المساعد الشخصي الرقمي

مشاهدة النسخة كاملة : وش ردة فعلك لو جاك مثل هالكلام في ليلة زواجك ؟؟؟


♥آنثى خُرآفيه♥
02-03-2011, 11:56 PM
مساء الخير \ صباح الورد

كـــــــ الحال ـــــيف



بنوتات تخيلوا معاي شوي..








تخيلي انهـ يخطبك واحد كل شي تتمنينه فيه ؛؛؛



يعني كل وحدة فيكم تشوفه فارس احلامها واللي تنتظره من صغرها ..

واخيرا تحقق حلمها وشعورها لا يوصف من السعادة ..


المهمـــ مرت الايام بسرعة وجاء

الزواج انتي و العريس اللي تمنيتيه لوحدكم ..

الحين انتي في قمة الفرح و قال لكـ :

شوفي يا بنت الناس انا ما ابي اظلمكـــ معاي ..

انا الصراحة مجبور فيكــ و مو انتي اللي اتمناها ..



انا قلبي تسكنة غيركـ وهي حلم طفولتي بس اهلي عارضوا وما اخذتها ..


بهاذي اللحضه وبكــل صراحـــهـ وش راحـ تكونـ ردهـ فعــــلكــ.. ؟؟

الراسيه
03-03-2011, 12:03 AM
بقوله مالت عليك .. وانا مجبوره بعد .. وننفصل عادي جداً حتى لو خذت المسأله وقت ..
ماتنجبر روح على روح ..

نبضات قلب
03-03-2011, 08:34 AM
الحين البنت محد يغصبه على الزواج الرجال ينغصب

sally
03-03-2011, 09:24 AM
اقولها

عاد انا الي ميته عليك

طلقني

من زينك انت ووجهك

بو عبدالعزيز
03-03-2011, 09:51 AM
لو تخيلنا فعلاً وانه انغصب !!!! فانا اشوف انه ما عندة سالفه ابداً

طيب يمكن تكون احسن من الي يبيها

ولكي تحياتي

وجهة نظر
03-03-2011, 10:26 AM
المفرووووووض أنها تطلب منه الطلاق الفوري وبدون تردد

لكن فيه نقطه مهمه ... إحتمال إذا تم الطلاق في نفس ليلة الدخله راح يشك الجميع بالبنت

وأنا أقترح يتم الطلاق بعد شهر من الدخله على الأقل

ومشكووره على الطرح

أبوشهد
03-03-2011, 02:07 PM
وصلتني رسالة تقول عندنا فقط بالسعودية :

تحب لك واحد وهو ما درى عنك

وفيه ثاني يحبك وانت ما تدري عنه

وتصير من نصيب ثالث ماله دخل في الموضوع ..!!

هههههههههههههههههههههههههههههههههههههههه

الصارم
03-03-2011, 02:53 PM
مشكوره فوشيه
أشوف ألبنات معصبات وأجد
وليش تطلب ألطلاق أخالف وجهة نظر
هو ألي طلبها لزوأج هو ألي تقدم لها
هي ماجت تطلبه هو ألي جاء طلب ألقرب منها
أذا هي رأغبته بتدخل لقلبه في فتره وجيزه
بتعاملها وخلاقها أرجل أدخول لقلبه سهل جدآ
والله يحقق أملكن في من تتمنن
شكرآ لك

مزاجيه
03-03-2011, 03:06 PM
مااارح اقولها شي ومع مر الوقت بخليها يحبني وما يفكر في احد غيري وبنسى الي كان يحبه
مافي انسان في دنيا مايحب
الي يقولون مايحبون كذابين
هذي وجهه نظري
تقبلي مرووري المتوااااااضع
مـــــــــزاجــــــــــــيه

نجمة شرق
03-03-2011, 09:30 PM
انا مع الصارم
مو هي اللي راحت له
حتى وان جبروه اهله عليها
هو برى ذمته وقالها
الحين هي وشطارتها
انا اقول بس ما تخليه يلعب فيها
تعامله بالوجه اللي يرضى الله
وتكسبه
واذا حطته في جيبها مضبوووط
هذاك الوقت تسمح له يكون اقرب الناس وكذا
ومشكوووره فوشيه عالموضوع الحلو

شذى عمري
03-03-2011, 10:27 PM
صح كلام الصارم

مو كل شي بالعصبيه

مع الايام ومع التعامل الحسن بحبها وبيتعلق فيها
هع

غاْرديّـכּہاا
03-03-2011, 10:37 PM
طيب هوليش يقول لها احس بصراحه موبوقته

..
طبعاوقتها راح اتفاجئ اكيد وحـ زعل ووبكي من هاذا الشيئ كنه يقول لي انه مايبيني ورفضيني بصيغه اخرئ

..
لاانا اشوف انو الطلاق ع طول هيك صعب جدا وهما توهم في بدايهـ حياتهم الزوجيه

ححـ احاول بطريقتي انواقنعه احاول انوانسيه اياهـا بمعاملتي الطيبه واحترامي له و بحبي وحناني وخوفي عليهـ وهواكيد مع العشره والالفه حـ تتغيروجه نظره وتفكيرهـ حـ ينجذب اكثرليه وبيحبني


..اللي يقولو حب وخرابيط
والله ياما ناس تزوجوعن طريق الحب وفي النهايه انفصلو

وياما ناس تزوجو زواج تقليدي بدون حب ولاشيئ وعايشين احلئ عيشه حياتهم سعيده
ومن احسن مايكون


.."
تسسسسسسسسسسسلمين ياعسسسسله علئ هالطرح

الشاذليه
03-03-2011, 11:05 PM
من زين وجهه
اصلاً مايقول كذا الا اللي مايستاهل الواحديعيش معاه
ولاهوقد العشره
كان يرسل لها مسج بأي طريقه انه مايبيها وبلامجبور وحركات
لابوه لابو اللي ماني بقايله الرخمه ههههههههههههه عصبت بجد

غنج نجد
04-03-2011, 01:10 AM
اناا عني بقول لة اامس ....والصبااح ربااح...وبحقرة الصبااح ولاكن شي صاار ...!!

وبماارس حيااتي ولاكن قاال لي شي ...اجل ارجع لبيت اهلي 2 يوم مطلقة ...!!

وبااستمر بحيااتي ..وان كاان بخااطري غصة ..بمشيهاا عشاان ...احفظ مااء وجهي ..

ومصيرة مع الاياام وبشاطرة المرة تخلية يعشقهاا مو بس يحبهااا...!!

وان مااخليته يتمنى الارض الي اامشي عليهاا...!!مااكون بنت اابوي ...هههههه...برااااااااا ليت ههههه...

عواافي فوشية فعلاا موضوع يستحق النقاااش ...!!

B.M.Q
04-03-2011, 02:40 AM
وصلتني رسالة تقول عندنا فقط بالسعودية :

تحب لك واحد وهو ما درى عنك

وفيه ثاني يحبك وانت ما تدري عنه

وتصير من نصيب ثالث ماله دخل في الموضوع ..!!

هههههههههههههههههههههههههههههههههههههههه

هههههههههههههههههههههههههههههههههههههههههههههههههه

انا ماعندي تعليق اكتفيت بقراءة الردود صراحة

شكرررررا يا دلع على الموضوع تسلمين

♥آنثى خُرآفيه♥
06-03-2011, 08:58 PM
بقوله مالت عليك .. وانا مجبوره بعد .. وننفصل عادي جداً حتى لو خذت المسأله وقت ..
ماتنجبر روح على روح ..


هههههههههههههههه مااتخيلك من اول يوم تقولينها بوجهه
:graaam (296):

يسلمووو روسي ع تواجدك

♥آنثى خُرآفيه♥
06-03-2011, 09:03 PM
الحين البنت محد يغصبه على الزواج الرجال ينغصب


صح وصلنا لـ2011بس لازالت هالحركه متووووااجده

مع الاسف

♥آنثى خُرآفيه♥
06-03-2011, 09:07 PM
لو تخيلنا فعلاً وانه انغصب !!!! فانا اشوف انه ما عندة سالفه ابداً

طيب يمكن تكون احسن من الي يبيها

ولكي تحياتي

ماعنده سالفه في انه تو يتكلم المفروض يتصرف قبل يصير الزواج يعني فترة الخطووبه

هذا احسن شي <<بعدين اهله ليه مايخطبون له الي يبي من بيتزوج هو ولااهله

يعطيك العاااافيه بو عبدالعزيز ع تواجدك لاهنت

♥آنثى خُرآفيه♥
06-03-2011, 09:08 PM
المفرووووووض أنها تطلب منه الطلاق الفوري وبدون تردد

لكن فيه نقطه مهمه ... إحتمال إذا تم الطلاق في نفس ليلة الدخله راح يشك الجميع بالبنت

وأنا أقترح يتم الطلاق بعد شهر من الدخله على الأقل

ومشكووره على الطرح


يــبــ

عاد ماشاءالله المجتمع يرحم مررره

ويفهم الوضع بدون ماتبان الاحداث

مرسي دكتور ع تواجدك لاخلااا ولاعدم00

♥آنثى خُرآفيه♥
06-03-2011, 09:10 PM
اقولها

عاد انا الي ميته عليك

طلقني

من زينك انت ووجهك


اها ناس ماتقدر ههههههههههههه

متعبه حالها الاخت من فتره تجهز حالها واخرتها تسذا


فديتك شق شق ع تواجدك لاهنتي

ريما جدة
06-03-2011, 09:14 PM
طبعا راح اطلق مو انا اللي انحط بهالموقف


وهو مو رجال كفو اهلة يغصبونه ماعنده كلمة ولا راي

beautiful mind
06-03-2011, 09:19 PM
ههههههههههههههههههه

الرجال ينغصب؟؟؟؟

اجل العصمه بتسير بيد الحرمه <<هع هع مافيه امل

اقرب شي ثقيل واعطيه بوجهه

كانت ايام
30-03-2011, 03:11 AM
وصلتني رسالة تقول عندنا فقط بالسعودية :

تحب لك واحد وهو ما درى عنك

وفيه ثاني يحبك وانت ما تدري عنه

وتصير من نصيب ثالث ماله دخل في الموضوع ..!!

هههههههههههههههههههههههههههههههههههههههه

ههههههههههههههههههههههههههههههههههههههههههه قسم صدددددق
_
مدري وش بقول بس يمكن اقول حتى انا مغصوبه عليك خخخخ

شيخ الشباب
30-03-2011, 03:34 AM
هلا وغلا ..دلع فوشيه ..
الف شكر على الموضوع ..
...
الجاهل عدو نفسة..
وهذا الزوج جاهل ولايستحق الزواج..
لان الزواج تفاهم ومودة وحب ووفاء وعطاء ومشاركة..
فمن يجبر على فتاة لابد ان يؤمن بأن ذلك ..
قسمة ونصيب..
فهل كل شخص تمنى فتاة تزوجها او العكس..
هنا يرى ان ذلك قسمة ونصيب والله كتب لة هذة الفتاة كزوجة..
فلابد ان يعرف اهميتها كأنسانة ولبناء حياة زوجية صحيحة..
لايحطمها من اول ليلة ..
ويقول لها ذلك وهذا الكلام والاعتراف منة يعطي الزوجة انها ولاشي ..
ومن هنا كيف تعيش هذة الزوجة معة وهو يراها انها سلعة ولايريدها..
هنا يضع حواجز بينهم ويولد لدى الزوجة احباط من اول ليلة ...
وهذا التصرف لايقوم بة إلا رجل جاهل واحمق..
لابد ان يحترم بنت الناس كزوجة وينسى تلك الفتاة ..
هل هو يقبل لو قالت لة نفس الكلام ..
ماهي ردة فعلة لو قالت لة ذلك..
شاكر لك....
يعطيك العافية

يمكـ دروبي
30-03-2011, 11:39 AM
هههههههههههههههههههههههه

عني انا بكل ثقه ... لو شافني ماراح يقولها <<< خطيييييرررررررره هههههههه

ولو فرضنا انه يقولها مع انه مستحيل يقولها لي (ههههههه) بقول له انا انت طالق طالق طالق ( هههههه يمكن هالكلمه تحسسه بالرجوله شوي )لأنه مو رجال
من اولها بانت شخصيته التعبانه انسان ناقص متبلد لاتعني له الحياة شي ولا للتقدير خانه في حياته
وامشي رافعه راسي واخليه زي ............! اعتقد فهمتوا هههههههههههههه

لهفة الخاطر
31-03-2011, 09:25 PM
ههههههههههههههههههههه

من عرفتك يايمك دروبي وانتي قويه

اذا قالي كذا بقوله طلقني وبس

يمكـ دروبي
31-03-2011, 10:09 PM
ههههههههههههههههههههههههه

لهوفه اصلآ لو قالها يعتبر انسان مو عارف هو مين

بيندم على حياته اذا قالها تعتبر غلطة عمره
هههههههههههههههههههههههههههههههههههههههههه

لهفة الخاطر
31-03-2011, 10:19 PM
تعجبيني يايمك خليكي هيك

صاحبة المعالي
01-04-2011, 04:25 AM
بعطيه نظرهـ من عيون شـــوق .. اخليه يندم ع كل حرف قاله

ويأنبه ضميرهـ طووووووووول حياااااااته من مجرد نظرتي له بس

لاني حرااام ارد ع شخص مثله ماله راي ولا يعرف يتصرف مع بنات الناس ..

نظرهـ مني تكفي و توفي ...,

عواااااااااااااااااااافي فووووووووووشششي

اميرة الاحساس
01-04-2011, 04:38 AM
موضوع صعب جدا
بنصدم وببكي وبكرة نفسي
بتفاجا من الموقف
ولكن مدام صار زوجي ع سنة الله ورسوله لازم ارضى بالواقع وبقولة ليش ظلمتني ودمرت حياتي مدام ما تبيني
وبقوله بكل شجاعة مدام صرت زوجتك بتحمل الوضع وبصبر
مستحيل اتطلق
حرام اخرب فرحة اهلي
حرام اخلي الناس تتكلم علي
اذا رجعت لاهلي بيقولوا الناس طلقها فيها شي
والناس ما ترحم
يمكن فيوم من الايام يرضى بالواقع ويحبني
واذا ما تعدل الوضع بقول لاهلي ويتصرفوا

يمكـ دروبي
01-04-2011, 03:16 PM
انا الموضوع هذا شدني بقووووووووووه
واتابع الردود يوميآ
فديتها فوشي دائمآ متميزه

اميرة الاحساس طيب كرامتك وعزة نفسك وين راحت .. عني انا الا الكرامه هو مااحترم الاهل قبل احترام الزوجه
فكيف برضى في كلامه والله ووالله اللي يقول كذا اعتبره مو رجال ..

وبعدين كلام الناس لايقدم ولايأخر ماراح يحرك ساكن ..مو اكبر همي كلامهم اهم شي كرامتي وعزتي واهلي مااتنازل عنها لواطي

واثق الخطى يمشي ملكــــــــــــآ

♥آنثى خُرآفيه♥
01-04-2011, 03:51 PM
هههههههههههههههههههههههه

عني انا بكل ثقه ... لو شافني ماراح يقولها <<< خطيييييرررررررره هههههههه

ولو فرضنا انه يقولها مع انه مستحيل يقولها لي (ههههههه) بقول له انا انت طالق طالق طالق ( هههههه يمكن هالكلمه تحسسه بالرجوله شوي )لأنه مو رجال
من اولها بانت شخصيته التعبانه انسان ناقص متبلد لاتعني له الحياة شي ولا للتقدير خانه في حياته
وامشي رافعه راسي واخليه زي ............! اعتقد فهمتوا هههههههههههههه

ههههههههههههههههههههههههه

ختيره ع طووول:030:

فديتك ياعسل 00بالفعل انا مااشووف انه رح يقدم او يأخر في موضوع

زواجه غير انه جرح زوجته ورح تكون ذكرى مش كوويسه لها كأول يوم زواج لها او اول فرحه

♥آنثى خُرآفيه♥
01-04-2011, 03:56 PM
ههههههههههههههههههههه

من عرفتك يايمك دروبي وانتي قويه

اذا قالي كذا بقوله طلقني وبس



يعطيك العافيه ع تواجدك :graaam (51):

ابونواف
01-04-2011, 04:02 PM
باسلووووبها ومع الوقت تجعله يكره كل البنات الا هي

اكشفي عن حبك الجنوني له حتى يغير رايه هذا الخبل

♥آنثى خُرآفيه♥
01-04-2011, 04:02 PM
بعطيه نظرهـ من عيون شـــوق .. اخليه يندم ع كل حرف قاله

ويأنبه ضميرهـ طووووووووول حياااااااته من مجرد نظرتي له بس

لاني حرااام ارد ع شخص مثله ماله راي ولا يعرف يتصرف مع بنات الناس ..

نظرهـ مني تكفي و توفي ...,

عواااااااااااااااااااافي فووووووووووشششي


يعطيك العافيه شووق

لاخلا ولاعدم منك00

نوف
01-04-2011, 04:04 PM
بصرااحه رااح انصدم بس يكوون الصمت سيد المووقف ..
مااتدرين يمكن اكوون عنده الدنياا كلهاا ..
يعني الاياام كفيله بذلك ..

♥آنثى خُرآفيه♥
01-04-2011, 04:08 PM
موضوع صعب جدا
بنصدم وببكي وبكرة نفسي
بتفاجا من الموقف
ولكن مدام صار زوجي ع سنة الله ورسوله لازم ارضى بالواقع وبقولة ليش ظلمتني ودمرت حياتي مدام ما تبيني
وبقوله بكل شجاعة مدام صرت زوجتك بتحمل الوضع وبصبر
مستحيل اتطلق
حرام اخرب فرحة اهلي
حرام اخلي الناس تتكلم علي
اذا رجعت لاهلي بيقولوا الناس طلقها فيها شي
والناس ما ترحم
يمكن فيوم من الايام يرضى بالواقع ويحبني
واذا ما تعدل الوضع بقول لاهلي ويتصرفوا


بالفعل مايخليها تسكت غير الناس

دام تم الزواج مافي غير انها تجذبه بطريقتها اذا نفع كان بها مانفع مع الف سلامه

عوافي اميره ع تواجدك نورتي الموضوع

يمكـ دروبي
01-04-2011, 04:12 PM
بونواف هذا انت قلتها خبل كيف اعطيه حب وهو كذا والله خساره فيه ذرة الحب مو الحب كله ذره بس

لايمكن اخلي خبل يمتلكني مهما كان .. فيه من يستاهل حبي وقلبي ويقدره مو الخبل هذا على قولتك

♥آنثى خُرآفيه♥
01-04-2011, 04:13 PM
هذي اراء بنات بالبرودكاست
آنآ بصرآحةة بنصدمً ويمكن آنهآر وهالموقف صعبً بنت تتحملةة ..
بس بحآول امسك نفسيً ودآمةة يحبً وحدة ووافي وصادق معاها اهون من انةة يعرف مليون بنت وراعي لعب«ﻵنة بيكون مدمن بنات وصعب تتحملينة
بس بحآول اني اجذبةة ليً واخلية يحبنيً ﻵنةة مو معقول رجآل بهالزمن مايحبً
هادي ردة فعلي انا
* أنا بجلسسس اطاإاإلع واتنننح واصيح .. هو جد صعبه تعييشين مع واحد عقله مع وحدا ثانيه .. بسس بحاول أخليه ينساها ; مع أنو يحبها صعبه بسس ؤش أسؤئ مأفرط بزوجي (=| بسس فِيّـﮯ شيء قاهرني .. ليش الحمار يقولي وليلة زواجنا بعد حراإاإم عليه والله يكتم بنفسه الخياس ذا X_X تحمست # ولا أخليه يطلقني ليش يظلمني معاه واعيش بعذاب 3-|
وهاذي وحدة ثانية
بصرآحھّ رٱح ٱبگيَـِﮯ ويمگن أموًت بمكآني
موً لإني منصدمةةة انه يحب لآ أبـــــد ،،
أبگي مَ‘ـَُنّ أهلھّ شلوًن يزوجونھّ وحده مآيبيهآ (آللي هوً أّنَـُاْ )،،
حرآم عليهم ، ضيعوًآ احلآمي ، وكسروآ ومشاعره
وًرآآآح أخليه يرجع لهآ ، وأحيي فيه شجآعته يوم وآجهني بآلحقيقه ، وأحيي فيه وفاءه وً ٱخلآصه ،،
،وً أحط الخطأ فينـي قدآم الگل ،وًأطلب الطلآق
يــؤ !! اللـه لآيقولھّ ، انشاء اللــه ماأنحط
والله بقول ​ ﭑللّـَہُ يستر عليك لآني مآبي آكون تحصيل حآصل بنسبه له وبلقى ﻣڼ يحبني
ولو كآن فعلآ بيقدر ينسآهآ ونآوي يبدآ حيآة جديده مآقآلي هآلكلآم>:/
نعم نعم ياروح امك ﻟﭔﮪ هو أنــّـآ لعبه عندك وعند أهلك ﻟﭔﮪ ماتكلمت قبل الزواج
شوف يابعدي باقي تحبها ٱللـّھ يسهلك طلقني أما ​واللہِ ماعاد تبيها وناويه تبدأ حياه جديده معي عٌٍـَْلّـٌَِۓ عيني وراسي بحاول أكون معك ولو انها تعتبر خيانه ماتقول إلا بعدين
أما اني أكون معك كيذ ﭑ بِــ̯͡سّ وقلبك وعقلك لغير لٱِٳ حبَيبـَي توكل

♥آنثى خُرآفيه♥
01-04-2011, 04:17 PM
باسلووووبها ومع الوقت تجعله يكره كل البنات الا هي

اكشفي عن حبك الجنوني له حتى يغير رايه هذا الخبل


يعطيك العافيه ع تواجدك لاهنت

يمكـ دروبي
01-04-2011, 04:17 PM
نوف يالغاليه هي فيها ايام عندك

والله حرام بانت من اولها ليش اضيع دقيقه من وقتي معه

وتسكتين ليه المفروض ماتكون صدمه بالعكس تعطيك دافع وقوه لأنه مجبور الغبي ماعنده شخصيه
يخلي الناس تتحكم في حياته ..


هههههههههه مدري انا الموضوع هذا معجبني وارد عليكم مع احترامي الشديد وتقديري لدلع لبى روحها
بس انا اعتبر ردي نقاش وحوار معكم مو سيطره

♥آنثى خُرآفيه♥
01-04-2011, 04:22 PM
بصرااحه رااح انصدم بس يكوون الصمت سيد المووقف ..
مااتدرين يمكن اكوون عنده الدنياا كلهاا ..
يعني الاياام كفيله بذلك ..

وجهة نظر معقوووله وصحيحه بنسبه80%

عوأأأفي نوفي ع تواجدك

♥آنثى خُرآفيه♥
01-04-2011, 04:23 PM
نوف يالغاليه هي فيها ايام عندك

والله حرام بانت من اولها ليش اضيع دقيقه من وقتي معه

وتسكتين ليه المفروض ماتكون صدمه بالعكس تعطيك دافع وقوه لأنه مجبور الغبي ماعنده شخصيه
يخلي الناس تتحكم في حياته ..


هههههههههه مدري انا الموضوع هذا معجبني وارد عليكم مع احترامي الشديد وتقديري لدلع لبى روحها
بس انا اعتبر ردي نقاش وحوار معكم مو سيطره


نوبروبلم خذي راحتك ياعسل

:sm182:

يمكـ دروبي
01-04-2011, 04:26 PM
لبى قلبك يادلع
بس والله بعض ردود البنات تقهرني عشان كذا انا تفاعلت مع الموضوع غلاتي

غيمة غلا
01-04-2011, 04:30 PM
انا اكييد بنصدم ويمكن تجيني صدمه بس على طوووووووووووووووول بقوله بسيطه طلق وانت الخسران لابوك لابو من ترجى حنانك ماتاقف الدنيا عشان رجال واللي يقول هالحكي بليللة الزواج مفيه ذ رة رجووله ْْ مرره دبلت تسبد وبقوووه هع هع

يمكـ دروبي
01-04-2011, 04:35 PM
تعجبيني غيمه انتي من حزبي لبى قلبك

ابو خالد
01-04-2011, 04:40 PM
تحطيم بمعنى الكلمه
وبعدين لو كان مغصوب فعتبره مثلها
كيف يكون رجال وينغصب صعبه بقوه

ابونواف
01-04-2011, 04:47 PM
وش يسوي يعني لازم يكذب احمدي ربك انه صادق معك من البدايه

وبعدين يمكن يختبرك يالمفهيه وتقولي له حتى انا احب واحد ومغصوبه عليك

ردت الفعل السريعه دائما عكسيه

صدقيني بطيبتك واخلاصك راح تمتلكي قلبه

يعني اكيد في هذا العصر الانفتاحي على الاقل يكون عنده وحده يحبها اذا مو وحدات

انا ضد حزب يمك دروبي وتفكيرهم الانفعالي الي فيه كرامه وعشان كذا اعذرها

بس الكرامه وحدها بدون تفكير بالعقل والمنطق ماتنفع

احسني الظن فيه وقولي يمكن يختبرني ويبيني اهذ له السبحه

كلامي صح غصب على حزبكم الانفعالي

يمكـ دروبي
01-04-2011, 04:48 PM
شوف بوخالد لايمكن ينغصب الرجال بس اللي بيسوي كذا بصراحه اشك في قدراته العقليه

لو انه اجل الموضوع يمكن تتغير نظرته وينسى بس خبل هذا وربي متخلف ناقص

يمكـ دروبي
01-04-2011, 04:55 PM
لالالالا يابونواف مافيها اختبار ليلة العمر هذي وبتكون شريكة حياته
معقوله مافيه احساس يختبرها بالاسلوب هذا والكلام هذا
خبط لزق على طول ..
طيب لو انه يبي يختبرها فيه اساليب افضل من كذا الف مره مو يجرحها من اولها ويصدمها

بعدين اذا هو صادق يقدر يوصلها المعلومه قبل ماتجيه خصوصآ في وقتنا هذا بسهوله يوصلها الكلام اللي في باله
ويكون كل شي بحدود وتقدر اذا هو المسيكين المغلوب على امره ضعيف الشخصيه تساعده بنت الاصول ويكون الرفض منها بلا منازع وتفتك وتخلصه من موقفه

اسمح لي عزيزي لايقنع كلامكم ابدآ
والرجل من هذا النوع لااعتبره رجل للاسف الشديد

ابونواف
01-04-2011, 05:04 PM
الرجل الصريح ماتحبوووووونه يالبنات تبووون الكذاااب المرااااااووق

وهل تحبين ان يقال عنك مطلقه من اول ليله يعني ماراح احد يصدق غير ان فيك مشكله

حتى لو حطيتي السبب هو ماراح يصدقك احد حتى اقرب الناس لك

اقول مالكن غير واحد نصاب ومراووغ يكرهكم للصدق حتى لو كان فيه نجاه حياتك الزوجيه اذا حكمتي عقلك

الي اتوقع انه اختلف من يوووم رحتي لبريده ههههههههههههه

غيمة غلا
01-04-2011, 05:06 PM
حتى لو يختبرهاا مستحييل اي بنت بتقوول انا احب بعد غيرك ومغصووبه علييك ابسسط شي على لساانها بتقوول طلقني وتركني اعيش حيااتي بس يمكن مو باول ليله طلااق حراام وربي :(
بس هوو معنده سالفه عاد ماصدقت اعرس واحووس وفساتين وبالاخير يخربهاا لوو صبري صبر جباال مقدر لازم انفعل واقول بعد انا ماابغااك ههههههههههههااي يقطع شركم تخيلت اني بيك اليله ^^

يمكـ دروبي
01-04-2011, 05:14 PM
انا مضطره اطلع وانتظر ردي لك يابونواف الليله وبقووووووووووووووووه

الموضوع هذا ماينسكت عليه ماهمني احد ايش ماكانت ردود الفعل

راجعه لكم وبحماااااااااااااااااااااااااس

غيمة غلا
01-04-2011, 05:16 PM
هههههههههههههههههههههههههههههههااي قو قوو يمك واااصلي وحنا معااكي

<< تحب الحماااس بسس ^^

غيمة غلا
01-04-2011, 06:47 PM
عقب تفكيير مرير والله صعب اي بنت تطلق بليله عرسها وش بيقولون عنها النااس والله حراام لزووم تصبر كم يووم وتوريه شغله ^^ <<< اووخص ياااقوويه

يمكـ دروبي
01-04-2011, 09:56 PM
بونواف طيب الرجل صريح بس صراحته هذي غبيه خلته يدفع ثمن غلطة عمره....
وبالعكس الرجل الصريح اكيد نحبه بس الحياة اساليب فمابالك بكلام في ليلة العمر بالله عليك تصرفه وبدايته في الكلام معها عاجبتك<<< صراحه بنصدم منك
وبعدين والله مايقول هالكلام الا اللي فيه شي اما مو صاحي ولا سفيه ولا الله لايبلانا ايه..... او متخلف مجنون
لايمكن لرجل يملك عقل سليم واحساس واسلوب ومنطق واحترام لمشاعر الناس ورقي في التعامل ان يتفوه بهذا الكلام ابدآ
** اما الرجل المرااااوغ ياعزيزي من بيوافق عليه اصلآ
اصلا بيكون فيه برنت كامل عنه واذا عرفت كل شي يصدر القرار السامي برفضه واحتجازه هههههههههههههههه
وكلام الناس والله مايرحم لا من اول يوم ولابعد شهر متكلمين متكلمين جعلهم في ستين طقاق كلامهم مثل ماقلت لايقدم ولا ياخر عااااااااادي جدآ اهم شي عزتي وكرامتي والله لوايش ماصار مايهم ولاتفرق مدام اني واثقه امشي ملكه غصب عنهم
ليش اضحك على نفسي واعيش معه وهو مجبور ليش بفهم اضحي بحياتي عشان واحد مايسوى وعشان كلام الناس والله مايحركون ساكن

وخلهم يقولون اللي يبون الادله كثييييره وتثبت انه ماعندي مشاكل
لكن المشكله فيه هو ولازم ينتعالج منها وهي الاحساس بالنقص وعدم الثقه بالنفس
مهما كان ارجع واعيد كلامك مايقنع ابدآ

*******************

غيمتي ياحبيلك بس <<< اقلقني هالموضوع
وبعدين ياغلاتي والله بالعكس مو صعبه ابدآ انها تكون مطلقه من ليلتها
هااه وبعد كم يوم تناقشت وياه وتكلمت وقالت طلقني بيكون نفس الكلام والنظره من الناس ماهم راحمينها ياشيخه والله حرام اضيع دقيقه من وقتي معه اصلآ كيف بجلس وانا ظر فيه وهو قايل هالكلام والله يايومه وليلته سووووووووود ان يروح فيها يكره حياته ويندم على كلامه
اصلآ الناس مرضيهم واقناعهم كااااايد
فبلاش من الغثا والقلق من اولها اطلقه بالثلاث واسحب عليه الله لايرده
الخبل على قولة بونواف ههههههههههههههههههه
والله حاله خبل ويبيني اعيش معه ...
مستحييييييييييييييييييل
ملاااااااحظه /// ابصم بالعشره انها ماراح تنقال لي هالكلمه وبكل ثقه اقولها بعيد عن الكبرياء والغرور وربي
ههههههههههههههههههههههههههههههههههههه

♥آنثى خُرآفيه♥
01-04-2011, 10:23 PM
تحطيم بمعنى الكلمه
وبعدين لو كان مغصوب فعتبره مثلها
كيف يكون رجال وينغصب صعبه بقوه


طيب انا عندي وجهة نظر فيه من ناحيه انه ينجبر

اوك ابوك اختار وقال نخطب لك من البيت الفلاني طبعا بيعارض لسبب

انه يبي يتزوج غير الي ببال اهله هنا رح تكون المشكله بين الاب وولده

وماينفع الكلام الي يقوله لان معروف تفكير الكبار ماتمشي عندهم هالحركات

بس انه بيحطه قدام الامر الواقعي انك تتزوج البنت الي قلت لك عنها

هنا اية احسن رضى اهله ولا يضحي وخلاص يتوكل ع ربه ويتزوج

وانه يحاول اثناء الملكه يتكلم ويحاول بس مافيش فايده

غير اننا عطينا الناس كلمه وعيب تكسر كلمة ابوك قدام الناس !!!!

انتهى00


يعني السالفه مو سالفة انه رجال او لا

♥آنثى خُرآفيه♥
01-04-2011, 10:50 PM
الرجل الصريح ماتحبوووووونه يالبنات تبووون الكذاااب المرااااااووق

وهل تحبين ان يقال عنك مطلقه من اول ليله يعني ماراح احد يصدق غير ان فيك مشكله

حتى لو حطيتي السبب هو ماراح يصدقك احد حتى اقرب الناس لك

اقول مالكن غير واحد نصاب ومراووغ يكرهكم للصدق حتى لو كان فيه نجاه حياتك الزوجيه اذا حكمتي عقلك

الي اتوقع انه اختلف من يوووم رحتي لبريده ههههههههههههه


في صراحه تنقبل وفي صراحه ماتنفع يعني

يحتفظ فيها أحسن لانه بيفتح باب عليه واذا براسه صراحه يبدا بنفسه ويكوون صريح مع نفسه وبحكم انه داخل حياة زوجيه يكون حده زووجته ابررك له ويخلي المراهقه الي كانت:55ar:


اما مراوغ ونصاب مافي شي جديد هذا هم أغلب الرجال صفه مهمه

بس يعجبنا ابد :SnipeR (79):<<وجهة نظر خاطئه

نوف
02-04-2011, 12:30 AM
يمك حبيبتي صعبه ع الوحده انهاا تطلب الطلاق من اول ليله ..
كلام النااس ماايرحم ..
وبطريقتي واسلووبي رااح احااول معااه فربماا املك قلبه ..

يمكـ دروبي
02-04-2011, 12:45 AM
بنظري انا يانوفتي عادي مايهموني الناس والله كلامهم مو راحم لا اول ولا تالي بالطقاق اهم شي كرامتي

وبعدين وش ابي فيه هو وقلبه التعبان .. اصلآ لو عنده قلب واحساس ماقال كذا

فديت قلبك يالغاليه

نوف
02-04-2011, 12:50 AM
يمك كلام النااس ماايرحم ونظرتهم لك غير ..
لاتقوولين ماايهمني كلام النااس انتي وحده من المجتمع ..
صحيح اناا مجرووحه بس الصبر هناا له دوور ..

يمكـ دروبي
02-04-2011, 01:09 AM
نونوحبيبتي يعني بموت ولا بتقوم القيامه من كلامهم

واذا من المجتمع .. مجتمعنا فيهم اصحاب العقول الرزينه واللي تقدر
وماراح اصلآ يرمي كلام ويتكلم الا فئة الهمجيين مع احترامي الشديد


انا حتى بالخيال مو قادره اتخيل كيف اجلس عنده وهو قايل هالكلام
واذا ع الصبر نصبر بس مو في هالامور ... تكفين نونو والله حرام ياشيخه هذا ماعنده انسانيه
لو عنده ماقال كذا والله بايخ ماعنده ضمير ولا احساس
ممكن لو م؟أجل الموضوع ارحم بس في اول ليله ماتخش العقل لاحول ولا قوة الا بالله
والله ماسكت له دقيقه وحده... فكري يانوف من اول ليله يقول كذا شي مايعقل وجعن يخبط بطنه البايخ وربي احسه بقره

يمكـ دروبي
02-04-2011, 01:12 AM
يازائر معي ولا ضدي
هههههههههههههههههه

sally
02-04-2011, 01:48 AM
انا معك يمك دروبي

اهم شي كرامتي

يمكـ دروبي
02-04-2011, 02:07 AM
فديت قلبك شقاوه تعجبيني يالغلا

ابونواف
02-04-2011, 02:41 AM
اقول ماعندك ماعند تريترا انتي متوحشه وليس في قلبك مكان للغفران الله يغفر انتي ماتغفرين استغفر الله

اقول اهجدي لا تصير لك بالواقع واخرتها مطلقه من اول ليله

انتي وشقاوه فاهمات الكرامه غلط

المراه السنعه تعرف كيف تحافظ على بيتها

واذا هي كارته تغير اسلوبه حتى يعشق التراب الي تمشي عليه وبعدها بعد ان يمووت فيها تقول طلقني

يصير هو الخروووف الي يركض وراها

حتى في البيوت لابد من السياسه ومعرفه كيف تتعاملين مع زوجك

بالاخير لو طلبتي الطلاق وهو يركض وراك الناس تقول العيب فيه مو فيك

عكس لو طلبتي الطلاق من اول يوووم

اقول لبى قلبك غيمه غيرتي رايك والرجوع الى الحق فضيله

ولبى قلبك نوووفي عين العقل

يمكـ دروبي
02-04-2011, 02:46 AM
ههههههههههههههههههههههههههههههههههههههههههه

ضحكتني بونواف اغفر له لايمكن ياخي مدري ليش مومقدرين انتم هالليله غريبه ينقال فيها هالكلام وعادي

والله مااغفر له وبعدين ماراح تنقال لي بالواقع لأنه انا اللي بختار
وارجع واقول كلامك مايقنع

وانتهى النقاش الى هنا والخضوع لرأي يمكـ دروووووووووووووبي

ابونواف
02-04-2011, 02:47 AM
يمك دروبى

النقاش تنهيه صاحبته

اقول اهجدي

يمكـ دروبي
02-04-2011, 03:03 AM
انا ما ني هاجده

بعدين صاحبته على راسي ... وانا انهيت نقاشي مو الموضوع ..الموضوع مستمر
لكن نقاشي انهيته بانتصاري ههههههههههههه
واحلى تقييم للدلع كله

ابونواف
02-04-2011, 03:11 AM
مو انتي الي تحددي انك انتصرتي لابد من ان يؤيدك الاعضاء

بلا غروووور

يمكـ دروبي
02-04-2011, 03:16 AM
هههههههههههههههههههههههههههههههههههههههههههههه


يحق لي الغرور ههههههههههههههههههههههه