المساعد الشخصي الرقمي

مشاهدة النسخة كاملة : يلعن أمك صارت كلمة مديح!


ساند
23-02-2012, 05:18 AM
يلعن أمك صآرت مدحه ..!!

:s167: :s167: :s167:

بصراحه هالموضوع شدني وإحنا غافلين عنه من جد ..
ما تلاحظون إن كلمة
[ يلعن أمك ]
إنتشرت إنتشار غريب و مريب ..
وصار اللي يقولها عااادي جدآ .. كأنه قايل
[ السلام عليكم ] .!
و الأغرب إن اللي تنقال له عادي عنده ..!!
كيف ترضى على أمك ؟! و ليش ؟!
و حتى بعض البنات اللحين بالعكس صارت
عندهم يلعن أمك مدحه ..!!
أو هذا تعبير عن الحماس في سالفة ما !
مثلآ ..
يجي واحد يقول : والله أمس سويت كذا وسويت كذا ..
يجي الثاني يقول : يلعن أمك ياشيخ ..!!
و إذا قال له
[يلعن أمك ]
مدّ هالخشه شبرين كأنه قايل له شعر يمدحه ..!
و إلاّ بعض الشباب .. واحد يسأل الثاني :
وش رايك باللاعب الفلاني ..؟
يقول : يلعن أمممممممممه يلعب من جد ..!
طيب أبي أفهم .. وش دخل أمه
بالموضوع ..؟!
للأسف الشديد إن الكلمة هذي منتشره عندنا إنتشار كبير ..
و الآن حاصله مع الشباب في جلساتهم ..
فلان: وينك أمس يلعن أمك ؟
علان: أبد رحت مع فلان الله يلعن أمه .
فلان: ليه ماقلتلي إنك بتروح معه الله يلعن أمك أنت ويّاه ؟
علان: وش دراني إنك بتروح يلعن أمك !
فلان: ههههههههههههههههه .
علان: هههههههههااااااااي .
ولا كأنه صار شي !!
وللأسف إنها تقريبآ أكثر كلمة تنقال هالأيام .....
وكم واحد تسأله عن هالكلمه .. بيقول لك : صارت عاده ..!
هذا جواب اقبح من ذنب ..
مافيه شي تتعود عليه وإنت تدري انه موب زين ولا تقدر تخليه ..!
يمكن إنت تغفل أو تتغافل عن الذنب اللي تحصله من هالكلمة ..!
بس لا تنسى و إنت تقول هالكلمة أنك تسوي شيء من الكبائر ..
أنت تخيلت معي ..؟!
كبائر الذنوب ..!!
صحّ عنه صلى الله عليه وسلم أنه قال: { من الكبائر شتم الرجل والديه ,
قالوا : يا رسول الله وهل يشتم الرجل والديه ؟
قال : نعم , يسب أبا الرجل فيسب أباه ويسب أمه فيسب أمه } راوه مسلم .
وش رآيكم ..؟
وش الحل لهذي المشكلة الخطيرة ..؟
يعني لهالدرجة مافيه إحترام ولا تقدير للأم ..؟!
واقعنا مرير !!
و كل يوم من سيء لأسوأ ...

غيمة غلا
23-02-2012, 07:38 AM
صدقتي بيبي
ميرررررسي لموضوعك

yasser4101
23-02-2012, 09:55 AM
هذي مشكلة هذا العصر

واصبح السب مديح

مصيبه والله

شيخ الشباب
23-02-2012, 10:36 AM
هل تعلم اختي العزيزة ان مجتمعاتنا في الاونه الاخيرة
اصبحت العااادة تغلب على جميع مجالات حياتها
وهذي احدى الاشياااء التي قيلت بين أناااس لا يبالون
ولا يعنووون ما يتلفظوون واصبحوا يرددونها بين
اوساااط النااس دوون ان ينكر احد عليهم قووولهم
حتى ان الاوسااط المحيطه بهم اعتااادت هذه المقوووله
ونسوووا او تناااسوا معناها الذي تحتوووويه
:
مرور على عجاااااله
:
تحيتي وتقديري

ثقباوي
23-02-2012, 03:25 PM
عفوا ليست مشكلة مجتمع وحضارة لكنها في الحقيقه مشكلة اطفالنا لم يتشبعو بالعلم الكافي من مدارسنا
لاننا نتعلم فقط في مدارسنا السعوديه العلوم الدنيوية والدينية ولم نتعلم من مدارس الحياة تلك فقط مشكلة عمر المراهقه وستنتهي
عند مرحلة الرشد وتستمر الحياة ..

تقبلي خالص تحياتي ..

ساند
23-02-2012, 05:15 PM
غيمة غلا اشكر لك مرورك
ياسر لا هنت ويعطيك ألف عافيه
شيخ الشباب عواافي ع مرورك الطيب
ثقباوي تحياااتي لك