المساعد الشخصي الرقمي

مشاهدة النسخة كاملة : نداء طفل !!


نبضات قلب
30-04-2011, 04:30 AM
السلام عليكم ورحمه الله وبركاته


امس يوم الجمعه بعد صلاه العشاء اتفقت انا واخوي العزيز نتعشى سوى في مطعم pasta

المهم بعدها رحنا للكافيه alfredo بعد ما شفنا مباراه الهلال هناك سلمنا على بعض ورجعت لسيارتي وتوني ابس ادق سلف الى اسمع بكاء طفل وكلام ما قدرت افهمه لما طالعت يساري لقيت ولد عمره يمكن ست سنوات بالمقعد الخلقي لسياره القزاز نازل للنص وهو طالع منه يبكي دموعه على خده ويكلم رجال هم كان صافط جنب سيارتهم يبي يمشي والولد يقول يوم نزلت القزاز انه يبي ابووووووه وجلس يوصف شكل ابوه يقول للرجال ابوي راح هناك لاحد المطاعم هذي روح شوفه لابس ابيض وسمين نزلت جيت عند الولد قلت شفيك يقول انه حصران وغصب ماسك نفسه الولد خلاص انا قلت انه خلص المهم الرجال راح يدور ابو الولد والمشكله الولد حصران ويبكي قلت تعال اوديك دوره المياه يقولي لا ابوي راح يجي انا شفت الوضع لين يجي ابوه تبي تصيركارثه بعدين اشوف الرجال يدور بالمطاعم مو محصل احد قلت تعال لين يجي ابوك بعدين قالي طيب واخوي سبحان الله عمره ست سنوات يفكر باخوه يقول اخوي وين اخليه تفاجأت ان اخوه بالكرسي الامام والقزاز نازل كله واخوه يمكن عنده سنتين ثلاث سنوات وبعدين جاء ابوهم بكل برود والولد يتعصر المهم خذا الطفل من ايدي قلت له كيف مخلي العيال لحالهم والقزاز نازل كذا قال انا قايلهم اني رايح للمطعم هذا قلت الحين لو جا احد وخطف الوغد وش راح تسوي ورجع يقولي بس انا قايله اني رايح المطعم وكانه مايسمع جا واحد ثاني وقاله بس الطفل ما يعرف المفروض ما تخليه لحاله



العيال حتى الصغير ما كانوا نظيفين والمشكله اني لما رحت ركبت السياره اطالع له ما خذى ولده لدوره المياه اللي يكرمكم الولد من شافه سكت وجلس غريب والله ما ازل عليكم الظاهر معاه من فتره طويله وما تحملوا مدري شنو الاهمال هذا والقلب هذا اللي بداخله وعدم المبالاه

غيمة غلا
30-04-2011, 02:28 PM
ياحراام وشو هالاب هذا ماعنده احساس ولا مسئوليه:(
مشكووووووووووور علي لاحساسك الرهييب ْْ

نبضات قلب
30-04-2011, 10:08 PM
حياك غيمه غلا

اشكرك تسلمين والله

ما قدرت امشي وانا اشوف الموقف هذا

لو شفتي الولد كيف كان يبكي ويتكلم يقول جيبوا لي ابوي انا متأكد انكم راح تسوون نفس الشي

الراسيه
30-04-2011, 11:23 PM
لاحول ولاقوة الا بالله .. اهمال سوف يحاسبه الله عليه ..لاهنت علي

نبضات قلب
01-05-2011, 02:05 AM
حياك الراسيه


انا ما قهرني الا لما رجع وسكت الولد من الخوف

اشراقة حب
01-05-2011, 03:14 AM
ههههههههههههههههههههههههههي

يحليلو الولد

مسكين كسر خاطري لحد اخر شي مراح دورة المياة وانتو بكرامه

كسر خاااطري من جد

من جد كيف قدر يصبر الولد اكيد الولد يخاف من الاب عشان كذة سكت

من جد صارت الناس غريبه ..


مشكوووور علاوي على الموضوع ..

تقبل مروري

عبدالمحسن~
01-05-2011, 08:41 AM
اخوي علي لا تتعجب فيه نوعيات من البشر عجيب غريب تصرفه

مشكور ياغاااالي على طرح هذا الموقف

نبضات قلب
01-05-2011, 01:16 PM
حياك جلاكسي

الولد كان يقدر ينزل السياره كانت مفتوحه بس كان خايف على اخوه الصغير اللي مايعرف شي انا بس جيت عنده رفع ايدينه يبيني اشيله جلست افكر كثير بعد ما ركبت سيارتي لو احد جاء وخذاه

نبضات قلب
01-05-2011, 01:17 PM
حياك عبدالمحسن

فعلا الدنيا غريبه

فيه ناس مو حاسه بالمسؤوليه