المساعد الشخصي الرقمي

مشاهدة النسخة كاملة : قصه طريفه


الراسيه
28-05-2010, 12:52 AM
http://alkhubr.net/vb/mwaextraedit4/extra/85.gif

http://upload.rashed-elmajed.com/up/uploads/images/rashed-b7ea398b73.jpg (http://upload.rashed-elmajed.com/up)

جلس ذلك الرجل على السرير الأبيض ...
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي أو إنه محترق أو أو أو ... إلخ
المهم جت الساعه 4 العصر وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
انتهى وقت الزياره
وأنقز له على طول ! وأتشافا له وأقوله عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه بغيت أعرف السر يعني ؟
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . حلمت اني في يوم القيامه ! وان الناس في مكان مثل موقف الباصات
باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف، وقف .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش
!هههههههه

القصة حقيقيه ... وحصلت لواحد كان منوم في مستشفى المجمعة العام

انتم قبل تنامون اقروا الاذكار وتعوذوا من الشيطان

وجهة نظر
28-05-2010, 02:27 AM
أستغفر الله العظيم ... شر البلية ... ما يضحك ...

والله مثل هالحوادث تصير كثير ... فيه شباب أعرفهم كانوا رايحين البحرين !!!

وقاعدين بالفندق يشربون بيره ... طبعاً هم ثلاثه ...

راح واحد منهم ... يجيب لهم عشاء من مطعم قريب للفندق ... في هالليله ناوين على الكبسه

طبعاً زميلهم اللي راح يجيب الكبسه كان لابس قميص وبنطلون يشبه لبس الشرطه بالسعوديه

في الوقت اللي راح فيه زميلهم للمطعم الأخوان الأثنين زادو العيار في شرب البيره

يوم دخل عليهم زميلهم يحسبونه شرطه ... وطبوالأثنين مع النافذه من الدور الثاني ... وصار فيهم كسور ..

أمّا الرجال اللي نايم بالبلكونه أكيد أنه يخاف الله ... والدليل أنه قال أنا من أهل الجنه

مشكووره أختي الراسيه على الموضوع ...

الراسيه
28-05-2010, 02:45 AM
ههههههههههههههههه قصتك حلوه بس اخونا هذا حلمان مو مثل الي راحو البحرين

بس الظاهر كل ربعنا ينسمون لما يغفون......

مشكور وجهة نظر على مرورك

غاْرديّـכּہاا
28-05-2010, 11:56 AM
هههههههههههه
هاذا موكنه مستشفئ التعليمي اللي بالخبر؟


هع
من جد شر البليه مايضحك
.."
هههههههههههه




الله يسعد قلبك يالراسيه
ع الفرفشه الحلؤؤؤؤؤؤؤؤهـ

الراسيه
28-05-2010, 01:37 PM
هههههههههههه
هاذا موكنه مستشفئ التعليمي اللي بالخبر؟


هع
من جد شر البليه مايضحك
.."
هههههههههههه




الله يسعد قلبك يالراسيه
ع الفرفشه الحلؤؤؤؤؤؤؤؤهـ


يسعد قلبك وروحك الحلوه مهاااوي

زين فضيتي شوي وجيتي تحوسين تردين خبري بك ماسكينك من علابيك بالضيافه ههههههههه

ابونواف
30-05-2010, 01:37 AM
ههههههههههههههههههههههههههههههههههه

الله يرج ابليسك مت ضحك

وقصه وجه نظر كماااااااان تموت ضحك

نبضات قلب
30-05-2010, 02:24 AM
والله يا راسيه قصه حلوه

بس مافكرتي يوم انك تنامين بالبلكونه يا راسيه خخخخخخخخ وتحلمين احلام سعيده , عادي ترى ممكن نزورك بالمستشفى ونطلع نضحك خخخخخخخخخخخخخخخخخخخخخخخخ

الشاص
30-05-2010, 10:14 AM
الله يستر من مثل هالاشياء الله يحفظنا جميعا مشكوره اختي الغاليه

الراسيه
30-05-2010, 03:42 PM
ههههههههههههههههههههههههههههههههههه

الله يرج ابليسك مت ضحك

وقصه وجه نظر كماااااااان تموت ضحك


يسعد قلبك ابو نوااف دوم الضحكه يارب ونورتنا

الراسيه
30-05-2010, 03:45 PM
والله يا راسيه قصه حلوه

بس مافكرتي يوم انك تنامين بالبلكونه يا راسيه خخخخخخخخ وتحلمين احلام سعيده , عادي ترى ممكن نزورك بالمستشفى ونطلع نضحك خخخخخخخخخخ

ههههههههههه علي انا احصن نفسي بالاذكار قبل انام
واقفل الابوب وبعدها ابلع المفاتيح ......:cheer:

الراسيه
30-05-2010, 03:48 PM
الله يستر من مثل هالاشياء الله يحفظنا جميعا مشكوره اختي الغاليه

اميين الله يحفظنا يارب خاصة من البلكونات ... الشاص جزاك الله خير

شاقي هواها
31-05-2010, 01:13 PM
ههههههههههههههههههههه حليله الحمد لله يات سليمه وبعدين كيف كان فاج الدريشه ماخاف حد يدش عليه ولا حشرات ولا هيك شي جد جد ضحكني


يعطيج العافيه لاهنتي الشيخه

نتريا يديدج

لا خلا ولا عدم

الراسيه
03-06-2010, 11:46 PM
ههههههههههههههههههههه حليله الحمد لله يات سليمه وبعدين كيف كان فاج الدريشه ماخاف حد يدش عليه ولا حشرات ولا هيك شي جد جد ضحكني


يعطيج العافيه لاهنتي الشيخه

نتريا يديدج

لا خلا ولا عدم


ومن قال سالم شاقي هواها نورتي صفحتي:icon33:

لحنّ الياسمين
08-06-2010, 09:28 PM
مشكورة اختي ع الموضوع

الراسيه
09-06-2010, 04:26 PM
مشكورة اختي ع الموضوع



ملاك منووره اختي............

سحر العيون
30-06-2010, 10:11 PM
ههههههههههههههههه
دا مستحيل
مش حاسس يعنى للدرجادى يقوم ويمشى ويرمى نفسه
لا ومش حس غير فى المستشفى
شكله مش بيحس ابدا
ههههههههههههههه
بجد حاجه تضحك
اتمنالك مزيد من التقدم يا قمرى

نانا
30-06-2010, 10:59 PM
ههههههههههههههههههههههههه
الله يرج ابليسكم على سوالفكم انتم الاثنين
هههههههههههههههههههههههههههههههههه
كل خوفي ان سريري تحت الطاقه وانا بعد في الدور الثاني بنام وانا لابسه براشوت الواحد مايضمن احلامه هذه الايام ككككككككككككككك يسعدلي قلوبكم

رقيق المشاعر123
31-08-2010, 05:48 AM
سلمت يداك وبارك الله فيك