المساعد الشخصي الرقمي

مشاهدة النسخة كاملة : امنياتي الجميله تحقق ..!!


شيخ الشباب
29-03-2013, 01:28 AM
السلام عليكم ورحمة الله وبركااته
مساء الخير
يا عسسىى تكون الجمعه عليكم خير وعلى المسسلمين جمييع
اليوم الموضوع تحفه::)
الموضوع يتحدث عن الطفوله


ندخل بالسالفه
كانت اكبر همي هو اني املك سيكل الله يا ذا الحلم واتخيل اني عندي سيكل واتمشى فيه واروح ع البقاله عليه بدل ما اروح حافي
اما سالفت حافي ذي من صرت امشي وانا حافي لين دخلت المدرسه صرت البس من الصباح لين الظهر وبعدها حاااافي
والمششكله موب اني حافي المششكله ان الانعالّ(وانتم بكرامه) تتقطع كيف ما ادري
وبعدها صرنا نتعود ع الانعال وصرنا كل ششهر نشتري انعال هذا كل شهر لازم انعال بنقولكم سالفته
نشتريه جديد بعد اسبوع ينققطع نررجع ونخييطه بعد اسبوع ينققطع ونخييطه و الاسبوع الثالث مافي امل يتخييط لو اخييطه يتقطع نزببطه بالسامير
والاسبوع الاخيير وهو الرابع الانعال ما في امل منهم بس برضو نمشي فيهم الانعال طلع له جنحان انمسسح من فوق ومن تحت كل ملامحه راحت

لين يخلص الشهر


بنرجع لسيكل
كان هذا اكبر همي كنت يوم ارو ح لسوق ما ايخلوني انزل قاعد بالسياره تقول شغاله ما غير اعيوني يمين ويسسار
ولا طولو انزل واروح محل السياكل ما غير المس بالسياكل ويدخل عالم الخيال وانه يكون لي واتمشى
لين يوم من الايام شافني ابوي على ذا الحال واني متعذب مع السيكل وكسرت خاطره ويقرب مني ويحط يده على كتفي ويلفني عليه وتسسمعون الا طرررررررررررراخخخخخ عاد الحين ما ني مسستوعب وش الي صصار وتششوف ثلاث عصصافير تلف حول راسي
ويقول انا كم مرا اقولك لا تنزل من السيار
وانا اعيييط واعيييط
الوكااد بقيت ع ذا الحلم يمكن سسنتين والله اعللم
يوم جا اليوم الموعود انه يتحقق الحلم كلوووووويش
واصلآ ما شروه لي غير بعد معنااه
وققتها كانو بيسسافورن وبيخلوني عند جدتي قالو نشتري لك سيكل وتقعد عند جدتك قلت لو تبون طول العمر بس اششترونه لي
والله والصبح نرروح لسسوق ما غير نلمس بالسياكل تقول داخلين حراج غنم ههههه
الوكاد انا يوم شفت سيكل بببااي واركض ذيك الركضه الي بالافلام الي يوم الحبيب يشوف حبيبته بعد ما طلع من السسجن الركضه البطييئه الي ارجولك تاصل لظهرك
يوم وصلت لسسيكل وفاتح ايديني وابي المه بالاحضضان
ولا في شي يششدني لورا وبثواني ولا تسمع صوت طراخ طييخ
ولا انا منبطح تحت السيكل
وش صار ما ادري
الا انا لابسن جاكيت وفيها طاقيه والطاقييه فيها خيط مدري حبل الموهم الخيط علق بواحد من السياكل وصار الي صار
مخي صار فيه ارتجاج ابوي يقول تبي هذا اقول لا
يقول ما تبي سيكل اقول لا بلش فيني
قال وش تبي اجل قلت ابي سياره
موب سياره تسبيره لا الصغيره ذي عاد ابوي يقول هذي غاليه بخمسين ريال
انا ليومي هذا ابي اعرف السيكل كم حقه
اذا السياره 50 وغاليه
والله زمان كل شي رخيص موب الحين يا حسره ما فيها ابركه الافلوس يكون معك 500 ريال تشتري لك بـ10 ريال . يصير الباقي 350 ريال كيف لا تسألني هي كذا ما تحب تصير كثيره لا زم تصير قليله
نرجع لسيكل
الموهم قلت ابي سياره قال تبي سيكل ولا ما في غيره
عاد وقتها نزلت راسي ونزلت دمعتين ورحت لسياره وقعدت بالحوض والهندي يجيب السيكل ويحطه عندي عاد فيه جرس يدل الجرس الهندي وقتها قلبي الصغير لا يتحمل
وانا طااااير من الفرحه من زود الفرحه ودي اروح للبيت مشي قصدي بالسيكل هههههههههههه
الموهم شرينا هالسيكل وفرفره بالحووش وعاد راحو حتا على المطار ما رحت معهم
لا ول مرا من زود الفرحه
ولا انا ناشبن لهم بالمطار لا زم اروح للمطار ياخي ودنا نششوف الطيياره نستمتع بششوفتها عن قرب الي يقهرك اني اشوفها من بعد 5 كيلو بس مستانس .
مرا من المرات رايحن الرياض واول مرا اركب الطيياره هذي السالفه باوله ابتدائي
ركبنا الطياره وانا طايرن من الفرحه زود عن طيران الطياره وانا طاير
الموهم طارت الطياره وانزلت وانا خششتي البقزاز حق الشباك
وصلت الرياض وانا ادور بيتنا ياخي ودي اشوفه من فوق هههههههههههههههههه عجزت احصله والمشكله حاط السيكل بالسطح علشان اعرف بيتنا يا خي والله ما فينا اعقول قبل بس والله احسن ايام
الموهم وصلنا واركض وانزل اول واحد من الطياره وليتني ما نزلت اول واحد
يحلفون بالله اني الي نزلتها هي درجتين والباقي زحف على ظهري ايش الي صار ما ادري زحلطت ولا وقفت غير على اخر درجه
تحسبوني قعدت اصيح ولا تفشلت
لا والله ركض الله وكيلك وين ما ادري قعدت اركض من الفرحه او من الزحلطه او المخ تغير مكانه ما ادري
ويمسكني العسكري الي على بالبوابه ومعه اسلاح ا
يقول وين رايح
وانا وقتها قاعد استوعب وش جابني هنا
ويجوني اهلي وياخذوني ونطلع برا المطار
وبعدها ما ركبت طياره
نرجع لسالفة السيكل الي ما ودها تخلص
وفرفره بالسيكل بالحوش الحين نفسي اطلعه برا ابي اطلعه بالشارع ودي اوري العالم اني عندي سيكل وكل من شافني عند الباب جاني ودخلني وقفل الباب
معناه ياخي لين حن علي اخوي وظلعني عن الباب وصرت اوصل بيت جيرانا وارجع
وبعدها ما ادري وش صار فقدة الذاكره ما ادري وين راح السيكل
يوم من الايام كانت امي تغسل الحوش
يالبيه بس افرح فرح يوم تغسل الحوش
موب فرحه علششان النظافه لا علششان اتزلج بالصابون
يوم من الايام امي كانت قافلتن اخلاقها مدري ليه وتشطف الحوش
وانا جيت اركض مستانس واخش بالمويا امشي مليون ولا ازحلللللللق لين صكيت بالجدار وامي تطردني وانا اركض وازحلق على خشتي وينكسر سني قسم بالله اني فمي كله ما احس فيه واققعد اصيح على سني وادوره وادور بس ما حصلته
وراحت الايام وجت الايام
وعلى سالفة الاسنان
قبل يوم كنت اخلع اسناني اطلع بالحوش بعز القوايل
وارميه للشمس واقول ( يا شمس خذي سن احمار واعطيني سن غزال )

هو تخلف ولا كفر ولا شرك ولا اهبال والله ما ادري
ولا بعد لو اخلع سني باليل انتظر لين تظلع الشمس وارميه لها واقولها المقوله الغنبيه


ادري طولت عليكم وحبيت اشاركم بطفولتي الحلوه
والي عنده طفوله ينزل خلينا نعيش معكم بطفولتكم
واتمنا انه يعجبكم

وتحياتي لكم

الأميرة التائها
29-03-2013, 02:58 AM
هههههههههه طفولة مميزة اخوي شيخ

بس انت متاكد ماكان عندك لين عظام :bounce: هههههه كل ما تمشي خطوتين تزحلق بس اموت واعرف كل ماتطيح احد يسمي عليك
والا لحسك الشيطان ههههههههه:dev::

كله كوم ولعب السيكل كوم الله على الأيام الحلوة انا كنت اموت على شي اسمة لعب سيكل وكنت قايد اركان حرب هههههه ايش فيها ذي

عيال العيلة في سباق الدرجات وكنت دايماً اخذ الحزام الأسود في السباق احلفي ياشيخه ههههه

سعدت جداً شيخ الشباب بمشاركتك ذكريات الطفولة :girl:

على فكرة شيخ اسلوبك في السرد رائع ومسلي وشيق ودمك خفيف يعطيك العافية
شيخهم كل ابوهم :a_laugh::

دهن عود
29-03-2013, 01:46 PM
يعطيك العافيه !

مـونيْ ★
29-03-2013, 09:08 PM
هههههههههههههههههههههههههههههه
الله ي شيخ الشباب ايام وايام حلوه بعد
ياليتها ترجع:SnipeR (60):
يازين احلامنا كانت بسيطه وحلوه
اما الحين مع ان كل شي متوفر الا انه عندنا احلام مستحيله
او مو عاجبنا شي ..

استمتعت كثير مع طفولتك الله يسعدك ..

غزلان
29-03-2013, 09:21 PM
ههههههههههههههه
حلووووة هالطفوولة شيخنا لاهنت بصراحة

Just me✿
29-03-2013, 10:14 PM
هههههههههههههه ي حليلك

أنا طفولتي الشيء الوحيد الي اذكره فيها التكفيخ:f5uh0:

ربي يسعدك

غيمة غلا
30-03-2013, 09:07 PM
ههههههههههههههههههههههههاي

نايس طفوله يابعدي مررة حلوووة