليا مافي رأسي أي فكره

أول ما يخطر على بالي شيء .. راح يكون لي عوده بإذن الله

غنج نجد
21-04-2013, 02:53 AM
امممم سعود حيرتني صراحه بالرد عليييك ..

فكرة التشيرت .. مش بطاله ..

ولكن لا أخفيك ..

امممممممم

لما قمت بزياره المدرسه والتنسيق وكذا ..

كان أغلب الخريجات من الممتلائات .. يعنني في حرج .. لهم ..

انا بقول لكم فكرتي أنا واختي.

فكرت اخذ لهم أكواب بيضاء. ..

واوديها محل يطبع .. كل وحده واسمها .. ويكتب الف مبروك التخرج ..

واوديها محل حلويات الوليمه سعر معقول .. وطعم لذيذ . وانا أحد الزبائن الدائمين له.

يصير يعبي لي الاكواب ..

ويملاها شوكلاه ..

وأغلفها ..

ولكني طرحت الموضوع أبي فكره غير .

مما لايخفى عليكم . كيف تفكير الجيل ذا .

وكيف ممكن يحسونها. تسكيته او شي بخس او قليل علما أن الكوب بيكلفني تقريبا 120 ....

لكل طالبه ..

بس ..



ومحتاره حيييل ابي فكره ثانيه ممكن تكون أحلى من فكرتي .

الورد شي أساسي بس أبي معه شغله تعكس شخصيتي . انا . ك.. ... ....


وبس ومحتاجه شوركم كلكم ..

ومن الي مويد ومن لا .. فقط .. واذا فيه افكار ثانيه .

غنج نجد
21-04-2013, 02:56 AM
عبدالرحمن ..

اي وربك فكر ..

با أنتظارك ..

وبا أنتظار الجميييع .

ΛĿĤΛИ♡♡F
21-04-2013, 02:58 AM
امممم صراحهـ ,, مش بطاله غنوجهـ

فكره لاباس فيها حلييوه ,,, اممممم بس بعد انتظري خلي ذي ببالتس واصبري

ان شاء لله بتهل الافكار


بسالك ,, انتي بتسوين معاها شهادات ولا ؟؟

غنج نجد
21-04-2013, 03:03 AM
لا حبيبتي ..

..

تخيلي ... أسوي شهادات ..

أنا ما أدرسهم أنا ضيفه .. ومشاركه..


فقط تقديرا لدعوه .. بجيب معي الاهداء لطالبات خصوصا أني قد حاورتهم وجلست معهم .. فحبيتهم وحبيت أهديهم ..

خجلانه البي الدعوه ولا أجيب هدايا .. ثمار نجاحهم.

وخصوصا أنهم اول دفعه تخرجها المدرسه للمرحله الثانويه ..

وحفظة لكتاب الله ..

هدا محفزي .. ودافعي لدعمهم ..

ثمارهم جميييله وأخلاقهم طيبه ..

الأميرة التائها
21-04-2013, 03:11 AM
غنوج حبيبتي خليني اشاور بنات افكاري وارجعلك
بأذن الله

ΛĿĤΛИ♡♡F
21-04-2013, 03:13 AM
اها ,, انا فكرت يعني انتي بعد بتقدمينها

اوطي ,, عشان افكر باشياء م يكون من ضمنها

غنج نجد
21-04-2013, 03:14 AM
شاوريهن ... ع راحتك ..

بس لاتاخرين ..

با أنتظارك ..

sally
21-04-2013, 04:51 AM
وشرايك تعملين لهم سلاسل باسميهم من الذهب


او


مصاحف

وتطبعين عليه اسماميهم بشكل حلو


او عطر

تحطيه بعلبه فخمه مكتوب عليه اسم كل طالبه


او اشتري علبة شوكلاتة جواهر على شكل قبعة التخرج


وفي حركه جديده تطبعين على شمعة

ابيات عن التخرج مع اساميهم


هذه عبارات للتخرج اذا تبين
بعد الجد والكفاح لابد وأن ننال ما كنا نسعى إليه ..
ومن ضمن أهدافنا ...
النجاح .. والتخرج ...
ها هي العبارت ..
انثرها بين أيديكن ..

...


ألف مبــروك النجـــــاح
وجعله ربي على سبيل الــدوام

....

مثابرتك الدائمة
وعملك المتواصل
يؤهلك للتفوق
فالف مبروك النجاح

,,,

انتهمت ايام الي تحفظ فيها الدروس
وجا اليوم الي نقول لك فيها مبرووك

....

يا حافر الصخر صمود
ويا سالك العلم دروب
بوركت على الجهود الدوؤب
وألف مبروك على النجاح
...


كل البنات اتخرجوا
و ( اسم الناجح ) نجحت محلاها
واليـوم كلنا نحتـفل
بـيـوم السعــد ويــاها

....

( اسم الناجح ) سهر وتعب
ولقى كل اللي يتمناه
فـــرّح معاه كل البشر
وحقق املنا معاه

....

لقد استقبلت مفاجات كثيرة
ووصلتني هدايا كثيرة
ولكن نجاحك يا( اسم الناجح )
هو احلى مفاجات هذا العام
و احلى هدايا هذا العام

.....

لم أكن قبل هذا اليوم الرائع
اعلم بان السماء عالية ورائعة هكذا...
ولكن نجاحك يا ( اسم الناجح )
جعلني المس السماء
و أعيش مع روعتها

....

القد وصلت للقمة
حينما استلمت شهادتك الجامعية يا ( اسم الناجح )
ونحن وصلنا للقمة
لانك شمعة اضاءت سماء بيتنا

(هذه العبارة إذا كانت لأخ أو أخت)

....

طيور النورس جائتني مغردةٍ طربا
تزف إليّ أغاني الفرح والأمالي ... مبشرة ....
بخبر كان الفؤاد يعد لسماعه الدقائق والثواني ....
بنجاحكِ يا ( اسم الناجحة )
تناثرت من ثغر السماء دررٌ ..
و تألقت روضات الدنيا مزدانة بعبير الزهور
وأنت يا حبيبتي عطرها الفواح.

....

اليوم القمر يبتسم لك والنجوم تزدان ...
بالجد والمثابرة حققتها أمالك يا ( اسم الناجحة )
وها هو تاج العلم قد توجت به ....
وقد نلت ما ترجوه من تعب الليالي ....
تستحق والله باللي حققته أروع الهدايـا بأغلى الأثمان ..


....
إلى الغالية .......
لايمتطي المجد من لم يركب الخطرا **** ولاينال العلا من قدم الحذرا
ومن أراد العلا عفواً بلا تعب***** قضى ولم يقضِ من إدراكها وطرا
وإذ علمت بحصولك على (( الكفاءة , الثانوية , البكالوريوس )) بتفوق .. فإني أزف أخلص التهاني إليك وإلى والديك الن
سائلة المولى عز وجل للجميع دوام الصحة والنجاح

....

مع إشراقة فجر المحبة 00 مع كل نسمة من نسمات الحياة 00 مع كل نغمة من نغمات البلبل الصداح التي نادى بها مع ظهور النور 00 وقبل غروب الشمس 00 ومع كل "قطرة ندى" داعبت وريقات الأشجار 00 ومع إشراقة "بدرالدجى " في سماء الكون ..
أرسل إليكِ نبض قلمي 00 إليكِ يا أخيتي 00 رغم أن الحروف تعجز أن تكتب مابقلبي 00 وأن تصف مااختلج بفؤادي000
فمشاعري هي كلماتي المسطورة 00
وكلماتي هي أملي 00 وأملي هي ذكرياتي 00
وذكرياتي هي دليل قلبي 00 وقلبي نبضاته تقول لكِ 000
ألف 00 ألف00 ألف00 مبرووووووك على التخرج


.....
محتاره ما أدري كيف أبارك وأهنيك ... ... بالورد..والا بالشعر والقصايد
كـل التـهاني يا (...) ما اتوفيـك ... ... فرحه فؤاد بالغلا لك تزايـد

....

لا يصل الناس إلى حديقة النجاح دون أن يمروا بمحطات التعب والفشل واليأس
وصاحب الإرادة القوية لا يطيل الوقوف في هذه المحطات.
..
لا يقاس النجاح بالموقع الذي يتبوأه المرء في حياته .. بقدر ما يقاس بالصعاب
التي يتغلب عليها

..
النجاح كضوء الصباح تراه مع شقشقة انتصاراته وتنصت إلى تغريد انجازاته
وتلمس نتائجه على أرض الواقع ولا يمكنك ان تحجب ضوءه


وبس


اتمنى اني افدتك بشي :sm182:

غنج نجد
21-04-2013, 02:37 PM
يالبى رووحك غرور با أنتظارك ياجمييله ..

غنج نجد
21-04-2013, 02:44 PM
حياتي أنتي .. سالي .. فكرة السلاسل .. جمييله وأعجبتني ..

ولكن مكلفه جدا .. أنا عندي سلسال با أسمي. .. هدية أمي لي بتخرجي ب1000ريال .. قبل يرتفع الذهب فكيف الحين .. بكم بيصير ..

وين ياعم أهدي كل وحده .. كذا المبلغ كبير خصوصا لمجموعه ..

المصاحف استاذتهم .. لجمييع المراحل .. جابت لهم مصاحف .. ومكتوبه عليها أسمائهم بماء الذهب من تركيا .. وجميييله جدا ..

اما سالفة الشمع لا مستحييييل .. حركه قديمممه ..

قبعات التخرج .. عرضت علي والله ورفضتها ..

ابي شي غير معتاد ..


سالي .. العبارات جميييله جدا ..

ولكن أنا من محبي ..

كلماتي الخاصه تكون طالعه من القلب احسن ..

وربك أنا سعييده بوجودك بمتصفحي ..

وفاقدتك حيييل ..

لك وحشه يابنت ..

با أنتظار أفكارك .. دائما ..

كوني بخير يارفيقه ..

الأميرة التائها
21-04-2013, 03:58 PM
طيب ايش رئيك تسويلهم بروشات (دبابيس صدر) تكون اكسسوار من الكرستال الملون كل وحدة على شكل اسمها وتحطيها في علب مخمل فخمة وحلوة يحبو البنات في هذي المرحلة هذي الحركات
يارب اكون افدتك و بالتوفيق

7moood
21-04-2013, 05:11 PM
السلام عليكم ورحمه الله وبراكته

1- شهاده تخرج

http://www2.0zz0.com/2013/04/21/13/330266232.jpg (http://www.0zz0.com)

2- باقة ورد

http://www2.0zz0.com/2013/04/21/13/810201819.jpg (http://www.0zz0.com)

وبث

انشاء الله تعجبك
:;happy;::;happy;::;happy;:

mohammed abdallah
21-04-2013, 05:24 PM
والله يا ست الكل انا مش فاهم انت بتقولي ايه كان نفسي اساعدك بس والله مش فاهم الكلام انا اسف

sally
22-04-2013, 03:01 AM
حياتي أنتي .. سالي .. فكرة السلاسل .. جمييله وأعجبتني ..

ولكن مكلفه جدا .. أنا عندي سلسال با أسمي. .. هدية أمي لي بتخرجي ب1000ريال .. قبل يرتفع الذهب فكيف الحين .. بكم بيصير ..

وين ياعم أهدي كل وحده .. كذا المبلغ كبير خصوصا لمجموعه ..

المصاحف استاذتهم .. لجمييع المراحل .. جابت لهم مصاحف .. ومكتوبه عليها أسمائهم بماء الذهب من تركيا .. وجميييله جدا ..

اما سالفة الشمع لا مستحييييل .. حركه قديمممه ..

قبعات التخرج .. عرضت علي والله ورفضتها ..

ابي شي غير معتاد ..


سالي .. العبارات جميييله جدا ..

ولكن أنا من محبي ..

كلماتي الخاصه تكون طالعه من القلب احسن ..

وربك أنا سعييده بوجودك بمتصفحي ..

وفاقدتك حيييل ..

لك وحشه يابنت ..

با أنتظار أفكارك .. دائما ..

كوني بخير يارفيقه ..


فديتك

ماتفقدين غالي:heartpump:

طيب وشرايك تزين السلاسل بالفضه

اعتقد سعرها مناسب :a_think2:

أسـFـ ي ـرر
22-04-2013, 09:34 AM
أمممممـمممممـ ,,

------------------------

بإمكانك أنك تشتري مجموعه أدوات مكتبيه خاصة لكل طالبة خاصة انهم راح يتخرجوا من الثانوية وشئ أكيد أنهم راح يكملوا دراسه

إلا مارحم ربي طبعا ,,

والمجموعه مثل ماتشوفيها بالصوره التاليه :-

http://download.mrkzy.com/u/2213_ecf6a0454a491.jpg

ويفضل أنك تطبعي الأدوات بأسمك وتحته يكون أسم كل طالبة من أي محل يعمل طباعه على الدروع والأدوات العامة ,,

وبإمكانك تضيفي مرآيه بشكل أنيق لكل وحده بأسمك وتوقيعك خاصه ان البنت معروف انها تحب تشوف نفسها خمسطعشر مره باليوم هههههـ

والهديه هذي تخص طالبات العلم وراح يستفيديو منها بتنظيم أمورهم وأوراقهمـ ..

خاصة أنها ماراح تكلفك أبدا وهو المطلوب .. لأن كل الموضوع هديه تخرج وراح ينبسطوا كثير فيها

----------------------------------------------------

وبإمكانك تشتري ساعه أيضا تكون سعرها مناسب وجذابه بنفس الوقت .. وتضيفيها بداخل الصندوق الموجود بالصوره ..

أظن هديه راح تكون مناسبه كثير وخاصه انك تقدري تضيفي أي شئ داخل الصندوق ..

----------------------------------------------------

ما أفضل أن الهديه تكون غاليه كثير .. لأن وأنا أخوك :

المرء ينظر لهدية الشخص نفسه لاا عشان نوع الهدية وسعرها ,,

/

\

أتمنى من الله ان يسعدك مثل ما انك تفكري تسعدي طالباتنا

موفقـه

:throb:

غنج نجد
24-04-2013, 12:53 AM
طيب ايش رئيك تسويلهم بروشات (دبابيس صدر) تكون اكسسوار من الكرستال الملون كل وحدة على شكل اسمها وتحطيها في علب مخمل فخمة وحلوة يحبو البنات في هذي المرحلة هذي الحركات
يارب اكون افدتك و بالتوفيق



هلا حبيبتي انتي ..

كنت طالعه وشيكت ع الموضوع فسالت .. اعجبتني الفكره مره ..

قولي بس يارب ..

يضبط الاهداء ..

انا نسقت مع واحد يسويه لي ..

وقال بتلقين الي يرضيك ..

وكلمته اليوم يقول السبت او الاحد تعالي .. شوفي النموذج ..


دعواتك بس يكون جمييل مثل ماتخيلته ..

غنج نجد
24-04-2013, 12:54 AM
السلام عليكم ورحمه الله وبراكته

1- شهاده تخرج

http://www2.0zz0.com/2013/04/21/13/330266232.jpg (http://www.0zz0.com)

2- باقة ورد

http://www2.0zz0.com/2013/04/21/13/810201819.jpg (http://www.0zz0.com)

وبث

انشاء الله تعجبك
:;happy;::;happy;::;happy;:




حمود اشكرك يابطل ..

ان شاء الله الورد .. انا ماكدته ..

بس ابي شي معه ..

شكرا لك جهودك ..

غنج نجد
24-04-2013, 12:55 AM
والله يا ست الكل انا مش فاهم انت بتقولي ايه كان نفسي اساعدك بس والله مش فاهم الكلام انا اسف

ههههه


حصل خير وانا اختك ..

ماتقصر ..

غنج نجد
24-04-2013, 12:57 AM
فديتك

ماتفقدين غالي:heartpump:

طيب وشرايك تزين السلاسل بالفضه

اعتقد سعرها مناسب :a_think2:



لبى رووحك ..

اشكر لك جهودك ..

ولكني اعتمدت البروشات وع الله يضبط لي النموذج ..

لان مابقى وقت ..

لبى دنيتك يالغاليه ..

غنج نجد
24-04-2013, 01:01 AM
أمممممـمممممـ ,,

------------------------

بإمكانك أنك تشتري مجموعه أدوات مكتبيه خاصة لكل طالبة خاصة انهم راح يتخرجوا من الثانوية وشئ أكيد أنهم راح يكملوا دراسه

إلا مارحم ربي طبعا ,,

والمجموعه مثل ماتشوفيها بالصوره التاليه :-

http://download.mrkzy.com/u/2213_ecf6a0454a491.jpg

ويفضل أنك تطبعي الأدوات بأسمك وتحته يكون أسم كل طالبة من أي محل يعمل طباعه على الدروع والأدوات العامة ,,

وبإمكانك تضيفي مرآيه بشكل أنيق لكل وحده بأسمك وتوقيعك خاصه ان البنت معروف انها تحب تشوف نفسها خمسطعشر مره باليوم هههههـ

والهديه هذي تخص طالبات العلم وراح يستفيديو منها بتنظيم أمورهم وأوراقهمـ ..

خاصة أنها ماراح تكلفك أبدا وهو المطلوب .. لأن كل الموضوع هديه تخرج وراح ينبسطوا كثير فيها

----------------------------------------------------

وبإمكانك تشتري ساعه أيضا تكون سعرها مناسب وجذابه بنفس الوقت .. وتضيفيها بداخل الصندوق الموجود بالصوره ..

أظن هديه راح تكون مناسبه كثير وخاصه انك تقدري تضيفي أي شئ داخل الصندوق ..

----------------------------------------------------

ما أفضل أن الهديه تكون غاليه كثير .. لأن وأنا أخوك :

المرء ينظر لهدية الشخص نفسه لاا عشان نوع الهدية وسعرها ,,

/

\

أتمنى من الله ان يسعدك مثل ما انك تفكري تسعدي طالباتنا

موفقـه

:throb:



يسعد قلبببك اخوي .. اسير ..

اقتراح جمييل ..

ولكنه اعتمدت البروشات ..

ماتقصر ..

اشكر لك حماسك .. واقتراحك ...

لاهنت وانا اختك الله يسعدك

الأميرة التائها
24-04-2013, 01:41 AM
الله يوفقك حبيبتي غنج والله هذي بادرة طيبة منك
عسى الله يوفقك ويسعدك وان شاء الله تزبط معك البروشات ويعجبك تصميمها
دمتي بخير والله يكسبك الأجر

غزلان
24-04-2013, 06:05 PM
عاد انا جيت متاخر بس فيه محل بشارع السوق الحب بالدمام اسمه((( كوكب اخر )))) روووعه يسوي لك افكار عجيبه غريبه

غنج نجد
25-04-2013, 12:09 AM
حبيباتي .. ياقلبي .. أنتو


غزلان .. ما أعرفه بس ممكن أن شاء الله انزل له قريب ..

بس أن شاء الله تضبط البروشات ولا أنحاس زياده ..

الله ييسر ..

عنابي
27-04-2013, 01:25 AM
والله ودي افيدك بس انا م اذكر الخبر
بس اذكر لك محل بشارع السويكت حق هدايا و حركات يصلحه لك و المحل كبير
يمكن ع شارع السويكت تقاطع 6 على اليمين يكون المحل
ولا خليك مطنوخه
و روحي و اشتري من محلات قزاز عطورات هدايا يستاهلون هالبنيت

ΛĿĤΛИ♡♡F
27-04-2013, 07:32 PM
مرحباا ,,

سوري ي غلاي تاخرت عليتس :uowtantrum: بس توني فضيت وجات الفكره


امممممم بسم الله وركزي معي كويس :Animation 3:<< اقول قولي ولا يكثر


شسمه ايوه هذا ,,,

فكرتي انتس تجيبين علبه او قاعده بس تكون طبعا كشخه يعني مزينتها ع الحواف بشكل بسيط ثم تحطين فيها ع الجنب كاب التخرج طبعا بحجم صغير ومن تحته تسذا ع جنب

تحطين رساله مطويه تكون فيها العبارات اللي انتي بتكتبينها .. اوطي

بالنص انا فكرت يكون عطر او انتي شوفي اي شي يكون اسهل لتس ( العطر فكرته حلوه بس طبعا لايكون غالي اهم شي ريحته والشكل يكون روعه )

يبقى ع جنب انا فكرة بساعات يد اللي تكون للتخرج منها اشكال حلووه وباسعار زينه مو غاليه مره ( ع فكره غنوج الساعات لانها شكلها جديد وبتكون حلوه لاصارو كلهم نفس الشي وبعدين شي بيحملونه ع طول )

ووووو بث :blush-anim-cl:

ان شاء لله اكون افدتس وجبت فكره تعجبتس ,,

غنج نجد
02-05-2013, 02:06 AM
لبى دنيتكم ..

أبشركم تم ذلك .. لهذا اليووووم ...

رغم توتري .. وأرقي وقلقي ...

الا ان اليوووم تكلل بالنجاح ..

وكان يوم حافل ..

وممييز ..

ويكفينا .. فخرا ..وسعادة مشاركتهن ..

دموع الفرح بالختمه والتخرج اسره ...

كانو ولازالو ..

أشكر لهم حفاوة استقبالهم .. وحبهم ..

غنج نجد
02-05-2013, 02:10 AM
أما عن الاهداء ...


فهي كانت عباره عن ورد واهداء كتابي وببطاقات .. مصغره ... راح انزل صورتها قريبا ان شاء الله ..

اما الاهداء ..

فقصته قصه ..

تهاوشت مع أبو يمن ... الله يفتح ع قلبه .. قليل أدب ..

فسحبت العربون. ..

واخوي تكفل بالاهداء ...

فكان عباره عن مظاريف .. بها مبلغ مادي ..

والله لا أعلم قدرها ..

أحببت ان تكون في ميزان حسناته .. بينه وبين ربه..

وأشكر لكم ..

مشاركتكم لي .. أفكاركم ..

كونو بخيييييير ...

7moood
02-05-2013, 02:14 AM
مٱشّٱء ٱللۂ مبلغ مالي وورد وبطائق شيء جميل

ههههه مالقيتي الا ابو يمن


{ •• الـ:$.ـعـفو •• } ماسوينا شيء :icon33:

aselabed
12-05-2013, 02:47 AM
aselabedaselabedaselabedaselabedaselabed

aselabed
12-05-2013, 02:48 AM
البوابة الإلكترونية التى تتيح لآلاف من البائعين والمشترين في التواصل بشكل يومي لبيع و شراء سلع مختلفة