المساعد الشخصي الرقمي

مشاهدة النسخة كاملة : ولدي عليه حراره !!


نووْور~
05-02-2012, 10:52 PM
ولدي الله يحفظه عليه حراره مرتفعه وخامل من اليوم
وشكلها اعراض انفلونزا لانها فيني لها اسبوع وشكلها جت له عدوى :sad64:

والعرب اللي مرابط واللي بمخيم واللي مسافر واللي قافل جواله
عطوني حلول منزليه وش طرقكم بالعاده امي تداريه لكن هالمره عندي

وش اسوي معه دلوني والا ترى بروح لشريط بدايه :fear:

ساند
05-02-2012, 11:24 PM
يا حياااتي إن شاء الله ما يشوف شر
حبيبتي إذا عندك شراب تمبرا عطيه ملعقة صغيرة
كل 4 ساعات إذا لزم الأمر بحيث لا يتجاوز أكثر من 5 مرات في اليوم
وخوذي فوطه بلليها بالمويه الفاترة وأمسحي جسمه كله وركزي على الوجه والذراع
والقدم استمري على هالشي نص ساعة وبإذن الله راح يتعافى
أنا تعودت عيال أخواني إذا جاتهم حرارة على طول أسويلهم كذا
الله يعافي أطفالنا جميع

يمكـ دروبي
05-02-2012, 11:36 PM
بسم الله عليه من كل شر
الف سلامه عليه

sally
05-02-2012, 11:39 PM
الف سلامه عليه

مايشوف شر

غيمة غلا
05-02-2012, 11:50 PM
مايشووف شر لازم تروحين فيه الطبيب بيبي حلول منزليه ماتنفع `

هــــــــــــذا أنا
06-02-2012, 12:04 AM
كمادات وحطي مع المويه خل وعطيه خافض الحراره وانتبهي بالمسموح له وبوقته ولا تثقلي عليه وملابس قطنيه مو صوف والكمادات على راسه ورقبته وشوفي رجله اذا بارده اعرفي ان حرارته مرتفعه كثير واذا بدت تدفا معناه نزلت شوي وحاولي ماتخلينه نايم وبمكانه
مع ان مابيك تنتظري على طول على الدكتور هذي حاله طارئه ومو شرط تكون من الانفلونزا والافضل يعرفوا السبب
الله يحفظه لك ويقومه بالسلامه

yasser4101
06-02-2012, 12:05 AM
بسم الله الرحمن الرحيم

عندما ترتفع حراره الطفل اتبعي الاتي:

1-ضعي الطفل في غرفه مهواه ولكن تجنبي التكييف البارد.

2-انزعي ملابسه واتركي الملابس الداخليه او البسيه شيء خفيف.

3-ادهني بطنه بـ الخل وستندهشين من انخفاض الحراره بسرعه او اضيفيه الى ماء الكماده.
الخل و الكحول الطبي يتبخر بسرعه عندما يتعرض للهواء
وحتى يتبخر يجب ان يكتسب حراره اضافيه وهو يقوم بسرقتها
من الجسم الذي يلامسه وبذلك يسحب الحراره الموجوده على جسد الطفل
فيخفضّها ويجب ان نمسح جسم الطفل
وخاصة البطن وتحت الابطين والمناطق النابضيه
لان الحراره تكون عالية في هذه المناطق"

4-استخدمي ماء من الصنبور مع فوطه او شاش وبلليها بالماء ثم ضعيها على رأسه و تجنبي استخدام الماء البارد .


5-احضري اسفنجه نظيفه وبلليها بالماء الضاف اليه خل وامسحي يديه و رجليه واتركيها تجف من تلقاءها فهي ستمتص الحراره .

6-التحاميل المخفضه للحراره افضل واسرع من الدواء الخافض للحراره لكن اختاري منها مايناسب عمر طفلك لأن لكل عمر تحاميل خاصه.



الخل مجرب

والف سلامه عليه

الحاتميه
06-02-2012, 12:16 AM
مايشووف شر والله يخليه لك يارب ..

والاخوان ماقصرو ماشاء الله .. الله ينفعك با الاسباب ..

الراسيه
06-02-2012, 12:54 AM
الله يشفيه ويخليه لك يانوور

كيف مافيه احد يوديك المستشفى !!! اجي انا :(

حنين الشوق
06-02-2012, 12:56 AM
ما يشوف شر إن شاء الله

وزي ما قالوا الأعضاء .. كمديه بفوطة بمويه مع شوية خل

وعطيه خافض حرارة والتحميلة أفضل لأن مفعولها أسرع


أنتبهي من الحرارة .. والله يشافيه

بنت حصه
06-02-2012, 03:24 AM
الله يكون فعونك .. يوم شفت عنوان موضوعك احسبك تمزحين او بتعلقين على شات قناة بدايه
وطلعتي اردى منهم العذر والسموحه منك لكن معقوله فيه ام ماتعرف تتعامل مع حراره ولدها ؟ امك تداريه اجل وش واجبك ؟!
اخطر شيء الحراره انتبهي له ولاجاته حراره مره ثانيه وديه المستشفى على طول وادويه الحراره ومخفض الحراره والكمادات لازم دايم تكون فبيتك
احتياط ..

نووْور~
06-02-2012, 06:38 PM
شكراً لكم كلكم ع مساعدتي
ويارب يجزاكم خيررررر
فعلاً كمادات المويه والخل مع الخافض جابت نتيجه
والفجر وديناه للمستشفى والحمدلله الحال اليوم افضل واخف
شكراً لكم كلكم الله لا يحرمني منكم ولاتشوفون في غالي مكروووه
:icon33: