المساعد الشخصي الرقمي

مشاهدة النسخة كاملة : حقوق المرأه.."باللهجه الحجازيه الجميله"


sally
15-05-2011, 05:12 AM
بسم الله الرحمن الرحيم

"والله صدقت في كل كلمه قااالتها هههههه
اقرؤها للاخير ..تستحق"


الدكتورة : ليلى صالح عزوز

باللهجه الحجازيه (http://www.abotlal.com/vb/showthread.php?t=40928)الجميلة

ما يرفع ضغطي شَي زَي كلمة حقوق (http://www.abotlal.com/vb/showthread.php?t=40928)المرأة .. وبالذات في السعودية .وهادي
المشكلة طلعت متى؟ بعد 11 سبتمبر .... سبحان الله .. يعني كانوا من ألف
وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟
أتْـرِنُّو إحنا لنا حقوق؟! مادام كده ... الإنتخابات البلدية ليه ما
نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط
إصدار الرخص لمحلات الحلاقة مثلا؟ والا تناقشوا سفلتة الشارع اللي يودي
على بيت أم إبتسام؟ والا ليه الشارع الفلاني ما فيه كوفيرة مغربية وكل
اللي فيه مصريات؟ يا أختي ريِّحي راسك .. اذا كثير من الرجال ما سوُّوا
حاجه ... بالله عليكي حتسيبي بيتك وعيالك وشغلك ... عشان تناقشي مشروع
إنتخابي؟ هادا من تمام الفضاوه..

طيب قولوا لوحْدَه زواج أختها الليلة: بلاش تروحي للكوفيره اليوم يا مدام
وتعالي نناقش حقوق (http://www.abotlal.com/vb/showthread.php?t=40928)المرأة أو نحضر المجلس البلدي و نتخذ قرارات مهمة ..
وأترك لكم جوابها .. إيش يكون

أما عن حقوق (http://www.abotlal.com/vb/showthread.php?t=40928)المرأة في السعودية .. فياسيدي الست هنا لها حقوق (http://www.abotlal.com/vb/showthread.php?t=40928)وواجبات ما
تتنازل عنها. مثلا: في بلدان كثير عربيه وأوروبيه تلاقي شحط طويل عريض
جالس في الباص ...وقدامه وحده في الشهر التاسع واقفه على رجولها وشايله
طفل تاني على كتفها .... إن الشحط يتحرك؟ .. أبدا...إن الثور يحس؟
......لايمكن. لكن هل يمكن يحصل هادا في السعودية؟ أبدا .. واللي يبغى
يجرب.... الطريق قدامو .... يا عمي العملية كلها دلع حريم في دلع حريم
... رايح أعطيكم بعض الأمثلة وقولوا لي مين اللي آخِد حقُّوقه بالكامل
وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق (http://www.abotlal.com/vb/showthread.php?t=40928)المرأة .. قال.

منظر عام

رجال محترمين زي الورد واقفين أمام صراف في بنك .. وتِجي أختنا في الله
( اللي يقولو إنها مهضومة الحقوق ) تتقدم للصراف مباشرة ولا على بالها من
الطراطير اللي واقفين من ساعات .. وبعضهم مستأذنين من عملهم. طيب ليه ما
توقِّف تِمسك سِرا ورا عشرين بنغالي... وثلاثين باكستاني... وخمسين
سعودي... واثنين معقبين معاهم شوية فواتير مقاس إكس لارج .. وإذا أحد
كلمها وقال لها أتفضلي يا أختي ترد عليه وتقول: لا، معليش. المرأة
زَيّالرجال .... خليني في الطابور .... زَيِّي زيكم؟! .... ليش ما تقول
كده؟! ... والا هي تماحيك وبَس! ونفس المنظرفي الجوازات .... والأحوال
... والتأمينات .. ويقدر أحد... يقول إنه من ظهر أبوه .... يفتح فمُّه؟
... على طول يسمع العبارة الشهيرة ... ( عيب عليك .... إنت ماتستحي؟ ..
هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل
إن المرأة تشفع للراجل جوزها عشان يتقدم على الرجال الباقين. في المطار
.. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق (http://www.abotlal.com/vb/showthread.php?t=40928)المرأة ... هه!

اقتصاديا

شوف الراجل.. السبع... الغضنفر.. المفتري...له ثوبين أوثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين،
الخ، الخ، الخ.والمرأة بسلامتها .. بقيمة أدوات مكياجها فقط. تقدر تفتح
محل خياطة رجالي محترم. ويا ريت تحط من مكياجها في البيت.. لأ. دا بَس
للخروج ... وقيمة صباع روج والا علبة بودرة تساوي قيمة جوال جوزها ..
وكمان ازيدك من الشعرقصر .. مو بيت .. من حقوقها فستان لكل فرح. و مكياج.
و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت
جارتنا . ولازم هدية. واللطخ يدفع .مو مهم الفلوس جات من فين .. المهم
يدفع .. والدنيا ممكن تنقلب على الراجل واللي خَلَّفوه علشان موضوع (مهم
وحيوي زي كده.

قال إيه! حقوق (http://www.abotlal.com/vb/showthread.php?t=40928)المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن
ستين في سبعين. ويعني إيه عنده مشاكل في العمل؟! والا أقساط متأخره؟!
والافواتير؟! والا مقاضي ما يعرف كيف يجيبها؟! مو مهم ..واجب عليه إنه
يرجع من العمل للبيت مروِّق ومبسوط وبَس ... كإنه كان في شرم الشيخ مصيف
مع نانسي عجرم .. (( مجرد مثل .. تف .. بره وبعيد )) ....والست بسلامتها من
ساعة ما يرجع من عملو .. وقبل ما يفصخ حوايجو: شوف بزورتك ( لاحظوا ..
بزورتك)طفَّشوني .. إيش رأيك نغير غرفة النوم؟ التلفون ما فيه حراره ...
جاتني رساله على الجوال يقولوا الفاتوره طلعت .. أَلحق سّدِّدو قبل ما
يوقفوه عن الخدمه ... ... ... ... ومع هادا كُّلو ...لازم يبقى رومانسي.

بينما هي وبكل سهولة تصحى بسلامتها في الظُهر...وتجد الكارثة
الكبرى....يوه ...ما عندنا صلصه...وبكل رقة تتصل...ألو ألو ...أبو خالد
موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟...
المهم ... جيب معاك غدا ... ماهو إنت يا فالح نسيت تجيب صلصه معاك أمس.
ولإنه موفاضي.. و قرفان من العمل.. يصدق المسكين إنه هو إللي نسي ويقول
بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي
راحت أمريكا .. وبنت عمي ما تصيف إلا فْي أوروبا.... يا عيني علينا إللي
ما نروح غير يا مصر... يا سوريا ... والسنة اللي غيَّرنا فيها ... رحنا
ماليزيا.

وفي رمضان: تعبت ....أوف .....إنت داري عن حاجه؟ أنا أبغى خدامة... أنا
خلااااااااص .. ومن ثالث يومرمضان .....مقاضي العيد من جده ...أختي جابت
ملابس لها ولعيالها .. إيش أقولَّك بس ... وخُد مشاوير لليييييييييييل
... والراجل المسكين لما ينزل السوق مع مرته ما يقدر يشتري ولااااا شَي
لنفسو، لأنو طول الوقت ماشي وراها من دكان لدكان، وشايل زنابيل إلين ما
كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو
فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه
ما أشترت ملابس العيد!!!!!! وإذا فكَّر ينزل السوق لحالو عشان يشتري شي
لنفسو ... علىhttp://www.abotlal.com/vb/may-yemenion/editor/color.gif (http://www.abotlal.com/vb/showthread.php?t=40928) طول يكون مشبوه .. إيش ينزلك لوحدك وسط الحريم؟ .. طيب إنت
مو كنت معايا في السوق .. أحد قال لك لا تشتري؟

قال إيه؟ ... حقوق (http://www.abotlal.com/vb/showthread.php?t=40928)المرأة.

شرعا

المرأة لها حظ من أبوها .... وحظ من زوجها .. هادا غيرأمها .. وأخوانها
... وأبناءها .. والراجل مطالب إنو هواللي يصرف عليها مهما كان عندها
فلوس.

وثانيا: الرجال لازم يروحوا للمسجد خمس مرات في اليوم .. جمع وجماعات ..
حر وبرد .. ليل وصبح .. لازم يروحوا ... بينما الست تصلي تحت المكيف ...
في غرفتها... وأجرها زي الرجال تماما .... ياعيني .. يا عيني ..والله
الإسلام أعطاكم كتير .... وياريتو يِبان فيكم

****..



http://a7.sphotos.ak.fbcdn.net/hphotos-ak-ash4/229234_1635292933938_1585142026_31217158_603341_n. jpg (http://www.facebook.com/photo.php?pid=30374377&id=1585142026)

مشــــاعل
15-05-2011, 06:55 AM
شقااااااااااااااااوة روح يسعدني اكون اول من اطلع على موضوعك بصراحة وبدون مباااااالغة
وباللهجة الشمااااااااااااااااليه فطست من الضحك
وربي البنت عليها اسلوب جذب وسرد ممتع ومضحك وكل كل شيئ
اضحك الله سنك
وعلى قولتها قال حقوق قااااااااااااال
طلعت فضااااااااااااايحنااااااااا ههههههههههههههههههههه

غيمة غلا
15-05-2011, 07:18 PM
ههههههههههههههههههههههههااي
روووعه شق شق":)

http://up.smaa-al7ob.com/uploads/12911182452.gif

الراسيه
15-05-2011, 10:11 PM
الاسلام اعطى المرأه حقوقها كامله .. وفي بلادنا اخذت المتعلمه حقوقها وزياده ..
ماعدا دهاليز الجهل والتعنت القبلي في المجتمع والتي لن تنتهي الى ان يشاء الله ..

قال مساواة قال .. دمتِ بخير شقاوة

sally
16-05-2011, 06:04 AM
شقااااااااااااااااوة روح يسعدني اكون اول من اطلع على موضوعك بصراحة وبدون مباااااالغة
وباللهجة الشمااااااااااااااااليه فطست من الضحك
وربي البنت عليها اسلوب جذب وسرد ممتع ومضحك وكل كل شيئ
اضحك الله سنك
وعلى قولتها قال حقوق قااااااااااااال
طلعت فضااااااااااااايحنااااااااا ههههههههههههههههههههه

فديتك


نورتي ياقمر

sally
16-05-2011, 06:04 AM
ههههههههههههههههههههههههااي
روووعه شق شق":)

http://up.smaa-al7ob.com/uploads/12911182452.gif

فديتك


الاروع بتواجدك


نورتي ياعسل

sally
16-05-2011, 06:05 AM
الاسلام اعطى المرأه حقوقها كامله .. وفي بلادنا اخذت المتعلمه حقوقها وزياده ..
ماعدا دهاليز الجهل والتعنت القبلي في المجتمع والتي لن تنتهي الى ان يشاء الله ..

قال مساواة قال .. دمتِ بخير شقاوة

سعدت بتواجدك

نورتي يالغلا

❤ Ğняσσя
16-05-2011, 06:35 AM
ههههههههههههههههههههههههههه ،،

وآلله صآدقه بكل كلمه قآلتهـآ ، وبصرآحه هذا الإسلوب آللي نحبه وينفع مع آلمجتمع ،

مررآ مآ ينفع لنـآ آلآسلوب " آلجدّي" .. نحب آسلوب آلسخريه بآلمزح ،


تسلم هالآيآدي ، شق شق .. وخلك كذآ دآيم ضد آلبنآت ، < ^_^


دمتي بكل آلود ،

sally
16-05-2011, 06:42 AM
ههههههههههههههههههههههههههه ،،

وآلله صآدقه بكل كلمه قآلتهـآ ، وبصرآحه هذا الإسلوب آللي نحبه وينفع مع آلمجتمع ،

مررآ مآ ينفع لنـآ آلآسلوب " آلجدّي" .. نحب آسلوب آلسخريه بآلمزح ،


تسلم هالآيآدي ، شق شق .. وخلك كذآ دآيم ضد آلبنآت ، < ^_^


دمتي بكل آلود ،

ههههههههههههه


لا موضد البنات <<< بس عجبني اسلوبه ^_^


نورت :SnipeR (61):