المساعد الشخصي الرقمي

مشاهدة النسخة كاملة : ازددت يقيناُ بِ - وعسىَ أَن تكرهَوا شيئاً وهوَ خير لكم -


جرح الضمير
10-12-2012, 08:31 AM
-


جــاي ع بالي اهذر ف هالقسم .. زمــان عنه http://www.alkhubr.net/images/smilies/eh_s%2832%29.gif ^ ..

والله .. اكتشفت اني صرت انسانه .. حكيمه .. ونضجت وتغيرت من الجذور الى الاوراق :grinning-smiley-008 ..
وهذا يرجع ل سبب بعرج له .. بعد قليل ^

طبعاً .. وقبل كل شي .. بابا > مو لايق :nosweat: ..
أو أبوي .. عسكري ..
ومن فتره مو قليله .. قدم ع سكن .. واحنا او بب الاصح امي وابوي .
كانوا مستنين .. متى اسمنا يطلع ع احر من الجمر ..

وطبعا انا كنت ماخذتها ع اساس انه .. كلام بس .
وف خلال هالفتره .. اتأجرنا .. ك وضع مؤقت شقه ف .. - الثقبه - .. للي مايعرفها
هذي منطقه مدري وش تبي ف الحياه . :grinning-smiley-045 موجوده ف الخبر .. ^

طبعا من محاسن الصدف .. ان هالمنطقه لي فيها زميلات دراسه .. او اخوات واكثر ^
طبعا .. ع طول اتأقلمت مع الوضع ..
وبعد ماكنت شخصه . شبه انطوائيه .. صرت اجتماعيه ب شكل أووفر .. يعني مثلا عادي
كنت .. اشتري كيس شيبس .. كبير وادق ع صديقاتي يجون ياكلونه معي ويمشون > تبالغ :nosweat: .

عجبني الوضع واتعلقت ف صديقاتي اكثر واكثر .. وزادت الروحات والجيات .. وصرت انسانه روشه . وما اعرف شي اسمه نكد
حبيتني وقتها كثير :grinning-smiley-008 ..

وع ان الشقه .. كلها اغلاط وياما وياما كنا بنروح ف خرايطها .. بسبب كهربتها .. بس كنت متمسكه فيها ^
ومابي انقل ..

تقريبا بعد 8 شهور وعليهم ..
ابوي قال لنا .. ان اسمنا طلع .. وقريب بننقل ل اسكان الخبر ..

وقتها .. ما تكلمت ولا ابديت اي ردة فعل .. حسيت اني من كثر ماتضايقت احاسيسي انشلت ^^
واخواتي الي اصغر مني .. تضايقو .. بعد لانه عرفوا ناس ع رايهم .. مايبون يعرفرون مثلهم .. حتى لو فيه احسن منهم ^

طبعا .. كلامنا مو مسموع ..
وفوراً .. بدأ النقل .. كل شوي يسحبو شي .. ( وطبعا احنا ظلينا ف الشقه الحاليه
عشان .. سلمو اجار هالشهر وللحين ماخلص ) ..

وانا لازلت متمسكه ف هالخرابه ..
بعد فتره .. جونازياره خالي وزوجته .. ف كانوا رايحين الدمام وكانو ع طريقهم بيعدو الاسكان لا اهلي
الي كانو يرتبوا الشقه ..
واخذوني معاهم ..
أول ماسمعت اننا رايحين هناك ف السياره وانا مكتمه .. وماانطقت وكنت ممخططه اظل ف السياره ل بين مايخلصوا .
بس .. اضطريت انزل من خالي :/ ..

اول مادخلت الشقه .. وجهي صار كذا :blink::eek4wd: ..

مكان قمه .. انا سمعت انه حلو .. بس ماصدقت الا لما شفته ب عيوني .. بس لازلت مصره
ع موقفي اني مابعرف مثل صديقاتي - وخصوصا اني منطويه ع نفسي وكانت اول مره اطلع من عزلتي ..

امي لها احتكاك من روحتها وجيتها هناك ببيت جيرانا ..
ف لبست عباتها وسحبتني معها .. ودقت الباب .
كانوا .. 5 بنات .. عيال صاحب الشقه الي جنبنا .منهم الخريجه والي تدرس
وقالت لهم : هذي ريم .. الي قلت لكم عنها ..
ودخلوني معاهم .. يعني ايش اقول من كرم من اخلاق من .. خفة دم .
حسيت غير كل هذا انه فيه انسجام بينا وبين بعض
مو كنها اول مره نتكلم .. وماشاء الله عليهم كلهم كأنهم كيان واحد ^

حبيت اجواء المكان .. ولما فكرت فيها قلت الله يهديك . ياريم ع شنو متمسكه ف هالخرابه الي هناك :grinning-smiley-045 ..
وجد اتمنيت اظل هناك ع طول ^^

ولما فكرت فيها .. اكتشفت اني كنت افكر ب نفسي بس :nosweat: ..
يعني حالنا صار احسن بكثير من قبل . زمان الراتب كان يضيع ع الايجار وفوق هذا الديون ^
واحنا ماشاء الله .. لا 1 ولا 2 .. 8 ^^
وانا عطاله بطاله مامني منفعه :SnipeR (72): ..


الحكمه من هالهذره : -

- اتعلمت اني ما اتمسك في شي .. ل درجة اربطه ب حياتي
واخلي الله .. دايم يختارلي وانا واثقه ومتطمنه .. عشان
عمره مابيظلمني .. انما انا ممكن اظلم نفسي ..
وغير كذا .. عمره ماياخذ مني شي .. الا ويعطيني
الي احلى منه .. والي احتاجه .. مو الي ابيه !! ..
ولو ظليت .. اتحسر ع الي راح .. مابحس ب طعم الي عندي
مهما كان حلو .. ^^
وفعلاً .. ازددت يقيناُ بِ

(( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ﴾ ...



و ..

بس ^_^

خذ ماتبي
10-12-2012, 10:34 AM
اللي يعيش في الثقبه اعتبره مجآهد...



بالتوفيق اختي..وللاحسن ان شاء الله

شيخ الشباب
10-12-2012, 11:28 AM
نحزن ونتالم وربماحبسناانفسنافي زوايا
الياس والاحباط المظلمة
لتجربة مريرة اوتعثر
في محطة مامن محطات حياتنا
ونحن لانعلم بان الله هومن اختارلنا
وان في مااختارخيركثير


جرح الضمير ؟.!
حروف من ذهب
باسلوب جميل وممتع
من اعماق قلبي اشكرك
على الموضوع الرائع و
وسانتظرعودة قلمك ..

عنيزاوي
10-12-2012, 11:38 AM
لها الحين ماتركتي الثرثره ::grinning-smiley-001



ياهلا براعيت الحكم ^^


انا اقول ارجعو لشقتكم احسن ولا عندي فكرتن منتازه انصبو خيمتن بالبر وسكنو به ماتدرين وين الخيره ^_^





صدقتي في كلامك الاخير والخيره فيما يختاره الكريم

ولله يسعدكم وويفقكم وجعله منزلن مبارك



الى اصبري تعالي
















متى النزاله :s85:

ســــعود
10-12-2012, 12:10 PM
جّرح الضّمير ..

أولاً : الّف مبّروّك عليّكم السّكن الجديد ..
ثآنياً : يبآن هنآ إإجآده الكتآبه عن إي موّضوع بتسّلسّله وضّبّطه للقآرئ ..
رقم خمس طّعش : هذه نقآط تحّول تحّسب في الحيآة ويأتي لهآ نّوّرق خآص وذكريآت جميّله , ويّجب الإنبسآط والتّكيّف معهآ - لا تنسيّن الزوآج ’كمآن يجيك وآحد وبّشّلك من أهلك وبّحطّك بعوينآته :graaam (230):-
ومآ شآء الله عليك , عآد أنتِ وآعيّه ومّدّركه لحآضرك ومسّتقبلك إن شاء الله

الّمهم

(( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ﴾ ...

أأختي ريّووووووم الله يوّفقك في الدنيآء والأخره يآآآآربّي .

غزلان
11-12-2012, 12:34 AM
مبرووووووك السكن ياجروح

والله مرة حكم بالحياه وكلما نعيش نشوف واللي الله يختاره لنا هو افضل سبحااانه

الراسيه
11-12-2012, 01:49 AM
اتمنى ان يزداد يقينك بما وضعتيه من عنوان .. فهكذا هي الحياه ..

غاليتي الصغيره احب قلمك فهو حر وجميل ،، اكتبي هنا وهناك ولك مني اجمل تقييم :)