المساعد الشخصي الرقمي

مشاهدة النسخة كاملة : ليه تستغل عاطفتي ومشاعري ؟!


دلع أنثى
21-07-2011, 07:40 PM
مرحباااااااااااااااااا بكم .....



على صوت العصافير وبما اني كتبت الموضوع بالصباح يسعدلي صباح كل الأعضاء و اداريين ومشرفين وعلى كل زائر نحييه ..

وعلى صوت آذان العشاء وبما اني نزلته بالمساااء فيسعدلي مساااء كل الأعضاء و اداريين و مشرفين و على كل زائر نحييه ..

اتمنى الحين وانا ماسكه القلم الأحمر وجالسه اكتب اتمنى لكل شخص قرأ موضوعي حياه جميله. وابتسامه دائمه وضحكه من قلب ما تفارقه..




* الإستغلال *...




اذا بنتعمق فيه بنغرق وانا ما ابيكم تغرقون وآخذ ذنبكم ..

بما اني الحين عمري 26 سنه خلنا نرجع لورى مثلا قبل 20 سنه او 18 سنه كان في تنبيهات منتشره للبنت من جميع النواحي من الأهل .. التلفزيون.. المجلات .. الكتب .. المطويات .. المدارس
ويكون هالنصائح او المحاضرات او التنبيهات تحت عنوان * احذري ايتها الفتاة من الصياد* او الحب القاتل *<< يالطيف او *ابنتي المصون انتبهي من الذئاب*
او..او..او.. ومازالت الى الآن هذه التنبيهات ..

كان قبل 18 سنه عشان البنت تصدق حبيبها وش يقول لها ؟؟




يلا ياحلوين يا شبابنا زمان وش كنتم تقولوا لبنات زمان؟؟؟؟!





انا اذكركم او اعلمكم .
كان الشاب يقول لها انا احبك انا بتزوجك لأني مقدر اعيش من غيرك و..و. فعلا ذئب وثعلب بعد والبنت خروفه تصدق و اول ما يقول لها ابي اطلع معك تروح وبعد ما يطيح الفاس الحاد على الراس يقولها انا ما آخذ وحده مثلك .... صح ؟


ومع مرور الأيام والسنين والدنيا تلف وتلف وتلف وتدور وتدور وما داخت ومازالت تدور << صارت ملاهي ..

المهم و اثناء الدوران تغيرت الدنيا والحال والنااس والثقافه وتغير زمن 18 سنه .

وصارت البنت هي الي تلاحق الشاب وهي الي تغازله وهي الي ترقم وهي الي تستغله البنت صارت الذئب والشاب صار الخروف .

انتشرت ظاهرة استغلال البنت لشاب بشكل غير طبيعي .
خلني اذكر بعض مواقف شباب صادفتهم .

* شاب دفع لحبيبته المتزوجه عشرة آلاف ريال عشان يساعدها على الخلع من زوجها وفي النهايه سحبت عليه < قلت له احسن تستاهل .

* وشاب متزوج يسدد فواتير حبيبته ويصرف لها شهريا من راتبه اتوقع زوجته ماتلاقي هالشهريه.


* وشاب الله يهديه ويفرج همه فعلا خروف يعطي حبيبته فلوس بالهبل كل ما تطلب عطاها 10 آلاف و مره 30 الف وكل مره بحجة شيء وتقول له بردها لك شيك بقرب وقت على انها غنيه وكل ما يفتح لها سيرة زواج تتهرب فعلا كان نيته زواج لين ما جمعت من وراه ثروه اكثر من 150 الف ريال ودين على راسه واختفت ومالها اي اثر ..


ادري ان في اعظم من كذا احيانا اقول احسن يستاهلوا حوبة بنات زمان واحيانا يكسرون خاطري


البنات الحين متعدده الإستغلال عندهم اما فلوس او بطاقات شحن وهذه سهله .
غير الإستغلال العاطفي زمان الولد الي يلعب على البنت عشان علاقه محرمه الحين صارت البنت هي الي تلعب ع الشاب وتطلب منه بعد آآآه يارب أسألك الستر..


يتبع ....

دلع أنثى
21-07-2011, 07:51 PM
الشباب الحين ما يطلبوا بشكل مباشر في مراحل وماصار حرام مباشر لا تطوروا صار في حواجز
يعني ما يحتاج يقول لها انا بتزوجك لا لا لا لا والف لا هذا جدا نادرا دقه قديمه ومغبره ..
الشاب الحين يبدأ بكلمة احبك ويغث البنت بهالكلمه يوم . يومين . ثلاث وبعدين يبدأ الهياط عنده يشتغل يقول انا مقدر اعيش من غيرك انتي لونتي حياتي < كان عايش بزمن الأبيض والأسود وهي خلته بالحاظر ومستمر الهياط انا طول الوقت افكر فيك واشتاق لك وبعد يومين ثلاث يبدأ الأفلام عنده تنعرض آه يا حبيبتي صرت احلم فيك في منامي وصحياني اموت اذا ما سمعت صوتك ارجوك لا تتركيني انتي حياتي اموت من غيرك << روح موت احسن من هالهياط

وبعد شهر وهذه نادرا انه يصبر لبعد شهر يعني معجزه ....

تبدأ المرحله الثانيه المهمه والي مثل هالفتره كلها عشان يوصل لهالمرحله ..

انا يا عمري صرت انام واتخيلك بحضني و .. و .. و.. و .. < يعني ما بعد الحضن يعني افهموا هههههه
المهم انه يعيش مثل الأفلام لكن بالتلفون طريقه مطوره علاقه غير شرعيه مطوره ومدروسه احيانا ..
وبعد هالتخطيط يتركها ويشوف غيرها ويستغل حب كل بنت حبته بصدق ..

ومو كل الشباب في شباب يستغل صوت البنت اذا عجبه لراحته الخاصه اي العاده ........؟ وعلى قولته صوتك يحرك كل شي فيني < بطاريه على غفله ..
اوبعض الكلمات مثل احبك او حياتي او .او. يقولها تذبحني تقتلني هالكلمه لو قلتيها ..
< ياسلاااام مدري ليه للحين ما مات اذا تقتله هالكلمه ..

انا يعجبوني الشاب الحريص على ماله و وقته من ثلاث اربع يلا خمس مكالمات اذا ما عطته الي يبي او شاركته فيه يقول لها انا ما ابيك ما استفيد منك شي خسرتيني ع الفاضي ... هههههههه وهذا مايصير لأن مافي شاب جريء يقول هالشي

وفي شباب ما يتعبوا حالهم اول ما يعرف ان البنت مو حق هالحركات تركها بدون ما يخبرها يعني يطنش مكالماتها ورسائلها
ريح راسه وذل الي تعلقت فيه..

طبعا في انواع ثانيه للإستغلال بس اكتفيت الي منتشر بشكل كبير ..


الحياه صارت سيئه .. ومخيفه ..
البنت تخاف وتحذر على قد ما تقدر . والأب يحافظ على اولاده من المجرمين والأخ يشيل هم اخته لين ما تتزوج ولما تصير حامل ببنت تبدأ تخاف وتشيل همها ..

ليه الحياه تغيرت للأسوء ؟؟

ليه ما في صدق واخلاص بين الناس الجيران .. العشاق .. الأصدقاء . واذا لقينا هالصدق يكون مزيف او يتركنا ويروح ؟؟


ليه اصبحت الإستغلال هي عنوان الحياه ؟؟

ليه وليه وليه ؟!

ما اقول غير اسأل الله حسن الخاتمه ويخرجنا على خير من هذه الحياه ..

اختم موضوعي والدمعه على خدي خوف من هالحياه ومن المستقبل .
وحزن وجرح كبير في قلبي .من ماضي اليم ..

حبيت اكتب هالموضوع لأن موقف ذكرني بسالفه مؤلمه جدا صارت لي فكتبته ..

غير كذا ما ذكرت شيء من الخيال كل النقاط الي كتبتها واقعيه انا يحكوا لي من بنات وشباب < مو شباب يعني اكلمهم او عندي بالمسن لا والف لا الله يخلي الرسائل الخاصه بالمنتديات

يعني لا يجي احد ويقولي هالكلام مو صحيح او كلام فاضي

اتمنى ان ماحد ينظر للموضوع بشكل سلبي او انه يعاتبني لأني كتبته ..

دلع أنثى
21-07-2011, 08:05 PM
في النهايه هذا واقعنا المرير وهذول بنات وشباب مسلمين
الله يستر علينا وعليهم ..

هي مشكله وما ندري متى تنحل وشنو البديل الي راح يطلع بالمستقبل .. الله يستر

كل شخص لما يكتب وجهة نظره او حل برأيه اذا ما يفيد الشباب والبنات يفيد كل اب وام عندهم اولاد صغااار يبدأو الخوف والتنبيه لأولادهم .

راح يفيد كل شخص راح يجيه اولاد .. في النهايه لازم نحط حل ..
واخيرا ..



اتمنى للجميع حياه هادئه مليئه بالأمل والصدق والإخلاص ..

وباقة ورد ابيض لكل قلب طاهر ..

الجاذبيه
21-07-2011, 08:33 PM
سبحان الله كلاااام دررر والله الا الاستغلال ماحبه بكل انوااعه
يسلمووووووووووووووووووووووووووووووووووووو ~

نانا
22-07-2011, 01:44 AM
الله يهدي الشباب
ويصلح كل البنات
والبنت مسكينه تذوووووب وتسحرها كلمتين
هي جنس ناعم الله يكفيها شر الجنس الخشن
ترا البنت برضوا لها دووووووووووور
مشكوورة غلاتي

عبدالمحسن~
22-07-2011, 04:02 AM
دلع انثى موضوع وكلام بالصميم جبتيه على الجرح يقولون كل شي تغير

الدنيا تغيرت وكل من حولنا تغير اكيد كلام مرفوض عندي

الناس هم الذين تغيرو الدنيا هي الدنيا والايام هي الايام كلن سرى على هواه منهم من زرع بذور طيبه على

ارض خصبه وجنى عائلة رائعة تتصف بحسن الخلق والتربيه الطيبه للأبناء والمستقبل

ومنهم من زرع وللأسف حصد ثمار لا لون له ولا طعم في المجتمع مشاكلهم عكست تربيتهم

وهم كثيرون بالمجتمع ذكرتيهم في موضوعك

دلع انثى ربي يعطيكي الف عااافيه

شكرآ على هيييييك مواضيع متميزه
لاتحرمينا من جديدك

دلع أنثى
23-07-2011, 12:51 AM
الصراااحه كنت كثييييييير خااااايفه من الردود خاصة اول مره اكون جريئه وانزل كذا موضوع ...

اسعدني مروركم وتعليقاتكم ..

للأسف كل ما راح نعيش اكثر بنشوف بلاوي اعظم بدون اي حل او علاج لهالمشاكل ..

الله يعطيكم العافيه ::

لورنس العرب
23-07-2011, 02:18 AM
دلع انثى

في البداية أهنيك على قلمك الساحر
كل حرف يمثل واقع مرير في هذه الدنيا
الذي كتبتيه واقع يصدم به الكثير ، نحن في دولة
إسلامية منطلقها أفضل الخلق محمد عليه الصلاة والسلام
ومنطلقنا وصول رسالة محمد لأجيال قادمة
كل ما يتعلق بالحرام الناس فيهم خير ليوصلوا المعلومة صح
اللهم أهدي شباب الإسلام والمسلمين
اللهم أهدي بنات الإسلام والمسلمين
بالتوفيق للجميع
ودي واحترامي لك


وللمرة المليون أهنيك على هذا الموضوع
التحية
لورنس العرب

sally
23-07-2011, 05:04 PM
وربي صادقه


الله يستر على بنات المسلمين


يسلموووو يالغلا

دلع أنثى
25-07-2011, 01:41 AM
الله يعطيكم العافيه .
وهذه مشكله اكيد تؤذي قلوب الكثير.

وقبل القلوب الذنووووب ..‏

الله يسعد الجميع ...‏‎ ‎