المساعد الشخصي الرقمي

مشاهدة النسخة كاملة : على أي أساس تحكم علي


هــــــــــــذا أنا
03-08-2010, 05:40 AM
أتعجب من هؤلاء الأشخاص( اللي يقولون ما لك داعي ) وحكموا عليك وأنت مالك أي وجود في حياتهم
وش السالفه !
أقولكم
في مره من المرات في المرحله الثانويه كان وقت الفسحه نطلع من الفصل ويالله الفطور وسواليفنا وش سوينا وين رحنا
أخلصي
لاحظت بنت دائما تنظر لي بحقاره مع أني ما أعرفها أستغربت وحاولت أني ما أحط في بالي أنها قاصده تضايقني وأحسنت النوايا فيها
مرت الأيام وماش البنت مصممه وكني أقطعها وقاعده أذبح فيها
كان عندي فضول ليه تعاملني لامبالاه وتنظر لي بحقاره
وبعدين وش سويتي
أكتشفت أن وحده من صديقاتي تعرفها وما قلتلها اللي أحس فيه بس يافلانه ماشاالله شكل البنات هذول طبعا
من فيهم البنت اللي أحترت في أمرها مره أخلاق وخفيفين دم يبيلي أتعرف عليهم وقعده معاهم
عرفتني فيهم
وقعدت معهم والبنت ودها تضربني طبعا أول ما تعرفت عليهم
ودخلت في البنت بالسؤال عنها وكيف دراستها وما أتكلم معها الا في الشي اللي تحب تتناقش فيه
وصار المراد وقربت أوصل لأحساسها
البنت صارت تسأل عني اذا غبت والضحكه من تشوفني
وبديت أكون من صديقاتها اللي تعتز بصداقتهم
طبعا سؤالي اللي بخاطري ليه كانت تعاملني ؟
كذا جا وقته:SnipeR (51):
وقلتلها فلانه والله أني أحبك وأقدرك بس قبل ما أعرفك لاحظتك لما نمر من عندك تتضايقين وتناظرين بشكل يوحي بأننا ما عجبناك أو مضايقينك
في وحده مننا غلطت في حقك
قالت لاوالله بالعكس ما شفت منكم وأنتي بالذات الا كل الاحترام بس سامحيني
وصلنا :)
خير يالغاليه وش فيك ؟
بصراحه ما كنت أعرفك فحكمت عليك من شكلك أوحالي أنك شايفه نفسك وأخلاقك تجاريه وما يعجبك العجب لدرجة أني أتفل من وراك من كثر ما كرهتك :008:
ضحكت وقلتها طيب ألحين ؟
قالت حشا أنك صديقه والنعم فيها
وأعتذر على حكمي المتسرع بس بمجرد ملامح وجهك وطريقة جلوسك
لكن أنتي غيييييير وأخذت درس ماأحكم من الظاهر بس لازم أكون أعرفك واسأل عنك
قلتلها أنا ما حكمت عليك الا بعد ما عرفتك زين وكنت حاسه أنك تقصديني بس ما أسأت النوايا فيك وبالعكس تجرأت عليك لكن بحسن المعامله وجعلتيني صديقه مقربه وكنت نفس الشعور وللحين مع بعض




الحين رايكم يهمني ؟؟؟؟؟؟؟؟؟؟
أحنا معرضين للخطأ والصواب
بس المظهر الخارجي أو بمجرد نظرات تحكمون ؟ وكيف كان ردة فعلكم لو طحتوا في موقف مماثل زي حالتي ؟ وهل دائما تحسن النيه في اللي حولك ولا لا ؟

نبع المشاعر
03-08-2010, 06:23 AM
صباحكـ تفائل

النظرهـ الاولى قد لا تكون واضحه دائماً

قيسي على ذلكـ نحن هنا في المنتدى

اول مانشوف العضو يشوبنا بعض الغموض تجاهه

لكن عندما نتعمق في أحاسيسه ومشاعرهـ

نعرف انه مغاير لتك الصورهـ التي بنيناها عنه في السابق

فأحسن الظن دائماً بمن حولكـ يحسنون الظن بكـ

ولا تكن نظرتكـ للغير معتمه وغامضه

لا يوجد اجمل من النظرهـ المتفائله لكل الامور

والا بتسامه هي مفتاح السعادهـ

<.. أحس اني بديت اخلط بالامور

بس كلها مترابطه بالنظرهـ الاولى

شكري وتقديري لكـِ عزيزتي و لـ جمال طرحكـ

تحيتي ..~

هــــــــــــذا أنا
03-08-2010, 06:26 AM
ههههههههه ما خلطت الأمور النظره الاولى لها تأثير لكن من غير حكم قاطع وجهة نظر

3ąŧЋβ
03-08-2010, 06:33 AM
مشكووورة على المووووضوع

وفعلا المظهر الخارجي لا يواحي بما في داخل النفوووس

ومر علي حدث قريب من هذا بس مني على انسان ثاني حكمت عليه من خلال مظهره لكن حشا ما كنت اضمر له الكره او الشر بس ما كنت اتوقع انه يصدر منه شيء طيب

والقصة اني مريت بازمة مالية مرة من المرات يعني كنت فاتح مشروع وكان ناقصني بعض الدراهم قلت اتسلف من اعز الاقارب والاصحاب وكان هذا الشخص اخر اهتمامتي .. وفعلا رجعت له بالاخير بعد ما خيبو املي الاقارب وطلبت منه كم قرش وفعلا وقف معي وساعدني واعطاني اكثر مما طلبت .. والغريب انه رفض ياخذ المبلغ بعد ما زانت اموووري . وفعلا تغيرت نظرتي للاشخاص من خلال مظهرهم

غاْرديّـכּہاا
03-08-2010, 07:03 AM
هههههههه
الابتسامهـ مفتاح السعاده
<ماتت ضحك ع سسسسسسلوم
..""""""""




.
اول شيئ
احب اشكرك ع هيك الطرح المميز
..
ثانيأ
بذكرك قصتي
انا كمان في يوم من الايام دراستي
الثانويـهـ
واجهت مثل هيك البنت كانت من تشوفني تقوم تستهزء عليهـ تناظرني كاني حشرهـ قدامهاا ماتعبرني ولاشيئ

اوك طنشتها قلت بشوف شنو اخرتهاا لانو انا من طبيعتي محبوبه مع الكل مااحب المشاكل وهيك
قلت اصمت {الصمت في بعض التفاهات هيبه}~ ومااحبيت حد يااخذ فكره غلط عليهـ

<
والله اقولكم كنت ارجع البيت الا وضايق خلقي وكنت ابكي واقعد بالغرفه بلحالي واصارخ
تضايقت مااقدرت شسووووووووي

قلت للماما قالت طنشي
طيب طنشت وطنشت بس ماافاد معهاا
.."




قدر الله وجاء اليوم اللي اجتمعت انا ويااااااهاا فيهـ وجلست وسوالف معهاا قالتلي تصدقي ان قلبك طبير ياا........................
قلت لهاا شكر عزيزتي
قالت لي تصدقي اناا مااعرفتك قبل تمام المعرفهـ وكنت احسبك
قلبك اسود وحقودهـ وانطوائيه وتكرهيني

قلت لهاا
الله يجزاكي خير بس ليش تحكمي عليهـ وانتي .............
قالت من وجهك ونظراتك كنك وحدهـ متكبرهـ وحقودـ


اسمحيلي
بس داحين يوم عرفتك شيئ ثاني
قلبك ابيض

وتعذرت وقالت انا اسفه باللي سويته وهيك هيكااااااااااااااات هع
والله داحين صرناا من اعز الاصدقاااااااء




شكلي طولت صح
بس شدني الموضوع كثير وقعدت اثرثر هههههههههههههههه


..


قصة رائعه
:
قصة رائعه .. والي تعنينه أروع
وصدق .. ما يجب التسرع في
حكمنا على أي موقف نمر
به .. من غير تفكير .. وعقلانيه
أو حتى إعطاء عذر ..
زادك الله حرصاً

دمتي بخير غاليتي

ابو لولو
03-08-2010, 07:09 AM
مـِن الجميل أن لآنتسرع بـ الحكم على الآخرين ولانتحدث عنهم بـسوءنعاشرهم ونتحدث معهمَ إذا اتحيت لنا الفرصه حتى وإن كآنت قلوبنـآ منقبضه منهم
قد نعرف عنهم جوآنب تزيل هذهـّ القبضه لك تحياتي وتقديري على هذا الموضوع ,,,

ظروفي
04-08-2010, 03:49 PM
جميع ماذكر أعلاه هههههههههه الأعضاء السابقين قالو كل اللي بخاطري ............. سلمتي أختي ذكرياتي


يعطيكي العافيه ................... تحياتي

الراسيه
04-08-2010, 04:51 PM
يوووه يابنات ذكرياتي والمهاا لهذي الدرجه اشكالكم تدل انكم متكبرات وحقودات هههههههههههههه

>>>> تمزح

الحمد لله ماعمري مريت بالمواقف هذي دائماً البنات يبون اصير صديقتهم وماعندي وقت لهن >>>> ياواثق انت

,,, بس الحكم من اول مره ظلم واجحاف ....
موضوع هادف تسلمين عزيزتي ذكرياتي ...

الحاتميه
04-08-2010, 05:08 PM
في حياتي مواقف كثير ناس من تشوفني تحكم علي غلط و العكس كمان انا احيان اشوف ناس واحكم عليها
واكتشف اني غلطت .. وحاليآ اعز صديقاتي واقربهم لقلبي كانت اول تكهرني كره من تشوفني
بس من بعد ماعرفتني تغيرت نظرتهاا وصارت اعز صاحباتي ..