المساعد الشخصي الرقمي

مشاهدة النسخة كاملة : ابشروا يامصرين مبارك راح يشمت فينا!!!!


نانا
04-08-2011, 03:48 AM
ليبرالى عميل علمانى خاسر دينك سلفى جاهل اخوانى وصولى صوفى قبورى اشتراكى ماركسى راسمالى مادى مسيحى اقباط المهجر

كدة أناجمعت كل الفصائل ولا فىا حد سقط منى !!!

والله النظام السابق راح يشمت فينا ويقول علينا؟؟؟؟؟؟؟.. تايش تفهموا عن الحريه والديمقراطيه
احنا كنا معززنيكم ومظبطنيكم وحامينكم

،،،
الحياة صايرة حلوة ومبشرة مرة

نيجى مثلا للثوار كانو بيقولو واحد اتنين الجيش المصرى فين ولما الجيش نزل الشارع حفاوة من المصريين وتقدير لرجال الجيش لا مثيل له واللواء محسن الفنجرى بقى اشهر من نسر علم مصر واتعملتله جروبات على الفيس بوك واللى حط صورته على بروفايله واللى اخد اعفاء من الجيش بيقول ياريتنى ادخل
تعالوا دحين لا مجلس عسكرى لا حكم للعسكر لا لصباع الفنجرى وتتعمل جروبات ضده ومظاهرات للضغط على المجلس العسكرى لتنفيذ المطالب وشتيمة وحجارة على الشرطة العسكرية لانها فضت ميدان التحرير

قمة التناقض ، وانا صرت ماني فاهمه حاجة الجيش حلو ولا وحش ابص للى بيحصل فى سوريا وليبيا واليمن اقول ده لولا الجيش مكانت الثورة نجحت نشوف للمتظاهرين احس ان الجيش من فلول النظام

السلفيين والاخوان مايبغوا حكم ليبرالى لانهم خايفين ان الليبرالية الاوروبية تطبق فى مصر وتصير بلدنا منعدمة اخلاقيا وشايفين ان الحل انها تبقى اسلامية اسلامية

الليبرالين مايبغوا اى تيار اسلامى خايفين ليتحول التيار الاسلامى الى تيار متشدد زى الجماعات الاسلامية فى مصر فى فترة السبعينات او نظام طالبان او الجماعة السلفية للقاعدة فى بلاد المغرب العربى
وان الاخوان يستخدمو الدين كستار للوصول للبرلمان

الاقباط ( زى ما بيقول المثقفين ) المسيحين ( زى ما بيقول كل المصريين ) النصارى ( زى ما بتقول الجماعات الاسلامية )
هما كمان حابين يكون ليهم دور وزى ما فيه روكسى والتحرير يبقى فى ماسبيرو
ليه الشريعة تبقى اساس الدستور ما نعمل دستور توافقى خالى من اى نزعة دينية
وفين حقوق الاقباط فى الوظائف والوزارات ولغاية امتى هنفضل مهمشين

الصوفيين قالو ولى زمن السكوت وهتبقى فى مليونية يوم 12 اغسطس تضم 18 مليون صوفى
احنا كمان لينا حقوق ومش هنسمح لاى حد يلغى الموالد او يحرمها او يجرمها
نحن نموت عشقا بالتبرك باهل البيت

،،،،

هذا هو اللي بيصير
كله بيتخانق مع كله
كله شايف انه بس الصح وان غيره غلط

،،،

انا سؤالى بمنتهى البساطة
هو احنا نختلف لصالح البلد ؟ ولا بنختلف علشان كرسى البلد ؟
يعنى هل فعلا الليبرالين عايزين حرية وديمقراطية ولا طمعانين فى حكومة ومجلس شعب
هل الاخوان عايزين الخير للبلد ولا تبقى مصر ولاية اخوانية تابعة لايران مثلا او تدعم باقى افرع الجماعة فى الدول الاسلامية
السلفين عايزين يحافظو على الدين ولا فكرهم هيتحول كما تحول فكر طالبان بعد وفاة عبد الله عزام
اقباط المهجر راجعين لاعمار الوطن ولا علشان ينوبهم من الحب جانب
الصوفيين ايه النظام
المجلس العسكرى هو الدستور اولا ولا الانتخابات اولا ومبارك هيتحاكم ولا لا

،،،،

احنا ليه تحولنا من فكر ديمقراطى حر كنا بنسعى اليه وقت الثورة الى نظرية المؤامرة والتخوين
ليه كل الاطياف دى متقعدش وتطلع حوار توافقى فى صالح بلدنا
ولا احنا استكترنا على مبارك التورتة لوحده فقولنا ناخدها منه واتخانقنا على تقسيمها علينا

انا مبقتش عارف مين بيدور على مصلحة الوطن
من فضلكم كفاية خناق كفاية تخوين كفاية تكفير كفاية سوء ظن

مبارك هيشمت فينا


زاوية بعيدة :: طبعا لاننا المصريين فلازم يبقى لينا افتكاسة ، عمرنا ما سمعنا عن محاكمات علنية تبث على الهواء مباشرة بتبقى بس جلسة النطق بالحكم لكن فى مصر فيه
هيتم اذاعة جلسات محاكمة مبارك على الهواء ماهو علشان نرضى الثوار لازم نخالف كل دساتير الارض وسرية التقاضى وقانونا مبارك لم تثبت ادانته الى الان ومن ثم فهو برىء
وبما ان جلسات المحاكمة هتتذاع تحبو مين اللى يعلق
الشوالى ولا شوبير ؟

الراسيه
04-08-2011, 04:23 AM
سبق وكتبتها نانا... اصبحت الشعوب لاتعرف ماذا تريد فقط اسقاط النظام وهتافات بكلام منمق
استغلوا به حتي الاطفال ثورة للفراغ ثورة للخراب ...مصر بعد محمد حسني ستتحول الي عراق ثانيه ..

نانا
04-08-2011, 04:36 AM
سبق وكتبتها نانا... اصبحت الشعوب لاتعرف ماذا تريد فقط اسقاط النظام وهتافات بكلام منمق
استغلوا به حتي الاطفال ثورة للفراغ ثورة للخراب ...مصر بعد محمد حسني ستتحول الي عراق ثانيه ..

غاليتي الشعب منقسم في منهم ضال ومع الخيل ياشقرا
وفي منهم عارف ايش هو طلبه
ولولاهم ماكن اتنحى وشوي شوي وبسبب رجال الثورة المخلصين راح يتحاكم
اكيد مارارح ياخذ اعدام بس تكفيه دعوة من ام شهيد في رمضان
محاميه له صيت(فريد الديب)
اللي عفا هشام طلعت قاتل سوزان تميمي
وخرجه من القضيه بدل الاعدام السجن
وهو لو انسجن اكيد اكيد راح يشفي غليل ناس كثير ويمكن يموت في السجن وتكون جات من الله
مشكورة