المساعد الشخصي الرقمي

مشاهدة النسخة كاملة : مواقفه محرجه ومضحكه للمتزوجين اول ايامهم هههههههههه


دلوعه من صغري
25-06-2010, 12:02 PM
هذي بعض المواقف المضحكه اتمنى انها تنول اعجابكم

أولاً
تقول الاخت زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وماقدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار ************ طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها هااشوفك منتي مشته يهوهي خلاص دوروها مسكينه ما تلقونها

ثالثاً
في وحده شعرها دايم يحتاجله سشوار مهو بناعم المهم السشواراخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على باله تزوج وحده ماهي صاحيه هههههههههههههههههه

رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه مير تطير الزيتونه وتصقع وجه الجرسون وهو ياخذ الطلب اتقام قال عنا في لبنان ناكل الزيتون بايدناعاد مير ما اسكت وأنثبر قلت غريبه حنا عنا بالسعوديه نصيدها بالشوكه وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامساً
وحده تقول انا متزوجه ولد عميو أول ما تزوجنا رحنا بريطانيا منها شهر عسل ومنها هو عنده دورهالمهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي تقوله و اختار والجرسون واقف عند راسي يحتريني اختار قالي زوجي تبين اساعدك بالاختيا رقلت ليش طايحه من عينك انا اعرف اختار المهم تقول اخترت طلب محطوط في اطار وحركات قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي تقول قالها طيب ابشري وهو يضحك ويوم جابوا الطلب هومكرونه وحركات وانا وجبة أطفال !!

سادساً
يقولون فيه وحده تستحي من زوجها بالمرة تضايق الزوج وكلمخواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي معه قالت ما أقدر المهم طولوا عليها بالكلام وفي مرة من المرات وهي معزوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

سابعاً
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغىدورة المياه احسن من كلمة الحمام تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول ياعيني على الاتيكيت

ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ...

المهم ... انا جالسه انتظره وكنت واقفه في الشارع واشوفه بعد كم سياره ... المهم جلست استناه يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ جلست على ألارض ما يشوف الا راسي من عند شباكي جالسه اناظره ولا اتحرك ..

وكان الشارع مليان رجاجيل وبنات واركب في السياره وهوميت من الضحك واجلس اصيح قلت ما تعرف تسمي علي !!

وأخيراًهذا الموقف قرأته بمجله .. وحدة تقول اول ما تزوجت طحت عندباب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفسالمكان قالها عمى ما تشوفين!http://www.bdr130.net/vb/images/smilies/love.gifhttp://www.bdr130.net/vb/images/smilies/love.gif


قصص مضحكة للزواج؟؟
تقول احداهن
في يوم زواجي عندما هممت بالخروج من بيت أهلي أردت خلع التاج حتى ألبس عباءتي فلم ينفسخ حاولت ولكن ما استطعت حاول زوجي أن يساعدني وليته ماحاول لقد(حاس التسريحة ونتف شعري وبعدين انفسخ وشعري صا ر شوشة منفوشة)

يانهارأسود.....
بعد الملكة كنت مرتبكة جد ا وعندنا أهل زوجي على العشاء بعد ما دخلوا فاجأتني أخته بأ نه ينتظرني عند الباب في السيارة لنخرج سويا,لم أكن مستعد ة حقيقة لانفسيا ولا فستانيا ,,,فقد كنت ألبس فستانا كبيرا.....ذهبت إلى غرفتي بسرعة وغيرت ملابسي ولبست عباءتي وخرجت...ركبت السيارة الوحيدة الواقفة أمام بيتنا ولم يكن موجودا حينها.....وانتظرت عشر دقائق...ولم يأت...قلت لايكون ينتظرني عند الباب الخلفي لبيتنا؟؟؟وفعلا خرجت إلى الباب الخلفي فإذا به جالس في السيارة....يانها ر أسود يعني كنت راكبة سيارة شخص مجهول !!!ولمدة عشر دقائق !!!!!!


توافق ولا لا....
وأخرى جاء زوجها يشوفها بعد الملكة....وأحضر معه هدية...وهي لب الموضوع ,الهدية عبارة عن بلوزة حلوة...النكتة...أنها كانت تلبس نفس البلوزة ونفس اللون!!!
وجلس العريس يضحك ومن بعدها....زالت الرهبة بينهم...

فيلم هندي .....
أما أنا بعد ما لبست ثوب الزفاف واستعد الناس للزفة اكتشفنا أن طقم الذهب نسيناه في البيت....وراحت أمي بسرعة للبيت حتى تحضره وتأخرت جدا...وكنت قد بكيت عدة مرات في ذلك اليوم من شدة التوتر وجاء هذا الموقف وكمل الناقص...وبعدين عملت مناحة على الكوشة لأني سأسكن في مدينة بعيدة وكان يوم زواجي فيلم هندي ..كل الجمهور بكو معي حتى اللي ما يعرفني...



شيبس بنكة البصل...
لما جاء زوجي ليراني في يوم الخطبة..طلب أبي مني أن أدخل عندة فرفضت بشدة ..لقد كنت مستحية وخايفة...فأصر فلأضطررت أعلل سبب رفضي قلت أنا توي ماكلة شيبس بنكة البصل ....قال أبي بغضب ليش وش ناوية تسوين ...ومت من الخجل....


يوم لاينسى.....
تقول كان زواجي بعد أيام من السهر وقلة النوم وعدم رغبة في الأكل من الهم وسافرنا في ليلة زواجنا إلى المدينة المنورة...ودخلنا الفندق.....قال لي زوجي لم يبق وقت لننام ....لننزل الحرم نتهجد إلىأن يؤذن الفجر ولا تفوتنا الصلاة ماقلت له شئ مستحيه ...المهم رحنا.....لما وصلنا الحرم مشي على الأقدام....طبعا ً قال خذي المفتاح إذ ا صلتي إرجعي وأنا سأجلس إلى شرو ق الشمس ...وبعد ماصليت طلعت أمشي وأمشي َيعت الفند ق ماا انتبهت له ولاإسمه!!!!!ولاأعرف منين رايحه ولامنين جايه وأبكي من قلبي , وراني الشرطي وأنا أشهق من البكا ء واييييييييي........وجلس يبحث ويدور معي إلى الظهر وفجأة....رأيته....عريس الغفلة وهو في حا لة الله يعلم بها و......وسقطت على الأرض مغمى علي.........ولم أصحو إلا اليوم الثا ني!!!!وكا ن يوم لاينسى.... .

أما موقف.....
تذكرت موقف صارلوحده في يوم عرسها.....كان عرسها في خيمة قرب البيت وكا نت مليئة بالمعازيم..والعروس في البيت تكمل زينتها...وبعدما انتهت وبدأت في المشي بدخول الخيمة...طفت الكهرباء....تخيلوا الجو كا ن صيفي يعني حررررر....
المسكينة أخذوها للبيت على أضواء الشموع....وما رجعت الكهرباء إلا في منتصف الليل بعد ما راح المعازيم, أما المكياج والتسريحة فحدث ولا حرج وعيونها من الدموع ماوقفت.........في النهاية عدت المسألة على خير ....والحمد

وهناك موقف أخير ومضحك جدا
وهو انه عندما دخل العريس على العروس ارتبك جدا ولم يدر ما يقول , فبقي عدة دقائق وزوجته امامه لم يقل شيئا لها ابدا . فاراد ان يقطع الصمت باي شيء, فسألها سؤالا ما اسم اخيك عبد الله ؟؟؟؟؟؟؟؟؟؟؟؟!!!!!!!!!!



مسروقه من النت :SnipeR (52):
هههههههه اتمنى تضحكوا

نانا
25-06-2010, 12:14 PM
هههه والله فشيله
ههههههههههه
الله يستر علينا حلوة دورة الحمام

دلوعه من صغري
25-06-2010, 12:42 PM
نورتي نانا

النايف
25-06-2010, 04:24 PM
هههههههههههههههههههههههه
يعطيك العافيه بجد قصص تضحك
تقبلي مروري المتواضع
تحياتي لك

ابونواف
25-06-2010, 08:31 PM
هههههههههههههههههههههههههه من جد ضحكت لين اوجعني بطني


حلووووووووووووه شيبس بنكه البصل

الحاتميه
26-06-2010, 02:19 AM
دلووعه يسلموو يا قلبي ... الله لا يحطني بها الموااقف ...

دلوعه من صغري
26-06-2010, 01:40 PM
هههههههههههههههههههههههه
يعطيك العافيه بجد قصص تضحك
تقبلي مروري المتواضع
تحياتي لك

الله يسلمك كذا خليك وسع صدرك

دلوعه من صغري
26-06-2010, 01:43 PM
هههههههههههههههههههههههههه من جد ضحكت لين اوجعني بطني


حلووووووووووووه شيبس بنكه البصل

دوم الضحكه عسى ما تعرف احد صار له الموقف ذا ههههههههههههه

منى الـروح
26-06-2010, 02:16 PM
ههههههههههههههههههههه

فديتج غلاي

وربي مواقف تفتس زحك

منى*_*

سلامة
26-06-2010, 03:08 PM
ههههههههههههههههههههه
مواقف رهيبه بصراحه
مشكووورة دلوعه