المساعد الشخصي الرقمي

مشاهدة النسخة كاملة : ممكن يصير ؟!!


نبضات قلب
19-06-2011, 09:05 PM
السلام عليكم ورحمه الله وبركاته


شلونكم عساكم بخير


اليوم وانا رايح لمكتبي نسيت اخذ معي مفتاح الدرج اللي بالمكتب وفيه اوراق مهمه احتاجها بشغلي رحت سويت شغل بسيط وقلت اسوي شغلي بكرى


لا واللي يقهر ان مفتاح المكتب صغير كثير انا عندي ميداليه فيها مفتاح السياره ومفتاح الشقه اللي ساكن فيها وهذا المفتاح اخره بلاستيك اسود كبير ما يدخل بالميداليه قلت اخليه بميداليه ثانيه هديه من مؤتمر القلب الأول في فندق الفور سيزن المهم انا على شان ما انساه هذا الموقف حصل قبل حطيته بمكان بشقتي ومكان والله العظيم واضح ولا مدلـله وحاطه بدرج بشقتي مع الكبك والعطور والمسابيح على شان اول ما اطلع ألقاه تصدقون هذاك اليوم لبست وكل شي واطالع مالقيته قلبت الدرج فتشت مالقيته ومافيه وقت على الدوام واروح ولما رجعت الظهر قلت يا اخي وين المفتاح معقوله احطه هنا وما ألقاه واطالع اخر شي طلع موجود الملعون واقوله اوريك وين كنت مختبي




الحقيقه تمنيت امنيه ممكن ما تحصل ابد بس هي امنيه شخصيه مرت في مخيلتي


ليش ما يكون هناك مفتاح واحد لكل شي


ليش كل شي يبي له مفتاح لحاله , ليش كل هذي المفاتيح في حياتنا والله

مثل كذا

http://store1.up-00.com/Jun11/Mlr04811.jpg (http://www.up-00.com/]http://store1.up-00.com/Jun11/Mlr04811.jpg)[/URL]


بالله شوفوا شنو هذا كل هذي المفاتيح معانا نشيلها وين مارحنا الله واكبر بس لا والمشكله اصلا الميداليه بالجيب مزعجه , اصلا حتى شكلها لما تشغل السياره وفيه مفاتيح صغار مع مفتاح السياره يقهر , ياربي حتى الخرخشه حقتهن ما احبه يطلع لهن صوت بس تعدي لك مطب شنو هذا



اتمنى عندي مفتاح واحد بس هو حق السياره وحق البيت وحق المكتب وحق كل شي




يعني اعطيكم مثال الحين

http://store1.up-00.com/Jun11/8dX04811.jpg (http://www.up-00.com/]http://store1.up-00.com/Jun11/8dX04811.jpg)[/URL]


يعني مثلا لو واحد سيارته اول ما حاول يشغلها الصبح ما اشتغلت معه واخوانه طالعين لشغلهم بس مثلا واحد من اخوانه عنده سيارتين وموقفه تحت المظله وين تحصله الحين اسهل شي عندك مفتاح تروح تفتح باب السياره وتحط المفتاح وتشغلها وتروح شغلك شفتوا كيف الحياه سهله


اصلا كثير وحنا جالسين بالديوان واحد يبي يقضي شغل وسيارته مافيها بنزين او المفتاح حاطه فوق بغرفته وجالس مع اخوانه وجماعته واخوياه ليش يطلع فوق والله سالفه طويله , وبعدين يا شين بعض اخوياك لا قلت له ابي السياره شوي يا اخي تحسه متردد وشهو ابي افحط فيها ولا اسوي مخالفه يعني ولا يعطيك السياره بدون نفس يذلك ويقهرك يعني من باب الذوق تقوله ابي سيارتك بس لا بغى يحط ايده بجيبه ويطلع لك المفتاح قوله ماله داعي خلك مستريح روح انت وشغل سيارته وقضي شغلك شفتوا كيف واذا ما رضى هم روح وشغل سيارته ههههههههههههه




موقف ثاني مثلا واحد شفته وانت بالسوق مقفل على المفتاح بسيارته ومسوي زحمه ومتجمع خلق الله وينزل القزاز بيدينه بقوه يبي بس يدخل علاقه الملابس بعد ما جلس يدور عليها من هنا ولا من هنا او خذاها من واحد عزوبي ناسيها بسيارته كل مشاويره للمغسله ويعوجه ويدخله من فوق


تجي انت بدافع انساني وتقوله السلام عليكم وتحط ايدك على كتفه وتقوله لا تقلق وتطالع له بنظره الواثق وتحط المفتاح اللي عندك ويقولك وش تسوي والناس مستغربه وتشكك في قواك العقليه وانت واثق وتفتح الباب وتبتسم وتقوله تفضل وتمشي والناس من وراك تصفق وعيونها مليانه اعجاب بشخصك الكريم والله يا ناس



ولا واحد الكفر انصلخ عنده والدنيا ظهر ومافيه رحت انت شفته وقالك ما عندي سبير ممكن اول بنشر ولا شي وتروح وفجأه تلقى المحل مقفل ساحبين على المحل ههههههههههه تجي انت تقول لا مشكله تجي تحط المفتاح عاد يقولك الاخ هذا مفتاح سياره تقوله اطمئن والنظره اللي قلت عليها لا تنسونها الواثق وخوذ لك سبير منهم لا تتعب نفسك وخل الرجال يحط فلوسه بالمحل وانحلت المشكله بس هاه تنبيه لا تنسى تقفل المحل ههههههههههههههههههه


http://store1.up-00.com/Jun11/ZeW04811.jpg (http://www.up-00.com/]http://store1.up-00.com/Jun11/ZeW04811.jpg)[/URL]


حتى البنات الحين ممكن اختها ماخذه منها شي علبه مكياج , كماليات , خواتم وغيرها ومقفله عليها لا مشكله المفتاح موجود


ولا مثل ثلاجه فيها حلويات الثلاجه الصغيره ومقفلينها ولا يهمك المفتاح موجود




مدري تتمنون نفس الشي


ولو كان المفتاح هذا عندكم كيف راح تستخدمونه وش الاشياء اللي ممكن تتخيلها تقدر تسويها لما يكون عندم المفتاح

sally
19-06-2011, 09:12 PM
ههههههههههههههههههههه


تدري وش بيصير


بتكثر السرقات


متى ماعجبتني سياره بالشارع


بس شغلتها ومشيت


ولا الي يبي يسرق بيت بس يفتح الباب ويدخل كانه بيته

لو الناس بيستخدمونه بالخير كان حلو



يسلمووووووووووووو

على الخيال ^_^

عسل .~
19-06-2011, 09:16 PM
يعطيك العافيه خيو علي ع هذا الموضوع ..


بس انا بالنسبه لي ما اتضايق من المفاتيح لانو ماعندي الا مفتاح غرفتي ومفتاح لوكري حق الجامعه بسس


ياحليلي ههههههههههههههههههههههههههههه

دآنه بعين بحآري
19-06-2011, 09:24 PM
علآوي عليك افكآر ,, مآادري من وين تجيبهآ
انآ مآاحب المفآتيح وغرفتي مفتوحه دآيمآ ,,

هالموضوع للشباب اكثر ..

دلع أنثى
19-06-2011, 10:46 PM
انا ماعندي مفاتيح سياره ولا دولايب ولا ابواب ولا بيوت ولا شركات .
لكن عندي مفتااح واااحد كل من احتاجه عطيته حتى لو ما طلبه
انا احس فيه واعطيه وبدون مقااابل وبدون ما اضايق اواتردد
وهو ......




مفتاااح السعاااده ..
هالمفتااح افضل من كل المفااايح لأن هالمفتااح ما بيخليني اضايق ا و اشيل هم
اياليت يا خووي علي وكل الشعب المتواجد يكون عندكم هالمفتاح لأنه افضل مفتاح..

اتمنى تتقبل مداخلتي ...

الراسيه
20-06-2011, 01:32 AM
ممكن يصير!!
لا مايصير علي ..الحمد لله على وجود المفاتيح وبعدين لاتصير كسول ....
حلو التعب حتى ولو كان بسيط اهم شيء ان تحصل على ماتريد بالنهايه ..

نبضات قلب
20-06-2011, 01:45 AM
ههههههههههههههههههههه


تدري وش بيصير


بتكثر السرقات


متى ماعجبتني سياره بالشارع


بس شغلتها ومشيت


ولا الي يبي يسرق بيت بس يفتح الباب ويدخل كانه بيته

لو الناس بيستخدمونه بالخير كان حلو



يسلمووووووووووووو

على الخيال ^_^



ما شاء الله عليك على طول سيارات بس لا تطعسين اوكي ههههههههههههه

نبضات قلب
20-06-2011, 01:47 AM
يعطيك العافيه خيو علي ع هذا الموضوع ..


بس انا بالنسبه لي ما اتضايق من المفاتيح لانو ماعندي الا مفتاح غرفتي ومفتاح لوكري حق الجامعه بسس


ياحليلي ههههههههههههههههههههههههههههه



ما شاء الله مفتاحين بس بالنسبه لكم سهله شيله المفاتيح تحطونها بالشنطه وخلاص حنا لا نحطه بالجيب وبلشه لما تجي تطلعه

نبضات قلب
20-06-2011, 01:50 AM
علآوي عليك افكآر ,, مآادري من وين تجيبهآ
انآ مآاحب المفآتيح وغرفتي مفتوحه دآيمآ ,,

هالموضوع للشباب اكثر ..


ههههههههههههه ان شاء الله يصير عندك مفتاح بيت المستقبل يهنيك ربي ويسعدك

نووْور~
20-06-2011, 01:56 AM
قس علئ المفتاح المعدني الموحد
كل مايطلق عليه مفتاح في هذه الدنيا
ترى ماسيكون حالنا ؟

اعتقد ان المفتاح الموحد الحالي والموجود هي الإبتسامه

ودايم تصير لي هالسالفه كثير ما نسى انا
والحل مع السبيرات واحد معي واحد عند الوالده وعسى بعد..
ودي ~ *

نبضات قلب
20-06-2011, 02:00 AM
انا ماعندي مفاتيح سياره ولا دولايب ولا ابواب ولا بيوت ولا شركات .
لكن عندي مفتااح واااحد كل من احتاجه عطيته حتى لو ما طلبه
انا احس فيه واعطيه وبدون مقااابل وبدون ما اضايق اواتردد
وهو ......




مفتاااح السعاااده ..
هالمفتااح افضل من كل المفااايح لأن هالمفتااح ما بيخليني اضايق ا و اشيل هم
اياليت يا خووي علي وكل الشعب المتواجد يكون عندكم هالمفتاح لأنه افضل مفتاح..

اتمنى تتقبل مداخلتي ...



مفتاح السعاده لا يملكه احد بل يسعى الجميع إليها


السعاده لا تنحصر في يد شخص واحد ولكنها مشاركه التفاصيل الجميله للوصول لمعنى السعاده


انا لا ادري ما السر في امنيتك بقولك يا ليت الشعب المتواجد يكون عندهم المفتاح


اللي تتكلمين عنهم هؤلاء اسمهم اعضاء منتدى الخبر مو الشعب المتواجد

لا تفترضين امتلاكك شي دون الاخرين فجملتك هذي لا تجلب السعاده لاحد

نبضات قلب
20-06-2011, 02:02 AM
ممكن يصير!!
لا مايصير علي ..الحمد لله على وجود المفاتيح وبعدين لاتصير كسول ....
حلو التعب حتى ولو كان بسيط اهم شيء ان تحصل على ماتريد بالنهايه ..


انا لم اتمنى عدم وجود المفاتيح

ولا علاقه لامنيتي بالكسل

هو حلم امتلاك شي فوق العاده قد يفتح هذا المفتاح الابواب المغلقه في طريق الطموح

نبضات قلب
20-06-2011, 02:06 AM
قس علئ المفتاح المعدني الموحد
كل مايطلق عليه مفتاح في هذه الدنيا
ترى ماسيكون حالنا ؟

اعتقد ان المفتاح الموحد الحالي والموجود هي الإبتسامه

ودايم تصير لي هالسالفه كثير ما نسى انا
والحل مع السبيرات واحد معي واحد عند الوالده وعسى بعد..
ودي ~ *




والله ما اعتقد ان الابتسامه هي المفتاح الموحد لان بعض الشفاه لا تبتسم ابدا مهما حاولتي ذلك


الابتسامه هي سلاح نواجه بها قساوه الواقع الذي نعيش فيه

وليد العاطفه
21-06-2011, 09:22 PM
هههههههههه
يسلمووو ع الطرح الراقي

تحياتي
وليد العاطفه

نبضات قلب
21-06-2011, 11:13 PM
حياك وليد العاطفه


تسلم على حضورك الجميل