المساعد الشخصي الرقمي

مشاهدة النسخة كاملة : مطر مطر مطر شوفوا المطر مطر مطر


هــــــــــــذا أنا
16-04-2010, 07:45 AM
كانت أجمل لحظات الطفوله مع المطر
وشلون؟
أقولكم وشلون يوم كنت صغيره أنا واخواني مره من المرات جاء
مطر وكان في برد يعني الثلج الصغير
وش سويت؟
طيب بقول ما في صبر لاحول:1no:
قمت أنا واخواني طلعنا الحوش وأخذنا جيك مويه وفسخنا ملابسنا ما علينا الا ملابسنا اللي جوه بالفانيله
لاتفهمون غلط كنا صغار
وصراخ وجنان مطر يمه (الله يرحمها) يمه تعالي شوفي المطر قالت أدخلو لا تتبللون وقمنا نغني أغنيه من تاليفنا مطر مطر مطر شوفوا المطر وقمنا نجمع البرد في الجيك ونقرش فيه ونطلع ألسنتا في الجو نستطعم المويه وآخرتنا يوم وقف
قنازعي تنقط مويه
وأخواني مشغولين بأستكشاف الطعم ويسالون يمه زينه المويه
قالت المغفورلها باذن الله ايه زينه من عند ربي والله يمه ونشرب وناكل وآخرتنا من اللعب والنطنطه دخنا وهي النومه
طولتها وهي قصيره سامحوني
هذي احلى قصصي مع المطر
بس ودي بشي
طلبتكم
طيب بقول
أبي أحلى وقت قضيتوه مع المطر
وسلامتكم يالغاليين

ابو ريما
16-04-2010, 08:39 AM
اولا يالبيك .. ولبى العفويه اللي تعرفينها .. واحب اللي يسدح موضوع مو مكرر ومقلد الغير ملينا من التكرار
الله يرحمها امك
..
بعلمك اكثر مرره فرحت فيها بالمطر .. او لايمكن انسى الموقف ..
كنت برحله استكشافيه مع احد الاقارب في ايام الصيف القااااحله لنفود الدهناء وكان الهوى يلعب بالرمل لعب
ونغرز ذيك التغريزه اللي تعبنا لما طلعناها لان السياره اللي معنا ثقيله مرره ..
جلسنا تقريبا 3 ساعات طبعا مافيه خوف من عطش او جوع او ضياع
بس الموضوع اننا تعبنا ومع الحر والشمس والهوا السموم اللي يشوي الوجه والرمل اللي يسوي لرجولك احلى صنفره .. وسبحان الله برغم انه مو موسم امطار الا انه يوم جاء العصر وتونا طالعين من الغراز ..
ونشوف سحابه قريبه مننا ومتجهه لنا .. ماتمينا حوالي ال20 دقيقه الا المطر فوق روسنا ومطر الصيف يجي معه اعاصير ( عواصف ) وانا من هبالي نزلت من السياره عشان اسوي مثلك فرحاان بالمطر عقب الحر
هو انا نزلت والا لا والبرد يصب فوق راسي وقريبي يقفل السياره يمزح معي دخلت تحت السياره عشان ما اتعور من البرد .. اتذكر انه يوم خف المطر طلعت وحطيت فوق راسي الطاسه ( الغظاره ) وكني بالجيش واسمع البرد الصغار ههههههه فوق راسي .. ذكرياات .. حلوه
طولت عليك .
تقبلي طمرتي .

نبضات قلب
16-04-2010, 04:25 PM
الله موضوع حلو كثير انا قبل لما كنت صغير كنت دايما لما ينزل المطر اروح برا بثيابي واوقف تحت المطر اطالعه وهو نازل من السماء شكله روعه وبالرغم من شكل البرق وصوت الرعد إلا انني كنت لا اكترث بكل ذلك والغريب اني كلما طالعت فوق للسماء وكنت ارى زخات المطر تسقط بلهفه بإتجاهي كنت ابتسم والان في عمري هذا وفي الامس بالتحديد خرجت اتمشى تحت زخات المطر غير مكترث بقوه الرياح وكثافه المطر حتى انني لما رجعت إلى غرفتي كنت غارقا بالماء من اعلى رأسي إلى اخمص قدمي

وجهة نظر
17-04-2010, 12:18 AM
نعم نفس الشيئ كنا نسوويه يوم كنا صغار

سلوكيات الطفوله المراهقه متشابهه

مشكوووره ذكرتيني بأيام الطفوله والبراءه

غاْرديّـכּہاا
17-04-2010, 01:09 AM
وووووواي ياحليلك يااذكريات الانين

ذكرتيني في اجمل ايام الطفوله

وحنا نلعب ونروح ولاعلينا

انا بالنسبه ليه يوم يطق المطر
نستاانس وصراخ انا واخواتي فرحانين فيه
ونطلع بالزراعه حقتناا ونبلل رجولناا كلهاا مويه
وكل وحده تكب علئ التانيه مويه

ونقعد نقوووول:طق طق
طق المطر كل العصافير اختفت بين الشجر




الله يسعدك يااارب
عااايشتيني اجمل لحظااااات في حيااااتي.. المطر


عوافي ع الطرح النايس..

الصارم
17-04-2010, 09:14 AM
مشكوره على طرحك الرائع
وذكرتينا بيام حلوه رغم اني ماتمتعت ابها زين
راحت طفولتي خساره
اه ليت الزمن يرجع
الله يعطيك العافيه

كومارو

صدى الاحساس
17-04-2010, 12:47 PM
ذكرياتي والانين

موضووووع رااائع وفعلا كنا نشعر بحلاوة الايام الممطره ونحن صغااار

واسأل الله ان يغفر لوالدتك واموات المسلمين

ويرحمنا جميعا

وتقبل مروووري

سهام العبد الله
18-04-2010, 06:05 AM
مشكوووووووره يا حياتو على الموضوع
مره حلو
ومختلف على قولة ابو ريما
انا ما اتذكر الا ان امي كانت تهاوشنا يوم ودنا نطلع نتمطر
نروح للشباابيك ونطلع رؤسنا ونتمطر
هههههههههه
ونقعد نتخاصم مين يطلع راسه بالاول
هههههههههههههههه
الله يسامحك يا امي لو كنتي تطلعينا كان فكيتينا من الزحمه
ههههههههههههههههههه

الله يحرم امهات المسلمين والمسلمات

ومشكوره غلاتي مره ثانيه

هــــــــــــذا أنا
18-04-2010, 01:55 PM
لا ما طولت أبو ريما بالعكس أستمتعت معك من لحظة ما غرزتو ا ههههههههه
مشكور اخوي ما قصرت

هــــــــــــذا أنا
18-04-2010, 01:58 PM
أنا متأكده يا علي أنها لحظات جميله وحميميه لك
مشكور أخوي تسلم

هــــــــــــذا أنا
18-04-2010, 02:00 PM
وش رايك وجهة نظر يوم تذكرت أكيد كانت أجمل الذكريات
تسلم أخوي

هــــــــــــذا أنا
18-04-2010, 02:04 PM
مشكور المها تذكرتي وأكيد قلتي ليته ترجع
بس لاتنسين أعزميني في المزرعه أبي أقعد في الخضار ههههههههه
تسلمين حبيبتي

هــــــــــــذا أنا
18-04-2010, 02:06 PM
مشكور كومار أتمنى تستمتع بأيامك الجايه
تحياتي

هــــــــــــذا أنا
18-04-2010, 02:08 PM
آمين ياصدى الأحساس
فعلا ذكريات حلوه
تحياتي لك

هــــــــــــذا أنا
18-04-2010, 02:11 PM
مشكوره سهام
تحياتي لك أهم شي لامستك
تحياتي حبيبتي

مـ الاحساس ـلك
19-04-2010, 03:17 AM
الله كانت ايام راائعه والله يرحم امك وكل المسلمين
تحياتي

هــــــــــــذا أنا
19-04-2010, 08:06 AM
الله كانت ايام راائعه والله يرحم امك وكل المسلمين
تحياتي
مشكور أخوي تشرفت بمعرفتك وأطلالتك في صفحتي المتواضعه

هاجس الذكرى
19-04-2010, 09:18 AM
ههههههههه

ياحلوها أيامك ومحلااا المطر على شوشتك انتي وأخوانك خخخخ آآآيه أيام

الله يرحم أمك ويسكنها فسيح جناته ,,

أما مغامرات المطرر كثيرر
وش أقول ووش أخلي

أمن أول لاجانا المطر

أول أغنيه نغنيهااا ( المطر جانا ,, رش معزانا ) خخخخ

أيام يوم كنا لاطاح ضرس الواحد قطه على الشمس وقال ياشمس هاك سن حمار عطيني سن عزال خخخخ عسى الله يعفا عنا

يعني منذ وقت من الازل

طبعاً المغامرات ,,
اللي يروح يدور له صفيحه << يعني بليوت خشب ,, واللي يسرق صحن الذبايح , واللي يسرق سطل أمه
تعرفون الفياض بتعبا وبيبدأ العرض ركووب الأمواااج ههههههه

والمغامرات كثيره ,, أخاف أجيبها كلها يصيبكم تخمه خخخخ

الموهم أن هالموووضوع تووحفه واللهي وذكرنا بأيام حلوه عشناهااا بمطرها ورعدها وسيولها

ذكرياتي
أبدعتي وربي

سهام العبد الله
19-04-2010, 03:20 PM
ههههههههه


أيام يوم كنا لاطاح ضرس الواحد قطه على الشمس وقال ياشمس هاك سن حمار عطيني سن عزال خخخخ عسى الله يعفا عنا

يعني منذ وقت من الازل




عجبتني الفكره
بس انا امي كانت تقول ارموه في الظهر
وما كنا نقول شي
انا سنوني لحد الحين ما طلعت
لا شفنا سنون غزال ولا حتى حمار
ههههههههههههههههههههههههههههههههههههههههههه
ههههههههههههههههههههههههه

هــــــــــــذا أنا
22-04-2010, 08:39 AM
هاجس الذكرى مشكور يالغالي وذكريات حلوه من لحظة المطر ومعزاناهههههههههههه
تحياتي

هــــــــــــذا أنا
22-04-2010, 08:40 AM
دخولك فرحه لاتوصف لصفحتي مشكوره سهام العبدالله
تحياتي

yasser4101
22-04-2010, 10:06 AM
هههههههههههههههههههههههههههههههههههههههه

اما ايام المطر في الطفوله ...!!!!!!!!!!!!!!!!!!!

شي عجيب عندي بعض المرات

جانا مطر في مره من المرات بعد ما امتلا الحوش عندنا جبنا شامبو ( الشعلان ) الاحمر <<<< قديم :)

وصبيناه وصرنا نزحلق من زود الطنخه على البلاط

ههههههههههههه بعدها رحنى تسبحنا بعد الاستمتاع بأجواء المطر والزحلقه وطلعت لنا مصيبه ...!!!!

لقينا البلاط مشطب الافخاذ عندنا وانواع التلوي والصياح

اذكر اني قعدت حوالي ست ايام ما قدرت اجلس ولا انبطح على الارض اما واقف ولا على جنب

عذااااااااااااااااب

موضوعك هذا رجعني لزمن الطفوله شكلي بسويها على السيراميك عندي في البيت :)

هــــــــــــذا أنا
23-04-2010, 05:46 AM
هههههههههههههههههههههههههههههههههههههههه

اما ايام المطر في الطفوله ...!!!!!!!!!!!!!!!!!!!

شي عجيب عندي بعض المرات

جانا مطر في مره من المرات بعد ما امتلا الحوش عندنا جبنا شامبو ( الشعلان ) الاحمر <<<< قديم :)

وصبيناه وصرنا نزحلق من زود الطنخه على البلاط

ههههههههههههه بعدها رحنى تسبحنا بعد الاستمتاع بأجواء المطر والزحلقه وطلعت لنا مصيبه ...!!!!

لقينا البلاط مشطب الافخاذ عندنا وانواع التلوي والصياح

اذكر اني قعدت حوالي ست ايام ما قدرت اجلس ولا انبطح على الارض اما واقف ولا على جنب

عذااااااااااااااااب

موضوعك هذا رجعني لزمن الطفوله شكلي بسويها على السيراميك عندي في البيت :)
أمتعتني بأيام ماضي الطفوله
مشكور أخوي لتشرفيك صفحتي
تحياتي

3ąŧЋβ
23-04-2010, 05:54 AM
الله يسقـــــــــــــــــي زمان اول

ايام المطر في الطفولة الى الان ايـــــــــــام حلوة

بس في الطفولة شيء ثاني مثل ما ذكرتي وذكر الاخوة في ردودهم

بس كنا نتعب بعدها من الامرااااض التي تجينا

(( بس كان كل شي يهون في سبيل الاستمتاع بالوقوف تحت المطر ))

وكنا نتهاااوش لما يجي معاااااااه حبات البرد كل واحد يبي يجمع اكثر من الثاني

هــــــــــــذا أنا
09-05-2010, 08:14 AM
مشكور عزيزي على تفاعلك معنا ومع المطر هههههههههه
تسلم اخي العزيز

فنانة تشكيلية
10-05-2010, 03:13 AM
هههههه موضوووع جنان اممم وربي فشلة اقول اللي صار ذكرياتي مع المطر حلوة نطلع ونطنط بالحوش بس يوم كبرنا وعقلنا<<<ماتوقع عقلنا
طق المطر فجأة وبغزارة تسان انا وخواتي نطمر الحوش ركض وسباق
المهم احم احم مسويه اني سريعة ابسبق خواتي تسان ازلق هذيك الزلقة اللي اتحدى الدعيع يسويها ههههههههههه وربي ماحسيت بحالي الا وانا منسدحة عالارض اطالع السما وخواتي انوااااااع الضحك خخخخ
المهم لاتعلمون احد

شـقـاؤؤي الفيصل
10-05-2010, 03:51 AM
يؤيؤيؤيؤ فضاااااااااااااااااااايح خخخخخخخخخخخخ
يؤم كنت :006:> اؤل ماسمع مطرر غزيررررررررررر يؤيؤ ماتشفؤن الا غبرتي هههههههههههههههههههههههههههههههههههه
مؤ بالحؤش لا بالشارع >>شفتؤ ؤين رحت تعرفؤن بالحاره ؤاحس الحاره لنا لا بيت عماني كلهم هنا مؤ كلهم بس 4 بيؤت ؤنسؤي تجمع من البزران ؤانؤع الهستره ؤكانؤؤ كلهم عيال مافي الا انا البنت اللي ؤسطهمممم :in_love: بس معطيني ع جؤؤؤي يحسبؤني ؤلد:Animation 3:
كنت طؤل الؤقت ؤحنا كذا نسمع مطرر:052: ماعندي تفاهم يمرؤني ؤياخذؤني ههههههههههههههههههههههههههههههههههههه
يلباااا ذيك المغامرات بسسسسسسسسسسس :Animation 14:

ذكرياتي ؤه بث لباااتس ؤ ع هيك طررح :icon33:

عناد البقمي
10-05-2010, 04:17 AM
ايام المطر الله بس انواع الوناسه والهستره ايام الطفوله

وانواع الرجه عندي وقت المطر تقول قروي اول مره يشوف مطر

انواع التزحلق بالحوش واكثر شي نحط شامبو عشان تجي للزحلقه

طعم بس اكثر شي اسرق سطل امي (طشت احمر ) ومن قو الزحلقه احيان

ما يردني غير الجدار حق البيت وانواع الرضوض بسبته قسم بالله ما ينتهي

المطر لا يديني ورجولي تقول كشكول من كثر الرضوض واذكر كان منا واحد

من عيال جارنا دب منتفخ بالحيل هذا كنا ما نفرق بين وجهه وركبته غير بالخشم والعيون

كان اكبر مأساه تصير لنا بالمطر خاصه اذا ركب في السطل وقال دفوني يا انه يصير عندنا شلل اطفال

وحنا ندفه نعنبو ابليسه رجله لحالها عن جسم واحد منا الله يذكره بالخير ...



ذكرياتي لا هنتي طال عمرك على هالموضوع الاكثر من رائع