المساعد الشخصي الرقمي

مشاهدة النسخة كاملة : شاعر سعودي يجسد معاناة وحدة من بنات المنتدى بقصيده


عنيزاوي
12-12-2010, 11:56 PM
السلام عليكم ورحمة الله وبركاته
هذا موضوع بنت بأحد المنتديات حزتني مررره وفيه شاعر لما قرا موضوعها كتب عنها قصيده

قصتها
" انا ماعندي عيال
جلست خمس سنين احاول الحمل واحاول وماقدرت .. يأست وفقدت الامل خلاص
و تأخرت الدورة قلت عادي ليه افرح حبيبي وبعدين اكسر بخاطره
وفي يوم كان عنده زوج واحد من قرايبه بمدينة ثانية استغليت الفرصة ورحت الدكتورة وكانت المفاجئة اني حامل
رجعت البيت احترت اتصل عليه او لا !!
انا عارفة انه راجع بعد الفرح يعني بالليل بيكون موجود خلاص اجهز المفاجئة .. صلحت البيت وجهزتة وسويت كيكة وحطيت فيها ثلاث شمعات.. اكيد بيستغرب من الثلاث شمعات !! ثلاث لان الدكتورة قالت شافت ثلاث اكياس يعني بعد صبر 5 سنين ربي بيرزقني بثلاث توائم..
دق الجوال حبيبي يقول مو جاي ممكن يبات عندهم.. زعلت وحاولت معاه بكيدي وطبعا ماخربت المفاجأة واقنعته يجي طيران عندنا ليلة رومانسية اليوم واحلي مفاجأة


اه ياقلبي ليتني خليته يبات اكيد انا السبب مارجع البيت ابد......
صار له حادث ومات علي طول .. تخيلو علي الرغم من ان الحادث مأساوي لكن جسمه ماصار له شئ غير خدوش بسيطة طبعا الحادث بسبب السرعة

انا اللي قتلته .. انا السبب انه مايفرح بعياله مات وهو مايدري بوجودهم من الاساس.. احس اني مااستحق الحياة

اكيد انا السبب
هو ماكان راجع لولا الحاحي عليه لولا اني شوقته لهالليلة ماكان يسرع
لو خليت المفاجئة مرة ثانية... لو خليته يروح معاي الدكتورة ويسمع منها.......لو اخترت توقيت ثاني.. لو لو لو لو

راسي بينفجر خلاص

بعد وفاة زوجي انتقلت من بيتي ورحت عند اهلي بس شرطت تكون لي غرفة لوحدي وجزاه الله خير اخوي ماقصر رغم ان اخواتي كانو معترضين.. المهم جبت غرفة نومي وكل الاثاث المميز عند زوجي واللي كان يحبه ورتبته بالغرفة حتي لون الغرفة سويته ليموني زي غرفتي ببيتي صار كل جزء منها يذكرني فيه حتي كاس الشاي حقه جبته معاي.. كنت ابكي طول اليوم احس دموعي خلصت صرت ابكي بدون دموع عيوني فيها جفاف وحرقان من كثر البكاء..
توقعت اني بكون كذا مرتاحة بس يابنات احس تعبت بزيادة طيفه مايفارقني .. اشوفه بكل مكان ..
احس شئ بعقلي..
يعني انام والله احس انه ماسك بطني . اقسم بالله احس بحرارة يده ببطني
ماابغي احد من اخواتي يدخل الغرفة ولا ابغي انظفها ابغي ريحته تبقي فيها.. قبل يومين اختي اخذت المنشفة تغسلها اقسم بالله يوم فقدتها كأني فاقدة عقلي رحت لاختي زي المجنونة اتخاصم معاها طبعا تطاولت علي بالكلام تتهمني اني مجنونة ووسخة المنشفة ماتغسلت لها 3 شهور
بس هذي منشفه الغالي كل يوم الفجر اعطيه ينشف فيها قبل يروح المسجد كيف افقد ريحتها ؟؟ كيف؟؟
حتي حملي احيانا اقول هو السبب بفقداني زوجي.. وارجع اقول هم من ريحة الغالي

الله المستعان والله احس مابيني وبين الجنون الا شعرة حتي حملي الدكتورة قالت في واحد نموه اقل من اخوانه

ادعولي بنات ادعولي
بفقد عقلي ماني متصورة الحياة بدونه حاسة عقلي بيوقف عن التفكير وعيوني بتجمد مكانها حاسة بركان داخلي بينفجر
اشم ريحته بكل مكان اشوف طيفه احس بوجوده لدرجة اشك انه مات
مر ثلاث شهور وكل دقيقة انتظر اتصاله او دخلته علي
اتصل علي جواله واستناه يرد"

من خلال ردودها شفت تطورت مشكلتها وفقدت اللي ببطنها





الشاعر / زياد زيد البقمي قرا موضوعها بالمنتدى وكتب عنها قصيده

خامس سنه مرت ولا جابت اطفال
.............................. .......تحلم بلفـة طفلهـا فـي مهـاده
رضيت بامر ربي وباقي لها امـال
.............................. ......على رجـا الله والدعـا والعبـاده
لين تعبت من كثرة القيل والقـال
.............................. ...تخاف قطع الحبـل بعـد انشـداده
وفي يوم كان الهم في قلبها جبال
.............................. ....شكت بعلم وقالـت ابغـى وكـاده
ويوم فحصت قالو لها ماطيب الفال
.............................. .ببطنك ثلاث اطفال حسب الافـاده
دمع الفرح من فوق وجناتها سال
.............................. ..بغت تطير من الفرح في العيـاده
وقالت عسى زوجي بجواله ارسال
.............................. ........وابشـره انـه بيتحقـق مـراده
زوجٍ وفي طيـب ولا كـل رجـال
.............................. .......الله عطاه مـن الرجولـه زيـاده
باملا عليه البيـت بنـات وعيـال
.............................و الصبر خمس سنين يلقى حصاده
وقبل تكلـم سيـد البيـت جـوال
.............................. ......تراجعت عن رايهـا فـي ركـاده
وقالت باحط مفاجأه مالها امثـال
.............................. ...لا من حضر عندي بافـرح فـؤاده
وشرت حلا وورود بانواع واشكال
.............................. .....احلا خبر تبغـى تسـوي عيـاده
والزوج قال لها ترى عندي اشغال
.............................. ........والظاهـر انـي باتأخـر زيـاده
قامت تحـاول تقنعـه بالتحيـال
.............................ب اسلوبها اللي يستحـق الاشـاده
قالت تعال ارجوك تعـال فالحـال
.............................ي الغالي اللي جـوف قلبـي وداده
وافق وجا مسـرع بليـا تمهـال
.............................. ........سرعـه جنونيـة بليـا هــواده
وقامت تاماوج به من الجال للجال
.............................. ......وحـاول يعدلهـا بكـل اجتهـاده
والسيطره تصعب على مثل ذالحال
.............................. ....لو كان سـواق ويجيـد القيـاده
والحادث اللي كل من جاه يهتـال
.............................ح ادث شنيع ووالـي الكـون اراده
انهى حياته بامـر عـلام الآجـال
.............................. .....يالله جعلـه ناطـقٍ بالشـهـاده
والزوجه الي تنتظر منـوة البـال
.............................. ...ومن الفرح ماعـاد فيهـا جـلاده
قامت تجوب البيت باقفاي واقبـال
............................تن ظر وصوله في سرور وسعـاده
جاها الكلام يزلزل النفـس زلـزال
..........................والي وم الابيض شافت اول سـواده
قامت تصيح وتبكي وتندب الحـال
............................يا ليلها القاسـي وماكبـر هجـاده
ماعـاد فيهـا للمصيبـه تحمـال
.............................ا ستسلمـت للهم مـن غيـر اراده
مرت بها ساعـات وايـام وليـال
.............................. .....والهـم عيـا لا يخـف ازديـاده
الله ياكم ليل فيـه السهـر طـال
.............................. تخيله والـراس فـوق الوسـاده
عاشت على ذكراه والدمـع همـال
.............................. .مع كثر نزفـه مايخلـص مـداده
والحمل جاب لها مشاكل وغربـال
............................لي ن اجهضت قدام وقـت الـولاده
والبيت ودعتـه بحـزن وتويـال
.............................. وانا اشهد انها ما عليهـا نقـاده
بعد حياة العـز عاشـت بـالاذلال
..........................وبعد السعد عاشت بهـم ونكـاده
لو كان ابوها حي واخوانها ابطال
.............................. ..منهو يعوضهـا حيـاة السيـاده
صارت بلا زوج وبلا فرحة اطفال
..........................ماعا د تحلم بالطفـل فـي مهـاده
صارت تعيش الهم مع موت الامال
.............................. ادعولها يانـاس وقـت العبـاده
عواقب السرعه مصائب وأهـوال
.............................. مير انتبه ياللـي تجيـد القيـاده

يمكـ دروبي
13-12-2010, 12:08 AM
يعطيك الف عافيه عنيزاوي
بجد حزييييييييييينه ياحرام

عزيز نفس
13-12-2010, 12:10 AM
لاحووووول ولا قوه الا بالله ..

والله قصصيده قوووويه من الشاعر زياد البقمي ..


الله يصبر حالها ويرزقها بالرجال والعيال .. ولله يرحم رجالها الاولي ..



مشكوور اخوي ولله قووويه ...

عنيزاوي
13-12-2010, 12:16 AM
يمك دروبي

عزيز نفس


الله يسعدكم ولا يوركم مكرووه

ولله يصبره

ولاهنتو ع المرور

لكم تحياتي وتقديري

انا وانت
13-12-2010, 12:20 AM
لا حول ولا قوة الا بالله

الله يصبرها ويخلف عليها ويعوضها

مشكووور عنيزاوي

عنيزاوي
13-12-2010, 12:27 AM
انا ونت

الله ام امييين


العفوو نورت وسلمت

تحياتي لك

الراسيه
13-12-2010, 12:28 AM
مؤلمه جدا جدا جدا
.. الله يصبر ويجبر كسر كل من فقد غالي عليه
عنيزاوي لاهنت..

الحاتميه
13-12-2010, 12:28 AM
قصتها مفجعه ومؤلمه تبكي العين ..

الله يعينها ويصبرها على بلاءهااا ويأجرها في مصيبتها ويخلف لها خيرا منهااااا اللهم امين ..

ريما جدة
13-12-2010, 12:29 AM
ياااااي ياحرام مشكور

عنيزاوي
13-12-2010, 12:30 AM
الرااسيه امين

الحاتميه الله ام امين

ريما جده العفووو

نورتوو ولاهنتو والله لا يوريكم مكرووه

يعطيكم العافيه

دخيل الحب
13-12-2010, 12:52 AM
الله يعطيك العافيه
عنيزواي على طرح
كل الود

ذباح النمر
13-12-2010, 09:41 AM
لاالة الا اللة هذاحال الدنيا

اشكرك على قلمك الذهبي

واحيي الشاعرزيادالبقمي

حنين الشوق
13-12-2010, 06:37 PM
قصة مؤلمة
تحولت الفرحة المنتظرة إلى حزنٍ مؤلم

تصوير الشاعر في قمة الروعة صح لسانه

وسلم بنانك عنيزاوي

sally
13-12-2010, 10:51 PM
وربي بكيت ماقدرت

الله يعينه يارب ويعوضه بالي احسن يااااااارب

صدى الاحساس
13-12-2010, 10:58 PM
لا حول ولا قوة الا بالله

الله يصبرها ويخلف عليها ويعوضها

مشكووور عنيزاوي

3ąŧЋβ
13-12-2010, 11:15 PM
لا حول ولا قوة الا بالله العلي العظيم

قصة مؤلمة وحزينة

اللهم أجرها في مصيبتها وأخلف لها خيرا منها

مشكوووووووور اخي عنيزاوي

الشايبه
20-12-2010, 12:12 AM
ياربي ترحم بحالها.. وتخلف عليها ..


عنيزاوي لاهنت

عنيزاوي
20-12-2010, 12:18 AM
سلمتو ع المروور
ولله لا يوريكم مكرووه

لكم تقديري واحترامي

غاْرديّـכּہاا
23-12-2010, 10:34 PM
ووووووووووووووواي ياقلبي عليها
قطعت قلبي
ربي يخلف عليها ويعوضها بالاحسن انشاءالله

.."
لاهنت عنيزاووووووي

عنيزاوي
23-12-2010, 11:10 PM
المهااا


الله ام امممين



ولاهنتي ع المروور

لكي تحياتي وتقديري