المساعد الشخصي الرقمي

مشاهدة النسخة كاملة : قدشافوه!!!


الأميرة التائها
18-02-2013, 09:04 PM
كيفكم اخواتي واخواني هذا الموضوع انا طرحته في منتدى ثاني واحب اطرحه عليكم ونتناقش فيه .شافوه هي كلمه عاميه شاف بمعنى شاهد والواو واو الجماعه يعني انو في ناس شافوا هاذا اشئ والهاء ضمير يعود للشئ المشاهد يعني الشئ الي شافوه هاذي الكلمه يكرهها الرجال وتتردد كثير على السنة الحريم والسؤال : ايش هوا هاذا الشئ الي شافوا الكل ؟ بأختصار هو فستان المناسبات والافراح : الزواجات الي يلبس *في اغلب الاحيان مرة وحدة بس ؟ واذا اظطرت الحرمه تلبسوا مرة ثانيه تدفع ضريبه على كذا وبتسير فريسة في لسان الي يسوا والي ما يسوا لانها ارتكبت جريمه لا تغتفر لان الفستان الي لبستوا قد شافوه والاكيد انوا فساتين المناسبات والافراح غاليه اتصوري انوا فستان بقيمه *خمسه وعشرين الف ينلبس مرة وحده وبعدها ينحط على جمب .. كم وحده اعتذرت عن حظور مناسبه عشا ما عندها قيمه فستان وهيا عندها في دولابها عشرات الفساتين والسبب انها قد لبستوا قبل كذا وقد شافوه ويمكن تظطر انها تتسلف علشان توفرقيمة *الفستان لا وبعظهم علشان تكمل توليفة الحظور بفستان جديد مع ملحقاته جزمه الله يكرمكم بلون الفستان وشنطة من ماركة الفلانية او *العلانيه بلون الحزام وجوال قريب من نفس اللون وتسريحه البومه ؟ وتجلس في الفرح كأنها تسوق لمنتج جديد وتشد الحاظرات برسم بياني يبين رحله الفستان والقماش من السوق الفلاني والتفصيل من المصمم العالمي العلاني وهلم جره والهدف التباهي وحرق قلب فلانة على حد تفكيرها المعاق كلمتي الاخيرة اختي الغاليه انتي فلانة اياً كان اسمك البسي الي تبغيه ولا تهتمي بنظراتهم وألسنتهم كوني واثقة من نفسك عزتك بقمتك وأخلاقك كانسانه وليس بما تلبسينه من المطرزات والمشغولات وأجزم انك مجبوره عليه مجاراة لعادات عقيمه واعتقد انو عندك من العقل ما يهديك للصواب والرشاد ! السؤال هل انتم:grinning-smi مع اوضد هذه الكلمه قد شافوه؟ولماذا؟؟؟ دمتم سالمين

دهن عود
18-02-2013, 09:34 PM
موضوع حلو .. ويستحق للنقاش .. يعطيج العافيه حبيبتي ..

انا شخصيااا ماني مع كلمة ماني لابسته لانهم ( شافوه ) !!! وهالكلمه ياااكثر ماسمعتها بين الحريم !!

انا البس الماركات , واحط مكياج ماركه , والعطر ماركه , والشنطه ماركه , ,, لكن مالبسه مره وحده ومااكرر لبسته والله علشان شافوه !!

هذا الكلام مو منطقي ,, واللبس اللي انا لابسته لنفسي مو للناس , ويكون مناسبني من كل ناحيه ومقتنعه فيه .. لان فعلا في حريم

تلبس وحالتها حاله لانه موضه ولانه غالي وووالخ .. طيب تلبسين وبس ؟؟! ماتفكرين هل هو مناسب لج , من ناحية اللون والموديل
مناسب لعمرج ؟؟

طيب اذا كان ماركه معناته بالقيمه الفلانيه ,, يعني بتقعدين تشترين كل مره هل عندج هالمبالغ هذي كل شهر تشترينها والله عشان شافوه ماقدر اروح ,,

وعلى فكره هالشغلات مايسوونها الناس العدله , في اميرااات لبسهم حلو وبسيط وبعضهم ماركه ونشوفه عليهم كذا مره ماقالوا شافوه وهم اميرااات !!

طيب اذا كنتي متزوجه وزوجج على قد حاله شسوي بروحه ؟؟ يسرق !! ولا يتدين ؟؟ والله ماني رايحه ماعندي شي يديد لانهم شافوه !! هذي حاله !

الواحد يصير عدل يلبس شي حلو ويناسبه سواء رخيص او غالي اذا كان عندها المقدره وتشتري عليها بالعافيه , واللي ماعنده يرضى على قد حاله ,,

والله مااروح ابهذل نفسي عشان الناس واخلي الاهل و الزوج يحط ماوراه ودونه عشان الناس شافوه ,, واكرر لبسي مره ومرتين وثلاث خير ان شاء الله !! بيدفعون عني ولا بيلبسون عني !! ,,, لا والله اللبس اللي يناسبني واللي انا مقتنعه فيه واكرر لبسه ,, وياليت الواحد يفكر شوي بينه وبين نفسه
ان في ناس ماهي لاقيه شي يسترها ويغطيها .. يتمنون اللحاف يتلحفون فيه وهذولا شافوه وماشافوه !! ,, الله يديم علينا نعمته ويحفظها من الزوال

اسفه على الاطاله يالغاليه ,, موضوعج شدني .. تقبلي ردي ومروري

الأميرة التائها
18-02-2013, 09:43 PM
هلا والله دهن عود شرفني انك تكوني اول وحده ترد على اول موضوع ليه وشكراً يالغلاعلى الطرح الرائع وردك الى يدل على رجاحة عقلك حفظك الرحمن من كل شر

شيخ الشباب
18-02-2013, 09:48 PM
سيسألون ..والله سيسألون

(من لبس ثوب شهرة ألبسه الله يوم القيامة ثوبا من نار )

مابالك اذا كان فيه عري وتكلفة فوق طاقة الزوج وقد يترتب عليها مشاكل اسرية

حتى الزوج لايملك الحق في الاستمتاع بمشاهدتها .. فما أن تصل الى البيت حتى تسارع في التخلص منه ,,

باختصار

فيه نسوان يبغالهم حررررررررررررق :AR15firing:

دهن عود
18-02-2013, 09:52 PM
باختصار

فيه نسوان يبغالهم حررررررررررررق :AR15firing:



هههههههههههههههه :crucified: يممه !! عسى مااشر شيخنااا شصاير !! هههههههههه

جمييلهـ ▲
18-02-2013, 09:54 PM
طبعا انا ضد وهذا اوآلآ

ما فيه عيباً أو حرجاً في إرتدائها فستان أو ملابس حفلة سبق أن رآه بعض المدعوات عليها، وذلك من باب أن الفستان جيد ولم يتلف،

"أنا أتعجب بصراحة من السيدات اللاتي لديهن عقدة لبس الفستان مرةً أخرى، فلا عيب ولا حرج سواء في بلادنا أو في البلاد الأوروبية،



حيث نجد فتيات أنيقات جداً ويعشن وضعاً مادياً فوق المتوسط ويكررن لباسهن، شاهدتهن بعيني


فلا علاقة بين تغيير الفستان وبين الحالة الاجتماعية للفتاة


موضوع أعجبني وياليت البنات يطبقون ماقالته دهوووووونه الله يحفظهاا

الف شكر لصااحبة الطرح المفيد

ساند
18-02-2013, 10:21 PM
كالعادة يا سادة بعض النساء يرون في تغيير الفساتين في كل مناسبة أكبر سعادة :cheer:
لما كل هذا !!
الفتاة في كل مناسبة يجب ان تهتم بأناقتها النفسية
قبل أناقتها الخارجيه .. والبساطه والإعتدال علينا أن
نستخدمهما عمليا" في كل أمور حياتنا ..
(أنا دايم أمشي بإعتدال و ألبس بأناقة وماعندي أي مشكله في تكرار
أي شي أرتديته في مناسبه من قبل ولا أتبع من يلح على التجديد
في كل مناسبة سواء كانت كبيرة أو صغيرة ..
عزيزتي اشكر لك هذا المتنفس النسائي الذي لطالما نشاهده
في نسائنا دمتي بحفظ الله

غزلان
18-02-2013, 10:46 PM
انا بصراحة مااحب اكرر الفستاان عندي عقده ههههههههههههههههههااي

يسلمووووووووووو

3ąŧЋβ
18-02-2013, 10:51 PM
الحمد لله حنا يا الرجاااال ثوبنا نلبسه بمناسبة او بالعمل اوووو ^_^ ولا احد يلاحظ انه مكرر هههههههههههههههههه

الحريم كذا .. لو بيدها غيرت زوجها هههههههههههههههههههههههههه امزح امزح :face9: اشفيكم

الأميرة التائها
18-02-2013, 11:21 PM
اقتباس:
المشاركة الأصلية كتبت بواسطة شيخ الشباب
باختصار

فيه نسوان يبغالهم حررررررررررررق
هلا باخوي شيخ الشباب كلامك صحيح 100/100بس مايوصل لدرجة الحرق ههههههه الله يصلحك خليتنا رجس من عمل الشيطان عموماً شرفني مرورك يا شيخ

الأميرة التائها
18-02-2013, 11:30 PM
هلا والله بخواتي ملاك الورد وساند وغزلان منورات حبيباتي مشكورات على المرور الرائع الله يسعد ايامكم

شيخ الشباب
18-02-2013, 11:32 PM
اقتباس:
المشاركة الأصلية كتبت بواسطة شيخ الشباب
باختصار

فيه نسوان يبغالهم حررررررررررررق
هلا باخوي شيخ الشباب كلامك صحيح 100/100بس مايوصل لدرجة الحرق ههههههه الله يصلحك خليتنا رجس من عمل الشيطان عموماً شرفني مرورك يا شيخ
هلا فيكـ اختى الاميرة ..!
هههههههههههههههههه
شدعوة عاد احرقهم>>هتلر على غفله .. :ridinghorse:
تحمست مع الموضوع ..!
اهم شي الواحده تفكر بالعقل ..!
ولاتلبس على مناظر الناس ..!!

الأميرة التائها
18-02-2013, 11:35 PM
الحمد لله حنا يا الرجاااال ثوبنا نلبسه بمناسبة او بالعمل اوووو ^_^ ولا احد يلاحظ انه مكرر هههههههههههههههههه

الحريم كذا .. لو بيدها غيرت زوجها هههههههههههههههههههههههههه امزح امزح :face9: اشفيكم

ههههههههه اشوه وانت تمزح والاكان اكلناك بقشورك هههههههه امزح شرفني مرورك اخوي الفاضل بس نكك صعب صراحه

دهن عود
18-02-2013, 11:40 PM
الحريم كذا .. لو بيدها غيرت زوجها هههههههههههههههههههههههههه امزح امزح :face9: اشفيكم[/QUOTE]


هههههههههههههه تغيره من الهواايل اللي تشوفها منه مسيكينه ,, امزح امزح :face9: اشفيكم ! ههههههههههه :021:

ســــعود
19-02-2013, 12:15 AM
.’
شّكراً على الموّضوّع أأختي .

الأميرة التائها
19-02-2013, 01:25 AM
عفووواً اخوي سعود ماسوينا شي وشاكره مرورك

غاْرديّـכּہاا
23-02-2013, 08:01 PM
والله البذخ والاسرآف موزين الله المستعان

انا وحدهـ البس فستاني مره مرتتين وثلاث ..شنو فيها يعني
أحلل قيمته وثاني شي منو بيتذكر عشان يتذكر وأستغرب من بعض البنات اللي خلاص أنا لبسته بمناسبه خلاص ماينلبس مره ثانيه حراااااااااااااااام والله وكلنا نعرف الحين أسعار الفساتين أقل فستان مايقل عن 1500 ريال هذا الأقل فمابالكم بالغالي وترى النعمه زواله ...


وخليهم يقلون الي يقلون محد ينفعني ولااحدن همني

حريم اخر زمن:motz:


عقولهم ناقصه يارب لكك الحمد



موضــــــــــــــــــوع رائع واكثر

بورركتي ي رائعه

الأميرة التائها
24-02-2013, 11:16 AM
والله البذخ والاسرآف موزين الله المستعان

انا وحدهـ البس فستاني مره مرتتين وثلاث ..شنو فيها يعني
أحلل قيمته وثاني شي منو بيتذكر عشان يتذكر وأستغرب من بعض البنات اللي خلاص أنا لبسته بمناسبه خلاص ماينلبس مره ثانيه حراااااااااااااااام والله وكلنا نعرف الحين أسعار الفساتين أقل فستان مايقل عن 1500 ريال هذا الأقل فمابالكم بالغالي وترى النعمه زواله ...


وخليهم يقلون الي يقلون محد ينفعني ولااحدن همني

حريم اخر زمن:motz:


عقولهم ناقصه يارب لكك الحمد



موضــــــــــــــــــوع رائع واكثر

بورركتي ي رائعه
انتي لأروع اختي غاردينيا شرفني مرورك يا لغلا