المساعد الشخصي الرقمي

مشاهدة النسخة كاملة : معامله .. تفكير . تصرفات .. كلمات .. مؤلمه وردها الصمت ..


دلع أنثى
20-08-2011, 01:03 AM
مرحبــــــــــا بـــك ..






راح ابدأ موضوعي بموقف ..
من 3 ايام تقريبا اتصلت فيني اختي الكبيره وقت العصر وسألت عني وعن البيت ..الخ
وقالت لي ليه مقفله الوتس آب ابي ارسلك مقطع صوت قلت لها مقفلته بسبب الإزعااج
وانا مو فاضيه و........... << كنت بقول الحين بفتحه ارسلي الصوت لكن ما مداني
الا عصبت وتصارخ علي وانا اكره الي يصرخ علي يعني انا مزعجه و..و..و..
وقفلت الخط بوجهي وهالحركه مو بس اكرهه الا اعتبرها عدم احترام لي وقلة ذووق
فتنقص قيمة هالشخص عندي حتى لو اختي ..
جتني اختي الثانيه تقولي ان اختنا الكبيره زعلانه مني وما اعتذرت
لها لو برساله قلت لها انا ما اخطأت عشان اعتذر
هي الي تعتذر لي ..

مو ذنبي انها قاطعتني وفهمت كلامي لها وما خلتني اكمل
هي تتحمل نتيجة تصرفها ..

مو ذنبي لأن ماحد يفهمني ولا ذنبي ان كل واحد يفهم كلامي على كيفه

مو ذنبي ان ماحد يسمعني للآخر .ز

مو ذنبي لما يكون الطرف الثاني معصب ويطلع عصبيته علي ...

مو ذنبي لما احلف واحلف والطرف الثاني ما يصدقني لأنه دائما حلفانه كذب

مو ذنبي انهم يجرحوني بكلامهم او تصرفاتهم لأنهم ماحاولوا انهم يفهموا قصدي

انا اعترف ان صعب علي اني اعبر عن مشاعري او تفكيري او الكلام الي بقوله
واذا قلت لازم يكون غير مفهوم لازم يطلع كلامي وفيه شوائب لكن احاول اوصل
كلامي بشكل صحيح عشان ماحد يفهمني غلط ..

انا مو مضطره اني اعتذر عن شي مالي ذنب فيه ..

انا مو مضطره اني اوضح او اشرح شي للطرف الثاني لأنه فهم كلام الي هو يبيه

ولا مضطره اني اسامح احد جرحني بكلامه او تصرفاته ..

وراح اختم موضوعي بموقف صار معي اليوم ..
ا
جتمعنا عند احدى الجارات وكانت في وحده من البنات زعلانه مني
وماخذه بخاطرها علي لما سألتها وش فيها قالت اني تغيرت عليها
واخلاقي تغيرت انصدمت من كلامها قلت لها ليش وش سويت وش صار مني
قالت اتصلت فيك من يومين ولقيت جوالك مغلق ولا رجعتي اتصلتي فيني
<< حسيت انها تافهه قلت لها ما جاني شي اصلا رسالة موجود ماعاد تجيني
الكثير يقولي انهم يتصلوا بس مغلق او مافي شبكه ولا تيجيني رسالة الموجود
قالت وبصوت عااالي الي اكرهه مو علي هالحركااات ولا تبرري ولا تكذبي
وانا اعصب اذا احد قالي كذابه او اسمع هالكلمه وسكت كالعاده وقفلت الجوال
وخليت وحده من الموجودات تتصلي ورجعت فتحت الجوال وحطيته قدامها وقلت لها
اذا كنت كذااابه فأنا آسفه ..
وطلعت وخليت اختي تتصل بأخوووي ورسالة الموجود ما جت !!
اعتذااار ما اعتذرت لي ..

هل انا مضطره اسامح ؟؟؟
هل انا مضطره اني اعتذر بدون ما اخطأ ؟؟
هل انا مضطره ان الي يخطأو علي ولا يعتذروا اني اسكت واخله بقلبي ؟؟
انت كيف تتصرف لو الأشخاص الي تعزهم ولهم مكانه بقلبك او اي شخص
ما يعطيك المجال انك تشرح او تبرر له موقفك او قصدك بكلامك؟؟؟

للأسف الشديد مو بس مالقيت الي يفهمني او يساعدني كيف اوضح او اكون
جريئه بالتصرف او يصحح اخطائي بدون زعل او عصبيه الا ان آلاقي ان هالنااس
يفكروا عني ويحكموا وويعصبوا ويزعلوا ويعاتبوا وانا ما قلت كلمه وحده
فقط لأنهم يتوقعوا ان هذا تفكيري ومع ذالك اسكت ما اصحح لهم لأن هم معتقدين
ان هذه فكري ..

كنت مضاااايقه وحبيت اشرح وجودي في هالمجتمع ..
شكرا لكل قااااارئ ..

اخيرا ..

عدم الإعتذار عن خطأ هو ارتكاب خطأ آخر ..

طـــــير السعد
20-08-2011, 01:10 AM
تحمليني شوي يا دلع
موقفك مع اختس سامج :thanx:
وش الزعل عليه على واتس اب
وانتي ماتعرفين تدارين خاطر الكبير ؟
الغالي اجمح زلته واخليها وراي


اما صديقتك اذا ماصدقتك فما انتي مجبورة انك تبررين لها موقفك
الواحد مايختلي بنفسه شوي بعيد عن الدنيا ..


همسة
لو ماهم بيعزونك ما هاوشوك:face9:

sally
20-08-2011, 02:40 AM
فديتك

وانا مع طير

وانا عارفه انتي الصح

بس اعتذري لها وبيني لها موقفك

احتراما لها لانه اكبر منك


واما صديقتك

الصراحه ماتستاهل صداقتك

والبعد عن هالاشكال غنيمه ^_^


تقبلي مروي يالغلا

دلع أنثى
21-08-2011, 04:11 AM
اعتذر ؟؟؟؟

لا ما اعتذر عشانها الكبيره اعتذر لها لا ما اعتذر مو ذنبي انها ما سمعتني
وبعدين هذووول كمثااال يعني لازم اذكر كل الأمثله الي صارت بحيااتي ..

في شخص قالي اني قليلة ادب يعني ماني متربيه يعني بلا اخلاااق ولا على اي شي ولا عطاني مجال اتكلم ..
بغض النظر عن الأمثله الي ركزتوا عليها ..

ليه مظطره اني اعتذر على شي مو ذنبي فيه ؟؟

لا تسوون فيها مثاليه واحترااام وتقديير ..

انا راح انفذ كلمة اخونا قليلة ادب بس بأخلاق الي يحترمني احترمه والي يعتذر لي اعتذرله
والي يسمعني اسمعه وغير كذا ما اهتم لأن انا في مجتمع ..............؟ << معصبه

شكرا على مروركم ..

ساهر حايل
21-08-2011, 05:10 AM
اختي بصرااااحه ماله حق تزعل او تتصرف معك هالتصرف , لكن الشكوى لله انا لو بمكانك وكنت امر بكثير من هالحركات من اعزاء علي وكبار بالسن بس لازم نعدي ونحاول قدر الامكان مانقطع الرحم ..

والصديق ايضاً وصله صلة رحم .

عن نفسي راح اواجه الموقف بقوة انا ماعتذر لو بمكانك لأنك ماخطيتي وش تعتذرين عنه أصلاًً !!!!


لكن حاولي تزينيين الاوضاع والمكسب الاجر لك .


وبالتوفيق اختي

واللي يعصب او يبي يركز على اللي حوله راح يتعب وياصل مرحلة الانهيار كثير من من هم حولنا مايفهمون .


وفماان الله اختي

دلع أنثى
21-08-2011, 09:44 PM
ياااااااا سااااهر حاايل ..

الله يسعدك اخيرا لقيت احد قدر يفهم شي بخاطري ولو بشي بسيييط جدا ..
رفعت من معنويااتي .. الله يجبر بخاطرك ..

ثاني شي صح ان تصير مواقف مع اي احد مو شرط من اهلي او صديقاتي
بس علاقتنا تظل مثل ماهي يعني مو خصاام وزعل وما نكلم بعض لا لا لا ..

بس انا اتكلم عن الزعل الي مالي ذنب فيه وعن الاعتذار عن خطأ مالي ذنب فيه
والي يخطأ علي ما يعتذر ..

شكرا لك .. اخوووي منوور ..

قلب نابض
22-08-2011, 01:29 AM
قال الله تعالى :

أعوذ بالله من الشيطان الرجيم ( والكاظمين الغيظ والعافين عن الناس والله يحب المحسنين )

أين نحن من قدروتنا محمد صلى الله عليه وسلم حين كان الكافر يرمي بالقمامه أمام منزله كل يوم

وحين غاب يوماً قلق عليه وذهب للسؤال عنه فأسلم الكافر لم يذهب ليعتذر منه ولكن ليسأل عنه وهو كافر

لا يمت للرسول بصلة كان من الممكن أن يقول الحمد لله ربي أزاح البلاء عني ولا يسأل عن ذلك الكافر

ولكن صفة التسامح والعفو عند المقدرة هي التي جعلت رسولنا الكريم يذهب ويسأل عن الكافر ذاك الوقت

فما بالك في أختك أو في مسلمة مثلك حتى وان فهمتك خطأ ولكن سوف يأتي عليها يوم وتفهم الصح

أختي الكريمة هذه الدنيا زائله ولا تسوى عند الله جناح بعوضه فالله الله بالتسامح

ولسنا ملاك أو معصومين من الخطأ فأنت نفسك قد تفهمين من حولك خطأ

فلنسامح كي يسامحنا الناس

آسف جداً على الإطالة

وفقك الله إلى ما يحب ويرضى

نبضات قلب
23-08-2011, 11:53 PM
هناك امور في الحياه قد لا ننتبه إليها خلال تعاملنا مع الاخرين


ان العبره ليست في مكالمه او موقف ولكنها سلسله من الاحداث المتلاحقه التي امتلأت فيها الصدور وتركت بلا توضيح من الطرفين

حتى جائت القشه التي قصمت ظهر البعير

قد لا نفيق من غفلتنا الا عندما تهتز الارض من تحت ارجلنا ثم نستغرب بعض التصرفات من الاخرين وننسى ان نحاسب انفسنا ونجلس مع انفسنا جلسه مصارحه

المصارحه بالاسلوب المناسب هي الحل في كل الاحوال ومعرفه ان كان هناك امور ادت الى تفاقم الاوضاع الى ماوصلت إليه وتركت قبل تلك المواقف