المساعد الشخصي الرقمي

مشاهدة النسخة كاملة : اعضاء الخبر ضروري تدشون


طـــــير السعد
18-02-2011, 12:38 AM
تحيط ببلادنا هذه الايام مشاكل عده وقيادتنا الحكيمه تنظر اليها بعين العقل
لعل وعسى ان يكفينا شرها في مقبلات الايام .... والا نجازف في ما لايحمد عقباه
لعل صفارت التي تحيط حولنا هذه الايام من فئه باغيه تريد الاخلال بامننا !

واكثر مايحز في خاطري بالي شفته ذاليوم في مجمع الظهران
ناس ماتبالي باالمحارم من امور استحي اني اقولها..
ناس جعلت من اعراض العرب اضحوكه لكل منوه يناظر شبابنا
هذا الشخص يلمس جسد امرأه وهذاك يسحب عباتها كان نحن غابه ينهش بعضها
فحترقت اعصابي بعد ماجات البنت تشتكي عند الوالده منهم وتحتمي منهم عندها وهي تبكي
وامسك شخص منهم لو ماهداني ربي وكلام الوالده ولا كان جاه شيء ماتمناه
صراحه وانا جاي على الخط قاعد افكر ليش وصلت فينا هالانحطاطيه فالسلوك والاخلاق الدنيئه
هل اهاليهم مايدرون عنهم لاجا للمجمع مربي كدش ولامطيحني كل هذا عشان تغري الفتاه ؟
سلمنا جدلن انه يبي يغريهم .. ليش توصل هالانحطاطيه في الاخلاق ؟
هل هذي شجاعتنا على الحرمه الي مامعها حد تمشي وتتسوق نروح نهتك عرضها ؟
هل هذه شجاعت فرسانا في ساحات الميكاج والرزه قدام خلق الله وفضحهم
اكثر ما غثني سكرتيتهم وصدق المثل القائل حاميها حراميها.

نحن الان نمر بايام لايعلم بها الا الله من فتن حول بلادنا وشبابنا في ساحات المعارك يتفاخرون بافعالهم ..

الى متى سنبقى على هذه الحال ؟
هل راحت الحميا وقل الحياء ؟

NORY
18-02-2011, 12:57 AM
طير السعد

حسبنا الله ونعم الوكيل

اللهم لاتؤاخذنا بما فعل السفهاء منا

سُئل الرسول صلى الله عليه وسلم :" أنهلك وفينا الصالحون ؟" قال :" نعم إذا كثر الخبث"

المشكلة اللي يقول الناس حُرّة ,,, طيب هذا الحديث يبين إن اللي يمنع من العقوبة هو الصلاح واحنا أمه ذكرنا الله في قوله :"كنتم خير أمة أخرجت للناس تأمرون بالمعروف وتنهون عن المنكر" يعني شنو فرقت بيننا وبين غير المسلمين اذا نشوف المنكرات ونسكت!! طبعا تغيير المنكر قد يكون بالقلب وهذا اللي قدرت عليه

صرت مااروح ا المجمعات بسبب هالمنكرات ,,, ياليت يكون فيه مخابرات وهيئة أمر بالمعروف ونهي عن المنكر.

جزاكِ الله الف خيرع هذا الطرح القيم

sally
18-02-2011, 01:00 AM
والله انك صادق

اليوم جايه من مجمع غرناطه بالرياض

ودي ادري ليش فيه سكروتي عند الباب

عشان يمنع الشباب من الدخول

بس اذا دخلت تلقى شباب اكثر من النساء

مادري وشلون دخلو

وشفت عند البوابه وحده جايه مع اخوها واصدقاه

بس جايه عشان تدخلهم

بس الي اشوف

الي محتشمه بلبسه

مايقلون له شي

اما الي جايه كانه رايحه لاكبر عزيمه من المكياج والعباية المخصره

كانه تقول تعالو

والله يحفظ المسلمين

طـــــير السعد
18-02-2011, 01:03 AM
حياس الله يالنوري
شرفني تواجدك
للاسف الهيئه كانت موجوده وكانت الامور الي ذكرتها قليله
لكن اينها الان ومن الذي جعلها صورة لاتستيطع الا ان نراها معلقه
ولاتقوم بجهدها فالميدان
هل هناك شخص منعها من الدخول وشنو غرضه من منعها ؟

لاهنتي على التواجد ومشاركتك

طـــــير السعد
18-02-2011, 01:05 AM
شقاوة روح
حياس الله
وكلامك واقع وصاير
حتى لو راحت متمكيجه هل وصلت سذاجتنا ان حنا نعريها قدام خلق الله

شرفني تواجدك

ابونواف
18-02-2011, 01:11 AM
اخي الغالي طير السعد الاخلاق انحطت والناس اصبحت ماتستحي

والمفروض ماتنزل الوحده لحالها لازم معها محرم بوجود شباب منحط قليل ادب وذوق

بصراحه ودك تتصيد هالاشكال مثل الذباب ولازم يتم ارسال شرطه سريه يكون معهم صاعق كهربائي

يصفق الواحد فيهم بين عيوووونه والله يتأدبون الباقين

طـــــير السعد
18-02-2011, 01:16 AM
ابو نواف
حياك الله
كلامك صحيح لكن هناك من ليس لها محرم ولارزقهم باخو
هل نقول عنها ماهي محترمه ؟
الا ودك مثل ماكان تسوي الهيئه في هالاشكال فالماضي
تشهر به قدام خلق الله عشان غيره يعتبر ويفكر الف مره

شرفني تواجدك

نووْور~
18-02-2011, 01:27 AM
من امن العقوبه اساء ادب او اساء التصرف عباره مشهوره

لو فيه عقوبات جاااااامده تطبق صح على هالفئه من الشباب ورب البيت ماتلاقي زول الواحد فيهم بالأسواق

ولانقول غير حسبنا الله ونعم الوكيل ...

طـــــير السعد
18-02-2011, 01:30 AM
صمت الغروب
حياس الله
العقوبات موجوده فالنظام الاساسي لـ وزارة الداخليه وموكله الهيئه بمتابعتها
لكن ليش مافعلت ؟
شرفني تواجدك

نوف
18-02-2011, 01:47 AM
الله يعطيك العاافيه طير ..
طرح رااق لي ..
الشخص المحترم محترم نفسه في اي مكاان ...

طـــــير السعد
18-02-2011, 01:51 AM
نوف
حياك الله
المحترم احيانا يبتلى بسفاهة القوم
شرفني تواجدك

غاْرديّـכּہاا
18-02-2011, 02:46 AM
http://img13.imageshack.us/img13/7182/5pr37012.png
تسلم اخووي عالموضوع وماقصرت http://www.leqatar.net/vb/images/smilies/onlinelong.gif



والله موضوع يسم البدن وللأسف ان هناك حالات كثيرة ولكن الخوف والحياء احياناً يكون سبباً في عدم الابلاغ عن مثل هذه الحالات اجارنا الله واياكم.ومما يساعد في ذلك للاسف عد وجود هيئه اومراقبات سريه او حتي جهات قانونية يقومون باصتياد مثل هاذا الاشكال القذره وتطبيق العقوبه عليهم وصدقنوني ماحـ يتكرر هاذا الشييئ مرـأـآ ثانيه لويطبقوا هاذا النظام ويستمروا عليهـ

الصبي الصايع ..هو اللي يفعل افعال قبيحه ومايتقي ربه في هذي الافعال ..مثل المغازل..التحرش..الترقيم..الخ http://www.leqatar.net/vb/images/smilie/protest.gif
الفضاوه والفرررراغ لهادور كبير بهاذا الامر..تلاقيه طفشان فاضي لاشغل ولامشغله ويتسلئ ببنات الناس
.."
حسبنا الله ونعم الوكيل فيهم هالاشكال القذرهـ
مايخافون من الله ورسولهـ قبحهم الله ..الله ياخذهم ويفكنا منننننننننننننهم يارب


اللهم أستر علينا وعلى نساء المسلميين اجمعين يارب واحفظنا بعينهـ التي لاتنام

طـــــير السعد
18-02-2011, 02:59 AM
اللهم امين المها
شرفني تواجدك

صاحبة المعالي
18-02-2011, 03:11 AM
وانا اقرا لموضوع

يدور في بالي كثير من المواقف اللي شفتها في المراكز

والله يصير اشياء ما كنت اتصور اني شوفها بأماكن عامه ...,

واذا هي على السكيورتي بعضهم مافي يدهم حيله يكونون الشباب اقوى منهم من بعض النواحي

واكيد فهمتو ايش اقصد وهالشي صاير قدامي

ما اقول الا الله يهديهم ويهدي بعض البنات اللي ماشيين على هالخط

عواااااااااااااااااافي

طـــــير السعد
18-02-2011, 03:14 AM
شوق
حياك الله
وين اقوى منهم داخلين مصارعه
النظام اقوى منهم ولكن تجبرهم بتمشكلون معهم
على الي يشوفونه قدام عيونهم ناس تدش وناس ماتدش
وسئلت مره ليش تسوون كذا قال والله مزاج !!!!
وهذا الي خلاهم صورة متحركه لاتهش ولاتنش
وهم الي جابو المشاكل لروحهم
شرفني تواجدك شوق

غنج نجد
18-02-2011, 10:01 PM
يووووووووووة يااكثرهم...طير ..!!

انعدمت الاخلااق والتربية ...والدين انخرط بمفااهيم غبية حطوهاا عشاان يبررون لاانفسهم ...!!

تدري صاادق مااذكر صرااحة من قاال يعااودون التشهير ...بس جد صدق ..!!

ع ان فية نااس عندهاا غبااء مستفحل جداا...!

يعني لماا تتهزااء قداام خلق الله مااتنكسر عينهاا وتخجل وتمشي ...باالعكس عندهاا الرد بعلااة االصوت واالتهزيا باالهيئة ..قوت شخصية ..!!

وبناات الحراام وعياال الحراام ..مااخلو لطيبين شي ...!!

علو كبود خلق الله ..حتى وهم في حاالهم ..!!

يعطيك االعاافية طير ع هاالطرح..مزضزع مهم ..لك دي وااحتراامي ..!!

طـــــير السعد
18-02-2011, 10:07 PM
ليت العمر
حياك الله
شرفني تواجدك وتفاعلك

الراسيه
18-02-2011, 10:29 PM
طير السعد اهني فيك روح الحميه بارك الله فيك .. صدقت بكل كلمة كتبتها ..
وللاسف ..جيل تربية خدم وسواقين وش تتوقع منه ؟؟

طـــــير السعد
18-02-2011, 10:38 PM
الراسيه
حياك الله
وهذا قصدي في موضوعي
ليه نجعل ابنائنا يعيشون في كنف خدم
يتربون في بعادات وتقاليد غير تقاليدنا
تقاليد جلبت الددمار لابنائنا

لاهنتي على الرد الي كنت اتحراه من بدايت موضوعي
ونتعرف بخطء تسليمنا االابناء للخدم

اخصائية المستقبل
20-02-2011, 08:19 PM
مو شرط المحرم في كل مكان اروح لة اذاكانت البنت محترمة نفسها ولبسها في العباية ساتر محد متعرض لها الله يهدي الجميع

نبضات قلب
20-02-2011, 08:46 PM
احيانا البيت مهمل واحيانا البيت يبني واصدقاء السوء يهدمون واحيانا القنوات اللي تلعب بعقول الناس

كل انسان يعبر عن بيئته وعقليته الكثير نشوفهم مستهترين لا رادع ولا خوف

بالامارات اللي يغازل ينشرون صورته بالجريده وهم محلقين راسه ويقولون ( مغازلجي)

الامن بلا امانه يخلون اخوياهم يدخلون وفيه شباب ودك تمسكه من شعره وتحذفه برا المجمع

وبعض البنات تلفت انتباه الشباب بعدين يحصل ما لا يحمد عقباه

شباب في غيبوبه

لازم يكون عندنا ثقافه شعبيه تتأصل منذ نعومه اظفار الاطفال محتاجين تعليم نموذجي وصحي

ناس عايشه بلا هدف ولا رؤيه لا يهمهم الا اخر جوال واخر سياره واخر موضه

♥آنثى خُرآفيه♥
23-02-2011, 10:09 AM
بالفعل هاالشي صااااااااير

باالهبل الواحد يشوف المصايب ونقول يارب لاتغضب علينا

وهاالحركات كل مالا وتزيد

بس هاالاجازه هذي كنت بالطايف شفت حركه اعجبتني ماادري اذا قديمه ولا لا

عني اناجديده

يدخل مدني هو مسؤل اكيد من هيئه او جهة رسميه ويتمشى وهو يكون مراقب لوضع السووق

اي حركة تصدر من البنت او ولد قدام عيونه او تحرش ع طول ينمسك

والي بجد رفع ضغطي هالاجازه بنت لابسه ثوب وشماغ

وداخله مع بنات وترقم مسكووها طبعاانعرف انه مو ولد وانسحبت هي والي معها

لان بجد كلهم احس طالعات من عرس والعبايات =فساتين

<<وش تحس فيه هاالادميه بجد فضيحه

الله يصلحهم تفكير جاهليين