المساعد الشخصي الرقمي

مشاهدة النسخة كاملة : عادي........طاح الحطب.......... و حلوة الحياة


TAREQ
31-10-2011, 03:45 PM
المشهد الاول


وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة




المشهد الثاني


ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر ......
و عنده دش.......و يكذب كثير
و اذا صحى الصبح ......مشط اللحية
عادي........طاح الحطب.......... و حلوة الحياة





المشهد الثالث


غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر ........
كلٍ يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة





المشهد الرابع


يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة





المشهد الخامس


تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت ........
و راحت تشكي لامها غدر الزمان.......
طبطبت عليها امها وقالت:
ولا يهمك ......سفرة لمصر.... وشوية سيولة
وترجعين بنت......
عادي........طاح الحطب.......... و حلوة الحياة




المشهد السادس


مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....وتبكبكوا شوي
و اخر الليل سكارى.........
عادي........طاح الحطب.......... وحلوة الحياة





المشهد السابع


سيارة مسرعة ........
و تدعس لها واحد........
مسكين هندي..........
و العسكري صديق الطايش ........
والخطا نصه على الهندي......
والباقي على أبو الطايش ...........
و في الليل.....الطايش يلعب بلوت
عادي........طاح الحطب.......... و حلوة الحياة




المشهد الثامن


قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة





المشهد العاشر


سطحية .......و مغرورة
غبية......و متكبرة......و يا ريتها حلوة
تبي زوج مواصفات......
مايقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة




المشهد الحادي عشر


فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز ...........
عادي........طاح الحطب.......... و حلوة الحياة





المشهد الأخير


الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا .........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر ......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب





و ما به حياة
~~~~~~~~~~~~~~~~
واخيراً لاتنسوني من الردود والتقييم وشكرررااااً


كلمات الشاعر عبدالرحمن بن مساعد

دلع أنثى
31-10-2011, 05:44 PM
رووووووعه .. < اكيد مو لأني طالبه التميز ....


بجد روعه وفي مشاهد واقعيه حصلت ومازالت تحصل ..

واكثر مشهد اشوفه حق المنتديات الي يبون التميز والألفيه بدون ما يقرأو الموضوع

عزيزي طارق سلمت ودمت بأفضل حال
والله يعطيك العافيه ع المجهود ...

TAREQ
01-11-2011, 04:08 PM
رووووووعه .. < اكيد مو لأني طالبه التميز ....


بجد روعه وفي مشاهد واقعيه حصلت ومازالت تحصل ..

واكثر مشهد اشوفه حق المنتديات الي يبون التميز والألفيه بدون ما يقرأو الموضوع

عزيزي طارق سلمت ودمت بأفضل حال
والله يعطيك العافيه ع المجهود ...
تسلمين دلع على مرورك الرائع

لاهنتي يالغلا