المساعد الشخصي الرقمي

مشاهدة النسخة كاملة : ماذا يجول في خاطرك وانت مغترب وامك تحاتيك


طـــــير السعد
30-03-2013, 04:37 PM
اليوم الضحى وحنا نتقهوى انا وياها ذكرتني الوالده بسالفه الحقيقه اني نيستها , فتحنا سالفه خاصه باحد الشيبان الله يرحمه الي كنت معه في ذيك الفتره
قامت الدنيا بعدها تشرق وتغربي وتهيضني تلك الفترة الي رجعت ملامحها كاني موجود في ذيك الدولة الي ماتعرف لهجتنا ولا طبيعتنا وذا الي خلاني افتح للكم الموضوع

وهي اني كنت غايب عن الاهل تقريبا 3 اشهر وتخبرون ان الجولات ذيك الفترة مابه جولات مابه الا اكشاك التيلفونات الي تحط فيها نصاص عشان تكلم في الشارع
ويالله تعينها عشان تكلم كيف وهي في ذيك الدوله ما تلقاها الا بمدينه محدده وحنا ماحنا بحولها وكنت كل اسبوعين اتعنى عشان اكلم الولده جعل يومي قبل يومها مع انها مافيه سيارات
ماتحرك الا قليل بسبب حالت ذيك الدولة السيئة اقتصاديا

وكل ما كلمها تجر عبراتها وتقول ارجع يا ولد الله يهديك . وذيك الفترة طيش فيني كنت اقول بعدين بعدين مهوب ذلحين لان الوضع كان جايز لي وعقبها بعد ماحنت ورنت علي رجعت
وكنت واصل في ليل للديرة قلت ماني بجايها الا في الصباح عشان ما ابيتها في هاليل بروح امسي عند عمي ويوم انا جالس من العيال الا وهي داخلتن علينا , عاد يوم شفتها خنقتني العبره لكن مابينتها لها وقامت تقول يالي فيك وفيك مايخطيك :doh: مع انها سامحت لي اروح:graaam (220):

يوم ذكرتني بها كن قلبي حيا .... وقلت لها اليوم وش دراك اني جاي احد قالك شي ,, قالت لاوالله محد قالي كنا جايين من البر ويوم وصلت اليت حسيت انك جاي .
على اني مشقيها يومني صغير فديت عماليق روحها .

غروب الشمس
30-03-2013, 05:04 PM
طير السعد الله يطولك عمر والدتك قول آمين

غزلان
30-03-2013, 08:44 PM
طير السعد ياشين الغربه عاد انت لزوم تطيع الوااالدة ولاتغدي مكان الا بشورها الله يهديك ويخليها يااارب لك

غيمة غلا
30-03-2013, 09:10 PM
الله يحفظ الوالده ويخليها ويطوول بعمرها أميبن


اعترف وينك كنت اتجاهد بأفغانستان :chuckle::chuckle:

طـــــير السعد
30-03-2013, 11:02 PM
غروب
اللهم امين

غزلان
الدنيا تجارب :run1:

غيمه
وجهك وجه نكبه ههههههههههه

ماهي هي الله يهب لك قنبله:027:

غنج نجد
30-03-2013, 11:39 PM
الغربه مصانع الرجال .. ومقابر النساء ..


الغربه تقتل والله المغترب واهله ..

ربما هو يسلو ولكن اهله ..

والله مايقدرون ..

انا وحده اغتربو اشخاص من عائلتي .. وربي ذبحني محاتاهم ..

وخصوصا ان كان المغترب صغير ..

ولاعمره جرب الحياه وعزوبي ..

بقدر ما أؤمن بان الغربه تصنعهم بقدر ماتعذبهم وتكفيهم ..

ما أعرف ايش أفكارهم مع هالاغتراب ..

ولكن .. يقتلونا .. وخالقي ..

فكيف قلوب أمهاتهم .. !؟

والله ان أمهاتهم ماعاد ينامون الليل .. وكل ماذكرنا اسمائهم بكو ..

حسو فيهم .. ارحموهم ..



الله يصلحكم ...

الله يخلي لك الغاليه ويطول بعمرها ..ع طاعته ... ويحفظك لها ويلحقك برها ..

طـــــير السعد
31-03-2013, 08:01 AM
صدقتي في كلامك
الغربه تغير قناعات وأفكار الشخص المغترب

لأهنتي على مشاركتك واثرائك

الأميرة التائها
31-03-2013, 09:00 PM
تصدق اخوي انا اكثر ما اكره في هذي الدنيا الغربة

رغم اني عشت كثير من سنين عمري برى بلدي الحبيب السعودية ديرة ابوي

في تركيا ديرة امي الله يسعد قلبها ويخليها لي يارب بس نفسي تتوق دئماً الى
العودة الى ديرتي وديرة هلي وما ارتاح الا بالعودة اليها الله يبعد عنا شر الغربة واحساسها الموحش
اللهم امين
موضوع رائع والله يخليلك الوالدة ويرزقك برها

طـــــير السعد
31-03-2013, 09:02 PM
عز الله صدقتي الغربه موحشه
لكنها احيان توسع افكارك المستقبيله

الهنـوف
03-04-2013, 04:57 PM
ههههههههههه حلو سردك للقصة

اسلوب مميز

طير السعد الغربه شينه حتى ولو هي في شئ مهم

واكثر من يحترق قليبه في هذه الغربه الوالدين الله يطعمنا برهم

واعتقد المغتربين انواع منهم المهتم بمشاعر من خلفه واخر مو صوبهم بالمره

لكن انت خلك عند اماميتك الله يحفظها ويرزقك برها

هي مفتاح الجنه

طـــــير السعد
03-04-2013, 06:43 PM
صدقتي
لأهنتي على التواجد الراقي

مـونيْ ★
11-04-2013, 04:08 PM
هههههههههههههههه
قلب الام كبير بالذات ناحية الولد كل ماكان مشقيها كل ماتعلق قلبها فيه اكثر
مدري وش السر :SnipeR (36):

الله يخليها لك :face9:

ســــعود
12-04-2013, 08:09 PM
الله ي خليّلك أأمّك ي رب ..

.’

طـــــير السعد
15-04-2013, 02:10 AM
اللهم امين
لاهنتوا طول الله أعماركم