المساعد الشخصي الرقمي

مشاهدة النسخة كاملة : أبله منيره يآعيوني..يآالي لآبسه الليموني


Just me✿
04-08-2012, 12:25 AM
السلام عليكم ورحمة الله وبركاته

قصه شآب يعآني من ابله منيره xD
عزيزي الشاب :
إذا كنت تحوس تدور بيت لأهلك أو تبحث مع عروسك عن مقر للعشة الزوجيه
أو حتى كرشوك أهلك من البيت ووصلت لحاله مزريه من التلحيط وناوي تسترجل وتسكن لحالك ف( إنتبه )نعم أنتبه ومرة ثالثه أنتبه تسكن جنب ابتدائية بنات!!!!
مهما كانت الظروف و المغريات ومهما كان اجار الفيلا او الشقة رخيص
حتى لو قالوا لك اسكن جنب بليس وافق ههههههههههههه بس بلاش ابتدائيه بنات اسمع كلامي أنا زي أخوك واعرف مصلحتك و الكلام ذا ما جا عبث بل بعد معاناة 3سنوات وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن في انحاء الرياض اللهباء
و أذا بتلك الشقه المثيره للسعبله والشفقة <<<<<< ياعمري يالاسلوب قلت بس جاك الموت يا تارك الصلاة ( عندي مشكله في الأستشهاد) هذي هي فتاة احلامي اللي مرت فوق الحصان الأسود وصفقتني بالعجراء فدخت من حبها ولكن الحلو مايكمل
واااااا حسرتاه ، الشقه طلعت عوايل ، لكن هيهات 525 سنه دشره على الفاضي ، اكيد لازم تفيدني في هالموضوع وفعلا ، رحت لخويي (تركي بن صعفق طيب الله ثراه )وقلت له تكفى يا ابو صعفق طالبك ، قالي ما عليك كلها بطاقة عايله مزوره وينتهي الموضوع ، قلت بس تزوير، انا مستعد اذبح نص الرياض بس اخذ الشقه و صدقوا او لا تصدقوا مشت الفكره
و دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده>>آخويآه:018:و انا مبسوط قاعد اغني مع العنادل لين ما اشرق الفجر قلت يالله يا عندول منك له اقضبوا الباب ابرقد و بعد سبع دقايق من وضع راسي على المخده ، كنت على موعد مع الكارثه المأساويه قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي لا حوووووول بنبتلي كذا ، قلت يا ولد خلك انتالكبير و اصبر لين يقضي الطابور وكل بزر يذلف على فصله لكن هذا كله تسخين هههههههههههههه لان الوناسه بدت يوم دخلوا البزران الفصل المقابل لغرفتي يا ربي وش سويت بدنياي تصدقون انا لي 581 سنه وانا ادرس ما حفظت سارعي الا يوم سكنت بالشقه و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي بس ما انجن وتفلت أعصابي ألا اذا دخلت أبله منيره فصل ثاني ابتدائي ( اللي هو الفصل اللي جنب غرفتي ) لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت ( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب ) بعد السنه الأولى تأزم الوضع لأن اول كانت ابله منيره تسيير على الفصل في اليوم حصه و لا اثنين الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل في السنه الثانيه صار عندي تبلد حسي خصوصابعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي ( طيب على الأقل غيروا و حطو جنبي ثالث) لكن في السنه الثالثه بديت اخش جو صراحه ( الشكوى لله ) وصار عادي انك تشوفني ماشي في الشراع وانا اغني في مدرستي دار الحب ..... العب اجري انا وصحبي لا وتدرون متى اكيف الى منه دخلت ابله منيره الفصل وقالت السلام عليكم عاد ارد انا مع البزارين ونقول وعليكم السلام ورحمة الله وبركاته<== بصوت عالي متحمسين ههههههههه
كيف حالكم يا اطفال بخير مادمنا شفنا خشتكي الين جا ذاك اليوم الأغبر( مثل باقي الأيام اللي راحت ) وكنت ابحتفل بمناسبه حلوه وراجع الشقه بدري و انا مبسوط دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت ( حافظ الجدول حقهم المسيكين ) و الله و اشغل المسجل وافتح الدريشه لان الجو كان حلو و دخلت اتروش و اتزبط المهم بعد فتره سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه واخرخر مويه و اذا والله فراش المدرسه و معه ورقه ومدها لياناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا التوقيع الأساتذه الفاضله عاشقة المزاعق منيره
الصراحة لم اشعر بنفسي تلك اللحظات حسيت بحريييييييييييييقه بركااااااااااااااان جمره خبيثه شبت في داخل اعصابي
و ما اذكر وش صار اللي اعرفه ، ان خويي ابو صعفق دق عليه القسم و قالوا له تعال اكفل خويك ، قال خير اللهم اجعله خير ، قالوا ابد لحق الفراش يبي يذبحه( بالفوطه ) وعقبها حاول اقتحام مدرسة البنات( برضه بالفوطه )و كان يقول عبارات غير مفهومه مثل : يا انا يا انتي في هالمدرسه عقبها مر ابو صعفق على القسم عشان يستلمني حزرو فزرو وش صار ، طلعوا مرحليني للصحه النفسيه ( يبي يقتحم مدرسة بنات بالفوطه اكيد وضعه صعب ) المهم دخل ابو صعفق على الطبيب النفسي يبيهم يطلعوني قال له الدكتور: انسى ، الرجال داخل علينا وهو يقول : هري .. هري .. يلعب فوق السطحي .. و قواه العقليه ما فيها ولا وحده منهن مداومه و تبينا نطلعه طبعا ابو صعفق باسلوبه الدبلوماسي صرف الموضوع و طلعني وقمت اشكي على ابو صعفق وانا اخرخر دمووووووووع أجل 3 سنين وانا قاعد مثل التيس الوديع و كاتم في نفسي ويوم شغلت المسجل دقايق هبوا فيني
ولا شف من يتكلم عاد الصوت الجريح ، عاشقة الهدوء و السكينه والوقار طيب احترموا مشاعري يااااااااخي خلوا المديره هي اللي ترسل على الأقل اااااااااااااااااااه يا ابو صعفق بولع في المدرسه باللي فيها ولا تدري كلم لنا ربعك حقين الموساد وقل لهم يرسلون قناصه و ابحطهم فوق سطحنا و الوعد وقت الطلعه ابيهم يقنصون المديره و الوكيله و المساعدات و المدرسات و الطالبات وأولياء الأمور و أي واحد يمر في الشارع حزتها أبغى مجزره ، مجزرررررررررررره و أذا طلعت اللي في بالي لا بازوكا ولا صاروخ ستينغر ولا حتى بي ففتي تو بتطفي غليلي قال ابو صعفق هدي اعصابك انا عندي فكره نرسل خطاب للرئاسه باي اسم نقوله ان المدرسه غير صالحه للاستخدام و انها تتداعى للسقوط بل وسقط منها جزء على رويس بنيتي الضعيفه و مرفق بالخطاب تقرير طبي بالحادثه قلت لحظه ؟ واذا طلع المبنى كويس ؟ قالي مافيه امل كل مباني الوزاره رايحه فيها ، قلت طيب و التقرير الطبي من وين بندبره ، قال وانت مصدق ارسل أي تقرير باي اسم يعني ظنك بيقرونه و من جديد صدقوا او لا تصدقوا مشت الفكره وحطوا اعلان على باب المدرسه ان هذي هي اخر سنه للمدرسه قبل اغلاقها طبعا انا شماااااااااااااااته مليون لان في اخر يوم دراسه ، قعدت قدام باب المدرسه وهات يا ذبايح ، و ياليت جت على كذا جبت رابطة نادي الاتحاد وكل ما طلع احد من باب المدرسه قلت للرابطه يشيلونها : برا .. على برا .. وأعدين ليه ما تأوموا تروحوا .. و أخيرا هم وانزاح
وبعد يوم كرنفالي حطيت راسي عالمخده بحثا عن الراحه الأبديه وماهي الا سبع دقايق و حسيت ان دريل يشق مخي قلت في نفسي يا ولد هذا كابوس لان متعودت على الهدوء من زمان
الا الموضوع كبر واسمع جدران تهد وبلاوي زرقا طلعت مثل المهبول في الشارع والقى شلة عمال مجتمعين قدام المدرسه
قلت لواحد منهم وش الهرجه قالي : صديق حنا في هد هزا مدرسه صغير عشان يبني مدرسه كبيررررررررررررروفي نفس الحظه اعلنت القنوات الاخباريه في جميع ارجاء المعموره* أقدم شاب سعودي على الأنتحار بعد ان قفز من كبري الدايري الشرقي وقد تبين للسلطات انه يعاني من حاله نفسيه تعرف باسم أبلة منيره:Animation 14:

مـونيْ ★
05-08-2012, 08:33 AM
هههههههههههههههههههههههههههههههههههههههههههههههههه هههههههههههه
لا مستحيل .. يالله مسكين ياهالولد .. كله مـــن أبله منيره
.
.
الله يسعدك مـــن أجمل ماقرأت

غزلان
05-08-2012, 05:24 PM
ههههههههههههههههه هههههههههههههههههه
يابطنيييه وربي حلوووووه
يسلموووووووو

Just me✿
05-08-2012, 08:58 PM
مروركم الاحلى

منوورين:heartpump:

❝Abdulrahman❝
05-08-2012, 10:10 PM
يا حياة الشقاء والله هههههههههههههههههههههههههههههههههههه

عوافي ريم الخبر ع الطرح

Just me✿
05-08-2012, 10:53 PM
الله يعآفيك ويرضى عليك

نورت:icon33:

ΛĿĤΛИ♡♡F
06-08-2012, 02:41 AM
هههههههههههههههههههههههههههههههههههههههه


اول شي حبيت اسمها لان عندي وحده عزيزه بـ هالاسمم


بسس ماتوقعت يعني تسذا ههههههه وربي مسكين يحزن


اجل مدرسهـ كبيره ها :Animation 4:

Just me✿
06-08-2012, 03:57 AM
ههههههههههههه حلآته الشبآك ع السآحه

الله يخلي لك غآليتك غروور

منووره ولآتحرمينآ هالطله:heartpump:

لهفة الخاطر
06-08-2012, 07:47 AM
هههههههههه
ي حرام
عووافي بيبي ع النقل الرائع

شو حلو شو مرتب
19-08-2012, 03:59 AM
رااااااااااااااااق لي ..





</B></I>

RD1
06-09-2012, 01:50 PM
هههههههههههه

الزين
09-09-2012, 07:45 PM
هههههههههههههههههههه
روعه القصه تحمل الكثير مـــن الفكاهات
مشكوره