المساعد الشخصي الرقمي

مشاهدة النسخة كاملة : اتبع النقاط التاليه وانضم لعالم المثقفين ..


ســــعود
26-11-2011, 07:31 PM
اتبع النقاط التالية وانضم لعالم المثقفين


✗ ┋ أًتّبَعّ أُلَنَقُأِطَ أًلٌتِأَلٌيّة وَأَنًضّمُ لُعِأُلَمَ أًلُمّثٌقًفّيًنُ ┋ ✗






أولآ
امحط اللحية و الشنب



ثآنياً
إذا سألك أحد من تسمع له قل لفيروز وشاديه
حتى لو انك ماتسمع اغاني وربي حاميك منها.


ثآلثاً
إذا قالوا لك من شاعرك المفضل قل محمود درويش و ادونيس حتى لو انك
ما تقرأ إلا لضيدان بن قضعان وسعد بن جدلان وفلاح القرقاح.


رآبعاً
ابتعد عن المباشرة في الكلام واعمد إلى " التفعيط " و " التمطيط "
وبدل ما تقول "في البداية " قل : " بادئ ذي بدء " وبدل
ما تقول "وهذا يدل على " قل : " وهذا إن دل فإنما يدل على " ...
لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة


خآمساً
إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل :
"الراديكالية والإمبريالية والليبرالية والديماغوجية والميكافيلية "
ولاهوب لازم تحطها وأنت تكتب المقال لا...
إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت
منهن شي تراك من جنبها في الثقافة لو تحفظ سبعميه ألف كتاب
وتقرأ ثمانميه ألف موسوعة ""؛
وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .
. أما الحين ما عاد يوكلن عيش


سآدساً
كثر من الكلمات اللي تنتهي بـ"قراطيه" مثل :
" الديموقراطيه . البيروقراطيه . الأرستقراطيه . الأوتو قراطيه . التيوقراطيه ".
وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛
ولا تخاف ما في احد يبي يسألك ويقول وش معنى ذا الكلمة عشان ماينكشف
" جهله " ويدرون الناس انه مهوب مثقف


سآبعاً
خربط لك أي كلام بس بشرط انه يكون " مبهم " وغير مفهوم وأهم شي اكتب فوقه
" شعر فلان بن فلان " عشان يعرفون " القراء " انه شعر حداثي .. لا
يحسبونه مقال والا روايه


ثآمناً
انتبه انك تؤرخ بالهجري حتى لو كان هو تاريخ المسلمين
ترى المثقفين مايؤرخون إلا بالميلادي
ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 "
أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه
" لندن , جنيف , باريس " حتى لو انك كاتب القصيدة في حريملاء وإلا شقراء وإلا الارطاويه


تآسعاً
إذا جاء معك مقابله في التلفزيون " حش"
في الشعر الشعبي وشرشحه حتى لو انك تحبه وقل انه شعر البسطاء والعامة
و الدهماء وانه معول من
معاول هدم اللغة ولابد من إعلان الحرب عليه دون هوادة


عآشراً
إذا سألك احد وش الجرايد اللي تقراهن انتبه تقول له عكاظ والا الرياض !!
عشان مايدري انك
قروي , لا.. وقل الحياة والشرق الأوسط والاقتصادية
حتى لو انك مابعد شفتهن على الطبيعة
بس لزوم الثقافة


أحدا عشر
إذا قال لك احد وش الأجواء اللي تجد فيها نفسك ,
لاتفضحنا وتقول إذا جلست مع أهلي والا إذا طلعت للبر والا إذا صرت اضبب !!
لاياحبيبي , قل له
أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق
بين الخريف و" المربعانيه


إثنى عشر
حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين
خله عشره سطور وكثر من الكلمات اللي ماتفهمها عشان
مايفهمونها الناس ويتأكدون بما لا يدع مجالا للشك انك من كبار المثقفين


الثالث عشر
لا تجيب طاري الخميس والجمعة ، بل حاول تقول الويكند ،
ولا تقول الشهر الماضي بل قل لاست مونث ، عشان يقولون واااااو
لغته رااااقية خخخخ


الرابع عشر
إياك وعلي الطنطاوي أو غيره من الأدباء أو الكتاب اللي مثله،
بل استبدله بأدونيس، أول أينشتاين، وشرواهم " شرواك الطيب "



راق لي آهآ آهآ

دلع أنثى
28-11-2011, 07:42 PM
يا عزيزي هذه مو ثقافه هذا جهل .

والي يمشي على هالنقاااط فهو شخص ..........؟

بس تدري والله ان في ناااس كذا .. !

يسلموو يالغلاااا

ســــعود
28-11-2011, 07:50 PM
دلع الله يسعد قلبك ههههههههههههههآآى
الغاليه هذا الموضوع نزلته بقسم الفرفشه والضحك .. بس فيه مشرفه قآلت نووو ونقلته هنآ !
على العموم سلمتي وسلم غآليك .

يمكـ دروبي
28-11-2011, 09:44 PM
ههههههههههههههههه
سعود وااااااااااايقراطيه وش ذا ياربي

يااخي يازين الانسان لما يكون ع طبيعته
وع بالهم انهم يكونوا مثقفين كذا >> ياااااااااايقراطيه ماتحمل انا ههههههه
شكلي بصير مثلهم واااااااااااي ياااااااااااااااااااااي

يسلمو سعود لكـ ودي ووردي

ســــعود
28-11-2011, 11:49 PM
ههههههههههههه شنو ؟يقرااااطيه ؟
أحسنتي يامتثقفه أنتي هههههههه
يمك دروبي/ عسى دروبك السعد والعوآفي طووول حيآتك يارب.
جيّتك هنآ فخر.

شيخ الشباب
29-11-2011, 12:36 AM
’’
هههههههههههههههههه
أجل بلآهآ هآلثقآفة إذآ مآ بتجي إلآ بعد وجع آلرآس
خلينآ على طبيعتنآ بدون لف ودورآن أحسن
يعطيكـ آلعآفيةة ياسعوود
لآعدمنآ جديدكـ

ســــعود
29-11-2011, 12:48 AM
ههههههههه إجل لا لا لا انت الشيخ لازم تتثقف ههههههه
الله يسعدك على هـ الإطلآله الحلوه منك
تسلملي