المساعد الشخصي الرقمي

مشاهدة النسخة كاملة : ~~~ مذكرآتـ .. يــgميه ~~~


صاحبة المعالي
26-04-2011, 03:56 AM
..:: بــســم الله الـــرحـــمـــن الـــرحـــيـــم ::..

~~ آلسلآم عليكم ورحمة الله بركآته ~~

صبآح / مسآء .. آلخير ...,


:icon33:


لكل منآ مذكرآت يــgميه آg آسبــgعيه gآلكثير آيضآ يحبذ تدgينهآ كتآبيآ ...,

هنآ لكـ آلمجآل لتدgنـ / ــي مذكرآتكـ آليــgميه .. جدgلكـ آليــgمي آg آلآسبــgعي ...,

مآذآ فعلتـ .. آينـ ذهبتـ .. متى آستيقظتـ .. منـ رآيتـ .. .........,

فقد آصبحنآ جميعنآ آخــgهـ .. عشنآ مع بعض دآخل هذآ آلمنتدى آلذي جمعنآ ع آلمحبه آلآخــgيه ..

فلنعيش لحظآتنآ خآرجه معآ ...,

~~~ فهذهـ آلصفـ ح ــه .. هي مذكرتكـ ...,

~~~ gهذهـ آلكيبــgرد .. هي قلـ م ــكـ ...,

~~~ دgنــ / ــي مذكرآتكـ هنآ ....................,

بآنتظآر مذكرآتـ آجمل آعضآء عرفتهمـ ...,

صاحبة المعالي
26-04-2011, 03:57 AM
اليوم .. الاثنين

التاريخ .. 21 / 5 / 1432 هـ

صحيت الفجر للصلاة و افطرت وتجهزت للجامعه ورحت نفس عادتي كل يوم

خلصت محاضراتي الساعه 2 ورجعت البيت وكانت الساعه 2 ونص

صليت وتغديت

قعدت ع النت عندي مشروع حبيت اخلص جزء منه وبعد ما اذن العصر نمت ولا صحيت الا المغرب

بعد ما صليت اخذت جوالي والاقي عليه مكالمات >> اووووووووخص مهمه

اتصلت ع المتصلين وخلصت ورحت اتقهوى مع اهلي .. خواتي متجمعين عندنا ...,

سوالف و وناسه >> الله لا يغيرها

بعد صلاة العشاء وبعد ما تعشينا .. لازم اتقهوى عاد الحين اكون روقت وتحلى لي الجلسه ...,

ع الساعه 11 ونص تقريبا جلست ع النت اسولف مع زميلاتي بالمسن واكمل البروجكت واحوس بالكمبيوتر

وادخل المنتدى ......,

والحين ..

دخلنا يوم جديد .. الثلاثاء .. بمنتديات الخبر ...,

جا ع بالي فكرة المذكرات اليوميه .. قلت انزلها في المنتدى ...,

انتهى ...........,

غاْرديّـכּہاا
26-04-2011, 06:03 AM
طرحٌ رآِئع كروٌعتكّـ جميلتي
ذذكرتيني باشياء مرا حلوهـ يوم كنت سعنونه كنت اكتب بدفتري الاشياء والذكريات زي هيك وش سويت ماسويت مين جاء هههههه
لروحَكَـ جِنآئِن وَرديهّـ..,
وَأمنيآت لكي بأيآم أَجمل دون بكاء

لي باكٌ مع مذكراتي قريب

http://www.rofof.com/img4/2ajpdi5.jpg (http://www.rofof.com/img4/2ajpdi5.jpg)

اشراقة حب
27-04-2011, 01:58 AM
الاثلاثاء

22|5

صحيت الساعه2 ونص الظهر

دخلت المنتدى على طووول

شربت بيبسي

وجات الوالدة من الدوام والاهل

تغدوا ما تغديت اليوووم لاني مستااانسه نفسيتي مرتاااحه

الساعه 4 قعدت مع الوالد اسولف


بعدين قضيت وقتي كلو على اليوتوب

الوالده سوت لنا هريس واكلنا

والحين الاربعاء

وانا لساتني على النت


بعد شويات على الساعه 4 ونص الفجر

بناااااام

صاحبة المعالي
27-04-2011, 11:34 PM
المها .. نورررررررررررررررتي يا قلللبي

بانتظار مذكراتكـ بيبي

جالكسي .. يا حلاتكـ وحلاة يومكـ يا قمر نورررررررررررررررتي

صاحبة المعالي
27-04-2011, 11:38 PM
اليوم .. الاربعاء

التاريخ .. 23 / 5 / 1432 هـ

بعد ما صليت الفجر رجعت ونمت وبعدها صحيت الساعه 8

اليوم طبعا بروح الجامعه متاخرهـ لانو محاضرات الصباح الغوها لانو في اجتماع ...,

ع بال ما احط غسول الوجه وكريمات وحوسه قمت اتفنن بوجهي فاضيه ههههههههه بعدها رحت وصحيت امي من النوم ابيها تفطر وتقهوى معي ماحب اكل لحالي ...,

وبعدها رحت اراجع شوي لانو عندي كويز وبعدين رحت اتجهز لاني بروح للجامعه

الساعه 12 وانا بالجامعه وحضرت محاضراتي

وطلعت الساعه 2 ورجعت للبيت ونمت وصحيت العصر وتقهويت مع اهلي حلى وقهوهـ وسوالف وبعدها طلنا نتمشى في حديقة بيتنا وكان الجو مررررررررررررررهـ روعه

وبعد المغرب رحت لبيت عماني وبعد العشا رجعت للبيت وجلست ع اللاب توب ع المسن والمنتدى ...,

لحد الحين و قاعدهـ اشرب عصير توت طازج من حديقة بيتنا يـــم يآآآآآآآآآآم ٍِ

الساعه الان 11:39 مساء

انتهى ...,

انعاام
28-04-2011, 12:09 AM
تسلم لي هالانامل المبدعة
..
شكرا عالموضوع الجميل والرائع

سنتعرف على الاعضاء ويومياتهم اكثر ..
.
بفضل الله ثم بفضلك^^ سيكون الموضوع مشوق ورائع
وان شاء الله سأكون متابعة لهذا الموضوع ^^
لي رجعه

اشراقة حب
28-04-2011, 12:18 AM
اليوم صحيت الساعه 2 ونص كالعااده

طلعت رحت الكرنيش مع صحباتي غيرت جو لان حدي متضاااايقه

رجعت ولا كاني رحت لساتني متضايقه رجعت على الساعه 7

جلست عند الماما احكيلها تعشينا ..

والاهل نامو وانا ضليت بروحي اسوالف مع صديقاتي على طلعت اليوووم بالجوال

والحين الساعه 12


(هههههههههههههههههههه)

اكيد بتقولو ياربي فاااااضيه كل وقتها صدق انا فاااااضيه كل وقتي وخصوصا لان في الجامعات اختبارات ان شاء الله بعد الاختبارات نفلها من جد راح يكون في مذكرات

^^


مرسي على الموضوع الحلو الغير عن كل المواضيع

طـــــير السعد
28-04-2011, 12:37 AM
اليوم الاربعاء 23/5/1432هـ
قمت وصليت الفجر وقعدت شوي اسولف مع قصيري فالشارع ساعه عقب الصلاه والجو خيالي
وعقبها روحت لدوامي قعدت شوي الين تسع وطلعت من الدوام جلست شوي فالنت
وبعد الظهر جاني واحد من العيال سوالف لين الساعه 1ونص وراحو مني وقيلت شوي الين العصر
واروح للكليه ماطلعت الا 12 حكم
وهذي جيتي الحين


لاهنتي شوق موضوعك حلو يعيشنا جو الاعضاء

صاحبة المعالي
28-04-2011, 10:01 AM
انعام :icon33: .. اسعدني مروركـ لمذكرات الاعضاء وكلي فخرآ بان تكوني من المتابعين لمتصفحي ولكن زيدي من انارته بمذكراتكـ .. بالانتظار غاليتي ...,

جالكسي :icon33: .. اسمكـ مرررررررررهـ عاجبني يم يااام ههههه
مروركـ الحلو والاحلى منه انتي بيبي ...,


طير السعد :icon33: .. الاحلى مروركـ اخوي .. وهذا اللي كنت ابغاهـ نعيش معاهم داخل وخارج المنتدى .. بانتظار المزيد من مذكراتكـ ...,

:a_welcome: نوررررررررررررررررررررررررتو ...,

الراسيه
28-04-2011, 10:25 AM
والاحلى موضوعك شوووق ... انا بالعاده مااحب اكتب مذكرات بس لعيونك ياشووق ياذووق قلت اشارك ...

اليوم صليت الفجر وجلست اقرا قران الين الساعه سبع ودخلت المنتدى اصبح عليكم وافكر كيف اذاكر عندي السبت اختبار صعب شوي ومنهجه طويل والليله فيه زواج عندنا ومدري كيف اروح وانا مانمت زين وعندي اختبار ..

صاحبة المعالي
28-04-2011, 10:39 AM
روووسي .. فديتكـ يا عمرررررررررررري

اذا ما فيكـ نوم ذاكري ومتى ما جتكـ النومه نامي

ومتى ما صحيتي تجهزي وروحي الزواج .. بس ليش ما عزمتيني ههههههه

نوررررررررررررررتي غاليتي

جنائن الاوركيد لقلبكـ الطاهر

http://www.ibtesama.com/vb/imgcache2/77686.gif (http://www.ibtesama.com/vb/imgcache2/77686.gif)

http://www.ibtesama.com/vb/imgcache2/77687.gif (http://www.ibtesama.com/vb/imgcache2/77687.gif)

الراسيه
28-04-2011, 10:42 AM
هههههههههههه لبااااااك ياشوق تعالي وربي تشيلك عيوني
انا وحده اتهرب من المذاكره لان لو بديت فيها ماانتهي

صاحبة المعالي
28-04-2011, 10:56 AM
خلاص بجي الزواج استنيني واستقبليني ههههههه

ويلا عاد قومي ذاكري الا الدراسه لو ما تروحين للزواج

>> اوما الطقطقه هههههههه

صاحبة المعالي
29-04-2011, 01:36 AM
اليوم .. الخميس

التاريخ .. 24 / 5 / 1432 هـ

بعد م صليت الفجر رجعت ونمت وصحيت الساعه 9 صرت ادوج بالبيت ادور اهلي

مافي حد سالت الشغاله قالت go to shopping رايحين السوق

بس فيه 2 من خواتي

فطرت وبعدين جلست ع المنتدى .. الساعه 12 جو اهلي عاد شغلتي انبش بالاغراض شجابو هههههههههه

بعدين تغدينا وبعد الغدى جلست انا واخوي ع النت من لنا 3 ايام وحنا ندور عن كتاب ومو لاقيينه والبحث جاري للحين

ومن كثر ما فرفرت بالنت جتني النومه تركت اخوي يدورهـ ورحت انام

وما امدراني اغط الا وياذن العصر

صليت ورحت عند اهلي اتقهوى معهم وبعدها رحت اذاكر

لان عندي امتحانين هالاسبوع

لحد ما اذن المغرب وصليت بعدها رحت انا واخوي واختي مشوار

بعد العشاء رجعنا تعشيت وكملت دراسه

ع الساعه 11 خلصت رحت اتقهوى مع امي وخواتي

وبعدين جلست ع المنتدى

الحين الساعه 1:36 دخلنا ع الجمعه

انتهى ...,

غيمة غلا
29-04-2011, 11:15 AM
موضووووع نااايس شؤشؤ":, ممممممممممممممم بكتبلك وشو صار لي الخميييس امس :SnipeR (51):@@

http://www.almlf.com/get-3-2011-almlf_com_m7tehc1g.jpg

(http://www.almlf.com/)
أصعب شيء في الدوووونيا إن الوحده تبغى تسووي وطنيه وتنوي تاكل وتدلع عمرها وتطلع من جوو الاختبارات شوي قداام صديقاتها عششان تعزمهم بمطعم فرايديز~~ْْ
وتقوم تسوي نفسها بنت عز ومرفهه ومدللــه http://www.almlf.com/get-3-2011-almlf_com_9cpbe5y0.gif (http://www.almlf.com/) وتغير شنطتها وتاخذ شانيل الجديده من الهياط وهي بسياره تفتكر إنها نست الديتول
والملاعق البلاستيك لأنها موسوسه وتقرف من كل شيء
http://www.almlf.com/get-3-2011-almlf_com_pqjmcn3o.gif (http://www.almlf.com/)


وتاكل وجبتها المفضله ومع الحلوواات اللي بس يضحكوون وتجي تدفع الحساب وتطلع نست محفظتها في البيت لأنها غيرت الشنطه افتكرت الملاعق والديتول ونست المحفظه http://www.almlf.com/get-3-2011-almlf_com_n36g48l3.gif (http://www.almlf.com/)
هذا حصلي امس كنت في مأزق شديد اللي يشوفني يقول ياما هنا ياما هناك وأنا ماعندي سالفهْْْ هع هع
أنقذ الموقف السواق طلعت محفظته عامرررررره وصارت رقبتي قد السمسمه اني تسلفت منه
تمنيت اني جلست بالبيت وأكلت سلطة البروكلي اللي بالثلاجهhttp://www.almlf.com/get-3-2011-almlf_com_3mdq3gbs.gif (http://www.almlf.com/)


وبسسس ولا تعلمييين علي شؤ شؤ

صاحبة المعالي
30-04-2011, 12:07 AM
هههههههههههههههههههههههه

وربي ذكرتيني باختي ما تروح مكان الا ومعها عدتها هههههههه

وبعدين احمدي ربكـ انو السواق معه دراهم والا كان ............. ههههههاي

نورتي حبيبتي .. فمذكراتكـ زادت من تالق متصفحي ...,

نبضات قلب
30-04-2011, 10:30 PM
اليوم السبت 26 / 5 / 1432 هـــ


اليوم كان متعب جدا


كان فيه مشكله بالمستشفى وحليتها الحمدلله مع قسم العنايه المركزه ما كليت شي الصبح ورجعت للكليه في مكتبي اشوف الايميل واكمل شغلي لين اذن وصليت الظهر بعدين رحت هارديز في وجبه جديده هناك

راب شيكن رهيبه يا تسالي ههههههههههههه وش دخل تسالي


رجعت للشقه جلست بغرفتي بهدووووووووووء ونمت ما حسيت بنفسي ارهاق والله

المهم شفت مسلسل خالتي قماشه موت ضحك فله ووناسه


وبعدين جانا غبار هههههههههههههه تعرفون شقق العزاب تمتلي غبار تمتص الغبار امتصاصا شديدا خفت اندفن تحت الرمال المتحركه الربع الخالي انقذوووووووووووني


الحين انا هجيت وجلست بالكافيه قبل الكافيه الجيب كله مغبر القزاز الامامي ما تشوفون منه شي واشتغلت المساحات يمين يسار يمين يسار ايوه ايوه عاشوا عاشوا هههههههههههههه

تنكس ههههههههههههه


المهم الحين شربت قهوتي الفرنسيه وطلبت عشا وراح اروح لاخوياي على شان احش فيكم لالا قصدي نسولف عن فتحه الاوزون هههههههههههههههه




فديتكم وفديت اللي كتب الموضوع الحلو هذا

صاحبة المعالي
01-05-2011, 03:58 PM
ميرررررررررررررررررسي يا مبدع

والف شكر لكـ ع التثبيت

والله يعينكـ ع يومكـ المتعب ...,

اشراقة حب
01-05-2011, 07:28 PM
اليوم الاحد

نمت الساعه 6 الصباح كنت بالمنتدى

وحلمت احلام سعيده

صحيت الساعه 2 ونص صليت

وروقت

والساعه 4 تغديت

وطلبت بسبوسه وميرندا

وشربتها والحين الساعه 7ونص دخلت المنتدى

وبعدها باذن الله راح اروح عند اخواني الاعزاء

وبتعشا وبشتريلي تسالي (جالكسي بيبسي ميرندا دريتس برنقز وشويت اغراض )

عشان الليل بس

نبضات قلب
01-05-2011, 07:37 PM
اليوم الاحد 27 . 5 . 32 14 هـــ



اليوم صحيت الصبح سويت نسكافيه وجبت كيك محشو بالتوت يجنن هههههههههههه

وشفت صباح الخير على ام بي سي


الغدى رحت لدومينيز بيتزا ههههههههههههههههههه

باسكن دخلت عليه جنب محل دومينيز لقيت عنده مدرسات نازلين من باص وطولن قلت اروح اشوف البيتزا خلصت ولالا يوم رجعت شفتهم طالعين جيت ابي ادخل لقيته سكر هههههههههههههههههه


وابي اطلع ان شاء الله الكافيه هههههههههههههههه فيه كافيه هادي كثير وحلو وعنده وجبات تجنن


هههههههههههههههه


ْ _ ْ

صاحبة المعالي
02-05-2011, 01:37 AM
اليوم .. الاحد

التاريخ .. 27 / 5 / 1432 هـ

بعد صلاة الفجر نمت وصحيت الساعه 8 اليوم اساسا عندي OFF بس كان عندي exam الساعه 2

فطرت وجلست اذاكر

وبعدين صحت امي من النوم وتقهوينا وكملت دراسه

بعد صلاة الظهر تجهزت ورحت للجامعه امتحنت

ورجعت للبيت بعدها قعدت ع المنتدى لحد ما اذن العصر

صليت وحاولت انام بس مو قادرهـ من الارق اللي له كم يوم مو راضي يفكـ عني

شوي والا تقول لي مام انو بنات جيراننا عندنا ويقولون من زمان عن شؤشؤ

عاد انا قلت بما انو الارق مو مخليني انام زين اللي جو يسلونني

وفعلا تسلينا وخصوصا اني زمان عنهم يا حبني لهم .. قهوهـ .. شاي .. عصير .. حلى .. كيكـ ..., etc

بعدها طلعنا حديقة بيتنا وقعدنا نتمشى ونلعب مع عيال اخوي ونسولف

بعد المغرب راحو البنات وانا قعدت اذاكر لانو عندي اختبار بكرا

بعد صلاة العشاء تعشيت وكملت مذاكرهـ

الساعه 11 خلصت

رحت اتقهوى وبعدها تكيت ع المنتدى انتظر النوم يجيني

لاني تعبت صار لي كم يوم ع هالحاله بحاول اني انام

والحين دخلنا يوم الاثنين الساعه 1:37

انتهى ...,

صاحبة المعالي
03-05-2011, 12:53 AM
اليوم .. الاثنين

التاريخ .. 28/ 5 / 143 هـ

اليوم سحبت ع الدوام لاني ما صدقت على الله انام لي كم من ساعه ...,

صحيت الساعه 9 الصباح فطرت وجلست اذاكر لانو عندي exam يبدا الساعه 2 ...,

وبعدين تقهويت وبعد صلاة الظهر تجهزت ورحت الجامعه واختبرت ورجعت البيت العصر .. جلست ع المنتدى شويات وبعدها رحت اتقهوى مع اهلي ...,

بعد المغرب رحت بيت اختي عازمتني ع العشاء عندها ورجعت بيتنا الساعه 10 جلست اسولف مع ماميتي ...,

وبعدين جلست ع المسن والمنتدى انتظر النوم يجيني خصوصا انو عندي بكرا OFF ابي انام واعوض ايام الارق اللي فاتت ...,

والحين دخلنا يوم جديد الثلاثاء الساعه 12:35

انتهى ...,

اشراقة حب
03-05-2011, 01:46 AM
اليوم صحيت 12 صليت

ورجعت نمت

قمت الساعه خمس ونص المغرب

جالست شوي وتغديت وقعدت على البريد الالكتروني

وسمعت اخبار تكتم الانفاس تضيع الخلق ااااااااااه

بس

وقعدت بس اقول ربي يخليلي ابوي وامي ويطول بعمرهم لي الله لا يحرمني منهم

ما تعشيت لاني متكسرة

وبس الحين الساعه 2 بالليل

المنتدى هادي مرة ما يحمس

او يمكن مودي ما يحمس اجلس

فقررت اطلع من المنتدى بحاول انام ..

ملاحظه

مادري اليوم اي يوووم ههههههه
بس اعرف انو 2 يوم استلام الرواتب امس

نبضات قلب
03-05-2011, 02:23 AM
اليوم الاثنين

28 . 5 . 32


اليوم الصبح ما كليت شي بس اول شي سويته اني اتصلت بالوالد الظهر لقيته رايح يجيب اخوي عبد الرحمن من المدرسه


رحت جبت غدا من مطعم طحت عليه يجنن ورجعت للشقه اتابع التلفزيون بعدين طلعت انا وخويي بعد صلاه العشاء للكافيه الطابق الثاني تقوينا وكلينا حلا بالتوفي بعدين تمشينا ورحنا للمطعم تعشينا هناك

وجنبه كان فيه محل يبيع حلويات وكيك بسعر الجمله رحت جبت لي برنغز وكيك بالبندق عشقي الاول والاخير

وكراميل الاحمر


تحياتي

يمكـ دروبي
03-05-2011, 11:01 PM
29..5..

يوم الثلاثاء

صحيت غصب عني بالقوه الساعه 5 صليت الفجر وبعدها رجعت خمدت والساعه ست الاربع قمت وجهزت نفسي للدوام <<<<< ياهي لحظات عصيبه

داومت ورجعت بعدها الظهر للبيت وسحبتها نومه الين العصر

الساعه 5 جتنا ام بدر وتقهوينا معها بعدها طلعت من المجلس للصاله وع التليفون مع اختي الكبيره

وياربي بعد وش سويت اممممممممم ايه صح بعد المغرب جلست مع امي
لحد العشاءوبعدها جلسنا وجاء اخوي وسواليف ويووووووووه تعبت من كثر الحكي

المهم الى هاللحظه ودخلت المنتدى وبجلس معكم الين مايجيني النوم

وبس ... هههههههه اول مره(..................) ولا بلاش اخاف تضحكون علي

اكيييييييييييييد شوشو عرفتي خخخخخخخخخخخخخ

صاحبة المعالي
03-05-2011, 11:39 PM
ههههههههههههههههههههه

ما اقول الا منورررررررررررررررهـ المذكرات بمذكراتكـ بيبي

صاحبة المعالي
03-05-2011, 11:40 PM
اليوم .. الثلاثاء

التاريخ .. 29/ 5 / 1432 هـ

اليوم عندي OFF ما صحيت الا باتصال من اخوي الساعه 9 ونص الصباح .. قومني من نومتي ...,

بعدها فطرت وبعدين تقهويت وبعدين جلست ع المنتدى شويات ...,

الساعه 1 الظهر نمت وصحيت العصر وتقهويت وبعديت رحت اعمل شوبنق وما رجعت الا العشاء ...,

تعشيت وبعدين قعدت اكلم صحباتي وبعدين دخلت المنتدى وبس ...,

انتهى ...,

نبضات قلب
04-05-2011, 12:55 AM
اليوم الثلاثاء

29 خمسه 32



اليوم فطرت كيكه بالبندق


ورحت الضحويه للكليه تناقشت مع الطلاب وعرضوا البرزنتيشن حقهم


بعدين رحت جبت غدا من كنتاكي ( تويستر ) عشقي هههههههههههه

بعدين اطالع التلفزيون وحركات

بالليل رحت شفت مباراه برشلونه وريال مدريد بالكافيه وطلبت قهوه فرنسيه عشقي

بعدين بالنص طلبت ( هوت شوكلت سبشل ) تجي بودره كاكاو مع كاكاو سايل تجنن


وبعدها رحت وانا مشغل الجسمي هههههههههه وجبت عشا شيش طاووق وحاط الحين

قناه ام بي سي توووووووووو


وسلامتكم وصح لساني


هههههههههههههه

اشراقة حب
04-05-2011, 01:41 AM
اليوم الثلاثاء

صحيت 2 ونص كالعاده

تغديت وانا مروووووقه حيل

الساعه اربع رحت السوووق مع صحباتي تسوقت جيت المغرب الساعه 6 مادري شي زي كذه

بعدين جلست على الموبايل 2 ونص حكي مع صحباتي نحش بالملابس ونمدح فيها <<<ادري فضاااوه

بعدين الساعه 10 تقريبا تعشيت ورحت اخذت قيلوله 15 دقيقه وصحيت اخذت شور وقلت اروح المنتدى بحكم انو البيت كلو سباااات هدوء ..

الحين الساعه 2 يوم الاربعااااء وانا توني داخله المنتدى شكلي بطلع بعد الفجر بصلي وبنام ^^

انتهااااء

نبضات قلب
05-05-2011, 12:18 AM
اليوم الاربعاء

2 . 6 . 32


اليوم كنت راقد ماقدرت اتحرك لين الضحى رحت للكليه حتى ما فطرت وجلست بالمكتب وبعدين جو الطلاب وتناقشت معاهم وطبعا بعضهم ما فيهم امل وجلست بعدين مع اثنين اطلبوا مني اشرح لهم شي عن

الضغط وفشل القلب والجلطات


جلست معهم ساعه بعدين رحت للمطعم جبت وجبه راب شيكن من هارديز


وجلست بالشقه اروح للمسجد اصلي وكذا بعد صلاه المغرب سويت نسكافيه بالفانيلا مع شويه بودره كاكاو

وكليت معه كراميل وكيك بالبندق يا سلام خيال وجلست على المنتدى شوي وتابعت مباراه الهلال ما عجبني

بعدين الغرافه بعدين رحت الكافيه تابعت مانشتر يونايتد لعب عجيب وحلو وطلبت قهوه فرنسيه وطلبت وجبه فرايديز وبس



جاء يوم الخميس يالله تجعله يوم جميل بدون غبااااااااااااااااااااااار

اشراقة حب
05-05-2011, 02:53 PM
اليوم خميس

نمت الساعه 7 وربع
..


صحيت بدري الساعه 1 وربع

صليت وقعدت على الكميوتر اطق طق في

باذن اعصر بصلي وبجهز الفطور لاني صااايمه

وبجهز عندي بارتي اليوم بلبس ..

بيأذن وبصلي وبجهز اكثر ..

وبطلع وان شاء الله بستانس

وبعدها عاى 10 بجي البيت وبتعشا (لازم اكل اكل البيت ههههه)


وبجلس على المنتدى


(خطه مستقبليه )


ههههههههههههههه

لي عوده

بالمذكرات

نبضات قلب
07-05-2011, 12:23 AM
يوم الجمعه

4 , 6 , 32 هــ


اليوم الجمعه


الصبح ما افطرت الحقيقه ورحت صليت الجمعه بجامع الملك فهد تحفه معماريه ما شاء الله بالنقش الاسلامي المميز بعد الصلاه رحت ادور على مطعم على شان اتغدى والحر الله يستر منه المكيف مايلحق والله خذيت كبسه خصوصي ورجعت الشقه اطالع الشيخ محمد العوضي على قناه قطر بعدين طالعت ام بي سي في اسبوع

وظليت طول النهار نسكافيه بالفانيلا مع كيك بالبندق مدمن عليه

بعدين رتبت الشقه جبت جلسه للصاله ورتبت الكتب عندي الحين صندوقين مليانين كتب علميه وادبيه وفكاهيه

وبعد العشا حوالي الساعه تسعه رحت للصالون مشهور اسمه ههههههههههههه ماني معلم وجبت وجبه من هارديز راب شيكن والحين جالس اكتب لكم


انتهااااااااااااااااااااااااااااء مثل بعض الناس ههههههههههههههههههههههههههه

اشراقة حب
08-05-2011, 01:59 AM
اليوم السبت

قمت وحده ونص قعدت مع خويتي طبعي هي بالمنتدى هههي

طبعا طبخت لي واكلت على حوالي 3 وشويات

صلينا وهي راحت لبيتها 4ونص

رحت غرفتي فتح الجهاز بس الاسف الشبكه كانت زفت ..

رحت للتلفزيون

وفرفرت لين 5 مافي شي زي الاوادم

رحت عند ماما سواليف عن رحلتي في الهند احكيلها


وجات العصريه بسبوسه وسفن اب وجالكسي

اكلت ومادري كيف راح وقتي اليوم راح بسرعه وانا اطالع تلفزيون

وتعشيت رول بالخضار وهبرقل وبطاطس مقلي

بس

والحين الساعه 2 .. يوم الاحد

الخطه المستقبليه

بنام بعد افجر وبطق طق على المنتدى لين ما ياذن


انتهى

صاحبة المعالي
08-05-2011, 11:48 PM
اليوم .. الاحد

التاريخ .. 5/ 6 / 1432هـ

طبعآ اليوم عندي OFF ونااااااااااااسه هههههههه :grindance:

بعد صلاة الفجر رجعت ونمت وصحيت الساعه 10 ونص تقريبآ

لقيت اختي جايتنا فطرت وتقهويت مع اهلي

بعدين ع الساعه 11 ونص تقريبآ جلست ع المنتدى

وبعد صلاة الظهر كملت ع المنتدى بعدين ع الساعه2 نمت وصحيت العصر تغديت

وكان عندي بروجكت قعدت اكمله ع اللاب

بعد المغرب رحت لصديقتي " لهووووووووفه "

ورجعت البيت ع صلاة العشاء بعدين جلست ع المنتدي ثاني

وبعدها رحت اتعشى ورجعت دخلت المنتدى ومسن

الحين الساعه 11:49 مساءً :face9:

انتهى ...,

غيمة غلا
09-05-2011, 04:40 PM
صحيت الصبح السااعه سبع الا ربع طبعا مااشبعت نووووم من سهر الباارح
ونزلت تحت وافطرت مع ماامي لنها غاايبه اليووم عندها فلووو":)
وطلعت الجاامعه وبطريقي اخذت كرووساان للبنات ادري يحبوونه وجلسنا نفطر ونسوولف ونضحك وكاان عندنا exersiseوجلسسنا نحل ونغشش من بعض لوول":.
وطلعت على 1.37 للبيت وجلسست اتغداا مع داادي لانه اليووم اووف وبعدهااا على المنتدى صااار ادماان وربيي@@
وللحيين جالسه ويمكن بعد اشووي اطلع الظهران مووول اتقهواا مع اختي !^^
عوااااااااااااااافي شؤ شؤ ~~

صاحبة المعالي
10-05-2011, 01:15 AM
يعافيكـ ربي حياااتووو

بس المرهـ الجايه جيبي لي معكـ كروسان ^_*

.

صاحبة المعالي
10-05-2011, 01:18 AM
اليوم .. الاثنين

التاريخ .. 6/ 6 / 1432 هـ

كعادتي بعد صلاة الفجر رجعت وكملت نومتي

وصحيت ع الساعه 6 نص فطرت وتجهزت ورحت الجامعه محاضرات وحوسه

رجعت الساعه 2 ونص للبيت صليت وتغديت وجلست ع المنتدى شويات لحد صلاة العصر وبعدها نمت وصحيت المغرب


جتنا اختي جايبه معها ايس كريم وبعدين درست شوي

وبعد صلاة العشاء تعشيت وجلست ع جوالي بعدها قعدت ع المنتدى ...,

والحين دخلنا ع يوم الثلاثاء عندي OFF الثلاثاء >> ناويه تسهر

الساعه الحين 1:17 صباحآ

انتهى ...,

طـــــير السعد
10-05-2011, 12:25 PM
البارحه مادشيت المنتدى لاني راقد ( نايم ) من الساعه 8 مساء
المهم واصبح الصبح صلاة الفجر واقعد شوي فالشارع اسولف مع قصيري لين طلعت هين الشمس
قلت اروح بدري للدوام ويوم جيتتهم مستغربين :girl: الجيه بدري
دشيت شوي فالمنتدى الصبح وعقبه طللعت اشطح لي كم معاملة بشيكاتها والحين توني جاي:girl:

غيمة غلا
10-05-2011, 04:23 PM
اووكي من اعيوووني شوووق اجيبلك كرووسوون^^
طييير يازين سواليفك وانت تقوول قصيري وتسذا ":)
لي باااااااااااااك ~~

اشراقة حب
11-05-2011, 12:38 AM
اليوم

صحيت غير العاااده

9 الصبااااح

وانا مدوووخه راسي شوي وينفجر <<<اوصف الحاله


فطرت اندومي كاري دجاج

دخلت المنتدى لعبت كم لعبه وطلعت ..

وانا مصدعه اكلت 2 بندول

ونمت وصحيت الساعه 6 المغرب وانا مسخنه حيل

صليت .. وكملت نمت ..


حالتي ماساويه اليوم ..


عشان كذة ما دخلت المنتدى

بس دخلت عشان المذكرة !!


يلا تصبحون على خير ..


انتهى ...

صاحبة المعالي
13-05-2011, 03:07 AM
http://m002.maktoob.com/alfrasha/up/1307459926179608733.gif (http://m002.maktoob.com/alfrasha/up/1307459926179608733.gif)
http://m002.maktoob.com/alfrasha/up/1307459926179608733.gif (http://m002.maktoob.com/alfrasha/up/1307459926179608733.gif)
http://m002.maktoob.com/alfrasha/up/1307459926179608733.gif (http://m002.maktoob.com/alfrasha/up/1307459926179608733.gif)


اليوم .. الخميس

االتاريخ .. 9/ 6 / 1432 هـ

قمت ع الساعه 9 تقريبا من بعد تعب ونوم 16 ساعه تقريبا

فطرت وكليت علاجي وبعدين تقهويت وجلست مع امي شوي

ع الساعه 11 دخلت المنتدى شويات وبعدين وقت الغدا وتغديت وبعد اكلت علاجي
الظهر قعدنا ندردش انا واهلي

العصر تقهوينا والساعه 5 رحت شوبنق رجعت ع العشاء نمت وصحيت الساعه 10 ونص جونا بنات جيرانا سهروا عندنا وراحو الساعه 12 ونص

وبعدها دخلت المنتدى

والحين دخلنا ع الجمعه الساعه 3:8

انتهى ...,

صاحبة المعالي
15-05-2011, 01:22 AM
اليوم .. السبت

التاريخ .. 11 / 6 / 1432 هـ

قمت من الفجر ولا نمت قعدت اذاكر لانو عندي exam ورحت الجامعه واختبرت وحضرت محاضرات

وع الساعه 2 تقريبا رجعت البيت تغديت وجلست مع اهلي لحد العصر ونمت وصحيت قبل المغرب بساعه تقريبا

وجالسه مع اهلي تقهويت ودردشنا شوي

بعد المغرب رحت اخلص لي كم مشوار وشغله

بعدين رجعت البيت وتعشيت و جالسه مع خواتي ومامي راحت لصديقتها

وبعدين جت ماميتي ودردشنا شويات و ع الساعه 11 ونص دخلت المنتدى

والحين دخلنا ع الاحد الساعه 1ونص

انتهى ...,

صاحبة المعالي
16-05-2011, 12:06 AM
اليوم .. الاحد


التاريخ .. 12 / 6 / 1432 هـ

صحيت الصباح عندي OFF ورحت انا وامي واخوي مشوار

ورجعت ع الظهر تغديت ونمت شوي

صحيت العصر تقهويت مع اهلي وسوالف وفلة حجاج

بعدين جلست ع النت شوي وبعدها طلعت اتمشى بحديقتنا

الجو مرررررررررررررررهـ حلوووووووووو

بعد المغرب رحت بيت عماني ورجعت ع العشا

تعشيت وجلست انا واهلي ندردش شويات

وبعدين جلست ع المنتدى والمسن وجوالي

والحين دخلنا يوم الاثنين الساعه 12:7 صباحآ

انتهى ...,

صاحبة المعالي
22-05-2011, 09:10 AM
اليوم .. السبت

التاريخ 18 / 6 / 1432 هـ

بعد صلاة الفجر رجعت ونمت وصحيت ع الـ 7 ونص فطرت وتجهزت ورحت للجامعه


وانا في الجامعه اتصلت علي لهوووووووووووووفه قالت البنات بيجتمعون عندي بعد المغرب تعالي


الظهر رجعت البيت وبعد العصر حاولت انام ولا نمت من الارق اووووووووووووووووووووف منه


قعدت مع اهلي وتقهويت وقلت لـ لهوووووووووفه اني بجيها قبل المغرب عشان نسولف وناخذ راحتنا قبل ما يجون الصبايا

ورحت لها , و بعد صلاة العشاء رجعت البيت

الا خواتي متجمعين عندنا وعماني وعاملين باربكيو و حركتات

انبسطنا وتعشينا ولعبنا ... etc ,

وبعدين دخلت المنتدى والحين بنام ...,

انتهى ...,

اشراقة حب
24-05-2011, 02:30 AM
بعد غيااااااااااااااااب

منقطع



اقولكم السالفه


مادري اليوم ايش ولا اعرف التاريخ


المهم


الايام الا كنت ادخل يا دوب مشاركتين واطلع


كنت فيها عند جدتي ... ست الستات

عشان القبول في جامعه عبد العزيز ان شاء الله


انا قدمت بالاثنين الا هيا فيصل وعبد العزيز

عاد ان شاء الله خير


ملاحظه ما قدمت يعني حطيت اوراقي ومادري ايش لا


صراحه دورت لي واسطه


يارب سامحني ياااارب


الحمدالله


شي يحزن ادري بس ايش اسوي من جد انا تضايقت كثير بس ما كان لي فرصه غير هذي وخصوصا انو تقريبا راحت علي سنه بسبت التحصيلي يلا


هي مذكرات مو فضفضه

هههههههههههههههه


خليني ادخل في يومي


انا طبعا جيت من السفر امس الا هو اتوقع الاثنين

تعبانه نوعا ما

بس عادي

تاخرت مرة الرحله ما دري ليه صارت الخطوط السعوديه كذة


المهم


جيت تغديت من جدة ومالي خلق اكل بالبيت ههههههه


طبعا اكلت اكل الطيارة


رجعت وانا مرة مستانسه <<<احب الطيارة مرة امنيتي ادخل عند الكبتن ياريت


المهم



وصلت تقريبا 6 وشويات اذن المغرب صليت

وقعدت اسولف الاهلي من يوم ما حطيت رجلي في جدة لين ما حطيت رجلي بالشرقيه

هههههههههههه

بس


تعشيت

وروقت وجا يوم الثلاثاء


يوم الثلاثاء قمت وانا نشيطه مرة


افرفر على التلفزيون لين ما اذن الظهر


تابعت ليلي ومالقيت نفسي الا في بعدك طيب


ههههههههه


نمت على الكنبه

صحيت الساعه 4


صليت


جلست على الفيس بوك


اسولف حق صديقاتي واحط لهم صور السفرة


وبعدين ما دري كيف راح الوقت


اخذت شور وقلت خليني ادخل المنتدى

احسن لي وابرك لي اشوف الناس الطيبه


انتهى



مع انو اليوم مخربه الموضوع ادري بس متحمسه يمكن نوعا ما



انتهى ^^

صاحبة المعالي
15-06-2011, 02:22 AM
اليوم .. الثلاثاء

التاريخ 12 / 7 / 1432 هـ

اليوم اخر ايام اختباراتي

رجعت البيت الظهر ونمت وصحيت العصر وتغديت

وبعد المغرب تقهويت انا واهلي من زماااااااااان عن الجلسات والوناسه

بعد العشاء جلست مع اهلي شويات وبعدين رحت اشيكـ ع البانر اذا طلع لي نتائج او لا

وبعدها دخلت المنتدى

انتهى ...,

اشراقة حب
24-06-2011, 11:50 PM
اليوم الجمعه


..



اليوم غير شكل


قمت الساعه 1


وتغديت


وجلست مع نوني


واستانست وياه


ومر الوقت

وتعشيت شورما

..

وبس



والحين 12


..

^^


..




انتهى



ايش فيكم ما تكتبو يومياتكم ..؟؟



ها



..


حتى لو ما في احداث ..

صاحبة المعالي
02-07-2011, 10:57 PM
اليوم ..السبت

التاريخ1 /8 / 1432 هـ

بعد صلاة الفجر جلست ع النت

وبعدين رحت للدوام صار لي اسبوع في التدريب

رجعت الظهر نمت وصحيت العصر تغديت

وجلست مع اهلي وبعدين رحت اكتب في التقرير



وبعدها دخلت المنتدى

انتهى ...,

طـــــير السعد
08-07-2011, 03:07 PM
اليوم الجمعه
7/8/1432
صليت الفجر الا والشايب داق سلف موترة وين يابوي
قال بروح للبر اودي الطعام
قلت ريح واصبح وعين من الله خير وخل الباقي علي
المهم روحت الساعه 5 الصباح ماجيت الا الساعه 10 الضحى
عقبها الا المذن الاول يذن صليت عقب ماطبخت رجي من البلاط الي فالمسجد > مصلي برى فالشمس
ودشيت المنتدى عقبها

طـــــير السعد
08-07-2011, 10:14 PM
اليوم الجمعه
7/8/1432
طلعت الساعه اربع ورحت للبر معي ضيوف اجناب
تقهوو واغتبقو وعينو من الله خير وعقبه جينا ىسارين
وهذا دخولي

يمكـ دروبي
09-07-2011, 08:20 AM
8/8 يوم السبت
يالله صباح خير
صحيت من ساعه ونص تقريبآ والحين الساعه 8:13

ربع ساعه وطالعه الدوام
اووووووووووف ملل ماعندي احد اختي راحت للدوام
وبنت عمي الله يخلف سحبت عليهم
هههههههههههههههه
الباقي من اليوم بقضيه نوووووووووووم
شوق خخخخخخخخخخخخخخخخ
ياحبيلك

طـــــير السعد
09-07-2011, 08:45 AM
8/8 يوم السبت
صحيت الساعه 3 الفجر صليت خذيت فره ( رياضي )ماشاء الله علي
وعقبها عودت خذيت لي غطه يوم حكمت 6.30 سرحت للدوام وهذا دخولي

صاحبة المعالي
12-07-2011, 11:35 AM
وانا احبكـ اكثر يمكـ فديت روحكـ والله


طير فيه كلمه م عرفتها >> فضوليه الله يعين علي

واغتبقو

بس حلوهـ بجد .. ابى اعرف معناها بتكشخ فيها هههههه

طـــــير السعد
12-07-2011, 11:36 AM
سر المهنه ياشوق:face9:

صاحبة المعالي
12-07-2011, 11:38 AM
اليوم ..الثلاثاء

التاريخ11 /8 / 1432 هـ


صايرهـ امل من يومياتي الروتينيه هالايام

من اصحى اطلع للدوام .. وللحين فيه

اوووووووووف طفش

انتهى ...,

صاحبة المعالي
12-07-2011, 11:39 AM
ههههههههههههههههههههههههههههههههههههههههههه

طيب ايش تعني بتكشخ فيها

بنتعلم سر مهنتكـ ي اخي خخخخخخ

نبضات قلب
13-07-2011, 05:35 PM
امس ما نمت عدل طول الليل اتقلب ابحث عن وسادتي الخاليه هههههههههههههههه


والحمدلله صليت الفجر وجلست اسولف مع مؤذن المسجد وتمشيت شوي ورجعت نمت


ورحت الدوام بعدها كان فيه اجتماع مطول ورحت جبت لي غدى من هارديز قرلد شيكن مع بطاط كرسبي

والحين جالس اشرب نسكافيه


طير لا تعلم وش معنى اغتبقوا ههههههههههههههه

صاحبة المعالي
14-07-2011, 01:56 PM
اغتبقو ===> شربو لبن

لا تتشيطرون علي هع

موووووووووووووووووووووولت عليكم بس

ما ابي لكم شئ ههههههههههه



.

صاحبة المعالي
14-07-2011, 01:59 PM
اليوم ..الخميس

التاريخ 13 /8 / 1432 هـ


بعد صلاة الفجر رجعت ونمت

وصحيت ع الساعه 9 وشوي

فطرت وقضيت بعض الاشغال

وبعدها دخلت المنتدى وبس

انتهى ...,

غيمة غلا
14-07-2011, 11:45 PM
اليووم خميس 13- 7
صحيت بدرري ورحنا لخوالي وتغديناا وبعدها طلعنا الشاليهات اوووووف كاان فيني نوووم
وازعجت ماامي وخواتي ورجعوا بدري ودخلت المنتدى اللحين وطاار النووم ".@@
عواااااااااااافي ~~ شوؤشؤ

نووْور~
15-07-2011, 03:51 AM
فجر الجمعه 14-8-1432هـ

مازلت اتقلب على فراشي ، 3 ساعات وانا يا اقرأ خواطري او العب بآيفوني او اتامل رسمات جبس سقف غرفتي الجميله بس كل هالساعات على سريري ^_^

اعجبتني مقوله جتني على البي مسنجر واتوقع اني قد حطيتها في لطشاتي الملطوشه ^_*

تقول :
*أإن نرِغبُ فِيْ العُزِله " المُؤقته"
. . لآيَعني ذلڬ أننآ مڪبلين بالحزِن !
أحيآإنآ نحتآجُ أن نتڪوٍرِ علىْ أن’ـِفُسِنآإ ،✿
بعيداً عِنْ ڪلْ أحِد لتهذيبْ مَشآإعرِنآإ
. . . ؤٍترٍتيبَ حِسآبآتن’ـِآ ≈


والله تجي مسكات هالعزله ، بس المهم عندي اني الآن مرتاحه ، ناسيه الهم وجراحه وهذا الفرق عن حياتي سابقاً
دوم انشالله ...

اذن الآن صلاة الفجر
ومع الاذان ادعي لي ولكم ( بسعادة القلب وهدوء النفس وسكينة الروح " آآآآآمين )

ودي للجميع ~*

نبضات قلب
17-07-2011, 01:43 AM
افا يا شووووووووووق طيب مين اللي يبي يحلب الناقه ويخض الصميل ويجيب لنا اللبن مع التمر

شوق ابي شاي حايلي طيب هههههههههههههههه يمكن لي جيه لحايل


اليوم صحيت صليت الفجر ونمت وصحيت الظهر وصلحت لي نسكافيه كليت باونتي معاه

بعدين جلست على الانترنت والفيس بوك بعدين جلست مع مؤذن المسجد بالمسجد بعد صلاه العصر وسولفنا

بعدين تواعدنا نروح مهرجان ( ................ ) ما دخلونا قالوا عوايل والله ما يستحون والشايب اللي جنبي يقولون له عوايل الحمدلله والشكر


رحنا للكافيه شربنا قهوه فرنسيه وشاكليت كيك هذا طلبي

صديقي ابو خالد عصير موز بالفراوله مع شاكلت كيك

2 مويه هههههههههههههههههه


انهزم المنتخب السعودي يا للهول واحد صفر لصالح الكويت الازرق يستاهلون والله لعبوا احسن

بعدين رحت لمطعم متخصص للهمبرجر اسمه fresh humberger

والحين جالس بغرفتي اطالع قناه إقرأ للشيخ العريفي


انتهى أقلد شوووق هههههههههههه صايره ضابط شوق

صاحبة المعالي
17-07-2011, 06:46 PM
اليوم ..الاحد

التاريخ16 /8 / 1432 هـ


صحيت الفجر وصليت

و بعد صلاة الفجر رجعت ونمت

وصحيت ع 7 ونص فطرت وتجهزت ورحت للدوام

وكرف لين احس روحي طلعت

رجعت البيت ونمت وصحيت العصر

اكلت فاكهه جلست وشوي وتقهويت

بعدها جلست اطقطق بجوالي




وبعدها دخلت المنتدى وبس

انتهى ...,

صاحبة المعالي
17-07-2011, 06:51 PM
علي الشمري

هع

لاتسالني

انت اسال نفسكـ وجاوب

نفس م سالت ومحد جاوبني .. جاوبت نفسي >> ذكيه أنا هع

حياكـ في حايل ترحب بضيوفها والله

وشاي حايل اكيد بتشربه من تجي حايل

من اول شخص بتشوفه م طلبت شئ ههههههههههه

لا تطلب شئ اذا جيت حايل لانو كل شئ بتلاقيه جاهز ...,

.

نبضات قلب
19-07-2011, 04:40 AM
والله يا شووووووووووووق

ان طلع طبخك مو شي يا ويلك

هههههههههههههههه


ان شاء الله مشتاق لحايل كثير

صاحبة المعالي
19-07-2011, 08:32 AM
هههههههههههههههههه من قال لكـ اني بطبخ هع

روح لربعكـ م بيقصرون اكييييييييد أنا واثقه



اليوم الثلاثاء

التاريخ 18/ 8 / 1432هـ

صليت الفجر ورجعت نمت

وصحيت 7وشوي وتجهزت وطلعت الدوام

وم فيه كرف للحين م بدا الشغل

وشفت لهووووووفه وقعدنا نسولف شويات

وبعدين دخلت المنتدى :::

انتهى ...,

لهفة الخاطر
19-07-2011, 08:54 AM
شوووووق هييييييييه كفشتك قومي اشتغلي

وتعالي لمكتبي نبي نروح نسلم اوراق للعمادة

الجاذبيه
19-07-2011, 01:41 PM
ههههههههههههههههههههههههههههههه
ياحبيلكم بنات
اليوم الثلاثا 18/8
صحيت بدري ثمانيه وشوي واحسب انه جمعه لاتلومووني اجازه وقمت ارسل مسجات للربعات
والله وجت انوااع التريقه علي اللي تقوول يالعجووز واللي تقوول خرفتي وشفيك ~
المهم مالكم بالطويله يازينكم بس وانا بينكم في الخبر
وافطرت ورحت عند زوجة اخووي اشتقت لهايطها وللحين ماوقف الهيااااط هع هع
تقول تغدي عندنا ذوقي طبخي وهي طوول اليووم جالسه عندي ماسكه الريموت من محطه لمحطه الله يسلم الخدامات
ههههههههههههههههههههههههههههههههههههههههه
شووق
مشكوووووووووووووووووووووووووووووووووووره بيبي ~

الراسيه
19-07-2011, 01:48 PM
الجاذبيه بكره السبت ... اللهم لا شماته..
بعدين حتي اذا صحيتي بدري لا تزعجين العالم
هههههههههههههههههه*

الجاذبيه
19-07-2011, 01:53 PM
رس رووسي سووووووووووري بقوه حضرة جنابك ~
اقوول بغير نظامك انا انتي وغيوووم ~
هههههههههههههههههههههههههههههههههههههههه>> مره كيووت انا
حتى زوجة اخووي شكلها ماتبيني بس على قلبهااااااااااا

الراسيه
19-07-2011, 01:57 PM
تبطين مااحد يقدر يغير نظامي ياحلوه
هههههههههههههه الله يعين زوجة اخوك عليك
>> قلبنا موضوع شوق سوالف كله منك

الجاذبيه
19-07-2011, 02:03 PM
من مذكراااتي اليوم العصر انشاء الله بنرووح لرس روسي عشان تودينا الراشد وتعزمنا هع هع ~

نبضات قلب
19-07-2011, 05:45 PM
ما شاء الله تبارك الله


السالفه فيها عزيمه


جيبولي معاكم ههههههههههههههههههههه



بالامس كان خبر وفاه ولد خالي مفاجئا بالنسبه لي

لم يسعف اهله الوقت لنقله الى المشفى ففارق الحياه


المشاعر مختلطه في هذه اللحظه


في داخلي حزن عميق وما زالت عيوني تكابر

صاحبة المعالي
21-07-2011, 05:53 PM
ربي يعافيكـ الجاذبيه

منورررررررررررررهـ

اجل انتي من صاحبات رسرس و غيووووووووووم

ي هلا والله

بانتظار المزيد من يومياتكـ بيبيتي

صاحبة المعالي
21-07-2011, 05:56 PM
اليوم .. الخميس

التاريخ 20/8/ 1432هـ

صحيت الصباح فطرت

وقعدت اكمل تقرير ابي اسلمه السبت

وبعد الغداء خلصت لي كم من شغله

وبعد العصر دخلت المنتدى

انتهى ...,

اشراقة حب
21-07-2011, 07:05 PM
صحيت 10 ونص

وامي تصااارخ علي قوووووووووووومي يابنت


وانا انظ طبعا وري دوام احم

والبس الا قدامي واربط شعري لالا

اول فرشت اسناني هههههههههه

وبعدين لبست وطلعت وانا اركض اروح لدوام وصلت بالموعد ..

وبس ..

من 11 وانا بالمنتدى منسدحه والحين الساعه 7

ظهري انكسر ,,

بس

انتهى

طبعا نسيت اقولكم شي

حبيبي اليوم جاي فديتو ^^

صاحبة المعالي
22-07-2011, 05:50 PM
الله يخلي لكـ حبيبكـ بيبي ^_*

اليوم .. الجمعه

التاريخ 21/8 / 1432هـ

م نمت الا بعد م صليت الفجر

وصحيت الساعه 10 وتقهويت لحالي ي حياتي يا مامي

كانت تتقهوى معي دائما الله يرجعها بالسلامه

وبعد الصلاة تغديت .. وقعدت ع الجوال وسوالف بالواتس اب مع زميلاتي

والساعه 3 نمت وصحيت العصر

وبردت بعصير

وبعدين دخلت المنتدى

انتهى ...,

sally
22-07-2011, 06:17 PM
من المتابعين ليوميات شوق ^_^


كل يوم تدخل هالموضوع

عشان تقراء يوميات شوق ^_^

طـــــير السعد
22-07-2011, 10:14 PM
ابد اليوم صليت العصر تقهويت مع الشايب
عقبه خذيت العرب <
لمهرجان ارمكو ماجينا الا المغرب

صاحبة المعالي
23-07-2011, 12:27 PM
شقاوهـ

فديتكـ .. تسلميلي بيبي

بس مو تقرين وتطلعين

نبغى نعرف يومياتكـ

بانتظاركـ حيببتي


.


اليوم .. السبت

التاريخ 23/ 8 / 1432هـ

بعد م صليت الفجر رجعت كعادتي ونمت

وصحيت ثاني للدوام

وكان اليوم فلللللللللللللله قلبنا القسم

صالون

هبلنا انا و لهوووووووووووفه بالدكتورات ههههههههههههه

وغيرنا ستايلهم .. وانبسطو مررررررررررررررررهـ

وبالاصح غيرت جو الشغل بالنسبه لي هع

والحين دخلت المنتدى

انتهى ...,

اشراقة حب
23-07-2011, 02:03 PM
اليوم قمت الصباح الساعه 10

فطرت

وضاااااايق خلقي من يوم ما قمت


متوترة اعصابي مشدوده ..


كاني داخله امتحان ههههههههه


بس قلت ادخل المنتدى اهدي اعصابي التعبانه ..


اخذت قلاص شاي اخضر ..


عشان اروق ..


انتهى ..

طـــــير السعد
27-07-2011, 12:19 PM
الاربعاء
26/8/1432
الساعه
12.17 ظهرا
ماداومت اليوم بحكم اني مرخوص
الا والعجيز مصبحتني من الكويت تقول اشتر مقاضي رمضان دام راتبك نزل :bruce_h4h:> العجايز نشب وقت الراتب :SnipeR (47):
الا واروح ولا دري وش شتري :fail:
المهم خذيت العمه تقش الي يبوونه :Animation 3:
ماطلعت الا والمخبى فاضي >> لك الله ياطير :crazy:

وهذي رجعتي من الدمام:sad64:

غنج نجد
28-07-2011, 04:50 AM
اليووم الخميس الفجر ....

طبعاا بكتب لكم عن اامس لان لسه باادي يوومي ...

طبعاا صحيت السااعه 2 الظهر بحكم السهر ...ونزلت لاامي فديتهاا طبعاا زعلاانه علي ع النوم والسهر ...

ولها الرضاا نفدااهاا ...طبعاا بعد ماارووقت بهاا ...

دخلت اسوي حلوياات لانا بنرووح لاامرة اخوي انفااااااااااااااااس ...

وخلصت ع السااعه 5 من المطبخ بعد محااولاات استخرجت منهاا اربع اصنااف ...

وجهزتهاا بصحون ...وصعدت الترووش واالبقس ..ولما خلصت ميك اب ..وشعر استوعبت ان الشغاله مااكوت فستااني...واامي معصبه تااخرناا ...

وع السريع ...خلصت والاخواات طبعاا ناايماات لسه ..وبحكم اني الكلبيره لاازم اكون بالاستقبال مبكر ...

وصلت بيت ااخوي وتفااجات لماا دخلت مرة اخوي تساالني وين جواالك بعد استيعااب متااخر استوعبت ان جواااااااااالي ساايلنت ...

وهي بيجونهاا حريم اصدقاا اخوي ...فعلى السريع ضبطت الاوضااع ....وركبت العود...وصاارو مااجااوناا الابعد العشااء بس حرااره البدو مو مخليتناا ...

طبعاا استقبال لين السااعه ...11..بعدين استااذنت ...لاني ورااي تجهيز بااق الماما ...وطلعه لخواالي اليووم ...وتجهيزاات ...

خلصت ع السااعه 1 ودشيت المنتدى ...

وبس كل ذاا وبس هههههههههههههه...

ياالبااك اعجبني موضوعك شوووقي ؟....

نبضات قلب
21-08-2011, 05:15 AM
امس كان يوم مميز


جتني هديه جميله جدا من شخص عزيز على قلبي كثير

هديه طيبه مثل طيبه معدن الشخص هذا


الله يوفقك ويسعدك ويطول بعمرك ويجمعنا الله سبحانه على خير بإذنه تعالى


لك الف شكر ^_^

صاحبة المعالي
11-09-2011, 12:24 AM
غنووووووووووووجه

نورررررررتي الموضوع بيوميتكـ الجميله

راقت لي قراءتها استمتعت كثيرا

بانتظار المزيد من يومياتكـ الممتعه




اليوم .. السبت

التاريخ12/10 / 1432هـ

بعد م صليت الفجر رجعت كعادتي ونمت

وصحيت ثاني للدوام


وم كان لي خلق اول يوم دواااااااااااااااام

م شبعت بعد من الاجازهـ

بس انبسطت يوم شفت صحباتي وخاصه لهووووووووووووووووفه

لانو من رجعت م شفتها

طلعت الظهر من الدوام ونمت وصحيت العصر

وراااااااااااااااسي دايخ متغير علي النظام اووووووف بس

تغديت وبعدين جلست مع اهلي لين م جا المغرب وصارو يتجهزون معزومين

طبعا م كان لي خلق قلت بجلس بالبيت

قعدت ع التي في وبعدين تعشيت وبعدها جلست ع النت و المنتدى

وبس

انتهى ...,

طـــــير السعد
15-09-2011, 10:23 AM
من يومين وانا مشتط مع شيبان من الجماعه وجار لنا مقبولين في الدفاع المدني
مايعرفون يسبحون وانا الي ادربهم > يتعوذون مني كل ماشافوني موديهم
مانبي المجرم يودينا لاعبن فيهم كل شوي مخليهم يشرقون بالماء
هههههههههههههههههههههههه

وهذي جيتي من نادي النهضه الي فالخبر قبل شوي

نبضات قلب
15-09-2011, 10:37 AM
امس بعد صلاه العصر بالمسجد


لقيت ابو خالد وكان وجهه متغير

كان يشكي من جنبه وعرفت من كلامه

انه عنده حصو بالكلى عسى الله يعينه ويشفيه

امس كنت افكر فيه قبل لا انام وكنت ابي اتصل فيه

بس شفت الوقت متأخر ابي اشوفه وش سوى لما قلت له

يروح يسوي اشعه بالمستشفى


ان شاء الله خير

صاحبة المعالي
15-09-2011, 12:42 PM
اليوم .. الخميس

التاريخ17/10 / 1432هـ


صحيت الساعه 10 وراسي دايخ بعد حفلة البارح

كان فيه سهرررررررررررررهـ مرررررررهـ روووووووعه

انا اليوم صايمه

لقيت امي واختي الكبيرهـ يفطرون ويتقهوون

جلسنا نسولف بالسهرهـحقت البارح و م خلينا شي م تكلمنا فيه >> كعادتنا ^_*

بعدين تذكرت انو فيه غاليين ع قلبي بيسافرون اليوم

ودعتهم وقلبي معاهم الله يجمعني فيهم قريب

دخلت المنتدى بعدها

واذن الظهر صليت وكملت ع المنتدى

والحين الباقيين توهم يصحون من النوم

وبس

انتهى ...,

صاحبة المعالي
30-09-2011, 06:24 PM
اليوم .. الجمعه

التاريخ27/11 / 1432هـ


صحيت الصباح

فطرت وتقهويت وبعد الظهر نمت وصحيت العصر شربت كوفي

وبعدين تمشيت في الجو الحلو غيوم وطشات المطر

وبعدها قعدت ع النت

انتهى...,

دلع أنثى
09-10-2011, 08:14 AM
اليووووم الأحد الساعه 8:2 صباحا
اخوي آخر العنقود شاف في حبة بارزه في خدي وجالسه اعاني منها لأنها تألمني كسرت بخاطره وسوى لي تنظيف بشره جاب الكريمات والمنظفات والمقشر يعني شي مو موجود عندي

احرجني الصراحه انا البنت ماعندي غير صابونة جرسلين ومقشر بالخيار استخدمه مره بالأسبوع
وخلطات طبيعيه ‏‎ ‎‏< مو عدم اهتمام بس بشرتي جدا جدا حساسه اصلا انا بكبري حساسه

المهم بعد ماخلص تنظيف وفرحانه وبشوف وجهي بالمريا الا اشوف الي كانت حبه صارت عشرين حبه ...

بس عادي ما تضايقت لأن بشرتي مصنع زيت ماشاء الله يعني دهنيه وهالشي طبيعي ...

الله يعطيه العافيه....

نبضات قلب
24-10-2011, 04:08 PM
امس

كان فيه احلا عشا في صب واي

نوعين مختلفين بصلصات مختلفه

خصوصا south west souce

^_^

صاحبة المعالي
29-10-2011, 07:57 PM
دلووووووووووووووووووووووووووعه

نورتي المذكرات بيومياتكـ

والله يحفظ لكـ اخوكـ ويخليكم لبعض

بانتظار جديد مذكراتكـ اليوميه .~~

دلع أنثى
31-10-2011, 04:47 PM
اليوم نمت نووووم حلووو

والسبب يعود لصديقتي فديتها ..

شافتني بالواتس مضايقه فيني نوم ومو قادره انااام يعني ارق ..

قالت لي بقولك حكايه قلت لها يلا بس مابي ساندريلا ولا فله ولا ابي حكايه حزينه مو ناقصه حزن
ولا ابي مضحكه تطير النوم من عيني ولا ابي غموض يخليني افكر طبعا علقت على كلامي
وثواني الا لقيت منها اتصال خلتني اضحك ورديت عليها وسولفنا يعني دقيقه وقالت لي حكايه ههههههه
وفعلا جاني نوم وعيوني بدأت تغمض وهي حست بهالشي وقالت لي بتنامي قلت لها اي قالت خلاص انا بقفل وقفلت ونمت نوم مواصل وقمت رااااايقه
فديت انا احلى صديقه ...

صاحبة المعالي
02-11-2011, 11:42 PM
اليوم .. الثلاثاء

التاريخ5/12 / 1432هـ


صحيت الظهر

وقعدت اشغل وقتي بالجوال واشغال ثانيه


والعصر رحت شوووووووبنق وكنت صايمه


طلعت قبل المغرب م طووووووووووولت بالشوووبنق


والمغرب فطرت وتقهوووووووويت :SnipeR (93):


وبعدين قعدت اخلص لي بعض الاشغال و رحت بعض المشاوير


وبعدين سوااااااااااااف مع صحباتي بالواتس اااب


والحين بالمنتدى



انتهى...,

صاحبة المعالي
09-11-2011, 02:54 PM
اليوم .. الاربعاء

التاريخ13/12 / 1432هـ


صحيت الظهر فطرت و تقهويت

وانا اتذكر يوم تولدني مااااااااااااااااااااااامي >> بديت اهايط

المهم اليوم كان ميلااااااااااااااااادي الله يحفظني و يطول عمرررررررررري و يباركـ لي

بعدين قعدت اطقطق بالجوال

وبعدين قعدت شوي اتابع التي في بس باااايخ م فيه شي

و الحين دخلت المنتدى

وبس

انتهى...,