المساعد الشخصي الرقمي

مشاهدة النسخة كاملة : شباب الكلوركس (الله يحفظهم) نستمتع بمناقشتكم


بنت الشمال
01-10-2010, 02:42 PM
السلام عليكم ورحمة الله وبركاته



الله يبيض وجيهم إن كانوا صاادقين



عندي لكم سالفة تفطس من الضحك وما تجي في بالكم أبداً !!!



تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة


لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟


وشفتهم في السوق بس شفت بنات قليل منهم


تعرفون وش السالفة ؟؟


اللي قالت لي الخبر صديقتي وهي محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان تقاسيم الجسم ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !


جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!




وبعدها جلست أدور في عبايتي عسى مارشوني أنا بعد !


تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!


تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات




وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!


يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....



والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!


وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!


عساهم يتأدبون


الله يهدينا ويهديهم ويستر علينا وعليهم





منقول لعيونكم
اتمنــــــــــى من الجـــميع المــــــــــنااااااااااااقشه ..........
***** بنــــت الشمــااااال****

قســــــورهـ
01-10-2010, 06:42 PM
احس في الموضوع مبالغه يابنت الشمال وغير موجود بالحقيقه
ولا اعتقد ان فيه فخرا لمن يفعل هكذا شي.. على العكس تماما (ملاقيف).



مشكوره على طرح هالموضوع للنقاش يابنت الشمال :icon33:.




قســورهـ كان هنا




....

¨°•][ يًسِألوٍنيًـےليًـــہ أحِبُـگ]
01-10-2010, 06:53 PM
بالنسبة لي ...أقبل وأرغب بالنصيحة ...ولكني أرفض الأسلوب والمنهج .... وأدعو إلى تقنينه..!!

وما سبب تمرد فتياتنا وشبابنا إلا الأساليب التي كانوا يتبعونها سابقاً في نصحهم وتوعيتهم ...وهذا شيء مقابل يحصل الآن ..ولكنه من فئة عامة ..!!


بالنسبة لي لست من الذين يرفضون عباءة الكتف ...ولا أتباهي بلبس عباءة الرأس ..أيضاً وكأنها الستر بعينة...!!

فمبدئي أن لا تلبس الفتاة عباءتها للتبرج بها ..أي ان لا تكون مثلاً مليئة بالتطريز والنقوش ..أو ضيقة مخصرة تبدي تقاسيم جسدها ...سواء كانت كتف أو رأس .. في الاسواق والاماكن العامه .

بنت الشمال ....أشكرك على هذا الطرح..

وجزيت خيراً على حرصك واهتمامك...وغيرتك على بنات دينك..!!

وفقك الله واعانك
دمت بخير

هــــــــــــذا أنا
01-10-2010, 08:05 PM
ههههههههههههههههههههههه وش جايهــــــــــــــــــم

ضحكني الموضوع بس ما أخذها طريقه لتوصيل رساله غير مباشره للبنات

واشوفه أسلوب فيه من الغباااء اني اتعدى على خصوصيتها حتى به الطريقه
الطريفــــــــــــــــــه اللي حصلت
النصيحه ابتسامه وذوق وأسلوب ومنطق
عشان نوصلهااا لكل عاصي ومقصـــــــــر
ألف شكر بنت الشمااااال
نورتي الكااااافيه

ريما جدة
01-10-2010, 08:47 PM
هذا اسمة تخلف

بجد ناس عقولهم مدري كيف وش خصة هي حره مخصرة شفافة مطرزة

كل واحد حر بنفسة

يعني انا مثلا اكره لبس بعض الشباب اللي يسمونه سوري يابابا

بنفس الوقت مستحيل ارمي عليه كلوركس او اي شي مهما كان

لانه مو من حقي اتدخل بخصوصيات غيري

ابي اعرف الى متى واحنا مانحترم خصوصيات بعض ؟

ليش ندخل بكل شي يهمنا وما يهمنا؟

شي غريب واسلوب همجي

مشكورة اختي ع الموضوع

نبيطه
01-10-2010, 08:50 PM
اسلوب صبياني

اشكرك اختي

بنت الشمال
01-10-2010, 10:09 PM
اسعدتني ارائكم بس الموووووضوع ترى منـــــــاااااااااقشه
لالالالالاتحرمونا من ردوكم العسل ...
نورتوو..

الحاتميه
01-10-2010, 10:36 PM
من التصرف باين انهم شباب الله يصلحهم طايشين .. لانه اسلوبهم غلط وما حسبو حساب للاضرار والمشاكل اللي ممكن تصير ..

ممكن يكون فيهم غيره على الدين .. بس فيه اساليب كثيره افضل من كذا بكثير ..

مثلآ يسون مطويات تكون بأسلوب حلو ومهذب وبنفس الوقت تكون رادعه ومزوده بأدله من القرأن والسنه ..

ويكون معها هدايا بسيطه للترغيب .. اتوقع افضل بكثير من اسلوبهم ..

وتعليق على رد خيتو يسألوني .. انا معها في انه في عبايات عـ الكتف استر كثير من عبايات الراس ..

بس المشكله مع العبايات اللي كأنها جلابيه .. ابي افهم وش الحكمه منها .. وليش لابسينهاا .. بدون افضل بكثير .. (( وجهة نظري )) ..

الله يصلح شبابناا وبناتناا .. ويفتح على قلوبهم ويهديهم ..


خيتو بنت الشماال عافاكـ ربي .. بدايه موفقه ..

بنت الشمال
01-10-2010, 10:38 PM
نورتي خيتتتتتتو الحااتميــه .. لالا تحرميناااا..
ودي لشخصك الكريم ...